كل يوم في بلد وانتي في مكانج(تقارير مصورة منقووولة)

[دلوعة أبوي**]

بعدها رحنا الفندق نريح شوي وحنا بطريقنا لغرفتنا لفت انتباهنا واحد عنده 3 اعيال صاف عربات الاطفال برا

عقب ما ارتحنا رحنا نتمشا بشارع العرب مرينا بقالة سفن ايلفن كل شي مكتوب عليه حلال الشبس الجبن الكوالا كل شي وهي منشرة في كل مكان
هذي بعض مشتريتنا

عقبها رحنا مشي مكتب العربية للحجوزات حجزنا تذكرتين لبانكوك 604رجنت حق تاريخ 15/7 وعطونا كتب دليل ماليزيا مجانا
صورة الدليل + وصل التذكرة

عقبها تمشينا وزوجي نسى ياخذ معه ساعات من قطر لقينا الكشتات شرينا ساعه 45رجنت وبوك من 80رجنت كاسره زوجي ل25رجنت
البوك

وعقبها تعشينا في مطعم هندي بس نسينا نصور المطعم والعشا
بعد ماتعشينا نعسنا وقلنا بنروح نرقد وحنا بطريقنا دخلنا محل عود وعطور
كان عراقي الي يبيع بالمحل شرينا من عنده عود اندونسي وعود سيوفي مدري كم توله بس كان الحساب 120رجنت
مالقيت الصور

بعدها وحنا برا عند الفندق صورنا التوين تور وبرج المناره كانوا منورين ورووووعه
هذي المنارة

وهذي ابراج التوين تاور (بتروناس)

وبعدها رقدنا وانتها اليوم الاول
​

​

​

 

[دلوعة أبوي**]

ثاني يوم قمنا الساع 10 تفطرنا ورددينا الغرفة

وكان جدولنا بس للحدائق اتصلنا للسواق الي اسمه علي وقلنا له يجي على 12 الظهر
طلعنا من الفندق 12وشوي ورحنا شارع بردانا الي فيه الحدائق

أول حديقة :
حدائق الوركيد (حديقة الزهور)
تقع في شارع بردانا و تضم اكثر 800 نوع من ازهار الاوركيد الماليزي بعضها من النوع النادر. و تمتد هذه السيمفونية اللونية على مساحة قدرها هكتار. و بجانب حديقة الاوركيد توجد حديقة الهيبيسكوس التي تضم 500 نوع من هذه الاشجار المختلفت الالوان. و تباع هذه الزهور في عطلة نهاية الاسبوع . و عند شرائها يقدم لك زراعها بعض النصائح للابقاء عليها ناضرة و جميلة.

وهذا زوجي وهو يحجز التذاكر فديت روحه

التذكرة الوحده 1 رجنت

هذي لوحة فيها أوقات االعمل والاسعار

هذا ممر الدخول

وهذي صور لبعض أنواع الزهور

 

[دلوعة أبوي**]

حديقة الطيور
تعد حديقة طيور كوالالمبور اكبر حديقة طيور في جنوب شرق اسيا تضم اكثر من 3000 طيرا من 200 نوع 90% منها محلى و 10% منها مستورد من الخارج . تمتد الحديقة على مساحة مقدارها 2.800 هكتار مغلقة و 3.20 هكتارمفتوحة ونصف هكتار للطيور ذات القرن . لتكون بذلك من اكبر الحدائق المغطاة في العالم . و الطيور غير الجارحة نعيش طليقة و تطير بشكل حر حول الزوار ليتمكنوا من مراقبتها و سلوك طبيعتها

المدخل

خريطة المكان

التذاكر + الخريطه الي عطونه
الشخص ب42 شخصين 84

الباب الي يدخلك الحديقه

أول ماتدش حاطين

هذي زباله الله يعزكم عشكل بطه

هذا المكان من فوق شوفوا الشبك عشان ماتتطير الطيور

هذي صور لبعض الطيور

صور النعام

صورة الطاوس

صورة الاسماك

قسم التفريخ

مكيانة تفريخ

الفرخ بيد زوجي

وهنا صورت زوجي خذوا علي 8رجنت عشان اصوره

​

 

[دلوعة أبوي**]

بعدها رحنا حديقة الفراشات وكلهم جنب بعض​

حديقة الفراشات
هذه الحديقة هي صورة مصغرة لغابة استوائية بنباتاتها التي تزيد عن 15000 نبتة وتضم هذه الحديقة اكثر من 6000 فراشة بعضها من اكبر فراشات العالم . ملحق بها قاعة عرض للفراشات و العثث المحنطة بالاضافة الى ججناح خاص لتنمية و تكاثر الفراشات .
المدخل

