لجميع استفساراتكم عن الاطباق الرمضانيه

[رهام الكويت]

رد: الاكلات المفرزنه برمضان

ورق عنب

قبوط

كبب

 

[بحور الذكريات]

رد: الاكلات المفرزنه برمضان

كبب بطاط افخاذ الدجاج

 

[<<لمار>>]

رد: الاكلات المفرزنه برمضان

ورق عنب كبب سمبوسك رولات بيتزا

 

[Dandona]

رد: الاكلات المفرزنه برمضان

كبب
سمبوسه
ورق عنب
سبيغ رول
افخاذ الدجاج

 

[ورد الطايف]

رد: الاكلات المفرزنه برمضان

نفس ماقالوا البنات سمبوس والكبب
وتقديرين بعد سوين فطاير زعتر وبيتز وتحطينها بالفرينزير

 

[غرشوبه]

ساعدوني بنات كويتيات عندي مشكله بالطبخ

بنات انا عروسه يديده بس صج ما عندي خبره بالطبخ كنت اطبخ الدياي والعيش والمعكرونه

االحين انا على ويه رمضان وحامل والله ودي اطبخ شوربة عدس وسبوسه وطريقه حلوه لمجبوس سمج والعيش احسه ما ينضج عندي مادري ليش انا عندي مشكله بالمقادير

وسلامتكم

فأتمنى تساعدوني بالمشكله هذي واللي تساعدني لها دعوه ان ربي يرزقها الذريه الصالحه >>> أسلوب ترغيب:eh_s(6):

دمتم بود

 

[لجين2003]

رد: ساعدوني بنات كويتيات عندي مشكله بالطبخ

حياتي كتب الطبخ ما خلت شي
اكيد المقادير فيها مضبوطة

 

[جارة القمر]

غرشوبه




تفضلي طلبج حبيبتي



والله يقومج بالسلامة


http://q8yat.net/showthread.php?t=193299



http://q8yat.net/showthread.php?t=441306&highlight=%D3%E3%C8%E6%D3%C9


http://q8yat.net/showthread.php?t=365877&highlight=%D3%E3%C8%E6%D3%C9


http://q8yat.net/showthread.php?t=415417&highlight=%E3%CC%C8%E6%D3

 

[غرشوبه]

مشكووره يا الغلا بس احس الاطباق يبيلها وقت ابي طريقة عمل الشوربه بطريقه سهله وهمن الدياي والعيش اشلون ينضج

اسمحلي بس لاني ما عندي وقت الوحام من صوب ودوامي بصوب

دمتِ بود

 

[أم الصبيان2]

ابي أحسن عجينه سمبووسه

نفس العنوان



والاهم لما الف الحشوووه ماتتكسر



يسلمو

 

[أدووويا]

رد: ابي أحسن عجينه سمبووسه

لوزين

كاتبين عليها سهلة لا تلتصق و مرنة

 

[Snow angel]

رد: ابي أحسن عجينه سمبووسه

هلا حبيبتي غالبا عجينة السنبوسه ما تتكسر الا لسبب سوء التخزين والحفظ

عندك دلتا وسويتز وإن شاء الله البنات يفيدونك بالأنواع المجربة اللي متوفره عندكم

 

[أم الصبيان2]

رد: ابي أحسن عجينه سمبووسه

يسلمو

اهل زوجي داايما ياخذون العجينه من الخفجي بس مااقدر اطلبها روعه ومااعرف اسمها


بجرب دلتااا و لوزين

 

[supermarket]

رد: ابي أحسن عجينه سمبووسه

ناخذها من راعي السمبوسة بالمباركية

واذا بتلفينها لازم تغطينها بفوطة رطبة علشان ماتنشف

 

[وضوح الشمس]

رد: ابي أحسن عجينه سمبووسه

حبيبتي حنااااااااااااااااااا لنا ثلاث اسنين نجيب السمبوسة من الحفر او الخفجي واحلااااااا سمبوسة سمبوسة سعد او المحاميد قسم باللة روعة ولينة واذا ماتقدرين عندك لوزين لفي بسرعة وغطيها ولمى تخلصين غطيها بالبيض ثم البقسماط ثم احمسيها تطلع لينة وحلو ة بس متعبة ارد وقول سمبوسة السعودية احلا واسهل ادعيلي بالطفل السليم المعافى انا واختي

 

[F.A]

