للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

قيم واخلاق
اعجبتني اغراض بنتج الكهربائيه

يا عين ابوي يبيلج لو 4 عطور فرنسيه مو كله عربي

وموفقه حبيبتي

 

[ياعين ابـوي]

قاهره عذالي انا صدري يتعب من العطور الفرنسيه بشتري بس عطر يوم العرس

وعطرين غيرهم واضن ببطلهم ولا بستخدمهم ​

 

[ياعين ابـوي]

فديتج قيم واخلاق ..

لوني ثوبي ابيض ثلجي دانتيل . تتوقعون اي لون يلوق احس الاحمر دمااار ​

 

[قاهره عذالي]

سلامتج حبيبتي

اجل عليج بالخلطات للفراش

واشتري كلونيا اشرقت من اجمل رشيها على فراشج حلوه

في عطور هاديه وما تضايق الصدر

مثل قطرات مطر من اجمل وعطر ساكريفايس من اجمل
عطر سويت كامليا مع مجموعته من زهور الريف

ع الاقل اشتري مجموعات جسم معاها عطرها من بدي سنتر مثل مجموعة فيوليت كل مجموعاتهم ريحتها ورود وما تضايق الصدر مثل فيوليت وزهرة النرجس حتى فيهم عطور خاصه بالشعر
ومن بدي شوب مجموعة المسك وريحة المسك ماتضر الصدر ومجموعة جابانيز شيري هم ريحتها هاديه وخفيفه
وعندج مسك العروسه من القرشي ريحته حلوه وما تضر الصدر
وخلطات الجو عندج خلطة الجو بالمسك من القرشي ما تضر الصدر بعد وحلوه تنرش بغرفة النوم وع الجو

واشتري فواحه من بودي شوب
اذا كثرت البخور تضايقج

اللي كتبتهم لج كلهم ريحتهم هاديه وماتضر واهم شي عوضي بمجموعات الجسم بدي شوب
زهور الريف
بدي سنتر

 

[قاهره عذالي]

فديتج قيم واخلاق ..​

لوني ثوبي ابيض ثلجي دانتيل . تتوقعون اي لون يلوق احس الاحمر دمااار ​

الوردي الناعم يطلع حلووو
والاحمر مو اي احمر
يبيله وحده تعرف تضيط هاللون مع الشدو الؤلؤي
والاحمر درجات فيبيله وحده فنانه بالمكياج
الاحمر حلووو
بس يبي وحده براطمها مو منفوخه وكبار
انا قبل كنت ابيه بس غيرت رايي لان قالولي يكبر عندج الفم
فاخترت الفوشي مع البنفسجي بس كان ثوبي اوف وايت :eh_s(7):

 

[ياعين ابـوي]

سلامتج حبيبتي

اجل عليج بالخلطات للفراش

واشتري كلونيا اشرقت من اجمل رشيها على فراشج حلوه

في عطور هاديه وما تضايق الصدر

مثل قطرات مطر من اجمل وعطر ساكريفايس من اجمل
عطر سويت كامليا مع مجموعته من زهور الريف

ع الاقل اشتري مجموعات جسم معاها عطرها من بدي سنتر مثل مجموعة فيوليت كل مجموعاتهم ريحتها ورود وما تضايق الصدر مثل فيوليت وزهرة النرجس حتى فيهم عطور خاصه بالشعر
ومن بدي شوب مجموعة المسك وريحة المسك ماتضر الصدر ومجموعة جابانيز شيري هم ريحتها هاديه وخفيفه
وعندج مسك العروسه من القرشي ريحته حلوه وما تضر الصدر
وخلطات الجو عندج خلطة الجو بالمسك من القرشي ما تضر الصدر بعد وحلوه تنرش بغرفة النوم وع الجو

واشتري فواحه من بودي شوب
اذا كثرت البخور تضايقج

اللي كتبتهم لج كلهم ريحتهم هاديه وماتضر واهم شي عوضي بمجموعات الجسم بدي شوب
زهور الريف
بدي سنتر

