اليوم الجزء الأخير من تقريري ، وان شاءالله مب آخر تقاريري
ما أبا اتكلم وايد أحس اني بصيح ، خلونا ندخل في التقرير
الوزن الزائد
الليله اللي قبل سفرنا رتبنا شنطنا ولاحظنا انه بيكون عندنا وزن زياده ، وماتوقعنا الصراحه انه بنصادف هاي المشكله لأنه نحن3 ع البزنس وعندنا لين 120 كيلو الوقت كان متأخر انه نفكر نرسل مشترياتنا مع شركة شحن عقب اتفقت مع بنت خالتي انه كل وحده منا تشيل هاندباك فيها 10 كيلو ويانا في الطياره اذا طلع علينا وزن وغير جذي بندفع
الصراحه الوزن الزائد كان عندي مب عندهم مع اني ما احس اني اتشتريت وايد
انما اللي صار انه الثياب اللي يايبتنها فيها وزن وانا ممقصره في اللبس لزوم الكشخه وبالاضافه الى مشترياتي ، وخصوصا العطورات اللي فيها وزن
سيارة المطار
لأنه نحن ع طيران الامارت وع البزنس ، فهم يوفرون لنا سياره من والى المطار في الامارات وفي لندن ..
بوعيسى قبل مانسافر لما سوانا حجز السياره خربط في الوقت وعطاهم الساعه وحده ونص الظهر وهذا الوقت متأخر ، لأنه طيارتنا تطير 4 ونص العصر
وهذا الوقت مب كفايه للطريج ، ولأجراءات التاكس فري ، وللأجراءات الدخول ، وللسوق الحره
اول مادخلنا سرنا ع طول عند تغليف الشنط بالبلاسيتك كنت محتاجه أغلف شنطه وحده ، وعند التغليف كانوا جدامنا عايله يا اما صينيه او يابانيه ما اعرف كلهم نفس العيون
هاي العايله وايد أخرونا تقريبا غلفوا كل شنطهم وماصدقنا انهم خلصوا وغلفت شنطتي
أنا عارفه انكم ماودكم يخلص ، وفي نفس الوقت متشوقين تعرفون شو اللي صار
ولأنه لكل بدايه نهايه فاليوم النهايه في التقرير
ولكن مب النهايه ..
مع استفساراتكم ومداخلاتكم وآرائكم والتواصل وياكم
الميزان السحري
بوعبدالله
لأنه له فايده كبيره للي بيسافر ، حابه أخبركم عنه بتفصيل أكثر
وخصوصا للناس اللي تخاف يطلع عليها وزن زياده ، وأحيانا الخوف من انه الشنطه تكون أكثر من 30 كيلو وهاي صارتلنا كم مره انه تكون وحده من الشنط أكثر من 30 وجدام الناس يالفشله يخلونا نفتحها ونطلع الكيلوات الزياده ونوزعها ع الشنط الثانيه
وميزته انه خفيف في الشنطه يعني سهل حمله ، وسهل استخدامه ، ومنه انواع كثيره
تذكرون الجزء اللي طاف أستلمنا فيه التاكس فري عقبها توجهنا للدخول ، بس ياترى شو هي الحموله اللي شالتنها هداوه والخاصه فيني..
*شنطه تروليفيها 10كيلو *شنطة اليد الخاصه وهاي حجمها كبير وثجيله * كيس فيه شنطتي الجوتشي *شنطة اللاب توب اللي فيها كل الجارجات الخاصه باللاب والموبايل واللآي فون والميزان ، يعني هاي بروحها يمكن 10 كيلو
*كيس حطيت في البالطو من دخلت المطار وهذا اثقل بالطوا عندي عشان أخفف الوزن
في حياتي ماشليت كل هاي الاغراض بروحي
وهذا مب كل شي الباقي عقب بخبركم عنه ...
