[لاتمثلين احتياجج لي وانتي بحضن غيري مقزرتها ] بقلمي .,
- بادئ الموضوع زهراء*
- تاريخ البدء
شوي وبكتب باارت
بس بنات كلش مو عاجبني تفاعلكم .., وينكم قبل كل رد أطول من الثاني ألحين بس وييتنق أنا زعلت مابي أبي ردوود طويلة مثل مابارتاتي طويلة xd
بس بنات كلش مو عاجبني تفاعلكم .., وينكم قبل كل رد أطول من الثاني ألحين بس وييتنق أنا زعلت مابي أبي ردوود طويلة مثل مابارتاتي طويلة xd
من عيووؤؤني << بطووؤلج الررد
اتووقع جراآآح فيهــ مررض بس ماآ ادرري شنوؤؤ <<
و عمرر راآح يسووؤي مصيبهــ لقمرر << و يحررق قلب مشااآرري
و ثنياان << ياا حليلهــ الله يجمعه اهوو و ورود
وفطووؤؤم ماآ رااح تقووؤل شي << عن عمرر او يمكن تعلم علي
و اشووؤؤاااآق بتملج ان شااء الله اهي و علي << و ان شاء الله يتمم عليهم ع خيرر
و ناآآطررينج بالباآآرت الجاآآي زوزؤ ~~ ..
اتووقع جراآآح فيهــ مررض بس ماآ ادرري شنوؤؤ <<
و عمرر راآح يسووؤي مصيبهــ لقمرر << و يحررق قلب مشااآرري
و ثنياان << ياا حليلهــ الله يجمعه اهوو و ورود
وفطووؤؤم ماآ رااح تقووؤل شي << عن عمرر او يمكن تعلم علي
و اشووؤؤاااآق بتملج ان شااء الله اهي و علي << و ان شاء الله يتمم عليهم ع خيرر
و ناآآطررينج بالباآآرت الجاآآي زوزؤ ~~ ..
شقآوه أنثى
New member
ولكم ولكم زهووور
وأخير هلّ هلآلج
ع العمووووم حيآج من يديد
فقدناج حبيبتي =)
وبصرآحه البارت عجيييييييييييييييييييييييييييييب
ناطرينج لآ تطولين علينا =$
وأخير هلّ هلآلج
ع العمووووم حيآج من يديد
فقدناج حبيبتي =)
وبصرآحه البارت عجيييييييييييييييييييييييييييييب
ناطرينج لآ تطولين علينا =$
A7laa kuwaitia
New member
-
- البارت الخامس والخمسون
- :$:$
- ..
- قمر ( ركبنا السيارة مع أبوي ووصلنا المطار .. وأحنا عند كاونتر المغادرون بطلت جهازي الخط الكويتي .. بشوف شنو واصلي شنو مو واصلي .. ولا فوق ال 50 مس كول من عمر .. ومسجات عتاب وكلام حب وخرابيط .. وأنتي معذبتني سافرتي وخليتيني .. وشلون طاوعج قلبج ومادري شنو .. انا موقلت أني بغير خطي .. ليش ماغيرتة .. أول ماأرجع الكويت بغير خطي .. مالي خلق سوالف مراهقين حدا مزاجي مو مزاج هالسوالف .. بقى آخر مسج مابطلتة .. يوم بطلتة ولا .................. )
- يوم بطلت المسج ولا أنصدم .., ألا مو بس أنصدمت لا بالعكس انهرت .. حسيت ريولي موشايلتني .. الدنيا قامت تدور فيني .. أشوف ألي حواليني بصورتين .., أبوي يناديني ( قمر .. قمر يبا .. ) وانا مو منتبهة .. الي شفتة بالتلفون سلب كل قوتي .. بس مسكت نفسي وقلت حق روحي ياقمر أصحي .. مابي أحد يشك .. أستجمعت كل قواي وبصعوبة رديت على أبوي .. رديت عليه وانا الدمعه بعيني : حاظر يبا كاني ياية .., بس الحين شنو أسوي بهالمصيبة ... شلون .. شلووون ومن وين له .. شعرفة فيني وشدرااه .. لا لا السالفة فيها أنة .. السالفة فيها شي موطبيعي .. !!
