ليش تتضايقين لما وحده ....... !!

[الريادة]

أنا أخاطب و أكلم الناس بمستواهم ..
المتعلم و المثقف أكلمه على مستواه on his mind level
لكن الجاهل أو الناس اللي مالها علاقة بالانجليزي أو المرأة الكبيرة أكلمهم باللهجة الكويتية .

 

[yam_yam]

حسب الظروف اذا الوضع مايناسب ماتكلم انجلش ماله داعي

 

[نور بوبيان]

ساعات يسئلونها شنو قلتي .. وكلساع ننسى سالفتها لأنها تترجم لهم الكلمه إللي يت بين الكلمات العربيه ....


احس تفلسف مالا داعي خاصة إذا كان بين أميات مايفهمون ...أو يعرفون إنه إللي تتكلم معاهم مايحبون إنها تدخل الإنجلش بين الجمل العاميه ....

أعرف وحده اقعدت مع شيخه واعيالها واهما دارسين بمدارس انجليزيه خاصه وتقول ماترضى اتكلمهم إنجليزي أو يحطون بين الكلمات انجليزي واتنبههم كل ماغلطوا .......

 

[وجدان الكويت]

مادري انا اشوفها حرية شخصية خاصة اذا كانت تتقن اللغة مو قاعدة اتقط حجي كلة بدليات

انا اختي بالبيت جذي تعودنا عليهااا اشوفه شي عادي

بعدين اغلب البنات صاروا جذي الحين

 

[UK_Girl]

السلام عليكم
:/ انا مادري شسالفة الناس حتى بحلوجنا والسنتنا داشين ويبون يشكلونها على امزجتهم وحسب عقدهم اللي بداخلهم او نظرتهم !

اللي يبي يتحجى باي لغه عليه بالعافيه ..شنو المشكله اتحجي انكليزي او روسي !شنو علاقة الفلسفه والغرور باللغه اللي نتكلم فيها ؟ ليش هالنظره ؟ ليش هالتعقيد للحياة ولاسلوب حياتنا اللي نحب نعيش فيه ويريحنا ؟ !

انا حاليا واصله لقناعه ان احنا شعب ما عندنا غير النجره على اقل واتفهه شي بالدنيا ...خلو الناس لحالها خل نرتاح شوي
تحياتي لج

 

[عنزية والهيبه وايليه]

شفتــوا اللي بفوضه ولا موضه المصممه تبط الجبـــــــــــــد وييييييييييييييييييييييع :eh_s(14): قلنا تحجي انقليزي بس مو لهدرجه

يعني على حسب المكان اذا جيت اطلب من مطعم ومايعرف يتحجى عربي عاد اهني اقوم اتحجى ....
واذا دشيت محل واللي فيه مايعرفون يتحجون عربي اهني اتحجى ..

بس اسولف انقليزي بكل وقت لا اصلا مو حلو جذي وبعدين المفروض الوحده تعتز وتفتخر بلغتها احنا اساسا لغتنا لغة القرآن الحمدلله يارب :ggdw: :ggdw:​

 

[ريري1]

شوفي ياأختي لازم يكون عندك فصل بين العربي وأنجليش
مجتمعنا مايتقبل هالشي
يعني تكلمي أنجلش مع الناس اللي تيكلمون أنجلش والأهل بالعربي
عادي المسأله بس حاولي ترا ماله داعي تتكلمين عند ناس كويتين بالإنجلش.

 

[بيتي بوب بس كويتيه]

انا اعرف انجليزي وريلي همن طلاقه انجليزي
بس انا احب انه اكلم ولدي عربي ابيه يحب لغته كافي انها لغه اعظم شي عندنا واهوا القرآن
وايد ناس اشوفهم يكلمون اعيالهم انجليزي وحتى من اهلي عاد انا ازفهم اقولهم شلون بتحبوبنه بالقرآن اذا انتو ما تكلمون عربي


مره كنت بمطعم مع بنت اخوي وبنت اخوي تدرس بمدرسه انجليزيه يعني لغه بس ولا عمرنا كلمناها انجليزي كله عربي
والي يمنا قاعد يكلم اعياله انجليزي وصوته عالي يعني اشكره شوفي اعيالي مدرسه انجليزيه
والله اني ما تكلمت ولا كلمه وبنت اخوي قالت شفيه هذا يتكلم انجليزي وعربي يعني تبينا نعرف انك تعرف انجليزي
والله انها عمرها 6 سنين وقالت جذي مت من الضحك وعاد الريال سمع وما قدر يقول كلمه لانها صغيره بلا شقولها

حلو انه الانسان يتعلم لغات بس لازم الشخص يفتخر بلغته الأم
انا اعرف انجليزي وقاعده اتعلم اسباني بس ولا عمري كلمت احد عربي وبديرتي بهاللغتين بس بلغتي وانا افتخر فيها

وهذا رايي

 

[shai5at al3arab]

لا لما تكون وحدة مثلي كويتية تحاجيني انجليزي ليش ؟؟

يعني انا مو فلبينية ؟؟


ما يخالف تستخدمها ضروري تحتاجها ممارسة بس مو تحاجيني انا ..

تحاجي الأجانب مفروض .

