ليش تتضايقين لما وحده ....... !!

[الحراير]

ليش انتي حساسه حيل لا ياحبيبتي لاتحطين في قلبج والله تعجزين وتقبلي مروري

 

[DanDoona]

اهو في ناس يتضايقون وانا اتكلم بعض الاحيان انقلج بس مو على الفاضي لا انا اكلم عيال خالاتي لانهم مدارس اجنبيه ويعني متعوده على هشي واهم لمن يتكلمون عربي ماينفهم كلامهم لانهم دارسين بره وجذي يعني اما في ناس يتضايقون من هشي لانه عندهم ماله داعي انهم يتكلمون انقليزي اهو مو ماله داعي بس استخدميها بوكت الحاجه عشان محد يقعد يطلع كلام هذي مغروره وهي عبالها انه اهي الوحيده ال تعرف وجذي عشان ماتتضايق يعني استخدموها وكت الحاجه .. بس عاد في ناس لا مايقدرون يستحملون هشي يعني عادي اذا وحده غلطت بكلمه خو عادي تعودت يعني اعذروها مو عشان انه اهي مغروره بس خلاص سمعنها قالت كلمه بلغه غير عربيه يعني صارت مغروره لا مومغروره .. مشكوره على الطرح الجميل

 

[غزلان]

بالعكس انا احترمهاا تعجبني مره

 

[كويتية فاصله]

أففففففففف آآآآآآآنا أكره هالحركه شنو يعني بتورينا روحج شاطره تبين نصفق يلا نصفق وبعدين بذات الكلمات إلي مالها معنى سوري شنو ماتعرفين تقولين آآسفه بعد قلبي إخذيها معلومه سوري يعني آآسفه لا تقعدين تتفلسفين فوق راسنا خلاص إحنا عرب عرب عرب إذا وحده صح ماتعرف تتكلم عربي إي أتكلم وياها إنقليزي عشان تفهمني بس آنا معاها كويتيين أوعربيين شل عبط تكلمي عربي وين إذنك يا جحى ؟؟

مشكوره على الموضوع والسموحه على الرد بس هذا كان داخل قلبي

 

[MZajEyA]

تكلمي انجليزي مع الاسيويين وخلي الكويتي حق الكويتيين

وتنحل مشكلتج بإذن الله

عجبني ردج


انا افهم انجليزي و اتكلم انجليزي بالمطاعم بالمحلات اللي يتكلمون فيها انجليزي
و اذا انحطيت بمكان لازم اتحجى فيه انجليزي ... و اعلم خواتي انجليزي


بــــــــــــس


بين الكلام اقط انجليزي لاااااء لان لغتج اذا بتمارسينها او ما تبينها تضيع مارسيها مع اجانب
مو مع عرب لان لو بتقطين قطات انجليزي و اللي جدامج ما يتكلم انجليزي ما استفدنا شي و لا قويتي لغتج على قولتج :ggdw:


و مو كل اللي ما يقطون قطات انجليزية يكونون فاشلين بالانجليزي لااء
في يتكلمون انجليزي بوقته و مكانه ..

احنا نتكلم عربي و مو نفس اللبنانيين اللي تحجوا فرنسي غصب بسبب الاستعمار


حلو انج اتعرفين كذا لغة و تتكلمين فيها بس مع اهلها و بوقتها

و اذا في جم بنت يقطون بس جم كلمة و اهما ما يعرفون انجليزي عدل على قولتج ليش
ما يكونون يبون يتعلمون منج عشان يقوون لغتهم على قولتج بالممارسه

و اكثر من جذي ما اقدر اوضح رايي... :dddds:

 

[Gears]

طبعا الي متخرج من مدارس اجنبية وجذي ماعليهم حرج اصلا حرام مايعرفون يتحجون عربي عدل كله مكسر


بس مثلا احنا بالجامعة نتكلم انجليزي قصبن علينا ليش انه احنا نحتاج جذي

بس بره الكلية قمنا نتعود نقط حجي انقلش قصبن علينا لان حيل تعودنا وماقمنا نعرف بعض الكلمات بالعربي