السعر :
الشخص 18رجنت
الكميرا العادية ياخذون عليها 1 رجنت
الفديو 4رجنت

صور الفرشات

هذي مسكينه طايحه على الارض

هذا كهف

بعد ماتخلص من الحديقة تتدش االمتحف
وفي انواع من الحشرات

صوره من بعيد للمتحف

هذا المخرج يفتح على محل يبعون اشياء للذكرى عن ماليزيا وعن حديقة الفراشات بس غالي

وبعدها طلعنا من الحديقه وانتهت فرت الحدايق ​

​

​

 

[دلوعة أبوي**]

وحنا بالسيارة راجعين الفندق
صورنا بعض الاماكن
The Islamic Art Museum المتحف الإسلامي

معلومات عنه :
يضم المتحف العديد من الأقسام , قسم فن العمارة الإسلامية ويضم نماذج لبعض المساجد , قسم المورثات العثمانية ويضم العديد من القطع الأثرية من الدولة العثمانية في تركي وسوريا , المخطوطات الإسلامية ويضم أكثر من 200 مخطوطة إسلامية نادرة ويفتح أبوابة يومياً من الثامنة إلى الخامسة . ويغلق يوم الإثنين

وهذي مجموعة صورة الاماكن الي صورنها والسيارة تمشي

وصلنا الفندق صلينا المغرب والعشا ورقدنا من التعب وقمنا الساع 11 فينا نشاط وجوعانين
طلبنا عشا من مطعم في شارع العرب اسمه خيمة الصحراء ووصل لنا الطلب وهذي صورة عشانا وغدانا بنفس الوقت

وبعدها بساعتين رقدنا :nice:
​

​

 

[دلوعة أبوي**]

اليوم الثالث نشينا متأخرين طبعا ماتفطرنا الساع 12 وطلبنا التاكسي علي واتفقنا معه 70 روحه و70 رجعه والانتظار مجانا لين نخلص لعب ..

هذي معلومات عن مرتفعات جنتج هايلاند بماليزيا

تعتبر ولاية باهانج من أكبر الولايات مساحة بشبه الجزيرة الماليزية
وتقع شمال شرق ماليزيا وتوصف الولاية بأنها ولاية الحدائق
كما أن هذه الولاية تضم العديد من القمم والمرتفعات الباردة
والتى تعتبر الأكثر شهرة فى ماليزيا وهى مرتفعات ( جنتينج هايلاند )
والتى لا تتجاوز درجة الحرارة فيها 17 درجة كما تحتوى على مدينة
ألعاب وعدة فنادق عالمية

صور من الطريق

هذا معبد صيني بالطريق

وهذا االاسم

شباك التذاكر

التذكرة + الخريطة

السعر : 105 للشخصين
صور للملاهي اول مادخلنا

هاللعبة عليها صيانه

هذا القطار الي يدور على الحديقه من فوق

هذي لعبة الرعب

هذي شلال وشوفوا السمك الي تحت

ركبنا المنظاد وخلنا بالضباب

صورة لاحد الفنادق

شوفوا الي ينظرون دورهم

توقعوا اي لعبه ؟؟

وناسه تدش بالضباب والغيم

 

[دلوعة أبوي**]

هذي لعبة المركب يدخلك قرية للدينصورات

هالمركب الي ركبنا فيه

يوم ركبنا نثرنا للسمك اكله وتجمعوا :nice:

صوره من المركب

هالبوابه الي بندخلها للدينصورات

دخلنا مكان مظلم يتكلمون فيه عن الدينصورات

وعقبها ينزلونا في مكان غير عن الي طلعنا منه مرتفع تصعده مغامره عجيبه وناسه وفي مكان يصورنكم اذا بغيتوا يحطون عليكم طيور او ثعبان:eek5:

هذا صورة الجسر الي مرينا عليه

هالسفينه عجيبه ويصوركم واذا عجبتكم الصوره تاخذونها ب20رجنت واذا تبون الصوره تتطلع واضحه اركبوا اخر شي

الملاهي يهبل ومايتفووووت
واخر شي تغدينا ب37رجنت

وعقبها طلعنا
43كيلو لللعاصمة بس ماتحس بالطريقة من المناظر الروعه

عامود الارسال

صور من الطريق

تكاسيهم يعبونهم غاز من قدام :eek5:

عقبها قعدنا عالنت والتلفزيون كانوا حاطين فيلم تايتنك للمره المليون نشوفه بس مافي شي ندمج فيه الا هو

عقبها خططنا وش بنسوي الي اليوم الي بعده وعقب رقدنا

 

[دلوعة أبوي**]