- أم أحمد : يما قمر شفيه لونج أنخطف .. ليش ويهج صار أصفر تعبانة يما آآ تبين أحمد أييبلج شي تاكلينة
- قمر : لا لا خالتي مافيني شي
- جاسم : يلا يبا أنا الحين مطر أودعكم .. بس توصلين دقي طمنيني وسمعي كلام خالتج هوازن أنزين يما آ
- هوازن قربت ولمت قمر من ورى : لاتوصيها ... قمر كبيرة وتسمع الكلام .. هاذي حبيبتي قمر
- قمر بالغصب تظحك : هههههه
- هوازن : يلا بو جراح .. مع السلامة ودق طمنا عليكم
- جاسم : بأمان الله وحفظة .. تردون بالسلامة
- هوازن : الله يسلمك
- أم أحمد : مع السلامة
- الكل : مع السلامة
- هوازن قربت من قمر : يما آآ قمر شفيج .. من مسكتي التلفون وأنتي ويهج موطبيعي .. صاير شي يماآآ قوليلي
- قمر : لا خالتي موصاير شي .. بس شوية أرهاق وتعب .. واليوم ماتفطرت الظاهر عشان جذي
- هوازن : خلاص بس ندش الطيارة نشوف شنو عندهم ونطلب لج
- قمر : أنشاءالله ( صعدنا الطيارة وقاعد أحاول قد مااقدر أتحاشى نظرات خالتي هوازن لانها تفهمني من عيوني .. الحين أنا شنو أسوي بالمصيبة الي طاحت على راسي .. هاذا شلون أفتك منة شلووون .. ياربي .. أذا مشاري عرف بالموضوع شنو راح يصير .. أمبييه لا لا أنا مو مستعدة أخسر مشاري عشان واحد مثلة .. آآخ يارب ساعدني .. من كثر التفكير حسيت بأرهاق .. حطيت راسي بحضن خالتي هوازن ونمت .. )
- هوازن : مو خالية ياقمر .. وراج شي .. وشي كبير .. ( آخذ تلفونها اشوف شنو فيه .. لا لا عيب مايصير شنو هالحركات .. )
- ..................................................................................................................
- ..................................................................................................................
- مشاري ( رحنا المطار عشان نستقبل الوالدة .. أنا والحجي والحجية وثنيان .., نطرنا عند قاعه الواصلون ., رحلتهم وصلت .. كل الناس طلعوا الا أهم .. وقعدنا ننطر وننطر ولا ألمح ذيك العيون العسلية والشعر الأشقر النازل بعفوية على ويها .. وقمازتها المفورة بخدها اليمين .. اي لمحت قمر .. لمحتها وقلبي بدى يرقع .. الا مو بس يرقع الا بدى يرقص .. بس شكلها كان حيل تعبان .. ذبلانة .. وبس طاحت عيني بعينها ولا أشوفها تركض ودموعها على خدها .. )
- قمر ( ماقدرت أحبس دموعي من شفتة واقف جدامي .. شفتة واقف ويناظرني بكل شوق وحنين .. ركضت عنده ولميتة بكل قوتي وقعدت أبجي .. تشبصت فيه وتمسكت فيه جني حاسة اني بفقدة .. ماهمني المكان ولا الزمان ولا الناس ونظرتهم لي .. كان أكبر همي اني أطيح بحظنة وأشم ريحتة عشان أحس بالأمان .. )
- مشاري : قمر بابا مومني الناس تشوفنة
- قمر رفعت راسها وعيونها غرقانة بالدموع .. وشكلها كان حيل بريء : ماهموني .. أنت أكبر همي .. محد يهمني بهالدنيا غيرك .. مشاري بعدك عني عذبني والله .. انا حيل تعبانة ..ومحتاجتك يمي
- مشاري : ليش شصاير
- قمر : موصاير شي .. بس تعبانة من السفر ومن الوضع هناك ..
- ثنيان لم أمة : حمدالله على السلامة يما توة مانوت الكويت
- هوازن : الله يسلمك يما ..
