رد: بنات بليز منو تعلمني ؟
هلا حبيبتي انا اسويه لي ولزوجي يعني لشخصين اذا تشريبة دياي اول شي ذوبي الدياي ولما يذوب قصصي الدياية اربع فخذين وصدريين وشيلي الجلد كله لو بقى شوي عادي بس الافضل كلة بعدين ييبي جدر وحطي بصل مقصص مكعبات وحطيه ع النار مقصرة عليها (البصل والدياي )واحمسي بعدين حطي 3فصوص ثوم مدقوق او مقصصته مربعات صغييييييييرر حيل واحمسي وحطي زيت بس مو وايد شوي يعني قفشتين كبار ع نظرج وبعدين حطي عود دارسين و5حبات هيل وبهارات مشكله مطحونة مكعب ماجي واحد و4حبات قرنفل وحبة ليمون اسود والحين احمسي ليمن تشمين الريحة تطلع شحلاته عاد امس كان غدانا تشريب دياي وبعد مصورتة المهم ولما تحمسين قصري النار حيييل وقصصي بطاطه كبيرة مربعات صغار وحطيها ع الجدر واحمسي مع الدياي وبهاراتج وبصلج وثومج وحطي ماي ليمن يغطي الدياي ولما يتبخر الماي ع النص حطي ثلث ارباع معجون طماط او نص وخلي النار عالية وبعد شوي قصري ع الناروحطي ملح بعد المعجون علشان تذوقين الطعم ليمن يثخن المرق بعديين سكري النا وقطعي خبز بصحن وصبي مرقج على الخبز وبالعافية ....
بس انا سويت المرق وحطيته ع صحنيين لان ريلي ياكل خبز اسمر وانا عادي من جذي خليته مرق وكل واحد ياكل من صحنة ويغمس الخبز ههههههههههه وبالعافية والله العظيم طعمة يهببل جربي ولا تحاتيين
