ليش تتضايقين لما وحده ....... !!

[سنافية مطير]

أنا عادي عندي ... تتكلم عربي تتكلم إنجليزي تتكلم هندي // المهم أفهم عليها ...

إذا كلمات بس أوكي ماكو مشكله أما إذا الإخت إتفلسف على راسي وحجيها كله إنجليزي <لأ>​

 

[ملااااك]

بصراحة حتى انا ما احب هالحركات

يعني حتى لو انتي تعرفين انجليزي مو لازم الا تقطين كلمة عربي وكلمة انجليزي

لان الوضع مو ضروري خصوصا ان احنا في مجتمع عربي والمفرض تشجعي الكل يتكلم عربي عشانها لغة القرآن

اما اذا استدعى الوضع تتكلمي انجليزي عادي بالعكس كل ما كانت ثقافتك اوسع كل ما كان تأثيرك في المجتمع اكبر

اما تفلسف من دون داعي ماله داعي

 

[دلوعة مودي]

انا قولك لييييييييييييييييييييييييييييييييييييييييييييييييشس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لان اللي تكلم بكبريا وتصنع يبين انها بالغصب وتصير كرييييييييييييييييييييييييييييهه


اما المتعوده عادي عاااااااااااادي وتتكلم باريحيه مو زي غيره لاقالت اوكي كنها مخترعه صاااااااااااااااااااروخ

من اللي مايتكلم انقليزي الحين ويدمج الكلام بعد عااادي بس فيه ناااااااااااااااااس يغثون تلقينها تسولف مع عجوز وتقول بليز ولا هذا كنسل وغيره

طيييييييييييييييييييييب العجوز وش فهمها؟؟؟؟؟؟؟؟؟؟؟؟؟؟؟؟؟؟؟؟؟؟؟

كلن يقدر اللي قدامه ويحترمه ويكلمه بحدووود عقله والا بيكرهه

 

[حقوقيه زوغه]

انا مااشوف الغلط بالانجليزي واللي يقطون حجي بالانجليزي بالعكس شي حلوو وايد..

بس الغلط باللي يتصنع هالانجليزي..هني حده غلللللللللللللللللط لوووول

 

[انامل كويتيه]

بالنسبه لي عادي ما اتضايق كل وحده وطريقتها واسلوبها

ما اجبر الناس يكونون نسخه مني لان كل واحد وطريقته بالكلام

 

[روح الدنيا]

لا والله عادي انا اقط قطات عنقريزي ..


و عادي لو وحده تقط لايك ذيس كلام هع


بس هو يرجع ع البنت مو لغه بعض البنات و دج حتى ما يتكلمون عربي عشان يتكلمون بالانقليش

 

[شوشو الشقيه]

تسلمين اختي
والله انا بصراحه عندي عادي
ولكن انها تتكلم باي لغه تريدها لاني اؤيد فكره تعلم الغات
لان الانسان ذا عرف لغه قوم سلم من غدرهم

اختي في ناس ما يعرفون بعض الكلمات بالعربي لانهم درسوا باللغه الانجليزيه
يعرفون يتكلمون معاج بالعربي ولكن ساعات الذاكره تخونهم فيذكرون الكلمات بالانجليزي

يعتمد على نمط كلامهم كل شخص واسلوبه
وساعات تريدين تعبير عن كلام بالعربي تخونك العبره فتكلم الشخص بانجليزي لانه اسهل واكثر تعبير

في ناس يتكلمون فارسي لانهم اصلهم فارسيه لا يقدرون يتكلمون عربي
وفي بعضهم يحبون اللغه فيتكلمون فارسي
وكذلك اللغه الفرنسيه في الكثير مثل لبنانين يحبون الفرنسي
وكل شخص الي يحبه
ولكن اثناء الكلام يجب مراعاه اننا لما نجلس مع كبار السن مثل الجده ان نجحاول نتكلم باللغه عربيه حتى لو ما عرفنا الكلمه باللغه عربيه نحاول ننطقها او نطلب مساعده الغير لمساعدتنا فيهاااااااااااااااا
والله اختي كل مكان صار الانجليزي مهم
في مطعم في شركات الاتصالات
في المجمعات
في محلات ملابس
في الانترنيت
وكل شيء
اكبر مثال لو تريد تطلب وجبه من مطعم في ماكدونلز او غيره لازم تكلم انجليزي عشان تطلب لك وجبه
من اختج شوشو الشقيه

 

[amoOoNA Al_mazyoNa]