- وبدوا يسلمون على بعض
- أم هوازن خذت هوازن على جنب : يما آآ ترى الي صار مو حلو بحق ولدج مشاري .. شنو هاذي بنت ريلج ماتستحي عبالها قاعده بأمريكا طبت على الولد ولمتة بأي حق ماتقولين لي .. لاتصدق أنا صج أخوها
- هوازن : يما آآ شفيج البنت تعتبرة مثل أخوها مافيها شي
- هوازن : هاذا الغلط بعينة وعلمة .. بس تعتبر حرام عليه وأنتي تدرين .. وعاداتنا وتقاليدنا ماتسمح لنا .. شنو الحين الناس بتقول
- أم أحمد : يلا أم مشاري احنا نستأذن وأنشااءالله نشوفج عاد لاتقطعين مرينا البيت نتشرف فيج ألحين أنتي صرتي وحدة من الاهل بعد
- هوازن : أنشاءالله حبيبتي .. ونتواصل بالواتساب بعد رقمي عندج
- أم أحمد : أنشاءالله . يلة مع السلامة
- هوازن : مع السلامة
- .,
- أحمد : يما آآ شفتي الي انا شفتة
- أم أحمد : يما آآ عيب لاتتكلم عن البنت مايصير
- أحمد : بس موعدلة حيل مو عدلة
- أم أحمد : مالنة شغل فيهم احنا شكو .. يلا خل نرجع البيت أشتقت حق مكانا مليت من جو امريكا شحلات جو الكويت .. السفرة كانت طويلة حيل ومتعبة
- أحمد : اي والله يلا سرينا بس أبي أوصل فراشي وأقط روحي على المخدة وانام
- ..,
- ( بيت أم هوازن )
- هوازن قعدت مع مشاري وقال لها عن كل الي صار وقرر أنا يسحب عمرة من حياة أبوه ويعيش مرتاح .. بس بالمقابل ماراح يترك لمى بروحها .., وثنيان جابلها وقعد يقولها سالفتة مع ورود .. وهوازن المسكينة كانت مستمعه وحدها دايخة بتنام بس ماتقدر تسكت عيالها وكانت مستمتعه بالحجي معاهم
-
- ..............................................................................................................
- وصباح اليوم الثاني
- شركة سعد أبو مشاري
-
- مشاري ( توني داخل الشركة أبي أقدم أستقالتي .. يه يه كبرنا بعد أقدم أستقالتي .. اي والله ولا المذلة ألي راح يذلني أياها .. وانا أنطر عند السكرتيرة ولا أشوف عمر .. هاذا شنو يسوي هنييه .. ياني ماطيق هالأنسان .. يطالعني من طرف عينة .. ولا أقوم له )
- أنت هيي شنو تسوي هنييه
- عمر : يا أخ يا محترم أنت قاعد بمكان محترم فأحترم نفسك لا أنا بيدي أعلمك الاحترام
- مشاري : أهنيك على الأسلوب .. من وين متعلم تصفف الكلام جذي ..
- عمر : أنا من زمان أسلوب ..
- مشاري : الحين خلصني شنو تسوي هني
- عمر : وااي يما آآ عبالك بتخوفني يعني لانك ولد صاحب الشركة .. لا حبيبي ..
- مشاري : وانت شدراك .. وشنو تبي بالظبط مني .. ماتقولي
- عمر : أبيك تبجي دم .. أبي أذوقك الكاس الي ذوقتة لي .. وبعلمك منو يكون عمر
- مشاري : أنت تستهبل .. أقول بابا يلا جدامي تت برا هالمكان مو مستواك
- السكرتيرة : أخ مشاري ممكن تستريح ... الأخ عمر عنده مقابلة عمل مع الوالد ورجاءا مانبي أزعاج موعارفين نشتغل
- مشاري صارخ : أقول مو أنتي ياية تسكتيني فاهمة
- رن تلفون .. , سعد : نادية شنو هالأزعاج
- السكرتيرة : لا طال عمرك مافي شي
- سعد : عيل شنو هالأزعاج .. منو قاعد يتهاوش
- مشاري درعم غرفة سعد
- : أنا ألي مسوي ازعاج ..
- سعد : أنت بعد لك عين تيي الشركة
- السكرتيترة : أستاذ سعد وصل عمر الي مقدم طلب وظيفة
- سعد : خل يدش قاعه الأجتماع والحين أنا بيي
- مشاري : هاذا ماتشغلة بالشركة ..