بعد عمرري والله الله يوفقج يااارب :yaaaaaarb:

ماقصرتي فديتج :eh_s(7):

بدي سنتر اللي بالعربيد بلازا ؟​

 

[ياعين ابـوي]

الوردي الناعم يطلع حلووو
والاحمر مو اي احمر
يبيله وحده تعرف تضيط هاللون مع الشدو الؤلؤي
والاحمر درجات فيبيله وحده فنانه بالمكياج
الاحمر حلووو
بس يبي وحده براطمها مو منفوخه وكبار
انا قبل كنت ابيه بس غيرت رايي لان قالولي يكبر عندج الفم
فاخترت الفوشي مع البنفسجي بس كان ثوبي اوف وايت :eh_s(7):

اي امي قالتلي الاحمر الجووري يهبل عليج

و على طاري الشفايف انا شفايفي مو كبار ولا صغار وسط :eh_s(7):

يعني باذن الله يصلحلي الاحمر ​

 

[قاهره عذالي]

بعد عمرري والله الله يوفقج يااارب :yaaaaaarb:​

ماقصرتي فديتج :eh_s(7):​

بدي سنتر اللي بالعربيد بلازا ؟​

http://www.bodycenterperfume.com/default.aspx

هذا موقعهم تقدرين تطلبين منه
وهم شموعهم ترا حلوه وفواحه

عندج المجموعه البنفسجيه فواليت (عطر الجسم + اللوشن+ الشاور جل + عطر الشعر كلها حلوه )
ومجموعة زهرة النرجس هم حلوه وهاديه
هذول احلى مجموعتين اعرفهم من عندهم وحلوين اشتريهم اثنينهم كاملين لانج عروس اهم شي ريحة جسمج

مو بس لهم فرع العربيد بلازا
هم لهم فرع بالمنار مول ع الارض وسط السوق
وهم تقدرين تطلبين من موقعهم:eh_s(7):

روحي بودي شوب اشتري مجموعة المسك

وزهور الريف في بالمنار مول فوق
احلى مجموعه وريحتها بارده هي سويت كامليا تجنن ( اخذي منهم العطر وبخاخ الجسم والشور جل واللوشن ) من هالمجموعه:eh_s(7):

 

[قاهره عذالي]

اي امي قالتلي الاحمر الجووري يهبل عليج ​

و على طاري الشفايف انا شفايفي مو كبار ولا صغار وسط :eh_s(7):​

يعني باذن الله يصلحلي الاحمر ​

الله يهنيج وتطلعين احلى عروس

رفيجتي كان مكياجها احمر بلؤلؤي حطت عند ايميلي اللي بلمسة فن والله طلعتها طلعه
بس رفيجتي فمها صغير وبراطمها ضعاف فابروزا عندها الفم حتى كان احمرها غامج شوي ومو لامع

 

[قيم واخلاق]

ياعين ابوي اذا ثوبج ابيض ثلجي دانتيلات يصلح له ورد قرمزي يطلع قمه وهم الاحمر الجوري حلو بعد الله يهنيج وتطلعين احلى عروس

 

[قاهره عذالي]

سمو المجد اذا عرسج بعد العيد خلصي الذهب والدراريع لان هذا وقت المعارض بس خلي كم دراعه من العربيد فصليهم برمضان لانهم راح ينزلون موديلات جديده حق العيد اما الاكسسوارات والعطور وكل شي خلصيه من الحين لان برمضان راح تشب الاسعار ولازم بشهر رمضان تكون فتره راحه لج لان مو معقوله صيام بالنهار وتعب بعد الفطور راح يكون ارهاق لج استغلي هالشهر بالعباده والعنايه اتمنى لج ولكل عروس السعاده

