مسوية جراحة فك .....قولي تجربتج هني

[^kloOot^]

مشكوره اوكسجين على مرورج

 

[^^ROSE^^]

يا معود

بس تدرون انا دكتوري بالاميري مال التقويم قالي يسون الاميري بس موعد بعد سنتين او 3 خخخخخخخخخخخ
خواره الحكومه

انا حتى الزراعه لما قالي بعد 7 شهور تاخذين موعد بصراحه قلت اروح الخاص اقط 500 على كل ضرس وايد احس من نطره الحكومه ومواعيدهم

اي والله صاجة مواعيد الحكومة ابداع
انا لا قلت حق الناس مسوية تقويمي ب 2000 يقولون لي لييييييش بالحكومة ببلاش
قلت جان عندكم واسطة حقي يالله مااقول لأ اكمل بالحكومة اما بينقعوني ستين سنه ووراي عملية ماني ناطرة

 

[^kloOot^]

اى والله روز

شوي انا بالتقويم طلعت واسطه خلال 4 شهور انا مركبه التقويم وخالصه وشهريا مراجعاتى

بس ماعندي واسطه بالجراحه


اقولج اليوم رحت الميدان عند دكتور نائل (مسوي عرض على التبيض لا يطوفكم انا ناويه اسوي صار 70 دينار بس ) وفي جهاز حاطينه اتشوفين شكلج قبل وبعد شلون تطلع اسنانج طبعا فري )

قالولى العرض ليييييييييييييييييه 31-7 انا بلحق واسويه الليزر

 

[raw3a]

انا اختي بعد قالولها لازم تسويين العملية بس اختي صغيرة عمرها 17 سنة ما ادري اخاف

عليها وعلى نفسيتها شكل العملية صعبة وخاصة انها تكبر الخشم

اللة يعينكم ويشافييكم

 

[^kloOot^]

شااااااااااااكره مروركم

 

[dantella]

مو كل عمليات تصكيك الفك تكبر الخشم ... اذا بيرفع الفك العلوي راح يتحرك الخشم معاه بس مو كل الحالات يتحرك الفك العلوي

 

[dantella]

سوري بدليه كنت اقصد ان مو كل عمليات تصحيح الفك تكبر الخشم

 

[^kloOot^]

شااااااااااكره مرورج

 

[^^ROSE^^]

دانتيلا بسألج انتي الخياط كان بناحية وحدة ولا ناحيتين؟ ويحوش اللثه ولا بس بجلد الخد من داخل؟
وشلون الخياط بعدين اذاج ولا عادي؟ وشكثر على مايلتئم ويطيح الخيط؟
وبسألج سمعت في حالات ينشال ضرس العقل انتي شالوه لج ولا ماله علاقة؟

 

[dantella]

هلا روز بالنسبه للخياط اصلا ماحسيت فيه كنت احس ان في خيوط من داخل وبروحها طاحت ... الغريب ان لمن اطل داخل حلجي عقب العمليه ماكنت اشوف اثر للجراحه ولا دم ولا شي كان داخل نظيف .... لمن كنت اراجع الدكتور كنت اسأله وين الجراحه حتى شكيت ان كان مسوي شي اصلا ... قالي الجراحه كلها من داخل من تحت الفك نفسه وهذا الي حيرني ...... بالنسبه للاسنان اي قبل العمليه ب3 اشهر يطلب ان لازم ينشالون سنين لي من فوق وشلتهم

 

[^^ROSE^^]

مشكورة حبيبتي عالتوضيح انا بعد قالولي ماراح تحسين بمكان الخياط ولا الأثر ولا شي
تصدقين شكلي بروح حق عماد النجادة بعيادته واخذ موعد يناسبني دامج مجربته واذا بسويها على حسابي غصبن عليه يعطيني موعد على كيفي مايكنسله نفس الحكومة
خو انا دافعه دافعه شوراي
عاد تصدقين انا سامعه انه ساعات يحاول يجر مرضاه اللي بالحكومة لي عيادته مادري جرب يسويها معاج؟

