كل يوم في بلد وانتي في مكانج(تقارير مصورة منقووولة)

[دلوعة أبوي**]

​

 

[دلوعة أبوي**]

3- حديقة St.James,s Park

​

http://www.royalparks.gov.uk/St-Jamess-Park.aspx​

زرناها في زياره خاطفه ، عقب ماحضرنا تبديل الحرس الملكي
وتمشينا فيها واشترينا مشروبات من الكشك اللي هناك​

​

وتيلسنا ع الكراسي اللي مجابله البحيره والبط ، وعقبها طلعنا شارع أكسفورد للتسوق

​

​

كانت تبين عين لندن من الحديقه​

​

​

​

​

​

​

​

​

​

​

​

​

​

​

​

هاي المحطه اللي دخلناها ورجعنا لفريجنا نتسوق في شارع اكسفورد​

الحديقه حليوه ، بس أكثر استانست في الهايد بارك
والجو يلعب يدور كبير في أحساسك بالراحه والمتعه في المكان
واليوم اللي كنت في الهايدبارك ، كان الجو يجنن ، والمساحات الخضرا فيها كبيره ، ومافيها زحمه وايد ...

​

 

[دلوعة أبوي**]

4-كوفنت قاردن coventgarden





Covent Garden London : Online Magazine : Events, Restaurants & Bars, Shopping, Entertainment, History, Map


ركبنا الاندرجراوند من محطتنا الماربل آرش ، الى كوفنت جاردن


نزلنا وشفنا المكان مزحوم وفيه محلات ومطاعم وعروض في الشارع ، بس اول ماوصلنا كنا يوعانين وع طول دخلنا المطعم التعيس اللي خبرتكم
عنه وعقب ماخلصنا صارلنا ظرف خاص واضطرينا نطلع وما استكشفناه

عروض حيه

 

[دلوعة أبوي**]

5 - رحله بالباص السياحي
Orignal Bus Tour

http://www.theoriginaltour.com/

حجزنا تذاكر الباص السياحي من فندقنا ، وطلعت علينا التذكره بـ 25 باوند للشخص ، وخبرنا الموظف انه عليها عرض
* انه نقدر نستخدمها يومين
* وجوله نهريه مجانيه ..

الباص له عدة مسارات ، وكل مسار ياخذك في جوله لأماكن معينه ، وهاي المسارات محدده بالالوان

بخبركم عن تفاصيل الاماكن اللي تمر فيها هاي المسارات



1- مسار باللون الأصفر *

* Piccadilly Circus
* The National Gallery
*Nelsons Colmn &Trafalgar Square
* St Jamess Palace
* Ritz Hotel
* Hyde Park
* Wellington Museum
* Speakers Corner
* Buckingham Palace & the Changing of the Guard
* St Jamess Park
* Westminster Abbey
* Big Ben
* Lambeth Palace
* The London Eye
* Sea Life London Aquarium
* Westminster Pirr
* Downing Street
* Horse Guards Parade
* St Martin in the Fields
* Covent Garden
* Fleet Street
* St Pauls Cathedral
* Bank of England Museum
* Monument
* London Bridge
* Southwark Cathedral
* London Dungeon
* HMS Belfast
* Tower Bridge
* The Tower of London
* Shakespeares Globe
* Tate Modern
* Sherlock Holmes Pub



2- مسار باللون الأحمر *

* Victoria
* Wellington Museum
* Hyde Park
* Speakers Corner
* Mdame Tussauds
* Regents Park
* Oxford Street
* Regent Street
* Piccadilly Circus
* Leicester Square
* The National Gallery
* Nelsons Column& Trafagar Square
* Hourse Guards Parade
* Downing Street
*Big Bin & Parliment
*The London Eye
* Sea Life London Aquarium
* BFL Lmax
*South Bank Arts center
* Covent Garden
* Fleet Street
*St. Paul's Cathedral
*Monument
*London Bridge
* London dungeon
* HMS Belfast
*Tower Bridge
* The Tower Of London
* Shakespeare's Globe
* Tate Modern
* Westminster Pier
* Lambeth Palace
* Buckingham Palace



3- مسار باللون الأخضر*

* The National Gallery
* Nelson's Column & Trafalgar Square
* Westminster Pier
* Big Bin & Parliament
* Westminster Abbey
* Lumbeth Palace
* The London Eye
* Sea Life London Aquarium
* Downing Street
* Hourse Guards Parade
* Piccadilly Circus
* Leicester Square