انا معآآآآآآآآآج بهالرد فعلا برمضان كل شي يرتفع خاصه البدال والملابس عشان العيد:eh_s(7):

 

[قاهره عذالي]

نجي حق جناط السفر وصناديق الميك اب والاكسسوارات وتقسيمات الادراج والملابس وعلاق الجناط والتقسيمات الشفافه حق المكياج تلقينها عند المنصورتحطينها فوق التسريحه وتقدرين تزينينها باي شي انتي تحبينه سواء دانتيلات وورود صغيره او تلبسينها بمخمل وتحطين عليها كرستال انتي وماتحبين وجنطه الساعات طبعا صغيره ونفس الشي جنطه حق الخواتم ترتبلج خواتمج وطبعا حلو ان جناط السفر تجي لون واحد وديزاين حلو يليق بجهاز عروس وصناديق المكياج تكون مقسمه من داخل بحيث ماتتعبين وتدورين بكل مكان لما تحطين مكياج أما التقسيمات تجي على أشكال منها خليه نحل ومنها مربعات صغار ومنها مستطيلات يصلحون حق اطقم الملابس الداخليه او الاكسسوارات او الستيانات اللي باسفنج تلقين التقسيمات بكل مكان واسعارهم رخيصه*يتبع*

ما شاء الله فكره تهبل

احب الاشياء اللي تنظم
جنطة للاكسسواار وتقسيمات شفافه وادوةات الترتيب والتنظيم جد تختصر الحوسه وتعطي منظر حلوووووو:eh_s(7):
اذكر شريت بعرسي مبخره كرستال
اخر ما بقى شوي على عرسي تذكرت وشريتها
بس لو طقم كرستال احلى من انه مبخره لحالها
وفي اطقم مباخر كرستال من عند االفايز والحرمين تجننننننننن

 

[قيم واخلاق]

مشكوره قاهره عذالي على ردج لي من ذوقج والله حبيبتي

 

[الليدي سارة]

يعطيج العافية قاهرة عذالي

موضوع اروع من الروعة



.

 

[قاهره عذالي]

الله يعافيج الليدي سارة
جيكي ع الخاص
رديت عليج

 

[ياعين ابـوي]

قاهره عذالي + قيم و اخلاق ..

تسلموؤوؤوؤون فديتكم ويوفقكم كلكــم ...
​

 

[الليدي سارة]

ابدأ بالمكياج من كريم حق المناسبات واول فتره العرس وطلايع العروس اللي هو كريم ديرماكول الاصلي وسوبر كولر اول شي تحطين الديرماكول واللي تبي طريقتهم تقوللي واضاءات من المنصور وبودره سمايلنغ وفكتوريا وقلم كحل سمايلنغ ضد الماي وماسكرا اركنسل وماسكرا كوفر اب وشدو اسود من شارمل وشدو شارمل الوان للمناسبات وشدو <البون> وبلاشر<قولدين بيوتي> للايام العاديه ولاينر محمود سعيد وهواحسن شي لاني جربت لاينر لانكوم مووشي وحمرمع غلوس فكتوريا وكفر أب وسوبر ستاروماك افنيو وفاشن ليدي وقولدن ليدي ومكياج 2000 وكلهم تلقونهم بسرداب الشايع او بالمنصور او الهنود اللي بالخيمه مول وبعد لمعات صدفي موبودره لا تجي نفس الشمع الناشف مع بودره لون فضي بيج رقم 1<سوبر ستار>وفي لمعه صدفيه اسمها فكتوريا تحطينها عالخدود وعالانف تعطي اشراق وطبعا في بودرات نحت الانف اذا كان عريض او طويل تقدرين تتحكمين بالملامح وعندج اختيارات كثيره ويجي لونها بني فاتح جاي على وردي فاتح وبعد لاتنسين فرش المكياج لهم اهميه ومثبت المكياج ومزيل المكياج وتاتو الحواجب والعدسات ماركه بيللا بإطار رمادي وماركه حنان دشتي وإي بعد نسيت كريم أساس يومي تغطيه عجيبه ناسبتني انا وبناتي وكل وحده تشوف مكياجنا تسأل شنو كريمكم اللي حاطينه مع انه رخيص ب2,500 إسمه كوفر أب رقم 5 ويجي مدور طبقتين من تحت كريم ومن فوق بودره بس انا ماأستعمل بودرته مااحتاج فوقه بودره لانه بسرعه تمتصه البشره مودهني ويدبق وفوقه بلاشر وإضاءه وانا ان تذكرت شي بعد اقولكم