بس احاول اني ماتحجى انجليزي لان ماحب هالنظام ،،

والي تتحجى انجليزي او تقط انجليزي ، واهيا تعرفه او مثل حالتنا مافيها شي ،، بس الي تقط حجي انجليزي وبدليات

عاد سمعي وضحكي


شكرا للموضوع

 

[MZajEyA]

موضوع اللغة وتعلمها متفرع حول مواضيع كثيرة بعض ناس بتقول عروبتنا واحنا فخورين وما يحتاج لكن أي عروبة تتكلمون عنها بهذا اليوم وانتم الي راكضين ورا الاجانب سواء بلبس او بعادات غريبه وصلتوها بإيدكم لدولكم؟ليش العروبة تطلع بس اذا صار السالفة فيها تحدي واذا واجهناكم بشي غلط او شي غريب وعادات وطريقة لبس وغيره من اشياء ما تدش العقل قلتو لا انتم متخلفين ورجعيين احنا بعصر العولمة ومن هالحجي الفاضي!؟

vera

تعلم اللغة الانجليزية مو غلط و لازم نتعلمها و بشدة لانها لغة عالمية و لكن الموضوع هني مو تعلم الانجليزي

الموضوع اللي تقط قطات انجليزية بين الكلام العربي و هذا اللي مو عاجبنا ..

و العروبة فينا بكل وقت مو بحزه معينة

 

[ˆώ• اح ـساس المطر •ώˆ]

هلا اختي ..

عجبني موضووعج والله داايما افكر بهالشي ..

لما اشووف وحدة تتكلم انجليزي على طوول .. ما اتضاايق بس اتنرفز اذا ما كانت تعرف تتكلم عربي

يعني في بناات يقهرووني لما ما يعرفون يتكلمون عربي وتتكلم بالانجليزي بس ..

في بناات ينقهروون يمكن لانهم محتـريين ما يعرفوون ههههههههههههههههههه


بس انا ودي اتكلم انجلش بطلاااقة .. << عيبنا قلة الممارسة ... بس يبيله دااايم نتكلم بالانجليزي عشان نتمكن من هاللغه عدل لانها سهله << دشيت موضوع ثاني صح ؟؟



بالنهاااية حلو الوحدة تعرف تتكلم بأكثر من لغه وبطلاااقة .. بس بعد ما تكون ضعيفة بلغتها الاصلية


يعطيج العاافية ..

 

[ياعشيري جعلك السلال]

احسن بايخين ومصاخه اذا زاد عن حدة

 

[أثيرالحب]

انا احب اتكلم انجليش لمن الي قدامي تتكلم انجليش لسببين
1-الاقي احد اقوي لغتي معه
2-ممكن اتعلم كلمات جديده تفيدني
بس اذاء الي قدامي مايعرف مستحيل اتكلم كذاء لانوحيفكرون اني اتفلسف عليهم فليش
اتعب روحي
الي يعرف بتكلم معاه بس الي مايعرف اكلمه عادي

 

[فـرفـر]

انا اللى تطرش لي مسج انجليزي معرب



يكون ردي لها



اشوا:dddds:



ماتعب روحي عشان افكك الحروف


ماحب التفلسف الزايد


شفيها لا الواحد تكلم عربي


شنو الانجليزي فخر والا شنو؟؟


الناس قامت تقلد الغرب علي انه تطور


والله ماوراهم الا اللدجه


انا اعارض للي تتكلم معاي كلمه عربي كلمه انجليزي ماحب اسولف معاها

ياخى راعي للي لغتهم مش ولابد شنو نسوي يعني:dddds:

 

[زبــــــــدة]

هههههههههههههههههههه

ذكرتيني بوحده معانا بالجامعه

تقولنا انتو ليش تتكلمون انجليزي انتو مو كويتيات !!!!!!!!!!!!!!