اليوم الرابع نشينا الساع 10 تفطرنا وعلى طول رحنا مع التاكسي الارزق الى برج توين تاور
عشان ناخذ التذاكر للمعلومية التذاكر تخلص الصبح لانها مجانا المهم وصلنا التاكسي ب8رجنت لانه شغل العداد
معلومات عن االبرجين
برجا بتروناس التوأم (منارا بركمبر ڤيترونس)
يقعان في كوالالمبور, ماليزيا, كانا أطول برجين في العالم منذ عام 1998 حتى عام 2004. يبلغ ارتفاع البرجين إلى الطابق العلوي 375.0 متر, وأما ارتفاعهما مع الهوائي فيصل إلى 452.0 متر (1,482.9 قدم). يوجد بكلا البرجين 88 طابق و78 مصعد.
فان برجي بتروناس ، (أو ابراج بتروناس) ، المعروف أيضا باسم المنارة بتروناس نسبة لأسم شركة النفط التي طلبت بناية البرجين التوأمين الذين يشكلان واحدة من أكبر واعجب الاعمال الهندسية في العالم.
المسقط الأفقي لكل برج صمم وفقا للنمط الهندسي الدارج في العمارة الإسلامية. وهي تتألف من مربعين (رمز العالم المادي) متداخلان بشكل نجمة مسجلة في دائرة (رمز انتشار الدين الإسلامي). هذا الرمز الهندسي استخدم كثيرا في الرسم الإسلامي الذي يحمل معاني الوحدة والوئام والاستقرار والعقلانيه.
التصميم الخارجي يشير إلى حضارة تلك البلاد ، وتتضمن السمات التقليديه للالحان الرسمية الماليزية للمباني

هذي الصور من الخارج

صورة المدخل

النافوره

المهم دخلنا وخذنا التذاكر وقالوا لنا الدخول الساع 5 بس لازم نكون موجودين من الساع 4:45
داخله الابراج مجمع سوريا كل الماركات العالمية عندهم بس اغلى من قطر
صور من المجمع

تسوقنا وفرينا المجمع كله
صدق المحلات اسعارهم اغلى من قطر
بعدها استرحنا من التعب نشرب شي
هذا الكابتشينو حقي:shy:

والشاي الانجليزي لزوجي

وحنا بالكوفي ويلفت انتباهي محل ورى زوجي

العربية للعود غالي الاسعر ضعف قطر:eek5:
عقبها رحت محل هندي شريت شرشف
​

​

 

[دلوعة أبوي**]

هاي صورتة

وشريت من محل مكياج

وشرينا كوافي

بعدها كلمنا نفس التاكسي وردنا 11رجنت للفندق
ريحنا عالساع 3ونص كان الجو مطر وناسه طلعنا

طلبنا نفس التاكسي ورحنا مطعم اسمه حضرموت قريب منا

صورة الغداء

بعدها طلعنا ندور تاكسي ورحنا لابراج مره ثانيه عشان نصعد

يتبع

 

[دلوعة أبوي**]

أول ما وصلنا عطونا نظارات قسمونا فريق ازرق فريق اخضر
ودخلونا مسرح وشغلوا لنا فليم عن الابراج معلومات شامله

وعقب فتشونا ودخلونا فريقنا الارزق قبل وخلونا نصور 5دقائق بس
هاي الصور من فوق
الممر

​

 

[دلوعة أبوي**]

عقب ركبنا تاكسي رحنا السوق الصيني تاكسي حرامي وصلنا 45رجنت هندي حرامي
السوق الصيني ما استحملت الريحه

شريت بس تيشرتات

عقبها رحنا مجمع افاليون المجمع الكويتي
تمشينا وتسوقنا وتعشينا في فرايديز حسيت حالي بدولة خليجية كله الي يتمشون بالسوق خليجين طلعنا مشي
رحنا شارع العرب تسوقنا وكملنا مشي للفندق نجهز اغراضنا لبانكوك

يتبع المطار وير اسيا و رحلة تايلند​

​

​

 

[وجدان الحلا]

ياحليل هداوه وياحلو تعليقاتها ورحلتها تونس

يعطيج العافيه مجهود جبار

كملي ناطرينج

 

[Al shaikha 1]

تقرير ابداااع
مشكوره

 

[حورياتي]

مجهوود يحسب لج مشكوووره

 

[موله الكويت]

دلوعه يعطيج العافيه عالمجهود
كممممممممممممملي بليز متابعينج

 

[دلوعة أبوي**]

بسم الله الرحمن الرحيم..

بعد تخطيط دام شهرين كانت رحلتنا إلى أسبانيا القصيرة في مدتها والحافلة في محتواها ولله الحمد وحتى ما أطيل عليكم بأقسم الموضوع إلى حلقات .. وانزلها على السعة

معلومات عامة

* الرحلة الدولية
من موقع الخطوط القطرية بقيمة 2944 ريال للشخص الرياض - برشلونة - الرياض
القطرية -المملكة العربية السعودية

* الرحلات الداخلية
من موقع خطوط ryan air برشلونة - ملقا - برشلونة بقيمة تقريبية 90 يورو للشخص (ولنا ذكرى أليمة في هذا الموضوع تجيكم بالتقرير إن شاء الله)
Cheap Flights to Europe with Ryanair - Cheap Flights from UK

* حجز الفنادق
تم من خلال موقع بوكينق اللي أثبت انه الأفضل من جميع النواحي في أوروبا بالذات ويكفي خريطة الاوتيل اللي توضح موقعه والخيارات المتاحة بالقرب منه والمعالم السياحية ومحطات القطار وكل التفاصيل الدقيقة بشكل سهل وبأكثر من لغة
وسيتم ذكر تفصيل الفنادق إن شاء الله تباعاً في التقرير ..
Booking.com: 100000+ hotels worldwide. Book your hotel now!

* التنقلات
بالقطار والباص والمترو .. وكلهم ممكن شراء تذاكرهم إما في نفس المحطة أو بواسطة أجهزة الكترونية والتعامل معها سهل ما يحتاج إلا لغة إنجليزية + بطاقة إئتمان أو يوروات قروش أضمن لأن بعض الأجهزة ما تقبل العملة فئة خمسين يورو .. وممكن تقبل العشرة والخمسة .. والباصات داخل المدينة تشتري تذكرتها في الباص نفسه وغالباً ما يقبلون إلا قروش موب فاضي السواق يصرف والا يسوق والا يركب الناس

* سعر صرف اليورو = 5.02 ريال .... ذابحتني الدقة ^_^

* الحلقة الأولى *
حكايتنا مع فيزا الشنغن والسفارة الأسبانية

تم الاتصال برقم السفارة في الرياض 4880606 قبل موعد السفر بشهر .. وسألتني الموظفة عن موعد السفر وحددت لي موعد لتقديم الأوراق قبله ب 17 يوم بالضبط وكان بأيام العشر الأواخر برمضان الله يشرفه... رحت ومعاي الأوراق المطلوبة وهي:

- استمارة طلب فيزا شنغن
- صورتين ملونات بدون شماغ للرجل وبالحجاب عادي لحضرتي
- الجواز طبعا وصورة منه
- كشف حساب أصلي مختوم من البنك (بالنسبة لي حسابي في بنك الأهلي وطلبوا 15 ريال رسوم الكشف)
- تعريف من جهة العمل فيه الراتب والمسمى الوظيفي ويفضل رقم الجواز باللغة الانجليزية
- تأمين طبي يغطي فترة السفر وأخذناه من التعاونية للتأمين بقيمة 184 ريال للشخصين لمدة أسبوعين

بعد ماجلست أنتظر دوري .. كان فيه توقيع ناقص باستمارة الطلب ونبهني له السكيورتي الهندي .. اللي مسنتر عند الباب .. وقعته في استمارتي وقلت شكرا .. المشكلة الحين استمارة زوجي اللي ماجا معي وش الحل معها؟! كل شوي أطالع في السكيورتي أبي أتغافله وأوقع عنه بس ماش الرجال فوق راسي ومتابع تحركاتي .. والله الوهقة .. قلت خليني في السيف سايد وإذا رحت عالكاونتر يحلها ربي .... لما جا دوري شيكت الموظفة الأوراق ولا تكلفت تقرا طبعا وراها ناس وزحمة فتسأل كم يوم بتقعدون؟ وش المدن اللي بتزورونها .. وتسجل .. ولما طلت على الورق شافت اوراقي كاملة .. وابتسمت مبسوطة كل ما طلبت ورقة لقتها جاهزة .. وانا اقرا في نفسي ( وجعلنا من بين ايديهم سدا ومن خلفهم سدا فأغشيناهم فهم لا يبصرون )

ولكن !
شافت التوقيع الناقص بورقة زوجي قالت هاااه وين التوقيع؟ قلت يابنت الحلال مادريت الا هنا .. وش دعوة يعني بيعيي لا يوقع وانتم ديرة كرم وجود وتهلون بالضيف

قالت ماينفع لازم توقيعه .. قلت المشكلة انه موب موجود الحين واحنا متأخرين اصلا بموعد تقديم الاوراق يالله يمدي على الفيزا قبل موعد السفر ... قلت ماينفع اوقع واكتب بالنيابة عنه؟ قالت لا لازم توقيعه هو ...
طالعتني وقالت -وهنا تنحت وبلمت وطلعت مليون علامة تعجب على راسي- قالت
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
تقدرين تقلدين توقيعه ؟

‏
قلت ماشاءالله اثركم سهالات وانا على بالي اخاف يكفشني الهندي وانا أزور التوقيع !!

قلت افا عليك ابشري ووقعت توقيع موب يم توقيعه من الخبصة خفت تهون هههههه

طبعا عشت في قلق أول الوقت خفت يردون الطلب لاختلاف التوقيع .. بعدين قلت يابنت الحلال دام موظفتهم مشتها بيمشونها ان شاءالله ..

دفعت رسم الفيزا 280 ريال للشخص وعطتني ورقة استلم فيها الجواز من بكره..

*********

الحين بدا الأكشن الثاني.. كان المفروض موعد استلام الفيزا بأيام العيد والسفارة بتكون مقفله ... قالت لي الموظفة راح نفتح يوم الاربعاء 15 سبتمبر.. قلت أكيد.. قالت أكيد .. وحطي ببالك اننا نقفل الخميس والجمعة يعني ماعندك فرصة لاستلامها الا بهاليوم والسفر يوم 17 سبتمبر.. قلت خير ان شالله..
لما مر أسبوع من التقديم مدري وش خلاني أتصل بالسفارة أبسأل عن مدة الفيزا كم بتكون بالضبط لأني ناوية أزيد يوم للرحلة وخفت يصيرون نحيسين ومخلين المدة باليوم بالضبط .. واصلت مانمت لين صارت الساعة 9 خفت تروح علي نومة وما أحد يرد علي .. ولما ردوا قلت خل أسأل أول عن مواعيد الدوام في العيد .. إلا صدمتني اللبنانية قالت بنداوم السبت 18 سبتمبر!! قلت قولي غير هالحكي
قالت وش عندك قلت مفروض أستلم الفيزا قبل وسفري الجمعة ان شاءالله .. قالت انتظري اجل وحولتني على أسباني اسمه رفاييل ماقصر فزع ودور خبر الفيزا قال شوفي يابنت الحلال كلمي يوم الاربعا 8 سبتمبر.. وهو آخر يوم دوام قبل العيد .. شوفي لو كانت طالعة تعالي استلميها .. قلت اوكي ... وأنا متأكده انه دعى على اليوم اللي عطاني فيه وجه ههههههه غثيته دقيت عليه الثلاثاء من 9 الصبح قلت خل يدري اني حريصه ويتابع الموضوع .. لما رد وقصيت عليه سالفتي قال.. انا ما قلت لك دقي الاربعا؟

طاح وجهي على خفيف بس قلت ياخي وذكر فإن الذكرى تنفع المؤمنين وش يضرك لو شيكتها اليوم لعلها طلعت وأستلمها طازة

شيك وقال لسه ماطلعت .. جاني إحباط بس قلت نصبر لبكره وإن شالله خير
قال بس عندي لك خبر سار .. ان السفارة بتفتح يوم 15 سبتمبر قلت كويس... بس لأني قريت من بعض الأعضاء انهم رجعوهم كم مرة بحجة ان القنصل ماوقعها خفت يعطلوننا حنا بعد ومافيه وقت ..

جا يوم الاربعاء آخر يوم دوام لهم برمضان ونفس الشي مواصلة وحالتي حالة مانمت ليلتين بس قلت لو ماطلعت وهذا الاحتمال الكبير بناااام نوم عميق وأعوض .. دقيت ورد رفاييل .... وش تتوقعون قال؟
.
.
.
.
.
.
.
.
.
.
.
.
.
.
.
.
.
.
.
.
.
تتوقعون رحنا والا ما رحنا ؟؟
.
.
.
.
.
.
.
.
.
.
.
.
.
.
.
.
.
.
.هذا ما ستعرفونه في الحلقة القادمة

<--------- اقول لا يكثر بس






.
.
.
.
.
.
.
.
.
.قال رفاييل
ابشرك طلعت
خلال تسع أيام من التقديم

قلت مااااااشالله شلون يعني شلون مافيه نوم

وانقز للسفارة اودي الجوازات وارجع انام
واستلمها زوجي بعد مارجع من دوامه على العصر والحمدلله

توتة توتة خلصت الحدوتة هذا ماكان من أمر السفارة ..

ملاحظاتي على السفارة :
- الهنود اللي عند الباب مصدقين انهم أسبان بقوه ..

- إذا أوراقك كاملة وشغلك مرتب .. بتمشي أمورك بكل سلاسة وبإبتسامة من الموظفة الأسبانية المتعاونة ..
- كنا حاطين بطلب الفيزا أن الشنغن تكون بدخول متعدد .. يعني نقدر نطلع ونرجع مره ثانية لأي بلد أوروبي .. ولكن لما استلمنا الفيزا كانت دخول واحد فقط .. ومدتها أسبوعين (أكيد تبعاً لأن التأمين مدته أسبوعين فقط)

تابعونا في الحلقة الجاية بإذن الله مع أحداث الرحلة .. على ما أصغر الصور وأعرف كيف أنزلها بالموضوع

​

 

[دلوعة أبوي**]

يالله حيهم وأحيهم ..

قبل ما أمسك خط سوالف وانا ان مسكت وش يسكتني .. ياليت تحطون في بالكم إني أحب التصوير بس هو ما يحبني

فتخيلوا كذا أسسسسوأ مستوى للمبتدئين شفتوا وين واصل اللي صورهم مهزوزه وظلام واللقطة توقيتها غلط وكل هالأشياء السيئة في أقل مستوى للمبتدئ .. أنا تحته

عشان نبدا حلوين كذا وما نخسر بعض لأنكم توقعتوا الشي الأحسن ..

*
*

أنا أحب الأكشن والحضارة والأشياء الغريبة والطبيعة الخضراء والبحر من ما يحبهم .. وزوجي كغالب الشباب الطبيعيين يحب كرة القدم .. والشاهي .. والنوم بالنهار والسهر بالليل

فكنت مخططة لأشياء أساسية في بالي أبي أشوفها في أسبانيا .. مما قرأته وجمعته في المنتدى وغيره ..

- زيارة أهم آثار المسلمين في الأندلس قصر الحمراء في غرناطة
- ملاهي بورت افينتورا برشلونة
- التسوق للعيد .. ولغير العيد
- ملعب الكامب نو ببرشلونة .. وهذا هدف زوجي الأساسي وشبه الوحيد من الرحلة
- قصر الملك فهد وحديقته بماربيا
- زيارة السفاري في استبونا .. سيلوو selwo وزيارة سيلوو مارينا لمشاهدة عروض الدلافين والطيور ..
- تجربة الكورة اللي تجلس فيها ويرمونك من فوق تل

قريت انها في بينالمدينة وفي ماربيا ..
- حضور عرض السحر اللي قريت انه يقام يوم 20 سبتمبر في مكان ما حول ملقا ..
- حضور عرض سيرك نيبا ويقام يوم 23 حتى 26 في مسرح بملقا

بناء على هالعرضين .. خليت جدول الرحلة 3 ليالي برشلونة - 20 سبتمبر ذهاب لملقا والبقاء فيها أربع ليالي بحيث نحضر عرض 23 ونروح برشلونة من بكره .. ونجلس فيها ثلاث ليالي يكون التسوق خلالها .. حتى ما نثقل الشنط ..
طبعاً هذا المخطط له في البداية .. لكن.. هل نحن شعب نمشي بالتخطيط ... وهل تحققت الأشياء اللي كنا نبيها .. يجيكم بالتقرير ..

يوم السفر

كان وقت الاقلاع من الرياض للدوحة الساعة 5:20 الفجر .. يالله صباح خير

واحنا من الساعة 2 ونص الصباح في المطار .. وحتى البوردنق طابعته من البيت (من زود الحرص^_^) .. بالتالي مشينا في اللاين السريع حق العفش .. وخلصنا ثلاث إلا ربع .. قاعدين نتفرج عالرايح والجاي لا شغل ولا مشغلة ..

صلينا الفجر .. ونادوا على الرحلة ..

كانت الطياره كبيره .. بس نسيت أسجل نوعها .. اتوقع ايرباص .. الدرجة السياحية فيها شاشة قدام كل راكب بس ما عطونا سماعات لأن الرحلة قصيرة (ساعة إلا عشر دقايق) .. بس اكتفوا بعرض مقاطع الفيديو الطريفة .. وقدموا وجبة خفيفة عبارة عن ساندوتش لحم غنم ومكتوب عليه حلال .. وعصير ... ما صورته مدري وش هالعقل اللي جاني

والا العادة لو اشوف نملة تمشي صورتها

وأنا أعشق السماء من الطيارة .. ومناظر الغيم والشروق والغروب على الخصوص .. ما أقاومها

وصلنا الدوحة وركبنا الباص اللي الله يحلل باص جدة عنده !! مشى بنا يمكن ربع ساعة والرجال الله يهديهم مايستحون قاعدين ومخليني واقفة

ما امدانا ندخل ونسأل عن ترانزيت الدوحة - برشلونة .. إلا ولقيناهم ينادون عليها .. هذا والفرق بين الرحلتين ساعة وثلث .. رحنا عند البوابة وانلطعنا ننتظر الباص اللي بيودينا مره ثانيه .. وهذي شغلتنا رايحين جايين بهالباص كان خلانا بمدرج الطائرات وركبنا الطيارة الثانية على طول اختصرنا المشاوير

وهذي طيارتنا الكريمة الاير باص 330

 

[دلوعة أبوي**]

وزعوا لنا بالطيارة استمارات قالوا عبوها واعطوها اياهم بالمطار لا وصلتوا واحتفظوا بالجزء الثاني وانتو راجعين بلدكم تسلمونه قلت وش هالاستمارات ان شالله؟ ما قريت عنها بالمنتدى .. واطلع الكام كالعادة واصور قلت أكييييد نظام جديد خل اسوي سبق صحفي وانزله بالتقرير

الفطور وكان يفترض انه بان كيك .. لكن الله يعز النعمة ما جا زي ما تخيلته

الطيارة مجهزة بشاشات لكل راكب نفس الشي .. وضاع الوقت وانا اقلب في حلقات فرندز .. و ذا سيمبسونز ..

وبين الحلقة والحلقة جلست اتفرج على الغيوم .. منظري المفضل

وفجأة دخلنا في موجة بيضا من الغيوم ..

