مسوية جراحة فك .....قولي تجربتج هني

[^^ROSE^^]

لا لا مو من البداية
قصدي لما قطعتي شوط بالتقويم منو اللي قرر ان الوقت الحين مناسب للعملية دكتور التقويم ولا الفك؟

وانا ان شاء الله بحاول اسويها بالصيف لان احسن لي قبل الجامعه اكون عالاقل مصحصحة

 

[dantella]

دكتور التقويم اهو الي قرر ان الحين خلصت مرحله علاج التقويم وخيرني اذا ابي انطر يفتحون عمليات الاميري او بسويها بمكان ثاني ... سئلته وين اقدر اروح .. قالي ان في بالعدان وفي بمبارك وفي بالبابطين .... قلت له عطني الزبده وين احسن شي .... قالي البابطين عند النجاده واقطع ... طبعا دكتوري مال التقويم اسمه اشرف مختار ... سئلته اذا في بالخاص الغريب ان قالي مافي مايسوون ويخافو يسونها ... بس الي اسمعه الحين منج ان في دكاتره مستعدين يسونها

 

[^^ROSE^^]

اها يعني صح كلام دكتوري لما قلتله متى اروح اراجع حق عملية الفك قالي نطري انا اقولج
عاد موعدي عنده 12/7 السبت الياي بسأله متى اقدر جان زين يقولي هالشهر ولا الشهر الياي عالاقل استفيد من العطله ولا بضطر انطر لي الربيع

والعملية والله قالي نائل الهزيم انه حاليا يسويها بالشفا عادي
وقالي اذا فتحوا مستشفى الميدان بيسويها لي هناك لانه بيكون في قسم خاص لعمليات الفك ومجهز بأحدث المعدات

 

[قشطه بالعسل]

ما تشوفون شر حبايبي

 

[dantella]

عيل ابتدي من الحين فكري بالاكل الي راح تاكلينه سوي لج لسته ولا تستهينين بهالسالفه قبل لا تدشين العمليات زهبي شغلج اشتري لج عصاير كي دي دي شوفي شنو تحبين الحليب مثل حليب كاكاو او موز جذي فكري بالشوربات الي تحبينها لان بكون كلشي مطحون ومصفى قبل العمليه بلغي الوالده شنو تحبين انها تسوي لج لان بكون التواصل معاها صعب عقب العمليه ..... زهبي اغراضج من فوط وجذي .... وحاولي بالنسبه للملابس حق المستشفى انك تشترين بجامات ماتلبس من فوق اخذيها تكون مزرره وجذي عشان لاتتعبين باللبس ... عقب العمليه راح تحشين بجفاف بشفايفج وكله تتقشر خلي يمج اي نوع مرطب شفايف ترتاحين له انتي ممممممممممم شنو بعد قاعده احاول اتذكر والله ............ وان شاء الله سهالات مافي شي يخوف

 

[dantella]

الشر ما اييج يا قشطه بالعسل

 

[^^ROSE^^]

عاد اشوه اني احب العصير وحليب الكاكو والشوربه يعني ماراح احس اني محرومة من شي ان شاء الله
ومتى ماقدرت اكل بطيحله كورن فليكس وكريم كراميل ومهلبية يم يم
بس ان شاء الله يسونها لي بالصيف ودي اخلص وافتك

 

[dantella]

ان شاء الله الي تبينه يصير ......... بس لاتستعيلين خليها متى ماصارت مايضر ........ وهم لاتتوقعين النتيجه تكون سريعه لان مو على طول عقب الجراحه بتشوفين كلشي تغير .... انا لي يومج كل يوم يتغير شكل ويهي وانا صارلي الحين 7 شهور يعني طولي بالج

 

[^^ROSE^^]

الله كريم ان شاء الله تصير
والله انا عارفه النتيجة تطول مو بسرعه بس انا قلت استفيد من العطله الحين دام الدوام بيصير بعد العيد بيكون عندي وقت اخف واصحصح ويروح التورم شوي الا لاداومت شكلي مايخرع هههههههه
وعادي خل يتغير شكلي على اقل من مهله مو مستعيله المهم اخلص العملية
لان السنين تركض تدرين انا احس جني امس اراجع عند عيادتي ابي احط موعد حق القويم وهم يقولون لي زحمة ماكو مواعيد خخخخخخخخ

 

[^^ROSE^^]

اي ونسيت اسألج بعد عن شغله قريتها
صج الفك يثبتونه ببراغي من داخل؟ وانتي حطولج براغي ولا بروحه الفك قاعد بمكانه مايطيح؟<<<<اهم شي انه مايطيح هههه

وبعد العملية انا اللي شفت صورهم بالنت حاطين نفس جبس تحت الحنج عشان يثبت الفك بمكانه انتي سوولج جذي؟
وجنه فيه بعد قطعه بلاستيك تلبسينها تنشال وتنحط هذي عطوج منها ولا لأ؟

 

[dantella]