انا ويهي جذي صار @@ عيوني طلعت هههههههههههههههه

امبيييييييييييييييه نعم نعم يعني وين المشكله اذا تكلمنا انجليزي

بس اهيا سؤالها حددددددددددده عجيب

اولا انا دراستي كلها بالانجليزي وبالمحاضرة كله انجليزي والدكتور ما يتكلم ولا كلمة عربي

يعني شنو بنكلمه بالاشاارة اكيد بالانجليزي

بس صج متنا عليها من الضحك وللحين نموت من الضحك

الحمدالله والشكر حاطين دوبهم دوبنا يعني شكوو الحين نتكلم هندي انجليزي صيني كيفنا

كل وحده وكيفها

 

[كويتيه78]

يمكن لان فيهم نقص او مايعرفون يتكلمون انجليزي عشان جذي يتضايقون
وانا واجهت هالشغله وايد وفي ناس معينيين ماتحجى جدامه انجليزي امسك نفسي

 

[Rock & Zoza]

شوفوا .. أغلب البنات اذكروا انهم يتكلمون انجليزي بحكم دراستهم
هذا يعني ان الإنجليزي مفروض في جميع انواع التعليم , سواء من الروضة و لي الجامعة و حتى بالشغل
فـ لما وحده تكون متقنة للغة و تعرف تتكلم انجليزي عدل .. ليش يبتدي كلام انها مغرورة , و شايفه نفسها ... الخ
او تقولون ان لازم نفتخر بـ لغتنا

السالفه فيها تناقض

و مشكورين لكم جميعااا عالمشاركات و طرح الآراء

 

[Vera~]

على قولة اختي الكريمة او خواتي Rock & Zoza

انتم ليش مكبرين الموضوع وسوء الظن مو حلو ترى ياما بنات اول ما تشوفينها تكونين مو بالعتها بعدها سبحان الله تصير من أعز صديقاتج لو عرفتيها عدل صح بعضهم يتفلسف بعض الآخر عادي بحكم ان تحب اللغة تتعامل على شغل قطات على قولتكم
وسلامتكم

 

[الفراشة الجميلة]

لا ما اتضايق بس انغث لاني ما اعرف عنقريزيييييي

لا والله ما احتر لا هم يحزنزن عليها بالعافيه والموضوع مومساله تفلسف حريه شخصيه وعيها بالعافيه إذا تعرف وبس

 

[WaRoODa]

انا اعترف اقط جم كلمة انجلش بس في بنات يعني حدا fake و بس لمجرد التفلسف و انا هالنوعية صج ماحبها
و مادري احس ماله داعي يعني اللي جدامج عربية حاجيها عربي و خلاص بعد ليش لتفلسف و انتي تقولين ان لسانج خذا عالأنجلش و احنا بعد لما نروح لدول أجنبية لسان خذا عالعربي بس نضطر نحاجيهم بالأنجلش نفس الشي بالنسبة لج انتي خذيتي عالأنجلش بس اللي جدامج عربية سو حاجيها بالعربي و خلاص ادري دوختج

 

[raahaaf]

2na ma 27b al_klam almkasar

 

[Rock & Zoza]

 

[NANA Q8]

ا نا بصراحة ادرس بتخصص اللغة الانجليزية ومرات اقعد مع رفيجاتي واحاول اني
اصم حلقي اخاف اتحجا انجليزي ويتضايقون يمكن الحيل معاي عادي بس ناس وايد تتضايق يقولون على شنو شايفة عمرهاواللي تقول كأنها اول وحدة تكلم انجليزي أو انزين درينا اتكلمين انجليزي فدايما اصم حلقي مع ان الدكاترة واهلي دايما يتكلمون معاي انكليزي حتى انه مدرس يدرسني مادة عامة يوم عرف اني تخصص انجليزي قام يتحجا معاي باللغةهذي فعادي بس هي تظل الجو المحيط بالشخص وطريقة تربيته مع التعامل مع الناس

:tomato2: