مسوية جراحة فك .....قولي تجربتج هني

[dantella]

روز انتي ناويه تسوين الجراحه يعني ؟؟انتي حاليا حاطه تقويم ؟؟

 

[^^ROSE^^]

اي باذن الله بسويها
انا قبل لا احط التقويم دكتوري مال التقويم قالي روحي اختصاصي فك يشوفج لان احتمال تحتاجين عملية فك
ونصحني بالدكتور نائل الهزيم ورحتله وفعلا قالي تحتاجين الجراحة لان فكي وايد يطقطق عالجنب اليميمن ويسببلي الم فظيع وحتى مكان الاسنان مو متطابقين انا على بالي بالتقويم يتعدلون بس قالي دكتور التقويم ان تقويمي بيعدل مكانهم يعني يصيرون صفه بس هم عندي مشكله بالفك لازم اعالجها التقويم بروحه مو كافي
واالدكتور نائل قالي عقب ماتركبين التقويم بسنه ونص او سنتين نحدد موعد الجراحة
والحين صارلي سنه وشهر 10 يصير لي سنه ونص انا قايله قبل رمضان ان شاء الله بروحله واشوف شيقول اذا اسويها الحين او على عطلة الربيع عشان ابي اختي تبات معاي بالمستشفى

انا ماعندي مانع اسويها بالحكومة اذا الدكتور شاطر وبيخلوني بالمستشفى مو يومين ويطلعوني
لان عندي ادفع فلوس وارتاح ولا اتمرمط
والدكتور نائل كان بالحكومة سنييييين
ويسوي هالعملية حق اللي فيهم اصابات وحوادث يعني حالاتهم صعبه ومع ذلك جراحاته ماشاء الله ناجحة
وانا سألت عنه وايد والكل مدحه حتى دكتوري مال التقويم قالي انه يعرفه وشايف شغله ممتاز جدا
هو و واحد ثاني ولد العصفور بالميدان اللي بصباح السالم
بس استقريت على نائل الهزيم لان هو اللي سمعت عنه اكثر
العصفور محد يعرفه وايد بس هم زين بعلاجاته
العمليات مادري عنها بس هو وايد زين بعلاج الاسنان من تركيبات وجذي
وهم كان يسوي العملية بكلية الطب مادري مبارك المهم كان يسويها بالواسطة مايخلونه يسوي حق اي احد عشان جذي طلع وراح خاص لانه قال انا مادرست تخصص صعب عشان يخلوني كل وين و وين اسوي عمليه مايصير

 

[جوكليت بار]

بنات حبيت افيدكم بالدكتور أحمد الدنف
ماجربته بس شفت صور اللي سوالهم العمليه قبل وبعد بصراحه فرررق للأحلى طبعآ
كان بمركز الزهير الطبي والحين راح لمستشفى السلام العيادات الخارجية

 

[^^ROSE^^]

احمد الدنف مو مرتاحتله كلش احس الصور مو صج وسامعه كلام مادري صج ولا لأ بس عليه كلام وما افكر اروحله ابدااا

 

[dantella]

مافكرتي بدكتور عماد النجاده ؟؟ صج مغرور بس شاطر واهو اقدم واحد فيهم بهالتخصص

 

[^^ROSE^^]

والله فكرت فيه بس مو جنه مو بكيفي اختار المستشفى اللي ابيه؟
وشلون مواعيده عسى ماينقعني بس؟ انا ماكسيمم لازم اسويها شهر 1 يعني بعطلة الربيع مابي اتأخر اكثر لانه جذي معناته شيلة التقويم بتتأخر
وياختج اخاف اييني نصيب واتزوج ابي ابتسامتي هوليودية ههههههههههه

 

[ii DareeN ii]

بما ان العملية فيها جراحة وجة وفكين انصحج تستشيرين د محمد المصري او عباس الرامزي لانهم صج مجالهم

 

[^kloOot^]

امبيييييييييييييه انا صج صج هونت


ماااااااااااااااااااابي اسويها

 

[حبيبته آنا]

شوفي اذا تقصدين جراحة الفك يعني علاجيا مثل تعديل المفصل واللثه وغيره ترا الدكتور عباس الرامزي من احسن الدكاتره بهالمجال اما اذا تقصدين الفك كشكل تجميلي (تجميل الحنك) الدكتور جمال الحربي يسويها لما كنت اراجع بعيادته شفت جم وحده مسويه عنده وحلوه النتايج

 

[dantella]

الله يكتب لج النصيب والريال الصالح ياروز
حبيبته انا بالنسبه لجمال الحربي اهو وينه حاليا ..؟ لان سمعت ان ترك عيادته وانا ناويه اسوي تجميل خشمي عنده
اذا تعرفين وينه حاليا بلغيني ماعليج امر

 

[^kloOot^]