 

[dantella]

لوووووووووووووول اي سواها ولا يخاف يسويها حتى بالعلن لان يدري ان الحكومه متمسكه فيه بس ما زودها معاي ماطولني وايد ...... لمن تروحين عيادته طبيعي تحطين الموعد الي انتي تبين بس لازم تنتبهين اذا مخلصه كل مراحل التقويم لان مايقدر يجيسك اذا ماكان فكج جاهز من ناحيه التقويم ..... قبل لاتروحين له دقي اخذي موعد لان عيادته ماتقبل بنفس اليوم وعيادته بس العصر ماعنده صبح ومو كل ايام الاسبوع فاتح .... وهم سئليه اذا بالخاص بتكون الجراحه ليزر ولا لاء لان الليزر مهم والله يعطي نتيجه حلو ولا يكون في رضوض وتزريق بالويه

 

[^^ROSE^^]

لوووووووووول عيل الاشاعه صج طلعت
انزين ماتدرين بجم يسويها بره وبأي مستشفى؟ لان نائل يسويها بالشفا
ومن ناحية التقويم انا قلتلج على اساس بعد سنه ونص من التقويم اكون جاهزة اللي هو شهر 10 ماباقي شي
بس عموما لازم اروحله استشارة قبلها يمكن يجدم الموعد ويمكن يقولي لا نطري زيادة ان شاء الله ماينطرني الود ودي اسويها الحين بالصيف وافتك بس توهم ضروسي بعد في فجات ماتسكروا
وان شاء الله اسأله عن سالفة الليزر
جان زين يسويها لي بالحكومة وافتك بس دام اللي ايونه بالحكومة اشكره يبي يسحبهم العيادة هالدور اروحله العيادة واقوله سولي بالحكومة قوية لووووووووول

 

[dantella]

شوفي انا مره سمعت ان لو كنتي عنده بالعياده ولمحتي له انج تبينها بالحكومه بس تدفعين له مبلغ مثل هديه خو اهو يموت على الفلوس فممكن يسهلج السالفه بس عاد يبيلها جرءه ومره قالي ان يسويها بره بالخارج مو بالكويت يسويها ب25 الف دولار بس للي مثل حالتي الفكين .... على موضوع الفجات بين الضروس عادي انا دشيت العمليات وكان في فجات ولمن سويت العمليه وفتحيو الاسيام لقيت الفجات ختفو مادري شصار بالفتره الي كان حلجي مسكر ..... بس بصراحه انا اهنيج على شجاعتج .... عقب كل الي قلته ولازلتي تبينها ..... انا لمن بغيت اسويها الكل مانصحني حتى اهلي عشان جذي كنت بالمستشفى بروحي لان الوالده حلفت علي اذا دشيت المستشفى ماراح تيي ........ بس ركبت راسي وسويتها

 

[^^ROSE^^]

والله جان زين يسويها بالحكومة
انزين جم يكفيه عشان ادهن سيره؟ لووووول
بس عاد اخاف المح له يقلب علي واتفشل
وهم جنها بتصير رشوة!!!
بالنسبة للسعر صح هذا سعر العملية بره الكويت واكثر انا بامريكا قالولي 30000 دولار غير المستشفى وباقي التناتيش مني مناك

بس ونستيني على سالفة الفجات انا على بالي لازم انطر كل الفجات يتسكرون تالي اسويها اشوه تدرين شلون
الاسبوع الياي ان شاء الله اروحله واشوف شيقول
يارب يرضى يسويها لي الحين بالعطلة قبل الجامعه
انا بيني وبينج ماقص عليج في تخوف من العملية بس خوف طبيعي
انا عندي قاعدة اروح لشخص موثوق واتوكل على الله واللي ربي كاتبه بيصير
لان العملية انا محتاجتها وفكي حيل متعبني مو مشكله بسيطة اتغاضى عنها
فمضرة اسويها واللي مشجعني ان العملية تحلي ماتجكر وسالفه الخشم بسيطة نعدله بعدين مو مشكله الله يعافي جمال الحربي لووووول
مادري وين اختفى هالدكتور بحجز عنده من الحين حق السنه الياية

