اليوم حابه انزل لكم افكار حق الاجتماعيات عشان خاطر العضوه ذكريات عشاق تستاهل كل خير
و كل ابلات الاجتماعيات يستاهلون بعد و اتمنى الفايده للجميع
ببتدي معاكم دفتر التحضير انا مادري شلون طريقتكم عمومن هي تختلف من توجيه لي اخر فبتالي بتكلم عن التغليف نفسه
انا عن نفسي اغلف دفتري بما يتناسب مع مادتي ادري ان ماله شغل بس انا احب افنتق حق نفسي خاصه ان دفتر تحضيري هو مرايتي للغير فبتالي احب ان يعكس عني و عن مادتي صوره حلوه
انا تخصصي اقتصاد منزلي فدايمن اغلف دفتري بشي يتناسب معتخصصي مثل اغلفه بخام مطرزته بيدي و حق هلكورس سويت قطعه حلوه و طرزتها بطريقه ذربه واااايد و ناويه اغلف الفايل و اراويكمياه و انشالله تعجبكم الفكره
حتى انتو نفس الشي كل وحده و حسب تخصصها طبعن التغليف يعتمد على مهارتج و ممكن تاخذين لج لفه في الصفحات الاولى من الموضوع و تشوفين طرق التغليف الي حطيتها و تطبقين بالبيت بصراحه مانصح بلي يغلفون بره لانه حرام غالي و ماراح تحسين بقيمته مثل ما انتي بتسوينه بيدج حتى لو مكان بسيط يكفي ان في لمساتج و ابداعج
معني يوم كنت بالميداني بصراحه ماشفت و لا ملف يفتح النفس كله مهمل و ملف اسود عادي و يضيق الخلق
في طريقه وايد حلوه انج تطبعين خريطة العالم بحجم a3 على شفيفه او على ورق و تشفينها لاكن انا افضل انها تكون برنت على شفيفه احلى
مثل اي صوره من هصور
و بعدين تغلفين الدفتر بلون ابيض او سماوي فاتح بس يكون التغليف ساده ممكن يكون اوراق ملونه مو مشكله و فوق التغليف الابيض تحطين الشفيفه و تضبطين تغليفها من داخل الدفتر راح تطلع وايد حلوا وحاولي تدورين صور احلى من جذي لو حبيتي لاكن بصراحه انا حبيت الفكره لانه بيكون تأثير الالوان حلو على بعضه
و ممكن تسوين مثل الفكره بستبدال الشفيفه
يعني تغلفين الدفتر بتغلييف الي انتي تبينه و بعدين تقصين المعالم مالت الخريطه و تلزقنها على واجهة دفتر التحضير بلزاق الدبل فيس بحيث تكون الخريطه بارزه عن الدفتر و ممكن تحطين دبل لزاق عشان تعطيج بروز اكثر
و ممكن بهطريقه تسوين التغليف سماوي ساده او ازرق مثل البرح و الخريطه بلون البني او الذهبي المايل على بني بحيث توحين ان الدفتر يعبر عن الكره الارضيه و سلامتكم
اتمنى تكون الفكره اوصلت لانه ماعندي صوره عنها بس بصراحه تخيلتها وراح تطلع حلوه
واحب انبهكم على شغله ابتعدي عن التغليف الي يوبر و الي يكون فيه ترتر ترى يفشلج اولا بيعلق بملابسج ثانيا بيتلفج و يتلف كل من يقعد معاج و يسلم عليج ثالثا بيفشلج مع الموجه و رئسة قشمج و ضيوفج لانه بصير ايدهم و ويهم و ملابسهم كل ترتر منج فديري بالج من هشغله
