كل يوم في بلد وانتي في مكانج(تقارير مصورة منقووولة)

[دلوعة أبوي**]

المطاعم العربيه منتشره ، والكتابه بالعربيه شي ملفت

لايمكن أثق فيهم

الشيشه


الصراحه لفتت نظري واستغربتها ، واستغربت انه نسبه كبيره من الانجليز يشيشون وحليلهم الانجليز ،

ماجذب اللي سماه شارع العرب












شارع أكسفورد


في هذاك الشارع عقب الاشاره أييكم شارع أكسفورد
عقب بعطيكم صور أكثر عنه في الاجزاء اليايه

اول ماتلفون يسار وقبل ماتمشون في شارع أكسفورد أتيكم محطة الاندر جراوند ( ماربل آرش )

 

[دلوعة أبوي**]

عقب المحطه شارع اكسفورد

فندق ثيستل وقصتي معاه

كان اول فندق فكرت اني اسكنه هو ثيستل ، وعقب غيرنا رآينا لما شفنا في موقع بوكينج فندق ذا مونتيكولم فندقنا اللي سكنا فيه ..
لما سرت لندن كنت حاطه في بالي انه فندق ثيستل عدال كمبرلاند او مجابلنه ، وكل يوم لما أطلعه ادوره بعيوني وما أشوفه
مستغربه اني قاريه انه قريب وما أشوفه ، والغريبه اني نسيت أسأل حد عنه ..
لين عقب نسيته وماقمت أدوره بعد مايأست أحصله ..


وفي اليوم القبل الاخير ليلة اللي بنسافر فيها ، وانا راده من السوق سايره الفندق منهكه من التسوق


شفته


كان موجود في شارع اكسفورد بين المحلات ، الصراحه موقعه عجيــــــــــب
القهر اني كنت شاله وايد اكياس وتعبانه وابا أرد الفندق
مستعيله عشان الحق ارتب الشنط ، وما قدرت أدخله واتفرج عليه واشوفه اذا يستاهل أسكن فيه في المستقبل ولا لأ





اتمنى انكم استمتعوا وأنتوا تمشون ويايه في هذا الجو اللي يجنن في أهم شوارع لندن..


ولأنكم ماتهونون عليه ، شورايكم اوديكم ..


كافيهات ومطاعم لندن في ..
الجزء الخامس ​

 

[om_7sin]

واااو صرااحة استمتعت وااايد كمليييي

 

[دلوعة أبوي**]

الجزء الخامس..
مطاعم وكافيهات لندن

أونه اليوم سرت برقد بدري ، ولكن للأسف مارضى النوم اييني وتعبت من كثر ما يلس تفكيري يوديني شرق وغرب
وعقب قلت ياهداوه ماشي فايده قومي ونزلي التقرير بدال هالتفكير اللي مامنه فايده ...
يعني أنا سهرانه ويا السهرانين

صباح الخير

مطاعم وكافيهات مجربه ..


اليوم بنتكلم عن أغلب المطاعم والكافيهات اللي جربتهم في المدة اللي قضيتها في لندن ، ورأيي فيها وبعض المواقف اللي مريت فيها ..


يالا نبدأ ..


أولا : بوفيه الريوق في فندقنا مونتكولم ...




موجود في الطابق السادس ( تأكدت من بنت خالتي )
وماندخله الا ببطاقة الغرفه
التنوع فيه قليل بس حق أول مره حلو ، بس حق كل يوم يصير ممل ومب حلو
المكان الخاص بالريوق والخاص بالكلب روم ، ماعجبني حسيته ضيج ، وهو مثل ممر طويل فيه جلسات وحاطين كم كمبيوتر
ولأنه المكان ضيج فالرمسه تنسمع وانا وبنت خالتي رغي مانسكت

 

[دلوعة أبوي**]

اول ماوصلنا فندقنا لاحظت انه في طابقنا
في سله فيها تفاح أحمر ، وفي كل طابق اول مانطلع من اللفت نشوف جدامنا طاوله عليها سله فيها تفاح أحمر، وحتى ع طاولة الرسبشن ..
في البدايه فكرت انه نوع من الديكور ، وعقب بسرعه فهمت انه ضيافه للنزلاء ..
أول يوم ما اهتميت لأنه شبعانه من شوفت التفاح دوم عندنا وماناكله
ثاني يوم أطوف جدامه
وماعبرته يادوب عطيته نظره ، واعلق عليه

ثالث يوم الاحظ انه السله اوقات ماتكون مليانه ، يعني كل اللي طايف ياخذ وحده ، قلت يالا ياهداوه خذيلج وحد بعد

خذيتها وفريتها ع الطاوله في غرفتي وهاذاك اليوم بالليل حسيت نفسي يوعانه فشفت التفاحه جدامي

قمت وغسلتها وكليتها ، اممممممممممم ما الذها

ماتوقعتها لذيذه

شو هالسقم اللي يبيعونه عندنا في البلاد ، هذا التفاح ولا بلاش

ومن يومها ، وانا نازله وأنا داخله آخذ تفاحه وآكلها بدون
غسيل لأني أتوقع انها مغسوله وجاهزه للأكل ..
ومره وانا راده شفت سلتنا فيها تفاحه وحده وماكانت حلوه

ومابتصدقون لفيت يمكن 3 طوابق أدور السله اللي فيها تفاح واخترت الغاويه

والحين خاطري في تفاح لندن

* من يومين دخل بوعيسى الغرفه وشاف تفاحه مأكول منها شوي ، فسألني :
منو ماكل هاي التفاحه وتركها
قلتها انا وهاي تسميها تفاحه هاي بلاستيك ، لاطعم ولا لذه فيها

آآه ع تفاح لندن حتى تفاحج غير

ماعرفت اني آكل تفاح الا يوم تذوقته هناك ..​

 

[دلوعة أبوي**]

ثانيا : كوفي ومطعم في شارعنا وقريب من فندقنا

دخلته مره وبغيت أجرب ريوقهم ، وعقب ماصورت ويلست أشوف المنيو ، طلبت بيض اومليت
الموظفه كانت نفسها خايسه ، وقالت ما ادري اذا متوفر ، دخلت المطبخ ورجعت قالت اذا تبين بيض في نوع ثاني
استغربت منها وقلتلها الشيف اللي بيسوي هذاك البيض يسوي هذا البيض شو الفرق

فأعتذرت انه هذا الموجود
الصراحه انقهرت منها وعقب قلت في خاطري ليش آكل في مكان أنا ممرتاحه فيه..
وبعدين انا اصلا في خاطري فول بيروت اكسبرس وكنت متكاسله اسير هالمشوار ، وهذا كان في صباح اليوم اللي بنرد فيه البلاد
فقمت وطلعت عنهم وكلت أحلى ساندويش بيض وساندوويش فول من عند بيروت أكسربس

ثالثا: مطعم بريت

وهو في آخر الشارع عقب مانطلع من فندقنا ..
دخلته مره وسألته عن انواع من الساندويشات سبق قريت عنها ، بس قاللي ماعندي ، وكان عنده في الثلاجه ساندويشات
جاهزه وبارده ويسخنونها وماشجعتني أحب الطازج
رغم انه الكثير يمدحه ويشكر في أكله ، بس ما أدري أنا مره خذيت عنه الصراحه نسيت شو طلبي بس يومها ماعجبني وحسيته
دسم وثقل ع معدتي ومنها ماعدته

رابعا : مطعم هندي :

اسمه

وهو قريب من فندقنا
وهو في آخر الشارع المقابل لمدخل فندق ثستل على ناصية الشارع وهو باللون الابيض
سبق اني قريت عنه ومامدحوه
وبنت خالتي كان خاطرها تجربه
ومره لما بغينا نسيرله لقيناه مسكر ، ومره انا كنت أتسوق في سلفريدجز اتصلت فيني بنت خالتي وقالتلي
تعالي المطعم الهندي لقيناه فاتح
وقتها انا اهم شي عندي التسوق
قلتلها بالعافيه عليكم أنا بكمل هنيه ما أقدر آييكم ، ووصيتها تصور للمنتدى
وعقب خبرتني انه ماعجبهم أكله وغالي
قلت الحمدالله مافاتني شي

 

[om_7sin]

واااو حلمي اسافر بدون يهال ولازوج

 

[دلوعة أبوي**]

خامسا : مطاعم في شارع العرب جربتهم

*مطعم بيروت اكسبرس

تريقت فيه مرتين والصراحه وايد لذيذ ريوقهم
وحلاته الصبح وع صوت فيروز والجو مغيم ، رهيـــــــــــب ..


بعطيكم بعض الاسعار عشان تاخذون فكره ..
سندويش فول 3 باوند
سندويش فلافل 3 باوند
عصير برتقال 2,5 باوند

 

[دلوعة أبوي**]

*رنوش

هذا دخلناه مره وهو مثل كافتيريا ويومها طلبنا شاورما لحم ودجاج وعصاير واكله حلو وعجبنا بس ماكررناه..
​

من المطاعم والكافيهات

 

[دلوعة أبوي**]

*ماروش

وهو مطعم لبناني وكبير ، ودايما عندهم اقبال ، وخدمتهم ممتازه وأكله حلو ، وكلينا فيه كم مره



بعطيكم أسعار وشو كلينا من عنده في مره من المرات
حمص = 5 باوند
تبوله = 5,25 باوند
شوربة عدس عدد 2 = 9 باوند
3 ساندويش دجاج = 13,50 باوند
صحن كفته مشويه = 13,95 باوند
2 عصير برتقال طازج = 7 باوند
ماي صغير = 1,50 باوند
الاجمالي = 55,20 باوند


موقعهم الاكتروني ..


http://www.maroush.com/

*** ماروش ورانوش وبيروت أكسبرس أعتقد كلهم شركه وحده ، ولهم فروع في مناطق متنوعه من لندن




*مطعم المسقوف العراقي :
جنني هذا المطعم وأنا أدوره

صديقتي وصفتلي المكان ، وبعد في المنتدى خبروني عنه ، ودورته حسب الوصف وماحصلته
يعني ينطبق عليه زنقه زنقه وأنا أدوره ، عقب يأست منه

​

 

[دلوعة أبوي**]

*مطاعم موجوده وماجربتها

الحين تصبحون ع خير ، وباجر بكمل الجزء الخامس من المطاعم والكافيهات
​

 

[دلوعة أبوي**]

نتابع الجزء الخامس ..
مطاعم وكفيهات في لندن

سادسا : كوفي في الهايد بارك




كوفي مطل ع البحيره في الهايد بارك ن ويقدم وجبات وعصاير
يلست فيه مره وحده ، وشربت كابتشينو واليلسه فيه مع هذا الجو ومع الحمام روووووووعه ، يجنن
وااااايد استمتعت في هذا اليوم وما اذكر شكثر تميت
وهي هاي المره الوحيده اللي دخلت فيها الهايدارك في هاي السفره

تفضلوا
سويت حرفي ع الرغوه

شوفوا الحمام كيف حواليه مب خايفين

شوفوا الاجواء كيف تخبل ورومانسيه أوي ..
ردوني

سابعا : مطاعم وكافيهات وغيره جربتها في شارع أكسفورد




*مطعم هندي في سيلفردج

نسيت في اي طابق بس اكله لذيذ وخصوصا الدوسا بالبطاطس ، يم يمي وكلت فيه مرتين
وع فكره هو صاير مثل مجمع مطاعم ومن بينهم الهندي ، يعني تاخذون أكل من الهندي أو غيره ، والمشروبات وعقب تدفعون عند الكاشير


نبذه عن أسعار
دجاج برياني = 10,50 باوند
مسالا دوسا = 8,25 باوند



دوساا

 

[دلوعة أبوي**]

*بيور وافل ..

الشارع المقابل لسيلفردج في محل رياضه
أديداس مب الاولي ، اللي عقبه لأنه في اثنين أديداس لفي اللفه اللي عنده بتحصلون محل وافل


جربته مرتين ولاتزعلون مني ماعجبني وايد
كان حلو بس مب لذيذ
وكان قريب من محل وافل كشك يبيع وافل ، وعليه اقبال وتندمت اني ماجربته
أحلى وافل ذقته كان في فندق الياس روتانا في بوظبي ع الريوق ، تخبلنا عليه وكل شوي نطلب ، لذيذ

هذا طلبي

* مطعم بيلا عدال بيور وافل


بعد دخلته مره وما أدري ليش غيرت رأيي وطلعت ، يمكن المطعم صغير من الداخل ، المهم يلست وطلعت

*كوكيز
موقعه قبل أو عقب بيور وافل
يبيع انواع من الكوكيز ، وبنت خالتي كان وايد عاجبنها وانا ذقته وعجبني
وممكن تسون طلبيه لو حبيتوا وتاخذون منه هدايا ، ويحطونه لكم في علب حمراء وتختارون الحجم اللي تبونه ..

* كنتاكي


موجود عدال محطة ماربل آرش ، مره اشتهت نفسي الكنتاكي وكنت راده من برع تعبانه ، فخذيت منهم تيك أوي ، وبعد ماكلته ثقل ع معدتي وماعجبني

​

 

[دلوعة أبوي**]

ثامنا : مطعم ايطالي في هارودز

مطعم ايطالي واسمه بزاريا وجربته وفعلا أكله لذيذ


نبذه عن أسعارهم
بيتزا مارغريتا = 15,50 باوند
بيتزا بالخضار = 19,95 باوند
باستا بصوص الكريمه والمشروم ( هذا طلبي ) = 18,95 باوند
عصير برتقال طازج عدد 2 الواحد = 5,5 باوند
كولا = 4,25 باوند
سلطه = 7,65 باوند
الاجمالي = 77,30 باوند

هذا طلبي

*لادورييه


موجود في هارودز جزء من ياي داخل هارودز وجزء من الخارج ، يعني تقدرون تدخلونه من الصوبين
دخلته في ثالث يوم لما سرنا هارودز ، وكنت أبا أطلب لعيالي ماكرون بالبستاشيو ، ولكن خبروني انه له مده معينه اعتقد 4 ايام ، ونصحوني أطلبه قبل سفرنا بيوم ، وقلت برجع وبطلب مره ثانيه ، لكن ماسمحت الظروف لضيق الوقت وظل في خاطري انه ما اشتريته لعيالي

تاسعا : مطعم ايطالي في الكوفنت جاردن

سرنا مره الكوفنت جاردن ووقتها كنا يوعانين عشان ماتغدينا ، فدخلنا مطعم ايطالي لقيناه مزدحم وطلبنا بيتزا واظن باستا بس الصراحه ماعجبنا أكله

عاشرا : شاي العصر في فندق دوشستار

بنت خالتي كانت سامعه عن يلسته وأكله وكان خاطرها تجربه ، وحجزنا من فندقنا عندهم واعتقد مايحتاج حجز ، وسرناله مره العصر
وتيلسنا فيه انا وهي وحلينا وشربنا شاي العصر ،وكانت يلسه هاديه ، ريلكس ، واخترنا اليوم اللي سرنا نتسوق فيه في هارودز ن يعني
مثل استراحه خلينا اكياسنا ومشترياتنا في هارودز وسرنا بالتكسي الفندق وعقب ردينا هارودز كملنا تسوق

ونحن في الطريج بالتاكسي

 

[دلوعة أبوي**]

جوله في الفندق

عزكم الله ونحن سايرين الحمام

أنا شاك قلبي انه من هالبشاكير اللي شاردات في لندن

أهلي شارده عنهم وحده ، وصديقتي بعد

طلباتنا

أذكر اجمالي طلباتنا طلعت بـ 50 باوند

أخيرا : مطعم ايطالي في الاولت ليت


اليوم اللي سرنا فيه الاوت ليت ، اخترنا فيه مطعم ايطالي وتغدينا فيه وكان أكله جيد ..

 

[دلوعة أبوي**]

هاي تقريبا كل المطاعم اللي جربيتها في هذا الاسبوع ، ولأنه وقتنا قصير ماقدرت أتخير المطاعم اللي اقترحوها الاعضاء
كنا لما نيوع ندور في المكان اللي نحن فيه أي مطعم مناسب
ولو كانت المده أطول كنا أكيد تخيرنا مطاعم وتعنينا لها ...

عقب ما أكلتكم ، اكيد حاسين بثقله ، شو رايكم امشيكم عشان تهضمون وآخذكم ويايه في جولة في الجزء السادس ..


السياحه في لندن​

 

[دلوعة أبوي**]

مطاعم هنديه

1_ أسمه ...


Memories of India
( Tandoori Restaurant )


-< عنوانه :
Gloucester Road 18 , SW7


-< رقم المطعم ..


Tel : 020 7589 6450 / 75813734

2- أسمه ..


Khan's of Kensington


-< عنوانه :


Harrington Road 3, SW7


( South Kensington Tube Statin)



-< للحجز..


Reservations: 020 7584 4114


Tel : 020 7581 2900

3- أسمه..


Chowki


-< عنوانه ..


Denman Street 2-3


London W1D 7HA





-< رقم المطعم..