 

[dantella]

دام بتروحين عياده بكون رايق خليه يوريج صور قبل وبعد حق حالات اهو مسويها ....بتلاحظين ان لايمكن انها تجكر حتى الخشم بضيع اذا صار شكل ويهج مدور بس اذا تبين الكمال بتلاحظين ..... انا مو اول وحده بالعايله تسويها لان هالمشكله عندنا وراثيه بعايلتنا 4 حالات سووها ماشفت ولا حاله فشلت مع ان ماكانو ليزر وويهم تورم غير ان كان يطلع لهم وايد خراج وجذي مع هذا عقب شهرين تعدل الويه وسبحان الله جنه مو صج جنه مو نفس الشخص

 

[^^ROSE^^]

واي ونستيني ودي اروحله اليوم قبل باجر
بس عاد جم ياخذ على المراجعه مو يصكني ب 50 دينار على بو اشعه
بروحله بقوله بس استشاره

اي وبسألج
الحين لاعطوج مرضية من المستشفى اسبوعين وتجددين جم مرة تقدرين تجددين يصير فوق الشهر ولا حدج شهر؟
وبهالفترة ينزل لج راتب ولا يقصونه؟

 

[dantella]

لا يجددونها مو شرط شهر ويضل راتبج ينزل لان اول شي يعطونج ورقه دخول المستشفى تالي يعطونج المرضيه سبوعين وتجددين وغصبن عليه الدكتور يعطيج اياها ودامج بتروحين حق عماد النجاده قوليله يسويها لج من الحكومه عشان لايحولونج مجلس طبي لان مرضيات الخاص يحولونها مجلس طبي .......... مراجعاته ماياخذ وايد اظن فتح الملف عنده 10 والمراجعه 5 مو وايد واذا طلب اشعه سويها بالاميرياو ببنيد القار ....... انا بمراجعتي عنده ماطلب اشعه كلللللللللللش كنت اسوي الاشعه بس بالاميري حتى انا اهو ماشافني وفصح الا قبل العمليه بيوم وصورني قبل الجراحه وطريقه فحصه بس يطالع يويهج يجيس مكان الخشم يطالع الفك جذي الشغل كله بالتقويم اصلا حتى لمت تسوين الجراحه من تسوينها يصير اهو ماله شغل فيج يردونج عالاميري او دكتورج التقويم اهو الي يشيل الاسيام واهو الي يعطيج التوصيات عالاكل والشرب والتمرينات

 

[^^ROSE^^]

اي تصدقين انا لما فحصني نائل الهزيم سوالي بس اشعه عادية للاسنان ب 10 دنانير و فحصني مثل ماقلتي حط ايديه بحلجي عالجنبين عالفك وقالي سكري وبطلي
طبعا انا اسكر وابطل وفكي يطقطق كسرت خاطره ههههه

خلاص عيل باخذ موعد واروحله اشوف شيقول امنيتي يقولي اسويها لج الحين بالصيف وااااي جان زين انا احاتي الجامعه ولا الدوام بالطقاق مرضية على قولتج
بس الجامعه لا طافتني الدروس انا اللي باكلها

انزين انتي رحتي حق دكتور التقويم قبل العملية وهو قالج روحي سوي الفك ولا سيدة رحتي الفك؟
لان دكتوري مال التقويم قبل شهرين سألته عن العملية قالي نطري انا اقولج متى

 

[dantella]

مافهمتج قصدج من البدايه منو الي قرر اذا كنت احتاج عمليه فك ولا لاء ؟؟؟
عموما اذا تقدرين تسوينها بالصيف حلو لسبب ..... انا سويتها بشهر 12 كان برد تخيلي فوق مسكر حلجي وحالتي حاله وفوق هذا مرضت افلونزا وحساسيه وتعالي شوفي شلون لي بغيت اكح ولا اعطس بييييييييه كانت حالتي حاله يعني بالصيف شوي يكون الجو مستقر