انا مااااااااأحب أحس تفلسف وخااصة اللي توها حافظتلها جم كلمتين الحمدلله والشكر وتقعد اتفلسف فوق راسج وإذا راحت مطعم ولا محل كلمتين على بعض انكليزي ماااتعرف تتكلم الحمدلله والشكر ودي أصكها بأكبر ماعندي.. أحس في ناس فيهم نقص وبيعوضون النقص اللي فيهم.. بس في كلمات عادي مثل أوكي_ بااي_ سي يوو_تيك كير أحس هذا صار من كلامنا مانستغنى عنه

 

[حبييبة عزوز]

انا اقول في بعضهم يتفلسفون هذول الي الناس ماتحب منهم يتكلمون انقليزي بس في وايد يتكلمون بس تحسين عادي شي متعودين عليه
انا مااتحجى بس كل واحد حر

 

[روعة خيال]

شووفي يا قلبي انا و لله الحمد اتحجى انجليزي عدل لغة و لهجة و اللي ما يعرفني يقول هذي دارسة برا مو مدح بس الله عطاني هالموهبة

الوالد الله يخليه لي نادر يتحجى معاي بالعربي يعني اذا اكو نااس غررب يتحجى عربي بس اذا انا ويااه لا يتحجى انجليزي و من جذي تقوت اللغة عندي

بالجامعة كانوا معاي بناات باااااااين انهم ما يعرفون انجليزي بس تشوفينهم يقطون كلمات تتكرر مثل i know و الا it's okay فاهمة علي بس اذا دش دكتور امريكي و الا بريطاني شووفي الوهقة

انا رفيجتي متزوجة و لغتها ماشاء الله لا اله الا الله تعالي شوفي حماتها تعرفين شنو تتضايق لمن تتحجى مع ان البنت دارسة برا بس عمري بحياتي ما شفتها تتحجى انجليزي جدامي الا بالضرورة لمن تبي تحش لوووووووووول

بالنسبة لي انا بنتي ناوية ادخلها مدرسة انجليزية بس يا ويلها ان تحجت انجليزي جدامي انا مدخلتها عشاان تكسب لغة و بس مو تتفلسف جدام الله و خلقه فاهمة علي

اللي ابي اوصله مالج شغل باللي يتضايق على قولتهم (الضايق ينفص) لو اهي مكانج و عندها لغة جان ما تصكر حلجها كله تتشيحط اهم اي غيرهم لأ!!!

 

[mshmsha555]

شوفي حبوبه انا عااادي بالنسبه لي بس
على حسب اللي جدامي مو الكل يعرف انقلش
ترى في ناس ميييييح بالأنقلش ههههههه يعني تحجي
على حسب ثقافة الشخص اللي معاج

 

[contessa]

wayd et9er feni

ana ma atfalsaf 7eta 3arabi telgeni ma aktb wayd l2na kela english b3den

twa 9ar feni maw8ef 5ays bl avenues refejti bere6nya o g3da aklmha english o mombyn

eni q8ya

yaw shabab q8yen g3den et7rshon kuwaityen egolon kalam english ana 7egart glt ewalon

b3den kan fe w7da yami kuwaiyta wna aklm refejti english

chan alef 3la e5ti agoleha shy bl q8y

chan etgol weeeee3 ge6ee3a chicken neggets l0oool 3balaha atfalsaf

ana matklm english bas mrat meth6ra 5o refjti mo 3arabya ! shsawi




waydddddd a9adf hal mwa8ef bas rfejati 3adi awl may7bon bas al7en t3awdo lama age6

ga6at bl english l2ni met5rja mn madresa englezya o marat a7awl asolef kela 3aarabi bas

fe kalemat ma3rfeha bl 3rabi shsawy y3ni ? aro7 amot ?

 

[kekat kakaw]

اهوووو على حسب البنت اللي تتكلم في بعض البناااات ملااااقه ملااااااقه و الاكسنت مالتهم زيرووو

و في بعضهم .. لاااا اتحسيننهاااااااا اهي متعودة .. و ماخذ لسااااانهاااا على هالشي

 

[ملح بدويه]

في ناس لايق عليهم وناس تلوع الجبد سوري

 

[منى الكندري]

اهم شي يكون مستوي حوارج يتماشي مع اللي قاعده تحاورينه

اعطيج مثال
مثلا في الكليه و بين صديقاتج مثلا تخصصكم انجليزي يكون الشي عادي انكم تتحاورون بالانجليزي و حتى لو تقطين كلمات انجليزي محد راح يستنكر من رفيجاتج

