مسوية جراحة فك .....قولي تجربتج هني

[dantella]

حبيبتي روز ماسويت شي بس تدرين .... انا لمن بغيت معلومات عن هالجراحه الاحظ ان محد يجاوب وحتى الي مسوينها مايحبون يتكلمون وكان ينحرق قلبي .... فانا حاسه باحساسج ...المستشفى الي سويت فيها البابطين .. انا كنت اسوي التقويم بالاميري والمفروض الجراحه اسويها عند دكتور محمد المصري الي بالاميري بس الي صار ان كانو موقفين العمليات هناك بسبب الصيانه الي لي يومك هذا ماخصلت فقلت حق دكتور اشرف مال التقويم ان يحولني على البابطين وعطاني التحويل ورحت هناك عند دكتور عماد .................شوفي انتي لمن تسوين العمليه المستشفى راح يعطيج ورقه دخول مستشفى وعقبها مرضيه سبوعين وتجددين يعني ماله داعي يوقف راتبج عرفتي .....شوفي بالنسبه للشكل ... عقب شهر خف الورم بالويه بس ضل بالشفايف الورم اكثر شي ... عموما شهر ما اظن تقدرين تداومين مو عشان شكلج لالالالالالا لانج بتكونين بعدج تعبانه بتحسين بدوخه وتعب وارهاق

 

[^^ROSE^^]

هلا حبيبتي
صاجة والله انتي الوحيدة اللي بردتي جبدي بالاجابات على اسئلتي لان انا من كثر ما يأست اشتركت بقروب بياهو كله امريكان بس عالاقل القط جم معلومة عن العملية
يزاج الله خير صج صج نفعتيني
انزين بسألج انا تابعه لبنيد القار مو الاميري عادي اروح بنيد القار اقول ابي تحويل للبابطين؟
وتهقين لو اقول حق الدكتور ابي بعطلة الربيع يمشيني ولا مايرضى؟
لان هم بسجل شهر 9 بجامعه خاصة ان شاء الله فأبي اسوي العملية بين الكورسين لو اغيب اول اسبوع من الجامعه بالكورس الثاني ميخالف بس ابي اسويها اول العطله عشان يمديني شهر اخف شوي بعد شسوي مضطرة اسويها ماعندي وقت الا بالربيع او الصيف ومابي بالصيف لاني باخذ صيفي ان شاء الله

 

[dantella]

انا لمن رحت البابطين الدكتور حطني على لسته وقالي ندق عليج ..... طبعا انا استلمته وكنت بين فتره وفتره اروح الصبح وارتز قباله لين حفظني طبعا مو بسرعه دقو علي .. اصلا لعبو باعصابي ... كانو يدقون علي يقولون لي تزهبي السبوع الياي دخولج واتزهب واحط اغراضي تالي ايي الموعد ولا يقولي لالا دخلنا حاله صعبه قبلج تخيلي نفسيتي شلون تصير عقبها...... هالسالفه سووها فيني تقريبا 4 مرات .... بس الي اعرفه ان اهم كل اسبوع يدخلون حاله يعني ماشين بالعمليات انتي سئلي دكتورج الي ببنيد القار شوفي شقولج ... وحبيبتي اي سؤال تبينه انا حاضره ... بس بسئلج انتي سوولج القياسات ... في شغله مثل الموديل يسونها من جبس حق شكل الفكين التقريبي بعد العمليه ... سووها لج ولا بعد ؟

 

[^^ROSE^^]

هلا حبيبتي
لا بعد ماخذولي قياسات لان دكتور نائل الهزيم قالي تعاليلي بعد سنه ونص من التقويم اشوفج واحدد موعد العملية فالظاهر لما اروحله ييسويلي كل هالاشياء الحين شهر 10 اكمل سنه ونص وناوية عقب العيد اروحله ان شاء الله

وهم باخذ تحويل من بنيد القار حق البابطين
شكله الموضوع يبيله واسطه عشان يحطوني بموعد زين

 

[dantella]

شوفي نصيحه لا تستعيلين خلي الامور تمشي براحتها ولا تتوقعين الواسطه بتفرق انا ماخليت واسطه الا وحطيته .... انا اشتغل بوزاره الصحه نفسها وماخليت مدير ماخليت مراقب ماخليت دكتور الا وكلمو دكتوري وبالاخير ماصار الا الي الله كاتبه فلاتستعيلين