4- مسار باللون الازرق *

* Kensington Palace
* Baden-Powell House
* Natural History Museum
* Science Museum
* Victoria & albert Museum
* Brompton Oratory
* Harrods
* Harvey Nichols
* Hyde Park
* Ritz Hotel
*Piccadilly Circus
* Russell Square
* British Museum
* Wellington Meseum
* Rayal Albert Hall
*Albert Memorial
*Kensington High Street



5- مسار باللون الأسود *

* Street Pancras Station
* King's Cross Station
* Marble Arch
* Paddington Station
* Marylebone Station
*Euston Station



6- مسار باللون البنفسجي *

* Notting Hill
* Kensington Garden's
* Paddington Station
* Marble Arch

بعد ماحجزنا التذاكر قررا نستخدمهم في آخر يومين من الرحله ، كان بيصادف السبت والاحد ، واعتقد نحن غلطنا في هذا التوقيت

لأنه الاماكن والشوارع أغلبها زحمه ، ونحن كنا نعتقد انه الاسواق تسكر السبت والاحد وقلنا بنقضيه في جوله بالباص
وعقب عرفنا انه الاسواق ماتسكر وانما بالاحد تفتح من الساعه 12 الظهر الى 6 المغرب ..

عشان جذي في آخر يوم انفصلت عن بنت خالتي لأنها كانت حابه تسير الرحله النهريه ، وانا كنت حابه التسوق

(تذكرون هو نفس اليوم اللي خبرتكم فيه لما سرت الهايدبارك بروحي وعقب سرت أتسوق ، وهذا كان يوم الأحد)

ولكن كلنا مع بعض في رحله الباص السياحي في يوم السبت ، وأخذنا المسار الأحمر ..

وتوقفنا في أول مكان سياحي وهو متحف مدام توسو
( عقب بخبركم عن هاي الرحله )​

 

[دلوعة أبوي**]

أترككم مع صور لجولتنا السياحيه في لندن


بالباص السياحي

ع فكره نحن مانزلنا الا مره وحده حق مدام توسو ، وباقي الوقت قضيناه في الباص نتفرج ، ونستمتع بالجو ، ونشوف معالم لندن
وكنا يالسين فوق في الباص المكشوف ، والجو بارد ويخبل ..
وناس تصعد وناس تنزل


ونحن يالسين لين وصلنا لقوس ماربل آرش ، محطة التوقف ، وهي نفسها ركبنا من عندها
واستمرت سياحتنا من متحف مدام توسو لين وصلنا تقريبا ساعتين ..



محطة باصات ماربل آرش

متحف مدام توسو

في حياتي زرت كثير من الدول ، وماشفت مناظر مخله بالاداب كثر ماشفتها في لندن في السنوات السابقه اللي زرت فيها لندن


وفي هاي الزياره ، شفت أنه أخلاقهم تحسنت أو صادف من حظنا انه ماشفنا شي يخدش الحياء العام ..


ولكن يافرحه ماتمت ، مايوزون عن طبعهم


تفاجأت


بمنظر فيه قلة أدب


بس ما الومهم الجو يساعد ع الرومانسيه والحب


بس بعد قلة أدب

دعابه خفيفه مني


هههههههههههههههههههههههه


بس كلامي صحيح عن اللي قلته عن المناظر المش كويسه ..



نكمل جولتنا

شكله مسجد والله أعلم

جيرانا من شركة بيج باص

الاسواق زحمه عشان الويك اند

كنا بروحنا فوق

 

[دلوعة أبوي**]

زحمه يادنيا زحمه

خاطري أعرف اللي يسيرون يزورون ساعة بيج بن ، يعني شوفيها
وانته في أي مشوار ممكن يصادف انك تمر عليها يعني لازم نزورها مخصوص

عموما وقتها ضبطت ساعتي ع توقيت بيج بن

 

[دلوعة أبوي**]

عين لندن

عين الشارجه

هههههههههههههههههههههههههه

الماريوت هذا غير اللي في شارع العرب

 

[دلوعة أبوي**]

وعقب الدنيا ليلت ، وفضت بطارية كيمرتي

وانتهت جولتنا اليوم ..​

تصبحون ع خير

​

تابعوني في..
سياحتي في لندن ..​

ونهاية الجزء السادس​

 

[دلوعة أبوي**]

الجزء السابع في ..
التسوق

هذا الجزء الوحيد اللي أربكني (ده أنا غلبااانه) لأنه كلكم تنتظرونه

من الحين اقولكم ..



