كــــارهه الحجاب ودي أقــــطــه

[احـــ فراشةـــلى]

حبيبتي الحل
انج تهتمين بنفسج وتصيرين ستايل وكل شي بالحجاب
وعلى فكره ترى انا اختي تزوجت لما صار عمرها 30 وشكلها صغييره لانها تهتم بروحها وهم كانت ماتبي تتزوج تقول احس روحي صغيره

يعني مو اخر الدنيا؟؟؟ اكيد بيخطبج احد خصوصا انج ماتعتبرين مطلقه يعني عادي ملجه وبس

بس اهتمي بشكلج وروحي اماكن فيها حريم وعروس وان شاءالله تنخطبين

 

[ṦάЯỢηά ĚŁђĻώạ]

استغفر الله و اتوب اليك
الحجاب ستر و فرض من الله سبحانه .. مو هلاقة

ادري وعارفة بس انا من تحجبت صرت حددي هيلقية ومو مرتبة وشكثر تطنزوا علي لما تحجبت
عكس لما كنت مو متحجبة الكل يمدح فيني ويحبني
ودددي افضفض بهالمووضوع انا حيل تعقدت من الحجاااب بعد وان قلت احبه فانا جذااابة
لانه عمرري ما حبيته :eh_s(2): يا ما كتبت مواضيع عنه وعطوني البنات نصايح شكثر واثروا فيني جم يوم ورديت مثل قبل كرهته كل ما اسمع احد يقولي عن حجابي شي اكرها اكثر واكثر واللحين مستحييل احب حجاب ومادري ليش حااسة انه راح اييه يوم واقطة لاني مااعرف البسة وشكلي سيلااانية فيه وكاني خدااامة وحتى لبسي مال الحجاب وييييييع ملاابسي خاايسيين هيييلقية حدي ​

 

[سارونات]

حياتي ليش هامله روحج بالعكس انتي توج صغيره طلعي مع رفيجاتج او روحي سوق وغيري بلوكج صدقيني بتتغير نفستج من الداخل علي يوم من الايام روحي الصالون وصبغي شعرج او قصيه

 

[سارونات]

http://www.q8yat.com/t908229.html

حبوبه هاج هذا رابط موضوع عن ستايلات ملابس كشوخيه

 

[q8ya sh8ra]

حبوبه الحجاب قبل الحساب ومابقي من العمر اكثر من اللي فات

اللتزمي بحجابج والله يهديج ويريح بالج

 

[ṦάЯỢηά ĚŁђĻώạ]

http://www.q8yat.com/t908229.html

حبوبه هاج هذا رابط موضوع عن ستايلات ملابس كشوخيه

ما عجبني ستايلهم هلاقة انا ذوقي حيل صعب وما عندي ستايل معين ولا عندي ذوق باختيار ملابس المحجبات
ييبي لي سايت لملابس الغير محجباات واصير وحدة ثاانية يصير ذوقي حييييل حلوو ورااقي

 

[Pearl Qatar]

الشي الوحيد الزين في سالفتج " الحجاب "

لازم تحمدين رب العالمين وتشكرينه لانج لبستي الحجاب .. من تلوع جبده من الستر قوليلي ..؟

زوجج السابق انسيه وخليه يولي وماعليج من كلام الناس ,, عيشي حياتج ولاتحطين كل السبب على الشيله ,, لان الشيله والحجاب شي اساسي وواجب على كل مسلمه في العالم كله ومحد يخجل من دينه وعاداته وتقاليده ,,

الله يهديج حبيبتي ويستر عليج

 

[Pearl Qatar]

ولا تنسين يوم الدين ,, على كل شعره جمره ,,

 

[عادت ذكرياتي]

الله يثبتنا عالدين ويهدينا اجمعين ...

 

[Perfect J]

وااي
شلون اهلج يعايرونج بهالشي
المفروض يوقفون يمج ويهونوا عليج

بس عندي سؤال واتمنى تفكري فيه عدل

الحين اذا قطيتي الحجاب، تعتقدي

1- بيروح منج لقب المطلقة ؟؟
2- اهلج ما بيعايرونج ؟
3- حياتج بتتعدل يعني وبتصيرين اجتماعية ؟؟
4- بيجيج واحد يتقدملج عشان شعرج وهالسوالف ؟؟