بنات شلون تغامرون بروحكم

انتو تدرون انه يغير الوجه والخشم يعنى يمكن للاسوأ والله ما تخافون

انا بصراحه خاااااااااااااايفه


والبنات اللى يسألون عن جراحه شنو علاج او تجميل

لا احنا نقصد علاج مو تجميل

بس اذا فرضا سويت الجراحه وخشمي انفرش خخخخخخخخخخخخخ او ويهي صار شطوله

يعنى اعدل شيء واخرب شيء ثانى

وبالاخر اسوي عمليه حق خشمي

لايبه لا يحوشك

انا اليوم شلت التقويم الحمدلله افتكيت وبكمل الزراعه المرحله الاخيره عن دكتور نائل بس سالفه الجراحه الفك ما راح افكر فيها لانه اكثر اللى سوها تغيرو للاسوأ للاسف

 

[dantella]

ام جوري انا قبل لا اسوي عمليتي شفت وايد حالات واصور ماشفت ناس تغيرو للاسوء ..... شلون تغيرو للاسوء اهو عدل شي غلط فيهم ؟؟؟؟ لايمكن الويه يصير طوالي الويه لازم يقصر لان بيكس الفك التحتي ويسحبه داخل شلون بيطول ؟؟؟
انا الفرق بين قبل وبعد العمليه وايد قوي .... كان ويهي طويل وعقب الجراحه صار مدور وقصير وحتى طلعت لي خدود
انا طبعا ماسويتها لانها تجميل لا كنت محتاجتها كعلاج لان كان عندي عدم تطابق ومره وحده زلقه بطيحه يتعدل شي فيني كان غلط ... وبالنسبه للخشم بعد صار شر لا بد منه ... لازم التضحيه يعني بس انا لاني كنت مقتنعه فسويتها بس ما انصح احد خايف ان يسويها لازم اقتناع لان بالاخير انتي الي لازم تتحملين ومحد بشيل همج غيرج واذا ماكنتي محتاجتها لا تفكرين فيها لانها فعلا صعبه وتحتاج قوه وان شاء الله انج ماتحتاجينها

 

[^^ROSE^^]

دانتيلا بسألج متى قدرتي تاكلين وتتكلمين طبيعي بعد العملية؟
انا سمعت بعد 3 الى 4 شهور شبه عادي يعني تقريبا ترجع الامور لطبيعتها

وبسألج عن الورم بعد العملية شكثر على ماراح؟

ونزل دم من خشمج ؟ انا قالولي اللي يسوون للفك العلوي ينزل دم من الخشم جم يوم ويوقف

وبالمستشفى في احد بات معاج من اهلج؟ يعني تعتقدين احتاج اخلي احد عندي؟ لان قلت حق اختي تبات معاي بس قالت يمكن تسافر بعطلة الربيع مابي احكرها مسكينه ومابي ريلها يحقد علي اخاف تخترب عمليتي من عيونه هههههههه

 

[^kloOot^]

انا بالعكس محتاجتها لانه اسنانى ما يطابقون والدكتور قالى لازم جراحه


وشكلهم غلط واااااااااااايد داش داخل اللى تحت

بس والله انتى تقولين خشمج تغير

واعرف وحده ويها انتفخ بشكل مو طبيعي والعين برزت بره والخشم صار كبير
وكل ما اسال احد هم تغير للاسوأ يعنى تعدل الفك بس شيء ثانى اخترب
وبصراحه مالى خلق اسوي عمليه بعدين حق خشمي جذي نفسيتى بتصير صج اكس
بس صج ماشالله عليج قويه

جان زين اقدر اصير نفسج واسويها

 

[dantella]

شوفي اهو عقب العمليه فعلا كل هذا صار بس مايدوم يعني التتفخ والتورم وجذي لازم بس حده يظل شهرين تالي كلشي يرجع مكانه ... بس انا عكس حالتج ... انا بروز بالفك السفلي كان طالع بره وايد وفكي العلوي مافي شي بس الدكتور سوا فيني عملي خير يعني شاف ان ماعندي عظمه خد قالي ارفع لج فكج العلوي شوي عشان نبرز لج عظمه الخدود وسبحان الله حرك الفك العلوي وتعدل شكل ويهي وصار تقسيمه الويه حلوه شكل شفايفي تغير الي يشوفني يقولي تافخه شفايفج ؟؟؟؟ شكل خدودي تغير يحسبوني تافخه بعد الي اخترب اهو الخشم فرش شوي يعني خنفر ماقص عليج يعني محتاجه جراحه بس اذا انتي احتمال ما يحتاج يحرك فكج العلوي فموضروري خشمج يفرش عرفتي ؟؟

 

[^^ROSE^^]

هلا والله
انا حنج ماكو يعني يبيلي يحرك فكي اللي تحت عشان يصير عندي حنج
وفكي اللي فوق فيه بروز مو اللي يخرع وايد بس بارز يعني اسناني مايطبقون على بعض
وهم بعد الالم بالمفصل لما يطق يذبح العوار
مادري اذا بيرفع فكي عشان تطلع خدودي بس بسأله لاني مثلج ماعندي وجنتان<<<<مادري من وين طلعتها ههههههه