بنت خالتي شلت عني كيس شنطتي الماركه والباقي انا شليتهم ، لأنه هم بعد عندهم أغراض شالينها
بوابة الدخول
وصلنا عند اجراءات الدخول وتعطلنا وايد بسبب حظنا السيئ انه جدامنا نفس العائله الاسيويه اللي كانوا يغلفون الشنط
استغفرالله وايد اغبياء لدرجة انه اللي يشتغلون هناك تطفروا منهم
مايسمعون الكلام وكأنه محد يكلمهم وكل مايطوفون يرن جرس الانذار ويردونهم ، ويفهمونهم انه شخص شخص يطوف بدون بنتهم الصغيره وهم عافانا مول مب فاهمين او يستعبطون
بعد ما لاعت جبدهم الموظفين ، وبعد مالاعت جبدنا منهم لأنه نحن وراهم ، وعقب تأخير ماله داعي أخيرا فهموا وعدوا وعقب عدينا
ماصدقنا انه خلصنا الا نتفاجأ
المقلب الثالث
(( الأول كان سياره المطار ، والثاني التاكس فري ، وهذا الثالث ))
تفاجأنا انه مسكوا شنطتي الترولي وكيس بنت خالتي مال شنطتها الماركه حق التفتيش
تذكرون الجزء اللي طاف أستلمنا فيه التاكس فري عقبها توجهنا للدخول ، بس ياترى شو هي الحموله اللي شالتنها هداوه والخاصه فيني..
*شنطه تروليفيها 10كيلو *شنطة اليد الخاصه وهاي حجمها كبير وثجيله * كيس فيه شنطتي الجوتشي *شنطة اللاب توب اللي فيها كل الجارجات الخاصه باللاب والموبايل واللآي فون والميزان ، يعني هاي بروحها يمكن 10 كيلو
*كيس حطيت في البالطو من دخلت المطار وهذا اثقل بالطوا عندي عشان أخفف الوزن
في حياتي ماشليت كل هاي الاغراض بروحي
وهذا مب كل شي الباقي عقب بخبركم عنه ...
بنت خالتي شلت عني كيس شنطتي الماركه والباقي انا شليتهم ، لأنه هم بعد عندهم أغراض شالينها
بوابة الدخول
وصلنا عند اجراءات الدخول وتعطلنا وايد بسبب حظنا السيئ انه جدامنا نفس العائله الاسيويه اللي كانوا يغلفون الشنط
استغفرالله وايد اغبياء لدرجة انه اللي يشتغلون هناك تطفروا منهم
مايسمعون الكلام وكأنه محد يكلمهم وكل مايطوفون يرن جرس الانذار ويردونهم ، ويفهمونهم انه شخص شخص يطوف بدون بنتهم الصغيره وهم عافانا مول مب فاهمين او يستعبطون
بعد ما لاعت جبدهم الموظفين ، وبعد مالاعت جبدنا منهم لأنه نحن وراهم ، وعقب تأخير ماله داعي أخيرا فهموا وعدوا وعقب عدينا
عطونا بالطياره كارت الدخول تعبيه وهذي البطاقة مترجمة للي مايعرف انجليزي اطبعها وودها معاك ماخذته من النت
صورة كارت دخول ماليزيا يجب تعبئته قبل التوجه الى الجوازات لختم جواز السفر
وهذا كارت الخروج حاسب لايضيع دبسه بالجواز
وصلنا الساع 3 الفجر بتوقيتهم المطار فاضي ماكان حد فيه الا الي انزلوا من طيارتنا
اللوحات كلها بثلاث لغات العربية الانجليزية ولغتهم
قبل لانوصل الجمارك عطونا ورقة نعبيها عن الانفلونزا الخنازير وعطونا ورقة فيها اعراضها وطرق للوقايه منها
بعدها وصلنا الجمارك وفي كونترات فيهم حريم وفيهم رجال اذا هلك مب كاشفين رح صوب الحريم
وعقب ماخلصنا الجمارك استلمنا شناطنا ورحنا نبغي نحجز تاكسي سألنا عن تاكسي المطار طلع غالي 250 رجنت فطلعنا برا لقينا واحد يعرض حاله انه بيوصلنا ب100 وشي واتفقنا انه يوصلنا التاكسي 100وصلنا للفندق الساع 4:30 الفجر ..