 

[Spoildish]

بالعكس انا ارتاح بس مرات الناس تفهم غلط فانا احاول قد ما اقدر اني ما اقط كلمات مايعرفونها ولازم تعرفين انتي قاعده مع منو يعني لو انتي بين صديقاتج اخذي راحتج يدرون انه انتي جذي بس مع ناس توج تعرفينهم راح يقولون هذي شايفه عمرها و مادري شنو ( مجربه )

 

[مــلائكيه]

بلعكس شي حلوو ,,

واذا ناس قالولج مغروره ولاتتفلسفين على كلمة قطيتيها " بالغلط "

وطلعت غصب ,, << تصير فيني واايد مرات انسى شنو معناها بالعربي كككككك

ماعليج منهم ,, يحسوون بالنقص ,, ولاليش ينقهرون ويقعدوون يطنزون ؟


ويسلموو ع الموضوع ^^




​

 

[Rock & Zoza]

والله صح كلامكم يالمؤيدات
اكيد يحسون بنقص .. ولا ليش يكرهون الشغلة من دون سبب !!!
فاقد الشيء لا يعطيه

و يسلمووو على مروركم

 

[SpiceGirl]

بالعكس ما أتضايق .. أصلاً انا غرامي الـEnglish
بس في بنات يحبون يتفلسفون .. عرفتي شلون

و بــــــس

 

[Om_RayooMa]

انا احس ان ماله داعي تتكلمين انجليزي
والعفوي يبين عليه واللي يتفشخر هم يبين عليه
موضوعج حلو وردود البنات احلى
مشكوره

 

[ضحكه مستعاره]

انا اشوف انه على حسب والمكان والطابع الغالب عليه يعني اذا كلمتي رفيجاتج او ناس تمونين عليهم يعني اقصد يكونون عارفين شخصيتج وطبيعتج اما تقعدين مع ناس اول مره تشوفينهم او مع حريم كبار بالسن وتقطين كلمات انجليزيه اكيد بينقدون وبيحسونج تتفلسفين

 

[M!$$.3NoNa]

سوري حبي بس احس انها ملاغه !

ما اعتقد انها من الثقاافه الزايده يعني مثقفه وتعرفين انقلش وايد حلو ووممتاز وبشاطره والله هل يومين اللغه وايد ضروريه ف الحياه مو عيب

بس بياخه وملاغه اذا كنت يقاعده مع بنات عربيات او خليجيات بمعنى اصح وتحجين انقلش !


بيااااااااخه ماتخيلين اشلون انتطنز ونتمصخر عليها ههههههههههههههههههههههههههههههههههههه

ترا كلنانعرف بس ليش يعني الشوه
تعالو شوفوني انا اتحجى انقلش !
اووه مايقاد لوووووووووووووووول كلش كالها داعي


اذا كنتي مسافره او معانا وحده ماتعرف عربي الا اشوي اي حلو انج تبين لها انه احنا العرب والخليجياتمثقفين بس في قروب خليجي
سوري تفاهه لوووووول
واحس انها مو شايفه خير مهما كان مستواها الاجتماعي
بعد تعكس على نفسها انها حديثة النعمه


ههههههههههههههه حدي قرقت وعورت راسج
بس اختلاف الأراء لايفسد للود قضيه

 

[MissChoco]

اذا كلمه كلمتين اوكي انا معاج

بس كل 4 كلمات وكلمه انقليزيه ليش !! عيل تتكلم انقليزي احسلها


يعني انا مثلا ادوده لمن احد جدامي يتكلم انقليزي ويقط كلمه عربي؟؟؟ ينفس دكتوري يكلمني انقليزي ويقط كذا كلمه عربي انا ادوده مادري اهيا انقليزي قايلها بدليه ولا شنو؟؟


نفس بالضبط الي تكلم عربي ومثل ماثتلج بين 3 4 كلمات اتقط كلمه انقليزي مو حلوووو


على قولتهم يا ابيض يا اسود ماكو رمادي

 

[روافــد]

عادي تحجي أنجليزي بس ماتبدل لأن تحجيت english ماكو داعي تبدلين ولازم تكون متمكنه باللغه لأن معاي وحده بالداوم الله وكيلكم مخلصه الثانويه عادي مثلي يعني موقصد أحش فيها الله يستر علي وعليها تقط جمل اخاف السما أطيح مالها معني ومو بمحلها ولانبي نحرجها ومخليه نفسها أضحوكه بالدوام

 

[النوري قمر]

انا عن نفسي عادي
بس اذا جو ناسمايعرفون يتكلمون انجلش بس كم كلمه حافظينها يقولونها حتى نطق الكلمه ماتقولها عدل
انا اعرف انجلش ولغتي قويه بس مااحب اتكلم
ذكرتيني بسالفه كنت اقول لجدتي اذا جو عندك حريم قولي لهم ؟؟ how are you
وواذا سالناك قولي fine
بس لو تسمعينها وهي تقولها تضحك ماتعرف وش تقول الله يطول بعمرها

 

[frfr197]

بالعكس ما فيها شى وانا بالنسبه لى بناتى بالمدارس الاجنبيه واشوف ما فيها شى لو اقط كلمه بالانجليزى لان الانسان يتعود اذا كل يوم يتكلم معاهم اكيد راح تطلع منج كلمه من غير قصد لان الشى صار تعود لا اكثر ولا اقل......