انا ماتسوقت وايد رغم انه

طلع عندي وزن وايد



وخلص الكاش اللي عندي



وهريت الفيزا
وخلصت ع التاكس فري في المطار




ورغم انه أكثر الأوقات كنا في السوق ..




الا اني ما اتشريت وايد







حبايبي الحلوين



كل مره بآخذكم لسوق من الأسواق اللي زرناها وهي مب وايد
واتمنى تحصلون الفايده فيها




وقبل مانتكلم عن أول سوق ، أبا أخبركم خبريه عن...




جوتيي ( حذائي ) الطبي السحري
أكرمكم الله




قبل سفري بفتره صابني الم في قدم وحده ، وكل ما أعالج مافي فايده مجرد مسكنات ، وكنت وايد أحاتي السفره




كيف بقدر امشي وايد هناك ، وانا عارفه انه أكثر وقتنا مشى




لدرجة سرت عند الطبيب وقلتله أنا بسافر وعطني أي دوا يخفف عني الالم واقدر امشي مرتاحه ..




المهم وحده من صديقاتي نصحتني بجوتي وخبرتني انه بيريحني
سرت واشتريته وماكان رخيص بـ 1100 طبعا مايغلى عليه المهم الفايده



أذكر أخذته من دبي مول وع طول لبسته وشلت نعالي أكرمكم الله في الكيس



وبديت أستعمله قبل سفري عشان أتأكد اذا مريح؟


وفعلا طلع مريح




ومن أول يوم وانا سايره المطار لبسته ، وماتتصورون كيف ريحني ، وماحسيت هناك بألم ريولي ، وماشاءالله مشيت مشي
وماتعبت من ريولي الا مره لما مالبست جوتيي ولبست بوت يايبتنه اونه بكشخ فيه
وأدبني ، ورديت ع الجوتي السحري




فحبيت اخبركم وأنصحكم تاخذونه وتلبسونه في السفر ، ووين ماتبون وادعولي






اسم ماركة الحذاء

وسامحوني اني صورتلكم جوتيي اللي شريته






وهاي صور الكشك اللي في دبي مول

المحل له فروع في الامارات والدوحه والبحرين ومسقط


وحصلت له فرع في لندن في الصيدليه اللي عدال السوبر ماركت وانتوا سايريين صوب شارع العرب ، قبل ماتلفون في شارع العرب





وقريت انه له وايد فوائد


* تنشيط العضلات المهمله
* تحسن من استقامة الجسم وطريقة المشي


* تشد وتقوي الجسم


* تساعد ع التقليل من اعتلالات الظهر والوركين والفخدين والساقين والقدمين
* تساعد ع التقليل من اصابات المفاصل والعضلات والاربطه والأوتار
* تقلل الحمل ع الوركين والركبتين .






انواعه


له عدة انواع منها ع شكل جوتي رياضه ومنها ع شكل نعال الرياييل ومنها صنادل ومن كل الأنواع فيه للحريم وللرياييل



سامحوني اني طولت وايد في الكلام عن هذا الجوتي ، بس من كثر مافادني حبيت أخبركم عنه خصوصا في كثير يعانون من الم في ريولهم

وانا ربطت الكلام عنه مع جزء التسوق اللي يباله مشي

الحين تعالوا ويايه نتسوق في أسواق لندن ونبدأ ...




اولا : شارع أكسفورد



Oxford street



باخذكم في جوله لبعض محلات هذا الشارع وبتكلم عن اللي دخلته..

تلاحظون بعض المحلات مسويه خصومات

 

[دلوعة أبوي**]

تشوفون محل أديداس الثاني اللي لوحته صغيره ، من هني تلفون حق بيور وافل

 

[دلوعة أبوي**]

بريمارك



Primark

هذا دخلته مره وكان عندهم خصومات وزحمه وايد ، ويومها كنت متضايجه من سالفة معينه فدخلت المحل ومالي خاطر اتسوق
بس زحمة الناس شدت فضولي ويلست اتفرج ع منتجاتهم ، والمحل متنوع من الملابس والاحذيه والشنط والاكسسوارات ...الخ


المحل كبير واللي يميزه انه بضاعته وايد رخيصه


الصراحه نسيت ضيجي واندمجت في التسوق واشتريت منه بعض الملابس حق عيالي واكسسسوارات يحبونها