وبسألج هو طبعا بيسكر اسنانج على بعض بوايرات صح؟ متى يشيلهم؟ وصج يعطونج سيور او شي تركبينهم لما تخلصين اكل؟ يعني انتي تسكرين فكج بالوايرات او السيور؟ وشكثر تميتي تستعملينهم؟

 

[dantella]

يسكرون الفكين باسيام هالاسيام تظل 4 اسابيع تالي يعطيج سيور لج انتي عشان تسوين فيهم تمرين للفك نفسه عشان تقوينه يقولج الدكتور حطي السيور وسكري وبطلي حلجج باليوم مثلا 100 مره وفي تمرينات ثانيه يعطيج اياها عشان ترجعين الاحساس بسرعه للشفايف يقولج ضحكي حييييييييل او بوزي حييييييييل وجذي وهالتمارين وايد مهم عشان تقوي العضلات الي بالويه......طبعا سئلي الدكتور عن كلللللللللشي ولا تطوفين اي شي حتى لو صغير خلج على علم بكل شي بصير لج عقب العمليه عشان تكونين متطمنه ولا تتفاجئين بشي .... عموما التعب كله بكون اول 3 اشهر تالي كلشي برد طبيعي بس الكلام مممممممممم انا لي الحين احس بثقل حتى ان صوتي تغير مو كل الحروف سهله علي طبعا قالي الدكتور ان هالشغل طبيعيه وكلشي يرد طبيعي بعد مرور سنه والله كريم

 

[dantella]

روز حبيبتي توني الاحظ اسئلتج الي امس بجاوبج عليهم وحده وحده اوكي
الاكل بديت اكل عدل ورد شوي وزني عقب ثالث شهر والكلام كان ثقيل لان تدرين الشفايف مسؤوله عن النطق وكان الاحساس بالشفايف معدوم
الورم ممممممممم انا ماورمت وايد لان كانت الجراحه عن طريق الليزر يعني الجرح نظيف حتى اني مازرقت لان ماطقني بمطرقه مثل ماقبل يسوون
اي نزل دم من خشمي بس مو وايد يعني اول يوم وثاني يوم يمكن بس السسترات هناك عنايتهم حلوه طبعا كان التنفس عندي صعب فكانو يسون لي سكشن واصير تمام
انا والله محد بات معاي كنت بروحي ما احتجت لاحد لان السسترات بالبابطين وايد زينين ومتعاونين اصلا ماكنت احس باحد لان كله دايخه عموما ..... انا ثالث يوم قدرت اقوم واتحرك واخذت دوش عادي طبعا احس بدوخه بس حيلج بالعصاير الي تكون عاليه السكر لان بكون مصدر الوحيد للاكل شربي عصاير ولاتطوفين الشوربه يعني حتى لو ماتشتهين ميخالف ضغطي على نفسج واخذيهم لان مده شهر ماراح يطب بطنج غيرهم هههههههه يعني لو انتي متينه بستانسين بتضعفين وبيتغير ويهج نيو لوك بس اذا انتي ضعيفه اصلا لالالالالالالالالازم تمتنين شوي يعني زيدي وزنج حول ال10 كيلوات ........ انا نزلت بهالفتره 20 كيلو لان تخيلي اكلج بكون كله سوايل اول شهر وثاني شهر كله مطحون وشغلات ناعمه

 

[dantella]

في شغله بعد حبيت اذكرها لان قاعده احاول اتذكر كل شي صار معاي مو عشان اخوفكم بس عشان اذا في طريقه تتفادون هالشغلات
انا عقب الجراحه يمكن عشان البنج قوي او يمكن عشان فقدت دم وايد صار شعري يطيح وايد وصارت معاي ثعلبه وهالشي طبيعي بسبب نقص الاكل
فيا روز انتي دامج ناويه علي هالعمليه وانتي قاعده تنطرينها بهالفتره حاولي تقوين دمج اذا حاسه ان فيج ضعف يعني اهتمي باكلج .... سوي تحليل شوفي شنو الناقص ... اخذي مكملات غذ ائيه .... شوفي مستوى الحديد بدمج شكثر يعني حاولي تعوضين الشغلات الي راح تفقدينها

 

[^^ROSE^^]

مشكوووووورة دانتيلا على التفصيل
ماقصرتي حبيبتي صج معلومات فادتني وايد
صراحة شوقتيني اسوي العملية بالحكومة دام عنايتهم اوكي وكل شي
بس انا ابي بوقت معين اللي هو عطلة الربيع تهقين عادي احدد الوقت اللي ابيه؟

وبسألج انا بكون موظفه ان شاء الله بس باخذ اجازة طارئة بدون راتب طول عطلة الربيع عشان العملية تهقين عقب شهر شكلي بيكون عادي اداوم؟ طبعا اذا مو عادي مو مشكله بالنسبة لي بس احاتي الناس لايخترعون مساكين لوووووووول

انا بحاول ان شاء الله اشوفلي احد يدخلني البابطين واشوف الدكتور جان زين يرضى يسويلي العملية بالوقت اللي ابيه
هو شلون لازم تحويل ولا عادي ادش اقولهم ابي اشوف الدكتور واخذ موعد؟