وصلنا الفندق
اسم الفندق : فندق استانا كوالالمبور Istana Hotel
ويقع الفندق على مسافة قصيرة لا تتعدى 5 دقائق سواء الى شارع بوكيت بينتانج ووسط البلد أو الى البرجين التوأم بتروناس ، وكلمة أستانا فى اللغة الماليزية تعنى القصر، وبنى الفندق عام 1992 وهو مملوك لمجموعة ميرتس الشهيرة والتى تملك أيضا فندق متيارا فى بينانج ومتيارا لنكاوى ومتيارا كوالالمبور والعديد من الفنادق الأخرى حول ماليزيا ويتميز الفندق بوجود العديد من الخدمات مثل حمام بخار وخدمات التدليك ، حمام سباحة رائع مع حديقة ، صالون حلاقة ، مكواة ، محلات زهور ، خدمة ليموزين ، غرفة للصلاة وسجادات الصلاة ، صندوق أسعافات اولية ، كما يوجد بالفندق مطعم أيطالى يقدم المأكولات الأيطالية والعالمية وهو ذو شهرة واسعة فى العاصمة كوالالمبور ، كما يوجد مطعم سارى للمأكولات الماليزية ، والغرف مجهزة ومؤثثة على الطراز المحلى علما بأنه تم تجديد الفندق بالكامل فى ديسمبر 2005 وشمل التجديد جميع أرجاء الفندق وهو بصدد رفع أسعاره فى مارس 2006 ،
لمحة عن الفندق:فندق استانا فندق 4 نجوم وهو مصمم تصميم كلاسيكي ملكي ويجمع بين جوهر حقبة ماضية من المالاى الملكيه و سلطنة الضيافة والفندق حديث فقد تم أفتتاحه عام 1992 وهو الفندق المثالى لرحلات الشركات والراحة للمسافرين.
الغرف:
يتكون الفندق من 23 طابق و515 غرفة عالية المستوى وتتنوع الغرف لترضى جميع أذواق وأحتياجات الضيوف والغرف مفروشه بفرش فاخر بحسن ذوق ومزينه بالألوان الدافئة الترابية مع النسيج التقليدي والاكسسوارات ومجهزة بكافة وسائل الراحة المتاحة فى الفندق.
بعد مارتبنا اغراضنا قررنا نروح نحجز حق رحلتنا الي بعد كوالامبور الي هي بانكوك عشان مانحاتي ونستانس بماليزيا نزلنا تحت الرسبشن نسألهم عن مكاتب اير اسيا قالوا اقرب فرع في مجمع اسمه كي ال ركبنا مع التاكسي الازرق وحطوا في بالكم التاكسي الازرق اغلى عن التاكسي الاحمر المهم وصلنا بدون مايشغل العدد الى كي ال ب20رجنت :anger1:
هذا المجمع من برا
هذا المجمع من داخل
رحنا مكتب اير اسيا ماقدرنا نحجز من الزحمة وبالارقام فقررنا نشتري شريحة جوال ماليزيه
هذي صورة الشريحة : ب8:50رنجنت وعبينها ب30رجينت
بعدها تمشينا في المجمع نستكشفه وبعدها على الوحده تغدينا من مطعم ماليزيا والي يطبخون مسلمات ومحجبات
وبعدها طلعنا
لقينا التاكسي الحمره صافه برا وتمينا نسأل بكم توصلونا الى المناره كل واحد حاط سعر ركبنا مع انظفهم من الداخل ومسلم وارخصهم والساع ب20رجنت واعتمدنا عليه طول رحلتنا اسمه علي
ووصلنا المنارة وتم ناطرنا برا
منارة كوالالمبور
تعتبر منارة كوالالمبور بارتفاعها رابع اعلى برج اتصالات في العالم . و قد افتتح رسميا في اغسطس عام 1996 و يمكن لزائر مشاهدة ولاية كوالالمبور الفيدرالية و اقليم كلانج من ارتفاع شاهق من منصة المنارة او المطعم الدوار و تستخدم المنارة ايضا كمحطة اتصالات و راديو و تليفزيون.
السعر : 36رجنت للشخص وحنا اثنين 76رجنت
التذكرة تنقسم ثلاث اقسام قسم للدخول المناره والقسم الثاني للمسجل الي فيه معلومات بالعربي عن المناره والقسم الثالث حق المنظار الي تشوف منه ..
عطونا قلم وورقة استبيان رايك في اشياء عن المناره حنا طنشنها ماعطينهم ياها