أنصحكم فيه لرخصه وتنوع بضاعته

ماركس سبينسر


غني عن التعريف

أنا من عشاق ماركس ، ودايما في دبي ازوره ، ولما رحت لندن دخلته عشان اشوف اذا بضايعهم غير عنا ، وفعلا لقيت لبس ماشفته عندنا
اتشريت منه بعض الملابس

بس للأسف ماقدرت ايلس في الكوفي

دبنهامز

دخلته مره ، وكنت سايره أدور فراشات للأسره أحب تشكيلتهم
بس ما عجبني المعروض ، ولاحظت انه المعروض عندنا في دبي احلى منه

صيدلية بوتس

طبعا هاي صيدليه معروفه في لندن ولها فروع كثيره ، وفي شارع اكسفورد شفتله فرعين ، واحد منهم وايد كبيـــــــــــر واعتقد فيه دورين او 3


اشتريت من عندهم أدويه متنوعه مثل

البندول وشراب للزكام بس مانفعني لما جربته حسيت أكثر تعبني وعقيته في الزباله وما أذكر اسمه

وفوار فيتامين سي

وأدويه ثانيه

محل الأحذيه Clarks

وهو معروف باحذيته المريحه وكان عندهم عروض
دخلنا وأشترينا من عنده أبوات

* سنتر سلفريدج

Designer Fashion, Accessories & More - Shop Online at Selfridges

 

[دلوعة أبوي**]

هذا زرته مرتين بس في كل مره يلست فيه ساعات

واشتريت عطورات ، وشنطة ماركه جوتشي
وكريمات للبشره من ماركة كلارنس وغيرها


ومكياج ومن ماركات متنوعه


واذكرا اشتريت ارواج من توم فورد كانت عندهم حصريه ع كلامه والواحد ب 35 باوند


وأكثر مشترياتي كانت منه ومن هارودز




بعض من مشترياتي من سلفريدج



العطورات النسائيه


TRISH MCEVY 64 أشتريت منه كم واحد للهدايا


WONDERWOOD 55,5


شانيل (بيج) 174 باوند
BEL RESPIRO شانيل 174 باوند
توم فورت (توسكان ليذر ) 165 باوند



لاتفكرون انه ذاكرتي قويه انما محصله بعض الفواتير عندي وعرفت أسعارهم

هذا اللي أذكره من العطورات



وفي عطورات رجاليه



اشتريتها بس مول ممذكره أسعارها بس بخبركم عن بعضها


JOHN VARVATOS وااايد حلوه ريحته


MONT BLANC ( STARWALKER وااااااايد عجبني



وعطر توم فورد



هذا من غير العطورات اللي أشتريتها من هارودز ومن المطار لما عطوني فلوس التاكس فري
( عيب نرد الباوند ويانا ... منقووود

)



نكمل بعض من مشترياتي



شنطه من ماركة جوتشي وهاي الشنطه شفتها عند بنت عمي وكانت عاجبتني أحسها عمليه ، فلما دخلت البوتيك ماشفتها


قمت وصفتها للموظفه اللي هناك وطلعتها لي ، ونسيت شو قالتلي أسمها ، وكان سعرها معقول

GUCCI 615 شنطة













تابعوني في الجزء السابع ...
التسوق في لندن
​

 

[دلوعة أبوي**]

نتابع الجزء السابع ...

التسوق في لندن

اليوم بآخذكم ويايي للآوت ليت ، بس اول شي خرخشوا مخابيكم
( عاد كيفكم حاولوا تفهمونها

)

واسمه ..

Bicester Village



http://www.bicestervillage.com/




أخذنا القطار من ماربل آرش الى محطة أكسفورد ( الخط الأحمر )



وعقب

من محطة أكسفورد الى محطة ماليبورن ( الخط البني )



وعقب

ومن محطة ماليبورن حجزنا التذاكر الى الآوت ليت

سعر الشخص = 21 بوند ( ذهاب وعوده )
القطار لاين رقم 4


وتحركنا الساعه 11,20


واعتقد انه القطار يتحرك كل ساعه للآوت ليت


ورحلة القطار تستغرق ساعه وربع

ونحن في الطريج للاوت ليت

 

[دلوعة أبوي**]

الصوره اللي سألتكم عنها قبل عرفت انها كنيسه ، لأنه عقب شفت الصليب فوق

بس هذا أكيد مسيد ، صح

وصلنا

أول ماوصلنا المحطه

ركبنا الشاتل اللي يوصلنا للآوت ليت ، ويبعد تقريبا 5 دقايق ...