كل المشاااااااااكل اللي انتي فيها مالها أي علاااقة بالحجاب

ويمكن هذا ابتلاء من ربج بيشوفج شلون بتتصرفين
هل بتجيبي اللوم ع الحجاب ولا لا

واعرفي ان المحجبة ولله الحمد لله محظوظة انها أرضت ربها

ولا تخلي هالمواضيع تأزمج
واعرفي ان الضربة اللي ما تذبح تقوي

تفاهمي مع اهلج والناس ان هذا طلاق بدون دخول
يعني انتي بنت ما فيج عيب واللي تقدملج هو المعيوب

شوفي شكثر بنات محجبات وويوههم منورة وتفتح النفس

واذا بتشيلي حجابج عشان الناس تشوفج ويمكن واحد يتقدملج
بيكوون ديوث وما عنده نخوة ان يرضى ع مرته تطلع بدون حجاب

والناس بتنقد علييييييييج اكثر
يعني بتزيدي الطين بله

راجعي نفسج عدل وشوفي الغلط وين وعلى مين بالضبط
ان شالله بتتعدل امورج

الله يفرج همج ويعوضج خير

 

[مس تسذآ]

يا حياتي حجابج ماله اي شغل بنفسيتج انتي قاعد توهمين نفسسج و الشيطان لاعب لعب بافكارج

تعوذي من الشيطان و انتي ماشاءالله مو صغيره , يعني واعيه و تعرفين الصح من الغلط ,

تدرين انه فرض و انه واجب عليج الحجاب هاذا اول شي

ثاني شي تدرين انه الزواج قسمه و نصيب و قوولي الحمدالله على كل حال و ياما شفنا حريم فوق 30 و تزوجوا

و عايشين احلا عيشه ,,

ترا نفسييتج انتي اللي قاعد تخربينها وله شدخل الحجاب بضييقتج و نفسيتج !!

انتي شكلج مكتئبه من حياتج و انه اخوانج متزوجين و انتي ليلحين

قولي الحمدالله ترا انتبي ما تدرين وين الخيره ,,

يمكن ربي باعد عنج شي اكبر صح وله لا ,,

بعدين سالفه انج بالدوام تحسين شكلج خايس بالحجاب !!

اعتقد المفروض تمشين و انتي رافعه راسج لانج سويتي اللي ربج يبييه مو اللي الناس و انتي تبونه !

الله يوفقج و يكتب لج الخير بالدنيا و الاخره .

 

[ولاء-وفاء]

والله تعبانه كلا نايمه وماودي اقعد من النوم

كارهه روحي كلا قاعده بروحي مالي نفس آكل ولا لي نفس اشوف احد

اللي قالت ضيعتي شبابج واحلى ايام عمرج كلامها قطع قلبي وبجتني :eh_s(2):

انا صج ضيعت شبابي كلا قاعده بروحي مثل المينونه

وماعندي صديقات ولا عندي اهل خالات وخوال وعمام مثل الاوادم

لان امي وابوي منفصلين مايحبونا

حتى علاقات مع شباب ماعندي هالسوالف وهالخرابيط

ترون اقسم بالله اني مارحت الايفينيوز ولا المارينا وسوق شرق الا مرتين بالكثير في حياتي

المطاعم مااعرفها بالدوام لما يسولفون عن المطاعم مااعرفها

انا ما اعرف الا بيتزا هوت وكنتاكي اللي يوصلون لي البيت

لا اطلع ولا اروح مكان الدوام غصب اروحله وكلا طبيات وغياب

ساعات ودي اروح سينما او اروح مطعم او سوق ودي وأحاول اطلع

من اللي انا فيه وودي اتغير بس وين اطلع بروحي سينما ولا مطعم

جربت رحت لدكتور نفسي بس مااستفت منه شي حسيت اني اضيع وقتي معاه

انا بس ابي منكم تدعولي تصدقون حتى ماعندي احد يدعيلي امي لاهيه مع خواتي ومشاكلهم موفاضيتلي

امس اتصلت على اختي قلتلها انا تعبانه ودي اشوفج حدي متضايقه ودي اكلمج

تقولي انا في بيت خالتي بعدين وقعدت انطرها مااتصلت

ادعولي الله يهديني ويثبتي قسما بالله بس ابيكم تدعولي تكفوووووون

ماعندي احد يدعيلي

 

[كويتيه فرنسيه]

مممممم والله دام انج ماتبين الحجاب خلاص قطيه

وترا وايد بنات سفور واخلاقهم عاليه يعني الانسان مو بالشكل

 

[كويتيه فرنسيه]

وليش وحيده تعرفي على رفايج واطلعي وياهم مطاعم وسينما

عيشي الحياه

ترا مو كل شي اهو الزواج في اشياء حلوه بالحياه

 

[ولاء-وفاء]

أول مادخلت المنتدى طلعي مربعات اخترت موافق ماادري شنو ماعرفت شسالفه !!