Tel : 020 7439 1330



- <الموقع الإلكتروني ..


www.chowki.com







4- أسمه ..


Little India


( Home-Style Indian Cooking )


<- عنوانه ..


Gloucester Road 32, SW7



رقم المطعم <-


: Tel : 020 7584 3476

5- أسمه ..


Golden Shalimar


-<عنوانه .


Spring Street 6
Paddington
London W2 3RA


-< رقم المطعم :


Tel : 020-726-3763 / 020-7402-8163



<- الموقع الإلكتروني :



www.goldenshalimar.co.uk

6- أسمه...


Mela


<- عنوانه :


Shaftesbury Avenue 152-156
London WC2H 8HL




-< رقم المطعم :


Tel : 020 7836 8635

مطاعم إيطاليه

1- أسمه ..


The Patisserie


-< عنوانه :


Directly Opposite Gloucester Road
Tube Station

2- أسمه ..



Ponti's


<- عنوانه ..


Duke Street Mayfair 54
London W1K 6JX


-< رقم المطعم ...


: Tel : 020 7629 3174



-< الموقع الإلكتروني :


Ponti's - Home - London Restaurants and Caffes

مطاعم أخرى

1- اسمه :
Dino's Restaurant


<- عنوانه
Earl's Court Road
عمره 50 سنه


-< رقم المطعم :
Tel : 020 7373 3767

2- اسمه :


The Original Pancake House


<- عنوانه :


Holborn – Chelsea – Kensigton

3- اسمه :


Rainforest Cafe


-< عنوانه :


Shaftesbury Avenue 20
Piccadilly Circus
London W1D 7EU


-< رقم المطعم :


Tel : 020 7434 3111



<-الموقع الإلكتروني :


www.therainforestcafe.co.uk

سياحتي في لندن ( الجزء الأول )

1- الهايدبارك

Hyde Park




كل يوم اأجل سيرتي للهايدبارك وقبل مانرد بيوم قررت اسير بروحي لأنه بنت خالتي كانت حابه تسير جوله بحريه
وأنا كنت ابا اسير السلفريدج أكمل تسوقي ، ولأنه يوم الاحد فالسوق يفتح الساعه 12 ويسكر 6
تريقت مع بنت خالتي في بوفيه الفندق وعقب سرت اتمشى للهايدبارك ، ويامحلات هذا اليوم

 

[دلوعة أبوي**]

كان الجو يجنن ، رووووووووووووووووووعه وكلمة روعه قليله عليه

احيانا الواحد يحتاج يتمشى بروحه مع نفسه
يتأمل يفكر في الاشياء الحلوه
واأكد عليكم اذا كنتوا في مكان جميل والجو حلو لاتتذكرون غير الاشياء الجميله

استغلوا هاي اللحظات انه تبعدون تفكيركم عن اي شي يعكرمزاجكم

تمشيت وتمشيت ، وحسيت نفسي مثل الطفله فرحانه سعيده طايره كأني في عالم بروحي خاليه من الهموم والضغوط والمشاكل ..


حلوه هاي اللحظات اللي عشتها
أمشي في الهايد بارك ومب عارفه وين سايره مجرد امشي واشوف الناس حواليه

اللي يمارس رياضة الجري

واللي يلعبون كره

واللي يتمشى مثلي

واللي يركب حصان

وللي ياي يمشي جلبه ( كلبه )

صار لي موقف وياهالجلب ...

شفت ريال كبير في العمر عنده جلب صغير كيووووت ، وانا بطبعي ما احب الجلاب

بس هذا حبيته
في البدايه خفت منه لما تقرب مني ، بس عقب عرفت انه يلعب ومابيسويلي شي ، قلت للشيبه صورني وياجلبك ، فرح الشيبه ماصدق


علمته كيف يصورني ، ووقفت انادي الجلب عشان ايي صوبي وحاولت ايلس شوي ع ريولي


الجلب يتقرب مني شوي وعقب يشرد مب راضي أييني


وانا كنت ابا اكون قريبه منه بدون ما المسه ، بس من كثر ماجنني اشتهيت اشله

بس مارضى تعب الشيبه ونحن نحاول نقربه مني وهو مب طايع
والشيبه يكلمه ويوقوله ايي عدالي ، وهو ابدا
وعقب فتره تقرب شوي وصورني الشيبه بسرعه

، انا قلت في خاطري
آخر شي الشيبه بيفر الكيمرا في ويهي ، بس زين اتحملني وكان سعيد
شكرته وكملت جولتي

وأنا أمشي شفت هاي الورقه

وتذكرت كم عضو ومنهم صديقتي مصورينها صور فنيه فقلت انا بعد بصورها

بس عاد ورقتي يابسه ههههههه
وهنيه انضمت ويا ربعها ، أونه صوره فنيه ،مول مايخصه ..