 

[^^ROSE^^]

الله كريم ان شاء الله
انا ماعندي مانع اسويها بخاص اذا الحكومة وقتهم مايناسبني
بس ان حصل لي ببلاش والله ما اقول لأ

 

[^^ROSE^^]

اي وبسألج عن شغله بعد
عقب العملية طبعا التقويم موجود ويشدونه لج عشان الضروس تتحرك بموقع الفك اليديد
عقب شكثر من العملية شدوا تقويمج؟ ماحسيتي ان مو قادرة تفتحين حلجج حيل عشان العملية ولا عادي؟

 

[dantella]

لا عقب العمليه ماشدولي اصلا وقفو الشد قبل العمليه ب 6 اشهر ........ وموضوع فتح حلجي لي يومج الفتح مو كامل بس مو نفس اول العمليه .... صار بالتدريج ... اول شي كنت ما اقدر ادخل عود مصاص تالي قمت اقدر ادخل قفشه الشاي الصغيره تالي لا اكبر منها شوي تالي شوكه تالي شوي شوي قفشه كبيره يعني ويتلي فتره عقب ما قدرت اكل ما اقدر افتح حلجي كله عشان اكل سندويتشه بس تالي بالتدريج كلشي صار تمام

 

[dantella]

في شغله شوي تضايق بس لازم تعملين حسابها ... طبعا عقب العمليه ولمن تطلعين تروحين البيت بكون طبعا الاحساس بالشفه معدوم معناتها بكون حلجج دوم مبطل هني بتصير شغله .... تكرمين لعابج .. سعابيلج .. بتطلع من غير لا تحسين فيها ... زهبيلج فوط صغار وخليهم يمج بتحتاجينهم وبعد خلي عندج مرطب للشفايف الي دوم تستعملينه لان بصير معاج جفاف موطبيعي وبتجف شفايشفج وبتتقشر اشتريه وخليه صوبج بيستمر هالموضوع لين يشيلون الاسلاك الي بكونون مسكرين فيها حلجج شهر يعني

 

[^^ROSE^^]

صج ماشدولج؟ انا اللي اعرفه بعد العملية تتغير شوي مواقع الضروس ويبيلهم شد عشان يسكرون باقي الفراغات وجذي

وسالفة التسعبل قالولي عنها لوووووووول حلاته بالدوام وعندي مراجع اسوي معاملاته وسعبولتي طايحة على ورقته خخخخخخخخخخخخ

 

[um_fahad]

خووش موضوع.......
انا قبل شهر رحت راجعت عيادة الحكمة عشان بركب تقويم ثاني مرة ...لان المرة الأولى قبل 13 سنة ..وما استمريت على التقويم المؤقت وحسيت ان اسناني برزت....وبعد ما خذيت القياسات..ورحت للمستوصف عشان أشيل ضروسي...ما رضى الدكتور يشيلهم لي بحجة ان قبل 13 سنة شايلة 4 والحين شايلة 4 ضروس...المهم...راح حولني على الدكتور محمد المصري...وسبحان الله ...ربي سخره لي بدون موعد ولاشي..اصلا انا رحت يوم مو عيادته ...بس والله انه خووش دكتور ..محترم...ولا ردني...والله اللي داخلة على فالي..لانه مو تبع منطقتنا...وراح فتح لي ملف..وسوا لي اشعة...وحولني على دكتور التقويم..عشان ياخذ رايه................بس انتوا خرعتوني عن هالعملية....ما توقعتها صعبة...
وبعدين أنا سمعت محد يسويها الا هالدكتور....................اصلا يوم رحت حق د. سهيل الياسين قال عندج بس هالدكتور وقلت منو غيره؟؟؟؟؟ رد وقال ما كو غيره.......نفس الطريقة دكتور المستوصف...قال لي لا تفكرين تسوين الا عنده....بس شكل العملية مو بسيطة...............................خرعتوني

 

[^kloOot^]

ام فهد صح العمليه مو هينه

بس يسونهم وايد دكاتره

انا دكتوري بالميدان نائل الهزيم اهو اخصائي وجه وفكين واهو كان بالاميري بس راح الميدان