رد: ابي أحسن عجينه سمبووسه

حبيبتى أنا أخذ العجينه من الهنود اللي يبيعون سمببوسك عندج اللي بسوق المباركيه قبل العمارة البيضه رووووووووعه
وجمعية الشاميه
جمعية الاندلس
جمعيه العديليه
كلهم عندهم العجينه روعه واذا مالج خلق اتلفين سوى خلطتج واهم يلفون لج
ال60 حبه بدينار

 

[اخت الغالي الغائب]

رد: ابي أحسن عجينه سمبووسه

مشكورين منكم نستفيد هي سمبوسة السعوديه احلى شي

 

[جارة القمر]

ماشاء الله


البنات ما قصروا




وأحسن شي لوزين



ودلتا


وعجينة محل السمبوسة

 

[ام الدرر]

مشكووره يا الغلا بس احس الاطباق يبيلها وقت ابي طريقة عمل الشوربه بطريقه سهله وهمن الدياي والعيش اشلون ينضج

اسمحلي بس لاني ما عندي وقت الوحام من صوب ودوامي بصوب

دمتِ بود

غرشوبه حبيبتي
الشوربة عدس1- اسلقي كمية تكفي لمرتين بالاسبوع عدس مع بطاطه مقطعة مكعبات(ممكن بدونه) وثوم مقشر عدل وبصله شرايح رفيعة مقليه بزيت للتحمير وملح عقب السلق اخلطيه بالخلاط حمسي زبدة وزنجبيل فرش مبشور وضيفي نص كميه العدس لحد مايبدى يغلي اذا ثقيل زيدي ماء وممكن شوربة ماجي شعيرية او تحطين مكعب ماجي خضار طبعا حسب الكمية اذا لج ولزوجج كافي نص المكعب او نص كيس الشوربه
والنص الباقي برديه وبالفريزر بتبروير او علب النخي والباجلا البلاستك حق مرة ثانية
2-شوربة خضار مكعبات بطاط وجزر وكوسا وبقل مقطع تحمس بشوية زبدة وبصل وثوم ويضاف مكعب ماجي وماء وتترك تغلي لحد ما تستوي خليها تبرد ونص الكمية بالخلاط ورديه للجدر على النار شوي وقدميه
والنص الباقي بالفريزر لمرة ثانيه
3- شوربة الشوفان وهذي اذا ماعندج بالفريزشي جاهز اشتري شوربة ماجي الشوفان وحمسي بصلة وثوم مدقوق بزبدة وضيفي
كيس الشوربة قلبيه شوي وضيفي ماء لحد مايستوي ربع ساعة ماتطول وممكن تضيفين كزبر مفرومه فرش على الوجه
وممكن تخلطين بين ماجي الشعيرية والشوفان نص بنص بنفس الطريقة
العيش ياعمري
الدياية تنضفينها وتنشفينها وتبلي بطنها ببهارات مشكلة
حمسي بصلة بزيت نباتي بالجدر وحطي الدياية قلبيها شوي وضيفي بهارات عدله مسمار داسين ورق غار وهيل وضيفي الماي لحد مايغطي الدياية وملحي وخليها تنسلق تقريبا ساعة حسب الحجم
بهالوقت غسلي العيش اذا لج ولزوجج بس كافي كوبين عيش ونقعيه بماي فاتر وشوية ملح اقل شي نص ساعة
استوت الدياية طلعيها من ماي السلق
بجدر ثاني حطي سمن نباتي وهيل عدل ومسمار على نار هادية شخلي العيش من ماي النقع وحطي لكل كوب عيش كوب وربع ماي سلق الدياي وغطي الجدر على نارعاليه اول دقيقتين وعقب اذا قل الماي وطي النار وحطي الحديدة تحت الجدر تكونين منقعه زعفران بشوية ماي صبيه عالعيش وردي غطية بقصدير اول وعقب غطا الجدر
سوي حشو بالطريقة اللي تحبين واذا تبين تفيريين اخذي الخضار المشكله معلب قفشتين كبار كافي وحطي عليه شوية بصل مقطع وثوم مدقوق وبهارات وملح وفلفل اسود قبل لا ينشف ماي العيش سوي حفرة على جنب بالجدر حطي الخلطة وغطيها بالعيش مرة ثانية وغطي الجدر يعطي نكهة للعيش وطريق تقديم حلوة
واذا تبين اي سؤال انا حاضرة​

 

[@البراء@]

بنات بليز منو تعلمني طريقة المرق للتشريبه؟

بنات عفيه منو تعلمني طريقة المرق سواء دياي او لحم حق التشريب ؟؟