كملت مشي


شفت هذا واقف وشكله بيرمس، أظن هذا اللي يسمونه
سبيكر كورنر

 

[دلوعة أبوي**]

وكملت مشي


ماعرفت شو هذا المبنى ؟

شفت هالريال وذكرني بالمجرمين اللي نشوفهم في الافلام ، وياجلبه أعوذ بالله وايد يزيغ


صورته من بعيد

بصراحه لو مب الناس حواليه جان مت من الزيغه(الخوف)

​

 

[دلوعة أبوي**]

2- تبديل الحرس الملكي قصر باكينجهام
Buckingham Palace

The Royal Collection - Welcome to the Royal Collection homepage


معلومات من موقع ويكيبيديا

هو أحد القصور الملكية للأسرة الحاكمة في بريطانيا.
يستخدم هذا القصر للإستقبالات والمناسبات الملكية كما إنه من أهم المعالم السياحية في بريطانيا، كان أيضاً الجامع للبريطانيين في أيام المحن .​

في الأساس كان يعرف ببيت باكنجهام وهو اليوم يشكل نواة القصر الذي شُيد لدوق باكنجهام (جون شيفيلد John Sheffield) عام 1705 ومن ثم انتقل لملكية الملك جورج الثالث عام 1761 كمقر سكن خاص لزوجته الملكة تشارلوت Queen Charlotte وعرف حينها ببيت الملكة Queen`s House.
على مدى 75 عاماً تم توسيع هذا القصر على يد المهندسين جون ناش وإدوارد بلور ليشمل ثلاثة أجنحة. وفي عام 1838 وبعد تتويج الملكة فكتوريا أصبح المقر الرسمي لملكة بريطانيا.
في أواخر القرن التاسع عشر تم القيام بعدة ترميمات وتوسيعات كبرى للقصر تواصلت حتى مطلع القرن العشرين.
هذا القصر يضم أكبر حديقة خاصة في بريطانيا من تصميم كابابيليتي برون وأعاد تصميمها كل من وليم أيةٌ وجون نش، كما تضم بحيرة إكتمل العمل بها عام 1828 وزودت بالمياه من بحيرة سربينتن.​

حالياً القصر تسكنه الملكة اليزابيث الثانية وأفراد العائلة الملكية الحاكمة ويزوره أكثر من 50 ألف شخص، وبذلك يكون من أكثر القصور شهرة .
يحتوي القصر الذي يقع في مركز العاصمة لندن على 775 حجرة و19 جناحا، و52 حجرة لأفراد الأسرة الحاكمة وضيوفهم، و188 حجرة.

​

الصراحه انا ماعندي معلومات كثيره عن تبديل الحرس ، بس أذكر قريت عنه في تقرير الغاليه قطريه كول
ولما سرت هناك ، خبرني الموظف في أول يوم وصلنا فيه انه باجر بيكون تبديل الحرس الملكي ، وحسب كلامه انه هذا التبديل
يصير مرتين في الشهر (ممتأكده من هاي المعلومه )، ويكون ضمن مواعيد محدده ووقت محدد وبطقوس معينه
وخبرنا انه التبديل بيكون الساعه 12 او 11 ونص نسيت الوقت ، بس يومها قمنا وتريقنا وجهزنا عمارنا ووصلنا تقريبا في الوقت المحدد
ولكن تأخروا في العرض ، وكان فيه تجمع كبير من الناس
في رأيي الشخصي مايستاهل العنوه.​

العنوان

من محطة الماربل آرش ركبنا الاندر جراوند الى محطة هايد بارك كورنر ، ونزلنا في المحطه وعقب مشينا مسافه لين وصلنا عدال القصر
والقصر حواليه كله حدائق ، بس للأسف من كثر ماتعبنا من الوقفه ما استكشفنا الحدائق زين ، وتمشينا في حديقه وحده فيها بحيره

بخبركم عنها عقب هذا الجزء

​

​