- سعد : ليش أنشاءالله وأنت شكو انا أشغل منو ولا منو
- مشاري : يبا قتلك هالأنسان خسييس ماينفع تشغلة بالشركة ..
- سعد : أطلع برا مكتبي وبعدين لي كلام ثاني ويااك
- مشاري : انا قتلك وحذرتك وانت ماتبي تسمع وانا أصلن بطلع وماني راجع هالشركة مرة ثانية
- ...
- غرفة الاجتماع .. بعد ماخلص الأجتماع سعد يبي يعرف شسالفة مشاري مع عمر
- الا ماقتلي اسمك عمر صحيح
- عمر : اي صحيح
- سعد : أنت تعرف ولدي مشاري معرفة عن قريب ولا معرفة سطحية
- عمر : لا أعرفة مشاري كان صاحبي من زمان
- سعد : أنزين والحين
- عمر : الحين أحنا مختلفين صارت سالفة بينا ومن يومها لا أهو يطيقني ولا أنا أطيقة
- سعد : ايييه .. أنزين أنا أبيك بمهمة
- عمر : شنو المهمة
- سعد : أنت تدري أني أنا وأم مشاري متطلقين .. وانا الحين أمة تزوجت عدل
- عمر : اي عدل
- سعد : عيل أنا اقولك شنو المهمة الي أبيك فيها .. أبي أحرق قلبها بعيالها مثل ماحرقت قلبي بزواجها من هاذا الي ماينتسمى
- عمر : بس هاذا الي تبيه أبشر طال عمرك ..
- سعد : عيل أسمع ....................................................
- بعد ماطلع عمر من الشركة
- عمر : وجذي خذيت بو مشاري بصفي .. صج أني حقير وعلى قولتهم كم أعشق حقارتي .., وبهالطريقة راح أكسر راسك يا مشاري
- # ستوب خلوني أقولكم شغلة
- طبعا مشاري جمع معلومات كافية عن مشاري عشان ينفذ خطتة .. وعرف كل شي عن حياة مشاري من الطأطأ لي السلام عليكم .. وعرف بالمشكال الي بين مشاري وأبوه وأمة .. وأستغل هالنقطة لصالحة .. , لانة بعضكم راح يتساأل ويقول شنو ياب عمر على شركة سعد السالفة مو سالفة صدفة لا بالعكس عمر مخطط حق كل شي
- ..................................................................................................................
- بهالأثناء بالتحديد المحكمة
- علي ( وأخيرا ملجت على أشواق ... وأخيرا أشواق صارت مرتي بالحلال ... آآخ ياربي .. ماني مصدق ماني مصدق .. )
- علي : أشواق أنتي الحين صرتي مرتي .. الحين صرتي تحت جنحاني
- أشواق بخجل : وانت الحين صرتي ريلي آآخ علي ماني مصدقة .. وأخيرا .. الله يتمم علينا قول آمين
- علي : آمين يارب العالمين
- أم فيصل : مبروووك .. الله يسعدكم يارب
- أم علي باست ولمت أشواق : حبيبتي أشواق .. يما ماوصيج علي ولدي بعيونج .. سامعه حطييه بعيونج
- أشواق : مالة داعي توصيني خالتي علي من زمان بعيوني .. والله يقدرني وأسعده أنشاءالله
- أم علي : أنشاءالله .. أشواق يما آ أبيج تسامحيني على كل شي بدر مني .. سامحيني يما آآ ولاتشيلين بخاطرج عليي
- أشواق قربت من أم علي وباست راسها : خالتي احنا عيال اليوم .. والي فات مات ..,
- علي : يلا يما آآ أحنا نستأذن
- أم علي : اي الحين عندك العروس وعفتنا ..
- علي : ماعاش من يعوفج يما آآ
- أم علي والدمعه بعيونها .. طاحت على ريول علي وأهيا تبجي : حبيبي يما آآ حبيب قلبي أنت .. الله يسعدك يارب ..
- علي : خلاص يما آآ ترى الحين أنا أبجي معاج
- أم فيصل بطرف واقفة تتكلم بالتلفون
- شنو .. متى .. وشلون .. الحين أنا شقول حق أشواق .. الليلة ليلتها .. آآخ يا يما آآ آآخ على بنيتي .. خلاص خلاص أنا راح أبلغها .. مع السلامة
- أشواق: يلا يماآ أحنا ماشين تامريني على شي
- أم فيصل وصوتها يرجف : للل ... لللا يما آ سلامتج
- أشواق : يما فيج شي .. صاير شي
- أم فيصل : لالا مو صاير شي .. روحي أستانسي مع ريلج .. اليوم يومج .. قطي كل شي ورى ظهرج ومن يوم ورايح لاتفكرين الا بسعادتج وبس .. لاتفكرين بأي شي ثاني ..
- أشواق : يما أأ شنو هالألغاز شقصدج .. يما آآ صاير شي قوليلي لاتخشين علي
- أم فيصل : لا يما آآ مو صاير شي .. بس أنتي أكتفيتي من الظيج والهم بدنيج يا الوكت الي تشوفين روحج
- أشواق : لاتحاتيني يما آآ دام علي يمي أنشاءالله ماراح أذوق طعم الظيقة من يوم ورايح .. بس أنتي الي شوفي نفسج وعيشي حياتج ولاتفكرين فيني
- علي : أشواق يلة يبا تأخرنا
- أم فيصل : يلا يما آآ تأخرتي على ريلج
- أشواق : أشوفج على خير يما آآ مع السلامة
- أم فيصل : مع السلامة
- ..................................................................................................................
- بالبي بي
- ورود ( أستغليت فرصة طلعه عمر أخوي من البيت وأتفقت مع فطوم أشوفها وأشوف ثنيان بالجمعية الي يم بيتنا .., وقلت حق أمي أني بروح أشتري جم شغلة من الجمعية .. وصلت الجمعية وكنت ناطرتهم بستاربكس الجمعية .., وصل ثنيان وكان بيدة جيس )
- ثنيان : هلا بالزين
- ورود بخجل : هلا فيك
- فاطمة سلمت على ورود وخلتهم بروجهم
- ثنيان : شلونج ورود
- ورود خدودها حمرت : الحمدالله تمام أنت شلونك
- ثنيان : اوولة كل هاذا منحرجة مني .. فديت الظحكة والله .., شلونج شلون معاملة أخوج وياج
- ورود : والله مو زينة .. بس ردلي تلفوني عشان خاطر أمي والحين مايدري أني ياية الجمعية أهو طالع بيقدم على وظيفة وانا زرقت .. وماراح أقدر اطول اكثر لازم أرجع البيت
- ثنيان : بس انا ماشبعت منج ورود .. مامداني اشوفج بتروحين بسرعه
- ورود : والله موبيدي ثنيان .. بس ثنيان أنا بقولك شغلة وأبيك توصلها حق قمر .. ظروري وصلها حق قمر .. قولها انا عمر ناوي يخرب بينها وبين مشاري ..
- ثنيان : عمر .. وشنو علاقتة فيهم .. ومنو عمر
- ورود : عمر أخووي .. سالفة طويلة ماقدر أقولك ألحين .. وفي شغلة ثانية حيرتي
- ثنيان : شنو
- ورود : عمر أخوي سألني عن فاطمة .. ويوم كنا بالسينما فاطمة بس شاقت عمر جان ترجف وتدمع عينها .. انا مادري شنو علاقة أخوي بفاطمة .. وأخوي قبل جم يوم بعد سأل عن فاطمة وانا خايفة أنا يظرها مثل مايبي يظر قمر ومشاري .. عفية ثنيان قولهم يديرون بالهم من عمر .. ترى ناوي عليكم نية قشرة
- ثنيان : وليش .! شنو ماكلين حلال أبوه
- ورود : لانة قمر ( توني بكمل بقولة أنا حاول يكلم قمر وماعطتة ويه ولا يرن تلفوني )
- هلا يما .. انا كاني كاني الحين راجعه المحاسب صاير أزدحام عليه صارلي ربع ساعه واقفة
- أم عمر : يلا قبل لا يرجع أخوج ويسوي لنا فظيحة
- ورود : لا أنشاءالله دقيقتين ورادة .,
- ( وصلت البيت وكنت ماسكة جيس جمعية حاطة فيه أغراضي .. وبسم الله توني فاصخة الجوتي ولا عمر داش البيت .. انا بس شفتة قلبي قام يرقع )
- عمر : السلام عليكم
- الكل : وعليكم السلام
- عمر : أنتي ليش متكشخة ولابسة وين كنتي رايحة .. لا ومتمكيجة بعد
- أم عمر : يما عمر شنو تحقيق .. ام مساعد توها كانت عندنا بعد أختك ماتقعد مبهذلة ..
- ورود : ايي اييه
- عمر : وين تلفونج عطينياه
- ورود قلبها قام يرقع : تلفوني
- عمر : اي تلفونج ييبييه
- ورود وأهيا ترجف : تفضل
- عمر ( وانا أشوف الأرقام ولا ألمح رقم غريب .. دقيت ولا تطلع لي وحدة وعلى طول قالتلي )
- هلا ورود أنشااءلله ظبطتكم .. شرايج فيني
- عمر : الووو
- فاطمة أنصدمت : ....
- عمر بصريخ : الوو أنتي منو
- فاطمة وصوتها يرجف : أنا رفيجة ورود فاطمة
- عمر : اي فاطمة
- فاطمة : شنو تحقيق قتلك رفيجة ورود وبس أووف حمدالله والشكر تعقيد
- وسكرت التلفون بويه عمر
- عمر : صج قلة أدب .. بعدين شنو ظبتكم ومادري شنو عن شنو قاعد تتكلم
- أم عمر : اييه يحليلها رفيجتها الله يحفظها ظبطتنا بالحلو عطتنا أسم محل حلوهم مو طبيعي يعطيها العافية ( واهيا تخز ورود
- ورود : يما أنا صاعده غرفتي أتسبح تامريني على شي
- أم عمر : لا يما آ سلامتج
- عمر حذف التلفون عليها : يعني طالعه فيها أخذي التلفون ولاتسوين روحج بريئة ..
- ورود : .....
- اأم عمر : الله يهديك يا يما ويصلح حالك ..
- عمر : هههه الوالدة شنو شايفة عندي كرت أحمر
- أم عمر : يما آآ ليش ماتخليني أدور لك بنت الحلال الي تسعدك وتريحك ويمكن تعقلك بالطريج
- عمر : انا أذا لقيت بنت الحلال الي تناسبني بقولج تخطبينها لي ولايصير خاطرج الا طيب بعد شتبين يا أم عمر
- أم عمر : أبي سلامتك يما آآ مابي شي غير سلامتك
- عمر : الله يسلمج من كل شر .. وأذا ماعليج أمر أبي مجبوس دياي
- أم عمر : من هالعين قبل هالعين جم عمر أنا عندي
- عمر : تسلم عيونج يالوالدة ماقصرتي
- .....
- شاطىء عقيلة
- علي : هني أول مرة يبتج تذكرين .. أول مرة نتواعد فيها كانت هني أتذكر ليلحين يومها يوم كنتي تبجين وتشتكين من أبوج
- أشواق : اي أتذكر شلون أنسى
- علي : لين غمضت عيونج ونمتي بحضني وانا سهرت طول الليل أشوف ويهج الملائكي وأتأملة ..
- أشواق أنحرجت : ...
- علي : بس ذاك الوكت كنت أمشي على ريولي مو على الكرسي
- أشواق : علي ليش دايما تكأب الجو علينا .. أنت راح تتعالج وراح ترجع توقف على ريولك
- علي : بس الدكتور قال الامل ظعيف
- أشواق : انا جهزت كل شي .. راح نسافر أمريكا وراح تتعالج .. خالتي أم أحمد قالت لي أنا المستشفى الي كان فيها نسيبها الدكتور شاف التقارير ملوتك وقال كلها شهرين علاج طبيعي وعملية بسيطة وراح ترجع تمشي ..
- علي : عشان جذي قلتي بتسافرين شهر العسل أمريكا .. طلعتي مجهزة كل شي عشاني ..
- أشواق : اي عشانك .. بس أنت خربت المفاجأة عليي
- علي : آآخ يا اشواق لهالدرجة أنتي تحبيني
- أشواق : وأكثر .. علي طول الفترة الي كنت فيها وحيدة وعايشة بروحي وأعاني ومحد داري عني كنت أنت واقف جدامي .. بكل لحظة ظعف أمر فيها ماتركتني .. والحين يا الدور عليي أرد لك هالجميل الي سويتة لي .. وبعدين أنت حياتي وروحي وكل شي بدنيتي وأذا أنا ماوقفت معاك بوقف مع منو ..
- علي والدمعه بطرف عينة : أشواق أنتي الأنسانة الوحيدة من وعيت على الدنيا وانا أحسها انها تحبني صج ومهتمة لي .. عمري ماحسيت بحنان أمي ولا أبوي .. علاقتني فيهم كانت ناشفة وفطوم أختي على قربها مني بس كنت أحس في حواجز بينا خاصة بعد
- أشواق قاطعته : أنا راح اصير لك الأبو والأم والأخو والأخت والزوجة والحبيبة
- علي : الله لايخليني منج يا أعز ماخلق ربي ..
- أشواق : ولا يخليني منك آمين يارب
- .................................................................................................................
- شكرة الخليج العقارية
- مكتب دلال
- دانة مدت أيدها : وين لفلوس
- دلال : صج ماتستحين على ويهج الناس بالأول تقول السلام عليكم مو وين لفلوس .. بنت فقر لو أعلم فيج من اليوم لي باجر ماراح ينفع معاج
- دانة : خليت العز لج يا بنت المليونير
- دلال : المهم هاج لفلوس ويلة طلعي برا قبل لايشوفج أحد
- دانة : الا شلون عدول ريلج .
- دلال : هيي أنتي شنو عدول صج جليلة حيى
- دانة : شنو تغارين .. عيل لو ياخذني عليج شنو بتسوين
- دلال : تخسين الا أنتي .. والله حامظ على بوزج .. قل الحريم الي بالدنيا يلتفت عليج
- دانة : بنشووووف ..
- دلال : يلا أنجلعي برا الحين أحسلج قطع تقطعج
- دانة : ههههههه .. لاتطولين ألسانج لاترى باجر أروح أطلع صورج مع حمود وعزوز .. وعمر .. وحمد .. وجاسم .. وطلال .. وبعد تبين أكمل ..
- دلال : أنتي صج زبالة
- دانة : أنا زبالة ولا أنتي يالرخيصة .. هههههههه ( أنا لمحت ريلها عند الباب وانا داشة وأستقصدت الجركة هاذي .. كنت أبيه يشوفها وأهيا تعطيني لفلوس .. وكنت أبيه يسمع كل شي بأذونة .. وبعدها طلعت من مكتبها وأهو شافني وانا طالعه وأنخش عشان ماألمحة .. وأول ماتعديت ولا يدش مكتبها )
- عادل : السلام عليكم
- دلال متصروعه : وعلل .. وعليكم هلا حياتي هلا قلبي .. شنو هالمفاجأة الحوة
- عادل بنفسية : عجبتج
- دلال : اي أكيد شلون ماتعجبني ..
- عادل بنفسية : منو الي توة طلعت من مكتبج
- دلال : هاذي .. هاذي وحدة طرارة
- عادل : طرارة .. ماشاءالله طرارة ولابسة ماركات
- دلال : لاصج وحدة من رفيجاتي تمشي وتطر تبي سلف .. عبالها أنا قاعده على بنك
- عادل : اييي أوكي .. وأنتي شنو قلتي لها
- دلال : أنا .. أييه أنا قلت لها تدور وحده غيري تطر منها
- عادل : بس مسكينة تكسر الخاطر .. شكلة ظروفها وايد صعبة .. أنا أقترخ أنج تتصدقين عليها
- دلال : عادل لاتقهرني هالأشكال ترافدك عشان المصلحة
- عادل : وأذا .. الدنيا أصلن صايرة ماتمشي الا بالمصالح .. يت على هالمسكينة
- دلال : عادل
- عادل : خير
- دلال : من صجك
- عادل : اي من صجي .. لا وأبيج تعزمينها على البيت بعد .. خل نتصدق عليها بجم فلس نكسب فيها أجر
- دلال عصبت : لا أنت صج ينيت
- عادل : لا صاحي وبكامل قواي العقلية .. أذا أنتي ماعزمتيها ترى انا بعزمها