انا خايفه من العمليه وريلي مو راضي ولانها صعبه وايد وماتدرين شنو نتايجها

انا مابي اسوي شيء ويخرب شيء ثانى

 

[^kloOot^]

اى والله روز سالفه السعابيل عجيبه وتفشل بدواممممممممممم فشله خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

 

[^^ROSE^^]

ام جوري اي والله بحطلي قناع مال الغبار لاتسيح سعابيلي على الاوادم فشله هههههههه

ام فهد
حبوبة في اكثر من دكتور يسوي هالعملية
عندج نائل الهزيم كان بالاميري وطلع صار بالميدان فرع حولي
وعندج عباس الرامزي ببنيد القار
والمصري اللي قلتي عنه
والنجادة بالبابطين
والعصفور بالميدان فرع صباح السالم

 

[dantella]

لووووووووووووووووووووووول حبيبتي روز سالفه السعابيل ماتطول يعني بو شهر وبهالشهر انتي بتكونين بالبيت ومقدور عليها هذي اسهل سالفه يعني ...
ام فهد حبيبتي شسم الدكتور الي قالولج عليه انتي بس حطيتي نقط ماقلتي اسمه
عموما انا ما انصح احد يسويها هالعمليه خصوصا بالخاص وانا قبل لا اسويها رفيجتي سوتها قبلي كانت باديه بمرحلهالتقويم بعياده ابها وتالي دكتورها اهو الي حولها للحكومه لان الخاص مايتحملون مسؤوليه هالعمليه بسبب نقل الدم والعنايه المركزه ... وحتى لو بسونها باخذون عليج مبلغ وقدره .... ليش والحكومه كافله لنا هالعلاج والبابطين يسويها بالليزر وشغل نظيف ... الموضوع كله يبيله جرءه واقتناع مو اكثر وربي يوفقكم

 

[^^ROSE^^]

زين اشوه انها ماتطول
بس هم بيظل موضوع الكلام بتخاطب مع المرجعين بلغة الاشارة لوووووووول من قرادة مسؤولي بيبتلش فيني كيفه
يبي ولا يعطيني اجازة لين اقدر اتكلم

والحكومة والله ودي اسوي فيها بس قلتلج بكون بالجامعه
يعني الشغل مقدور عليه اجازة من المستشفى ومحد يكلمني
بس الجامعه لازم احضر يعني حدي اغيب اول اسبوع من الدراسه بس ماقدر اغيب اكثر لازم اداوم بعد دافعة فلوس و تخصص صعب يبيله حضور شسوي ادوس على نفسي
بس مو مشكله اروح الجامعه واغيب عن الدوام دام عندي اجازة
المهم ان العملية تصير بعطلة الربيع عشان اغيب اول اسبوع بالجامعه وتالي اداوم يكون طاف علي شهر تقريبا
عشان جذي سألتج اذا يصير احدد موعد العملية لان لازم بهالوقت فمضطرة اسوي بالخاص
وبالنسبة للميدان هو الدكتور نائل قالي انه يسويها الحين بالشفا لين يفتحون مستشفى الميدان اللي بيكون فيه قسم خاص حق هالعملية ومجهز من مجاميعو وهو الدكتور من قبل يسويها بالحكومة والتساهيل من الله
الله كريم

 

[um_fahad]

دانتيللا...........هلا فيج يا عمري...الدكتور اللي اتكلم عنه هو د.محمد المصري .......اهو رئيس قسم جراحة الفك بالأميري

 

[dantella]

الله يسهل عليج ياروز موفقه ان شاء الله
ام فهد فعلا محمد المصري كان المفروض اهو الي يسويلي الجراحه بس لان الاميري موقفين عمليات فحولوني على البابطين ومحمد المصري شاطر وبروفوسور ماعليه كلام

 

[^kloOot^]

يا معود

بس تدرون انا دكتوري بالاميري مال التقويم قالي يسون الاميري بس موعد بعد سنتين او 3 خخخخخخخخخخخ
خواره الحكومه

انا حتى الزراعه لما قالي بعد 7 شهور تاخذين موعد بصراحه قلت اروح الخاص اقط 500 على كل ضرس وايد احس من نطره الحكومه ومواعيدهم

 

[أوكسجين]

الله يشفيج