وكل ما قربنا من وجهتنا .. كل ما زادت الغيوم وزادت المطبات الهوائية اللي نفضتنا نفض .. وكانت برشلونة تمطر مطر شديد ذاك اليوم .. زي ما نقل لنا حياً على الهواء الشيخ سعود بن محمد في موضوعه برشلونة تحت المطر .. (شرايك بهالدعاية المجانية ^_^)

وانشقت الغيوم وبانت سعاد وقلبي اليوم متبول سعادنا هي برشلونة أثناء هبوط الطائرة

هبطت الطيارة بحمدالله الساعة 2 وثلث تقريبا بتوقيت برشلونة .. لما رحنا نختم الجوازات كان الموظف الاسباني بشوش ويهلي ويرحب .. وعطيته الاستمارة اللي لي ساعة أدور قلم واخذت قلم المضيفة وقالت لي رجعيه وياما مطلعة الجواز ياما مدخلته وياما ادور رقم الرحلة اللي بترجعنا ياما ادور عناوين الاماكن اللي بنسكنها ... إلا واخذها ورماها جنبه ..!!! قلت شلون مو مفروض ناخذ الجزء الثاني حق الخروج .. قال لا مالها داعي .. شكراً جزيلاً بعذر محد قد جاب لها طاري

أنا طبعاً ماشية بكل ثقة اني عارفة وين أروح من كثر ما قريت .. ومدرعمة بإتجاه محطة القطار Renfe.. زوجي يقول طيب لحظة يابنت الحلال مري الاستعلامات خلينا نتأكد وين الاوتيل .. قلت ياعيب الشوم بس .. معاك المستحيلة وتدور استعلامات

هذي اللوحات موضحة القطار وينه وشوله نمسك سرا عشان نستعلم .. وأكمل درعمة ماشوف الدرب قال تعالي نروح بالتاكسي .. قلت أنتم شعب استهلاكي مترف

قدامنا الوسائل الأرخص ليه نروح بالتكسي وش مستعجلين عليه؟؟ قال ورانا النوم مانمنا لنا اكثر من 30 ساعة محنا فاضين نضيع بهالديرة .. قلت ماعلينا خوف ان شاء الله وبنوصل الاوتيل بحول الله قبل الليل

<------ فاضية أنكت بعد

رحنا للمحطه .. ولقيت مكاين البيع قلت عاد ماوصلت فيني الثقة العمياء أني اشتري التذكره إلى مكان ٍ مجهول

خلني اسأل قبل .. ولقيت ناس ماسكين سرا على شباك يبيع التذاكر ومسكت معهم .. لما وصلت قطع التذكره وما شاور .. وانا راعية طويلة بأوريه حجز الاوتيل واقول له وش اقرب محطة عنده .. اخذت التذاكر ومشيت على اساس انها بتنزلنا في المحطة الرئيسية اللي هي Sants .. لقينا القطار بيمشي ودرعمنا ركبنا على طول .. قلنا يالله من فضلك كذا التكنلوجيا والا بلاش

منتظرنا القطار لين نوصل وما حرك الا بنا
كان سعر التذكرة بـ 3 يورو للشخص من المطار لأي محطة بوسط المدينة (ما أدري هل السعر فعلا ثابت بين أي محطتين بالقطار؟) .. كنت أظن السعر فتاك لين اكتشفت ان تذكرة المترو من نوع passes 10 ممكن تركب فيها هالقطار اللي يوصل للمطار .. وعن جد التذكرة فتاكة حبيتها واقتصادية جداً للي بيستعملها صح ..

وأنا كنت قاريه عن التذكره اللي تغطي يومين وثلاث وأربع وخمس .. بس لقيت هالتذكرة أوفر وأحسن ..

أولاً : سعرها 8 يورو إلا كم سنت .. وتركب فيها 10 رحلات بالمترو .. أو قطار رنفي اللي يودي للمطار .. أو باصات TMB اظن كذا اسمها للتنقل داخل المدينة (على العموم ماركبنا ولاباص ببرشلونة فما أدري بالضبط كيف آليتهم) .. أما تذكرة المترو العادية (مشوار واحد) قيمتها 1.40 يورو .. يعني يابلاش ..
ثانياً : تقدر تركب فيها مرتين بالمترو أو أول ما تطلع من المترو تركب باص وتكمل مشوارك وتنحسب لك ركبة وحدة طالما إنك مستعملها خلال ساعة وربع .. وهذي ما جربناها بس قالت لي هالميزة أسبانيه الله يجزاها خير دلتنا على الاوتيل وبغيت آخذ رقمها من فرحتي فيها معطيتنا وجه ويا كثر المعلومات اللي قالتها لي
ثالثاً : التذاكر اللي تغطي الأيام وبعدد رحلات مفتوح فيها خصومات على متاحف ومطاعم .. بس إحنا مالنا في المتاحف ولا المطاعم حقتهم .. يعني بندفع أكثر على شي ما راح نستفيد منه .. بالإضافة لأن الواحد ماراح يركب المترو أكثر من ثلاث أربع مرات باليوم .. نظراً لأن الأماكن السياحية قريبة من بعض .. والجو أصلا حلو ويغري بالمشي .. ما يحتاج نركب المترو على مشاوير قريبة ..