وصلنا وحصلنا هذا الترحيب

نزلنا ونشوف السيارات مبركنه والقريه تطل علينا

 

[دلوعة أبوي**]

مافاتني أخبركم عن توقيت فتح الآوت ليت خلال الأسبوع ، وعشان أكون دقيقه ، صورت اللوحه

الخدمات الموجوده في القريه

 

[دلوعة أبوي**]

صور المحلات
​

حاولت ع قد ما أقدر أصورلكم المحلات الموجوده هناك ، عشان ماتتم في خاطركم​

 

[دلوعة أبوي**]

 

[دلوعة أبوي**]

ممكن أعزمكم

طبعا فيه أكثر من مطعم وكوفي

عقب ماخلصنا تسوق ، انتظرنا الشاتل في المكان المخصص له

 

[دلوعة أبوي**]

نهاية الجزء السابع ..
تسوقي في لندن

هارودز

موقعهم..



http://www.harrods.com/





هذا الجزء ...
هديه خاصه لأهل قطر

معلومات منقوله عنه

يقع هارودز في Knightsbridge


أشهر وأرقى أحيآء العآصمة لندن ويعتبر أكبر متجر في المملكه المتحده



عام 1849 قام رجل يدعى شارلز هارود بـ إستحداث محل صغير لـ بيع أنواع مختلفه من الأطعمه و الشاي و مستلزماته


و الذي يعتبر المشروب الرئيسي لـ البريطانيين



وكان يوجد بـ المحل موظفين إثنين مساعدين لـ شارلز و صبي يقوم بـ توصيل الطلبات


ومع مرور السنوات و الشهره التي أخذها المحل كونه يقع في منطقه غنيه بالأثرياء و الطبقه الأرستقراطيه قام إبن شارلز " ديبي "



بـ توسيع العمل و أصبح المحل يبيع الأدويه و الفواكه و الخضروات و العطور حتى تم توظيف 100 شخص عام 1880



طبعا بعدما قام ديبي بـ شراء الأماكن التي بـ جانب المحل لـ غرض التوسعه


و خلال عشرات السنين عانى المتجر من مشاكل ماليه



جراء الحروب و المشكلات الإقتصاديه حتى إشتراه رجل الأعمال المصري الشهير محمد الفايد عام 1985 بـ 615 مليون باوند



اليوم هذا المتجر الضخم الفخم يضم أكثر من 5000 موظف من أكثر من 50 دوله

هذا المتجر يقوم حاليا بـ توصيل طلبات أكثر من 225 ألف طلبيه سنويا




ويضم المتجر اليوم أرقى وأشهر المآركآت العآلمية لأشهر المصممين



وحاليا شركة قطر القابضه هي اللي تمتلك هارودز

وقع رجل الأعمال المصري المولد محمد الفايد عقد بيع متجر «هارودز»،


الذي يعد من أهم أيقونات بريطانيا التجارية في وسط لندن


إلى شركة الاستثمار التابعة للأسرة الحاكمة في قطر «قطر القابضة» في صفقة مفاجئة تقدر قيمتها بنحو 1.5 مليار جنيه استرليني


(2.3 مليار دولار).

كيف نوصل لهارودز بالأندرجراوند




من محطة ماربل آرش الى محطة بوند ستريت ( الخط الأحمر )


وعقب


الى محطة جرين بارك ( الخط الرمادي )


وعقب


الى محطة Knightsbridge ( الخط الأزرق )


وهناك بتشوفون أسم هارودز والمخرج المؤدي له ..​

 

[دلوعة أبوي**]

أقسام هارودز
​

مشترياتي



كنت حابه اخبركم عن بعض من مشترياتي وأسعارها ، وانا محتفظه بكل الفواتير
بس اللي صار

لما ييت بطلع الاسعار ماعرفت لأي بضاعه
لأنه حاطين كود وماشي تفاصيل ، وانا مستحيل أتذكر الأسعار

بس عموما أكثر شي اشتريته هي عطورات في منها حصريه لهرودز وفي منها موديلات قديمه ، وعليها عروض


ع فكره في بعض العطور القديمه أحبها واحرص ع شرائها

بس الحلو اللي لاحظته في هارودز ومالاحظته في سلفريدج انهم مسوين في قسم العطور وايد عروض ، واسعار رخيصه

مثلا ​