ووصلتني رسالة خاصه من soso-87

جزاج الله خير على كلامج مااقدر ارد عليج علشان مشاركاتي شويه

 

[أحلى البشر]

والله تعبانه كلا نايمه وماودي اقعد من النوم

كارهه روحي كلا قاعده بروحي مالي نفس آكل ولا لي نفس اشوف احد

اللي قالت ضيعتي شبابج واحلى ايام عمرج كلامها قطع قلبي وبجتني :eh_s(2):

انا صج ضيعت شبابي كلا قاعده بروحي مثل المينونه

وماعندي صديقات ولا عندي اهل خالات وخوال وعمام مثل الاوادم

لان امي وابوي منفصلين مايحبونا

حتى علاقات مع شباب ماعندي هالسوالف وهالخرابيط

ترون اقسم بالله اني مارحت الايفينيوز ولا المارينا وسوق شرق الا مرتين بالكثير في حياتي

المطاعم مااعرفها بالدوام لما يسولفون عن المطاعم مااعرفها

انا ما اعرف الا بيتزا هوت وكنتاكي اللي يوصلون لي البيت

لا اطلع ولا اروح مكان الدوام غصب اروحله وكلا طبيات وغياب

ساعات ودي اروح سينما او اروح مطعم او سوق ودي وأحاول اطلع

من اللي انا فيه وودي اتغير بس وين اطلع بروحي سينما ولا مطعم

جربت رحت لدكتور نفسي بس مااستفت منه شي حسيت اني اضيع وقتي معاه

انا بس ابي منكم تدعولي تصدقون حتى ماعندي احد يدعيلي امي لاهيه مع خواتي ومشاكلهم موفاضيتلي

امس اتصلت على اختي قلتلها انا تعبانه ودي اشوفج حدي متضايقه ودي اكلمج

تقولي انا في بيت خالتي بعدين وقعدت انطرها مااتصلت

ادعولي الله يهديني ويثبتي قسما بالله بس ابيكم تدعولي تكفوووووون

ماعندي احد يدعيلي

ياحياتي الله يفرج همج ويرزقج اللي يسعدج نصيحه دشي دورات مثل انجليزي ,, كمبيوتر,, دار القرآن ,, اي شي المهم لاتقعدين بضيقة الخلق هذي انتي لي طلعتي بتتعرفين على صديقات ويصير بينج وبينهم اتصالات وغشمره وطلعات وليش تقولين طبيب نفسي انتي مافيج الا العافيه اي انسان ينحط بنفس ضروفج بيضيق خلقه اكيد طلعي نفسج من هالدائره الممله والحزينه وطلعي مع امج تمشوا وسولفي معاها سوالف حلوه انسي الماضي لاتنكدين عمرج وتنكدينها معاج اهي اكيد تتضايق عليج وانتي ادعي ادعيلج ولها وصدقيني ربي بيفرج همج الله سبحانه قال ادعوني استجب لكم :eh_s(17): وانشالله تنزلين موضوع تطمنينا فيه عليج ,, الله يوفقج

 

[بولندية]

ادعي ربج يرزقج بالزوج الصالح وكثري من الدعاء و الصدقات و الاستغفاااااار و حافظي على صلاة الفجر بوقتهااا و الله يهديج و يرزقج

 

[غداً القاك]

الله يثبتك ..

 

[برينسيس ديانا]

انا اقولج لا دخلين الحجاب بالسالفه لان اي وحدة بتصادف مشكله بتقول من الحجاب و بتقطه
ليش ما تاخذين اجازة من شغلج يعني اسبوع او اسبوعين مادري بس يعني سافري فيهم غيري جوو روحي مكه تعمري
و اذا رديتي ماكو والله انا وحدة استانس اذا رحت الصالون اغير بشكلي روحي الصالون جربي تغيرين بشكلج قصي شعرج سويلج مساج اي شي يعني عيشي حياتج

 

[A5tsloom]

حبيبتي بارگ الله فيج الحجاب الله فرضا علينا يعني اكييد فيه شي يميزنا عن باقي النساء الي مو متحجبات
واذا انتي تقولين انج صرتي مو حتشمه بلبسج لييش ماتلبسين عبايه
والله انج راح تحسين براحه مو طبيعه اقبلي ع الله والله مارح يخليج
ومالج دخل بكلام الناس >>رضا الناس غايه لا تدرگ
حبيبتي راسليني ع الخاص ولو ماعليج امر