ههههههههههه اهو برغي ؟؟؟؟؟؟؟؟ اهو برغيين ؟؟؟؟؟؟؟؟ البراغي واصله لي خشمي .... لمن اسوي اشعه واطالع ويهي عقب العمليه اخترع ......... بس ناحس فيهم حتى بالمطار لمن تمرين على الكاشف مايبان بس لازم براغي
انا خالي سوا العمليه بامريكا قبل 20 سنه بهالوقت ماكانو يستخدمون البراغي البلاتين وحرام عقب عمليته ب 10 سنين رجع فكه نفس قبل عرفتي

 

[^^ROSE^^]

ههههههههه اهم شي تخيلي امر تحت الكاشف بالمطار ويوصوص الجهاز لووووووول
يالله مومشكله دام مايبينون ولا احس فيهم هذا المهم

 

[dantella]

الله يسهلها عليج يارب

 

[من بعيد]

دانتيلا ، أنا متابعة الموضوع من بدايته

وهاليومين لازم أستخير عشان أسوي العملية أو لأ

الشي اللي مخليني أتردد ، إني قاعدة أفكر ، هل أنا إذا سويت هالعملية ، وتحملت تبعاتها والألم وكل شي

هل هالشي يستاهل ؟

وقاعدة أفكر بشعوري تجاه نفسي ، هل راح أحس بإني انسانة سطحية ؟


وودي أسويها ومحد يدري ، لأن الناس اللي حواليني مشكلة ، راح أتحسف أضعاف مضاعفة لو تأزمت بسبب إن الناس يتكلمون بعمليتي !

وحيرتني أكثر سالفة الخشم بعد اللي ينفرش !

انا قالي نائل الهزيم بالفكين

وخايفة بعد يطلع شكلي أسوأ

ومادري : '(

ودي أقرر وأسكر عالموضوع ، سواء إي أو لأ !

 

[dantella]

حبيبتي من بعيد .... هالشغله لازم انتي الي تقررينها بس .... لو كنتي شايفه انج محتاجتها ... يعني اذا كان لسبب تجميل فقط .. بعدي عنها ... لو كان السبب صحي انا انصحج فيها والتبعات بتكون سهله عليج اذا شفتي نتايجها لان انا وايد شفت حالات ماشفت ولا حاله فشلت جراحتها ... موضوع السطحيه ممممممممم منو الي يحكه بالسطحيه انتي ولا الناس .... او شنو مفهومج انتي للسطحيه ... اظن محد له الحق بالحكم لان انتي الوحيد الي لج الحق بالقرار .... عن نفسي ما قدرت اخش موضوع الجراحه الكل لمن يشوفني يسئلني متغيره هههههههه شقول استهبل ....؟؟ ماينفع لان التغيير مو بسيط فاضطر اشرح ... لو سويتي الجراحه ماراح تكونين سطحيه لانج عدلتي شي كان متعبج وبريحج واذا ماسويتيها خليج قد قرارج وانسي وعيشي مرتاحه ....اما اذا متوقعه ان الشكل بكون اسوء ..... ماراح يكون اسوء من الشكل الحالي هذا اذا قلنا انج تعانين حاليا .... اما انها متعبه .. ما اقدر اقص عليج فعلا متعبه ويبيلها قلب من حديد ودم بارد

 

[^kloOot^]

بنات دكتور نائل كل ما يشوووووووووووووووووفنى يقولى فكري بالعمليه

ودي انسى واهو يرد يذكرنى

 

[^^ROSE^^]

ام جوري اذا انتي مو مقتنعة بالعملية محد يجبرج تسوينها
او انتي تقدرين تقولين له القرار مو سهل وانا محتاجة وقت عشان اقرر
ونطري واستخيري وشوفي شيصير معاج
وان شاء الله سهاله لان الدكتور نائل سألت عنه زيادة وماتصدقين شكثر مدحوه لي ماشاء الله عليه خبره وشاطر
انا ان شاء الله بروح حق عماد النجادة وبشوف اذا ماسواها لي بالحكومة او ما عطاني موعد يناسبني برجع حق نائل
بس اذا عماد بيسويها لي ببلاش ما اقول لأ

 

[dantella]

ان شااااااااااااء الله يسويها لج ابلاش
عالاقل بخف عنج الحمل شوي لان يمكن يكون وراج تجميل انف

 

[^^ROSE^^]

اي مو هذا اللي احاتيه
هالخشيييم لا يخنفر هههههه
وجمال الحربي لازال مفقود والبحث عنه جاري على قدم وساق هههههههه

 

[dantella]

هالدكتور سوا قلق عند الاوادم ....يعني معقوله مافي غيره شاطر ؟؟؟؟ المشكله ان انا مقتنعه فيه لان شفت 5 حالات شغل ايده وعجبني حيل بس مابي اظلم الباجي لان ماسمعت عن شغلهم ... روز ماعندج خبر عماد النجاده شلون مع الخشم ؟؟؟ اذا زين عشان اروحه دامه مجربته يعني .... شرايج ؟؟ لان شهر 12 بصير لي سنه وانا مو قادره انطر اكثر