‏ *يتبع*

اول شي الله يخليلك بنتج ويوفقها يارب :eh_s(7):

وماشاء الله شكلك خبرة بالمكياج :eh_s(15): طيب بالنسبه لكريم ديرماكول الاصلي وسوبر كولر

من وين اشتري الاصلي ؟ ومتى استخدمهم بالمناسبات بس او بعزومة عشاء مثلا

وهل يبقى ثابت ؟؟ والله تكسبين فيني ثواب ابي كريم تغطيته حلوة ويكون طبيعي

وبعد كريم كوفر اب من وين اشتريه عقدتي الكريمات ؟؟ :eh_s(11):

والبشرة ماتعرفين احسن مكان للتنظيف وكريم مرطب حلو ؟:eh_s(10):

وشكرراااااااااااا :eh_s(7):

 

[فرزاشيهـ]

تسلمين قااهره وشووور كل يوم بكون عندكم هني لوووول عطلت من الكليه و خلصت و ببدى اكمل تجهيز .،.و عن الاخت اللي سالت عن الترينغز النصر مريته مادري ماعجبوني رووحي مااكس واايد حلووين ،.

مسك العروس اللي من القريشي الا سود ؟؟ مادري شميت الاسود مادش مزاحي .،. ماشاءلله قيم الله يعطيج الف عاافيه و يخليلج بناتج ان شاءلله .،.انا همن امي عضوه هني تدش و تكتب مثل قيم لووووول بنوته و الفلوس مقسمينها بظرووف و اذا زااد من اي ظرف تحطه بظرف برووح يمكن نحتاجه لشي .،.و عن الالكترونيات رحت اليوسفي شريت ستشوار تجفيف لان شعري ناعم ما احتاج سيراميك و همن خذيت غلاية ماي و توستر ..،.
سموو المجد لااتحاتين ولله ترا انا بعد تووني نص شهر خمسه بديت تجهيز و ان شاءلله سهالات بس مثل ماقالوا خواتي قسمي وقتج يعني كل روحه حق شي و اذا تبين اي شي ترا كلنا بالخدمه

 

[قاهره عذالي]

فرزاشيه

مسك العروسه مسك ابيض

ابي محل ماكس وين صاير ؟

هذي صورته

هوو مسك ابيض على شكل دهن عود

المسك الاسود حق الطهاره له طريقه بعد الدوره ما تخلص
تدخلين نقطه منه داخل

حق متزوجات وخالصات مو حق بنات عرايس


ولا خلا ولا عدم منج

هذي صوره فيه مسك العروس ومسك الختام في بنات يحبون يشترونهم اثنينهم
وفي بنات يقولون ان مسك الختام احلى
بس انا ما جربت الا مسك العروسه وحلوو

 

[العنود225]

سلااااااااااااااااااااااااام بنات انا تعرفت على محل يبيع جميع خلطات العطوارات الفرنسية مركزة وتهبلل بالاضافة عندهم لوشن بجميع الروايح الفرنسية والحلو فيها انها تبيض الجسم وتشدها وتخلي ريحتج تييييييين لو تسبحتي ما تروح

ويسوون بعد صناديق مجموعة كاملة من العطوارات باسم المعاريس تهبل
حبيت افيدكم واسعارهم بعد حلوة
( 97453802)