اي والله اخترعت اول ما بطلت الموظوع ولا اشوفه ماشاءالله زاد 6 مادري 5 صفحات و اقرا الحمدلله على السلامه احب امي انصدمت بسرعه تجددت الاحداث .. و انا كل ما بغيت ادخل السايت يعلق معاي ولهت عليكم والله
... سكون اي شفت البنت واايد خف التزرق او بالاصح رااح مره وحده بس طبعا خشمها عوود ماشاءالله بس اهي حيل مرتاحه او واايد حابه شكلها .. احب امي علميني شعلوومج و شلون العمليه تخررع وايد ؟ و البنج الي عطوج اياا كمام ولا ابره ؟؟ و قزوج ابر وايد ؟؟ و سوولج تحليل ؟؟ انتي سويتيها عند عماد بالبابطين ؟؟ و عقب العمليه بيوم تقدرين تقويمين و تتحركين ولا لاء ؟ و البنج اول ماراح عورج ويهج ؟ و ما تقدرين تتكلمين ؟ و الورم وااايد يخررع ؟؟؟ خشمج صار عوود ؟؟ شنو اكثر شي يعور ؟؟ بجيتي وايد؟؟ واااي بعد قلبي احب امي الله يعيينج ادري فريت راسج بالاسئله بس طمنيييييني عليييييييج حبيبتي
فديتج بجاوب على اللي تبين تامرين امر
العمليه ماتخرع ولا شي اهم شي تكونين مستخيره ومقتنعه وربي يسهل الباجي هذا اولا
البنج ابره.. واي قزقزوني ابر شكثر بس لما كنت تحت تأثير البنج يعني مادري عن الدنيا
سويت بس تحليل دم قبل العمليه وقاسوا وزني وسألوني اسئله متزوجه عندج حساسيه لادويه معينه فيج ربو التهاب شي
سويتها عند عماد اي فالبابطين .. شوفي اول ماردوني للجناح بعد ماصحيت من العنايه صدري كان حيل يعورني وحلجي وخشمي ذبحني البلغم تارس صدري وما اقدر اسوي شي الا اني ابلعه وخشمي كان مسكر لآخر درجه هذا بس تعب العمليه والا الجراحه نفسها ماتحسين فيها ولا كأنج مسويه عمليه سبحان الله!!
ولما راح البنج صحصحت بس ماعورني وجهي ولا احس فيه اصلا لانه متفوخ والاحساس معدوم فيه بس تنميل بسيط يدغدغ.. اي ما اقدر اتكلم اكتب لاهلي عالسبوره وللممرضات وبالاشاره.. الورم اول جم يوم اعوذ بالله شكلج يكون قبيح جدا بس شوي شوي يبدى يخف والانتفاخ يختلف من شخص للثاني انا قالولي انتي بسيط بالنسبه لغيرج وانا شفت شكلي اخترعت شلون الغير الله يعينهم بصراحه!!
منطقة الخشم كلها لالحين وارمه حيل لان لما شفت الاشعه حاطين حوالينها حدايد مادري شنو اهيا يعني اكيد الخشم بيتورم بشكل كبير .. اكثر شي الحين يعورني خشمي مجرى التنفس يضايقني ساعات ويسكر ساعات بس لانه مخزن دم متجمد وجذي بس مع الايام بيخف وكل ماله يتحسن كأني مصخنه.. بجيت بعد ماوصلت للجناح لان كنت متضايقه من شكلي حيل حيل حيل .. بس بدى يخف شوي شوي بس مو بشكل كبير