 

[دلوعة أبوي**]

حتى هم بزرانهم يشخبطون على الجدران

وصلنا محطة سانتس .. وعرفتها من كبرها قبل اقرا الاسم .. وجلسنا ما نزلنا الا في اللي بعدها على كلام خوينا .. وانا لازلت مشخصة على أساس اني أعرف طريقي زين والحمدلله طلع كلامه صحيح .. ووصلنا في المكان الصحيح جلسنا ندور بين الناس أحد يدلنا على الأوتيل .. بس ما يعرفون اسمه :s واسأل عن شارعه .. بس الناس ما يعرفون انجليزي !! تجي الأسبانية متحمسه تشرح يمين ويسار بس منين تفهم وهي تحكي بالأسباني ؟ يخرب بيتكم إلى متى وانا اقول يا عالم تثقفوا .. تعلموا لغات .. ترى من تعلم لغة قوم ٍ أمن مكرهم.. بس ما حولك أحد

حتى بأسبانيا ما حولك أحد
لين رحمنا الله بأسبانية تنحط على الجرح يبرا

.. سبق ذكرها في فقرة تذكرة المترو .. مشت معنا من المكان اللي كنا حايسين فيه لييييين وصلتنا للأوتيل على 4 العصر تقريبا.. وطول الطريق يمكن ربع ساعة مشي واحنا نسولف .. خدومة لأبعد درجة ..

وبدا يشرف طويل العمر

v
v
v
v
v

Cram hotel ****

صورة لمدخل الاوتيل .. واعتذر لعدم وضوحها لأني صورتها بالليل (يوم ثاني) وما قدرت أصوره من برا يومها لأن الجو كان مطر وبعدين ياملحي وانا مطلعه الكاميرا عند زوجي بأصور بينما نجرجر شناطنا جايين من المطار

صورة من اللوبي

 

[دلوعة أبوي**]

الاوتيل عموما كله إضاءته خافته .. بالتالي ترى الصور كلها لكم عليها .. قايلة لكم من البداية

سعر الليلة العادية : 158 يورو
ويوم السبت : 174 يورو
صفحة الاوتيل من موقع بوكينق
Booking.com: hotel Cram, Barcelona, Spain - 701 Guest reviews. Book your hotel now!

كان الحجز بدون إفطار .. وقيمة الافطار حسب ما اتذكر 22 يورو للشخص .. بس ما جربناه .. وياليتني اخترت حجز باقي الاوتيلات كله بدون افطار .. لأن بوفيهات المطاعم لجمهورها الغير مسلم .. بالتالي كل شي يا داخل فيه لحم خنزير .. يا أجبان مشتبه دخول دهنه فيها .. يا أكل شكله شبهه .... يعني يصفي لنا الكرواسون والكورن فليكس .. والمربى والعسل .. يمدحون ستاربكس والا أقرب بقالة فيها خبز وجبن .. وأحسن فطور برا الاوتيل بيكلف 5 يورو .. هذا طبعاً لو قمنا في وقت الفطور !

عوداً للأوتيل وغرف الاوتيل ..
<------ قايلة لكم ياكثر ما امسك خطوط

نظام الغرف مثل الاجنحة .. تدخل بباب وتلقى فيه بابين لغرفتين جنب بعض .. لما فتحنا غرفتنا لقينا

هاللوحة الحلوة بالوجه .. وعاليمين الغرفة (مكاني) .. وعاليسار دورة المياه وانتم بكرامة ..

صورة للغرفة:

مثل مانتو شايفين مره مره مره صغينونه .. والشنط حاطين لها مكان تحت السرير .. من الضيق بالغرفة ..

دورة المياه

لما حطينا الأغراض .. نسينا اننا ما سألنا عن الاتجاهات حتى نعرف نحدد القبلة

نظراً لأننا مرينا محل قبل الرحلة وكان فيه البوصلة حقت القبلة بس اللي يبيع ما يعرف كيف برمجتها برا السعودية

قلنا بنلقى بمكان ثاني وما امدانا نجيبها .. والاي فون جبته بعد ما رجعت من السفر

والا برنامج تحديد القبلة رائع فيه ..

بالتالي كنت بأدق على الرسبشن .. إلا والتلفون يرن قبل أمسكه

ماشالله على هالتكنلوجيا يدرون وش افكر فيه قبل انفذه

من صار عالتلفون؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
أبوي مثلاً بيتحمدلنا عالسلامة؟
.
.
.
.
.
.
.
.
.
.