- دلال : مو من صجك .. خلاص يبا بعزمها وتصدق عليها بس لاتعودها ترى هاذي ويها منجب
- عادل : طالعه على رفيجتها
- دلال : شنو قلت
- عادل : سلامة عمرج
-
-
- أنتهى البارت على خير .,
- أنشاءالله نال اعجابكم .. وبنات أبي ردود حلوة وطويلة ولا ترى بوقف بارتات طويلة بكتب بارتات مختصرة وتملل xd تهديد السالفة هههههه .. لاصج أنا قاعد اتعب على البارتات وأنتوا ردودكم ماتبرد الجبد .., يلا أبي أشوف الردود الحلوة .. عشان أنزل بارت ثاني
A7laa kuwaitia
New member
يمقن قايل برساله انه بيعترف حق مشااري بكل شي و ابي اعرف شنوو الخطه اي خططوها ابو مشاري و عمر
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
يسلموؤؤ زوزؤ ع الباآآررت الرووؤعهـ<<
قمرر << شكلهــ المسج جاآي من عمرر و مكتوؤؤب فيهــ انهــ بيفضحهاآآ عند مشاآري
ابو مشااري << شكلهــ ناآآووؤي يسووؤي شي بمشاآرري و ثنياآآن
عمرر << بيساآآعدد بو مشااري و يفضح قمرر عند مشااري
ثنيان << ياا حليلهــ شكلهــ يحب وروود من صج اتوقع راآح يسأل فطووؤم ليش كاآنت خاآيفهـ من عمرر لماآ شاآفتهــ بالسينماآ
ورود << الله يجمعهاآآ بثنياآآن ان شاء الله
ام ورود << ترقيعاآآتهــاآ حدهاآآ عجيبهــ << فدديتهااآ ^^
هوزان << الله يسترر من اللي بيجيهاآآ من بو مشااري
جاآسم << الله يخليهـ لهوزاآن
اشواق << يااآ بعد قلبي طلعت تفكرر بعلاآج علي و مسووؤيهـ له مفاآجاءه
علي << الله يشاآآفيهــ و ان شاء الله يتعاآلج و يووقف ع رجووؤؤلهــ
ام اشواآق * ام فيصل * << اتووقع الخبرر اللي جاآهاآآ خبرر وفاآة ابو اشواآق
داآنهـ << ززين ماآ تسووؤي بدلاآل و اتووقع راآح تاآخذ عادل بالسرر
دلاآل << تستاآهل ماآ يحصل لهاآ
عاآدل << اتوؤقع بيتزووؤج داآنهــ بالسرر
و ناآآطررينج ع أحرر من الجمرر << و ان شاء الله بردت جبدج برردي الطوؤؤيل ^^
قمرر << شكلهــ المسج جاآي من عمرر و مكتوؤؤب فيهــ انهــ بيفضحهاآآ عند مشاآري
ابو مشااري << شكلهــ ناآآووؤي يسووؤي شي بمشاآرري و ثنياآآن
عمرر << بيساآآعدد بو مشااري و يفضح قمرر عند مشااري
ثنيان << ياا حليلهــ شكلهــ يحب وروود من صج اتوقع راآح يسأل فطووؤم ليش كاآنت خاآيفهـ من عمرر لماآ شاآفتهــ بالسينماآ
ورود << الله يجمعهاآآ بثنياآآن ان شاء الله
ام ورود << ترقيعاآآتهــاآ حدهاآآ عجيبهــ << فدديتهااآ ^^
هوزان << الله يسترر من اللي بيجيهاآآ من بو مشااري
جاآسم << الله يخليهـ لهوزاآن
اشواق << يااآ بعد قلبي طلعت تفكرر بعلاآج علي و مسووؤيهـ له مفاآجاءه
علي << الله يشاآآفيهــ و ان شاء الله يتعاآلج و يووقف ع رجووؤؤلهــ
ام اشواآق * ام فيصل * << اتووقع الخبرر اللي جاآهاآآ خبرر وفاآة ابو اشواآق
داآنهـ << ززين ماآ تسووؤي بدلاآل و اتووقع راآح تاآخذ عادل بالسرر
دلاآل << تستاآهل ماآ يحصل لهاآ
عاآدل << اتوؤقع بيتزووؤج داآنهــ بالسرر
و ناآآطررينج ع أحرر من الجمرر << و ان شاء الله بردت جبدج برردي الطوؤؤيل ^^