و المثال الثاني
مثلا قعدتي مع حريم كبار اللي متعلمين بمدارس قبل لمن تكلمينهم و تقطين عليهم جم كلمه انجليزية بيستنكرون هالشي و بيقولون قاعده تتفلسف علينا

هذا مثال بسيط بس علشان اقرب لج الصورة .. فامابالج انتي تخالطين ناس عندهم ثقافات تختلف عن ثقافتج بس كلكم لكم اصل واحد وهو انكم عربي فا كلميهم عربي وارتاحي

يعني لازم يكون مستوى حوارج يتماشي مع اللي تحاورينهم علشان محد يتهمج بالغرور او يفهمونج غلط

السلام عليكم ورحمة الله وبركاته

خواتي العزيزات يسسعد لي صباحكم وممساكم _ ان شاء الله ويجعله من ايام الخير عليكم

بصراحه انا ما عندي مشكله سواء كانت طبعها اهي جذيه او تدلع وتتفلسف

خلوها تتفلسف وتدلع دام حلو عليها ولايق واهم شي اهي مرتاح براحتها ودام ما تطلع عن احدود الادب والبنت حبوبه وحليوه

عادي خلوها تدلع وتتفلسف شنو بضركم

بعدين كل الحريم لهم طريقه بالدلع والتفلسف الكل __ بس الي يفرق الطريقه واسلوب التعبير عنها

كل واحد له طريقه مختلفه تعبر فيها

انا يهمني بالشخص فكره وطرحه مو لغته وطريقته

هذا راي

صراحه كلامهم ميه ميه:sfg:وآنا عندي تفسير واحد حق إللي تحتر ...ألا وهو الغيييييييره...لو كانت تعرف إنجليزي عدل وتتقنه جان ما احترت...المسأله عاديه وما فيها شي كل واحد يتكلم بالطريقه إللي تريحه دام إنها بحدود الأدب....إللي عاجبه عاجبه وللي مو عاجبه خل يشربfrom the sea :krkrkr::eh_s(20):

 

[$نسيم الصباح$]

بالعكس ما أتضايق بس ساعات في ناس تكون مبهوره بالحضارة الغربية مع إن اللغة العربية لغة أشمل وأفضل وأسهل , أستخدم للغة الأخري في وقتها المناسب مو بأي وقت .

 

[شمـ رغم الجروح وخ]

اعتقد السبب الواضح وهو اننا نعيش بمجتمع عربي ونعتز بلغتنا العربيه الاصيله وبلهجتنا المحببه فلهذا السبب نجد ان الاغلب الاعم يستنكرون التحدث اليهم بلغه غير لغتهم..

كلامها عدل ​

 

[soseta]

اتضايق اذا وحده تتفلسف او مثلا تدري اللي جدامها مايفهم حيل انجليزي وتقعد وتفلسف بجم كلمه ..

بس اذا وحده عفويه نوعا ما عادي بس فيه ناس يتضايقون لان مايفهمون انجليزي عدل ..

وتصدقيين انا اتوقع ان الناس عبالهم تفلسف ومغروره لاسباب ومن الاسباب
اني اعرف ناس وايد بجامعات خاصه ودارسين بامريكا , يعني لغتهم قويييييه بالانجليزي بس مستحيل يقطون كلمه انجليزي واهما يكلمونج بس لما يكلمون اجنبي ينطلقون معاه , يعني يكلمون كل واحد بلغته ..

فلما اتيي وحده تتحجى انجليزي وايد ناس يقولون مو مصدقه !! والا مغروره والا تتفلسف !!

 

[الراقية]

مافيها شي اني اتكلم انجليزي , لكن اراعي مشاعر الاخرين يعني اذا ناس ما يعرفون انجليزي احاول ما اتكلم الا بالعربي ,والانجليزي حلو وانا كنت عايشه بره لكن لغة القرآن احلى وأجمل لانها ليست مجرد لغة ولكن من تعلمها وتعلم قواعدها ومعانيها تعلم الاخلاق والشهامه سبحان الله

 

[al7anona]

تدرين ليش في ناس تعتبر هالشي تفلسف

انا مايهمني كل واحد حر باللغه اللي يتكلمها بس حلو انه يراعي اللي يكلمه

انا عن نفسي ثقافتي بالانجليزي مو شي

لما تيي وحده تقطط حجي نصه انجليزي اتضايق عشان مااحب احد يكلمني وانا مو فاهمه كل كلاااامه

لهذا السبب بس

وشكرا