بالنسبه لي انا احب واكره !! ,,,,, اهم الي اشوفهم نوعين صراحه
أول نوع
الي تتحجا انجليزي والآكسنت مظبوط .. وتحسسني اهي بطريقتها انه الشي عادي وعفوي وتلقائي منها !!
وتلاقينها دراستها بمدارس خاصه <<< مثل صديقات الطفوله ,,او الي تخصصهم انجليزي او او
اهني ما انقث منها ..... بالعكس تعجبني وودي اصير مثلها صراحه
^_^
والنوع الثاني
مثل بعض البنات حمد لله ياربي والشكر
متعلمه اللغة من الافلام ومو حافظه غير المسبات والحجي الوسخ
وانتو عارفينه ...!!
ولي عصبت قطت لها جم مسبة بالأنجليزي هههههههههههههههههه الله يديم العافيه هههههههههههه
هالنوعيه لايت تحجت انجليزي مهما كانت الحجوه زينه من دون بدليات بعد,, صراحه تقثني وترفع ضغطي وتييب لي الويعه
وودي الف ويهي ولا احاجيها بالمره وتثير اشمئزازي والله ما ابالغ ^_^
... هذا بالنسبه للنوعين الي اشوفهم ,,,,,,,,,,,,,
لكن من جهة ثانيه في ناس تتحجا كويتي عادي بس تقط لها جم كلمه انجليزي ..
اهني اقولج على شغله
من وجهة نظري عادي
لأن احنا البشر نتواصل مع بعض ونتفاهم بعدة أمور منها
الغة الإشارات والتعابير بالويه .... و و
ودايما نحاول نوصل الي بقلبنا بأي طريقه نشوفها مناسبه ...
مرات ماتقدرين تعبرين بكلمه فتسوين حركه بيدج مثلا او ويهج .. وتوصل للي يمج وتفهمها وتضحكون !!
انا اشوف الي تقط كلمه بالأنجليزي واهي حجيها عربي عادي واساسا ماتعرف انجليزي عدل .... مثل الي تبي تعبر عن شي ومالقت
كلمه توفي التعبير غير هالكلمه الي بالأنجليزي ^_^
هذره وايد صح هههههههههههههههههههههه
بتعبير ابسط ^_^ <<<< لمن تتحجين وتبين تقولين (خلج اوبن مايند)
ياربي تحسين ماكو غير هالكلمه توفي التعبير ... يعني مثلا تقولين بطلي مخج تفهمي صيري حضاريه؟؟
مادري احس اوبن مايند بالأنجليزي اهي الي تييييب التعبير صح ^_^
نفس مرات اقط كلمه سوريه واحس ماكو غيرها يوفي التعبير
مرات لمن نطلع طلعه تافهه وسخيفه يا فيها هوشه يا ملل وما نستفيد شي ونرجع كئيبين
اقول (( متل سيران الكلاب(حشاكم) غبره وإلة واجب )) خخخخخخخخخخخخخخخخخخخخخخخخخخ
احس ماكو غير هالحجوه تعبر الي بداخلي ^_^
وغيرها الكثير ^_^
ومرات بعد اقط كلمه بدويه واحس ماكو غيرها لازم اقولها عشان تبرد قلبي
مثل مينونه .......... لا ييت بقولها من كل قلبي واقصدها قصد اقولها مجنونه احسها تعبر اكثر ^_^
يعني اشوف الي تقط كلمه انجليزيه مثل ما تقط اي كلمه بلهجة ثانيه ودها توفي تعبريها بس لا اكثر
ماحسها فلسفه ولا غرور ولا اي شي من هذا القبيل ^_^
