مشوار الأمل

[om bader]

قوه بنات انا يديده معاكم
ادري حدي فارغة و الكل مو شابك
شكلكم نايميييييين نووووم العوافييييي

 

[++The DuchesS++]

مبروووووووووووك التجمع اليديد :ggdw:
وعساه فال خير على الكل ياااااااارب
داشه بالوقت الضايع لانه ماكو حدااااااااااا لوووووووول
اشوفكم بوقت ثاني ان شاء الله
سي يا ​

 

[bnt_kwt]

وايد حلو الاسم ......


اشلونج وشخبارج؟ من زمان ما شفتج

حبيبتي عيونج الحلوه
انا بخير الحمدلله

انتي اشلونج وشخبارج ؟
بشري عنج وعن اخبارج ؟

 

[bnt_kwt]

مبرووووووووووووووووك علي الافتتاح وان شاء الله يكون فال خير علينا وما تعدي هالسنه الا كلنا حوامل
قولي امييييييييييين

الله يبارك فيج حبوبه
وحياج الله ويارب يكون فال خير على الجميع

والله يسمع منج يااااااااارب

 

[bnt_kwt]

يارب يرزقنا الذريه الصالحه المعافاه يارب

يااااااااااارب امين الله يسمع منج

ومشكوره على مرورج نورتي المكان

 

[bnt_kwt]

مبررروووووووووووووووووووك الافتتاح.
بنت الكويت.. من طول الغيبات ياب الغنايم
ان شالله الجزء الثاني من التجمع يكون ويهه خير علينا
و يعطيكم العافيه

يا هلا ويا مرحبا فيج يالغاليه
الله يبارك فيج ويارب يا سينامون ايي اليوم اللي ابارك فيه حق وحده وحده فيكم

امنيتي انكم كلكم تحملون وتفرحون ويارب اسمع خبر حمالج قريييييب

والله يعطيج الف عافيه

 

[bnt_kwt]

مبروووووووووووووووووووووووك افتتاح الجزء الثاني وان شاء الله يكون فال خير علينا

وااااااااااااااااااااااااسفه لانقطاعي عن التجمع بس كان ذابحني التفكير ونفسيتي كانت زفت بس الحمدلله الحين كل شي اوكي

والله يرزقنا الذريه الصالحه عاجل غير ااجل

وشلونكم بنات؟

الله يبارك فيج دلول وعذرج معاج حبوبه وحياج الله مره ثانيه نورتي الموضوع

وشيلي التفكير والضيقه عنج ترا ما منهم اي فايده


واحنا الف حمد وشكر لك يارب بخير وعال العال

 

[bnt_kwt]

السلام عليييكم
مبرووووووووك المشوار اليديد ويا عساه فال خييير علينا جميعا يا ربي ..
شلووونكم بنات وشخباركم ؟؟؟ وبنت الكويت شلووونج وشخباج ؟؟؟
اهو خووووش عنوان بس ازعجتني كلمة قلتيها باول الموضوع ( انه هناك تجمع للحوامل وهدا تجمع للمحرومات ) اهي الكلمة ( محرومات )يمكنها صحيحة بس طالما فيه رب كريم رحيم فبادن الله فيه امل وامل بالله كبييير واهو الامر بالنهايه مرده الى الله تعالى ان شاء اعطانا وان لم يشأ يدخره لنا للآخره والحمدلله على كل حال >> ما عليه عدرا على هالمحاضرة الطويله
حرف الدال ما ادري وينه قاعده اكتب بحرف الدال >> ما ادري فهمتو علي ؟؟؟

هلالالالالالالالا
مورجان انتي وينج يالقاطعه والله صج فقدتج من غير شر
حبيبتي اشلونج واشلون وسومه العسوله

الله يبارك فيج يا حياتي وليش تنزعجين يا حياتي

هالكلمه واقع احنا عايشينه اللي اهو الحرمان
والحمدلله يارب على كل حال بس ما نقدر نغير الواقع اللي ربي قدره لنا

احنا محرومات الى ان يمن علينا رب العباد بالذريه الصالحه

ولا تقاطعينا مره ثانيه هالكثر ترا صج مكانج بين من غير شر

 

[bnt_kwt]

بصراااااااااحه وااااايد عجبني الاسم خووش اختيار

واي ياربي ما انلام لما احبج يختي

معاي على طول الخط يا حياتي انتي اتهبليييييييييين

 

[bnt_kwt]

قوه بنات انا يديده معاكم
ادري حدي فارغة و الكل مو شابك
شكلكم نايميييييين نووووم العوافييييي

يا هلا ومرحبا ام بدر
نورتي المكان معانا
حياج الله بيننا اخت وعزيزه وغاليه
ويارب يكون التجمع هذا فال خير عليج اميييين

كلمينا عن حالتج وسبب تأخر الحمل عندج
وشنو سويتي وشنو ما سويتي ؟

 

[bnt_kwt]

مبروووووووووووك التجمع اليديد :ggdw:
وعساه فال خير على الكل ياااااااارب
داشه بالوقت الضايع لانه ماكو حدااااااااااا لوووووووول
اشوفكم بوقت ثاني ان شاء الله
سي يا ​

هلا غفرانووو اشلونج قلبي
وشخبارج ؟ الله يبارك فيج حبيبتي
وامين الله يسمع منج ويكون تجمعنا فال خير على الكل

 

[bnt_kwt]

صباح الخير يا امورات ادري اني قاعده من الفير ومقعده العصافير معاي
ههههههههههه بس شسوي قاعده اعدل نومتي هاليومين فتلقوني انا بكير واقوم من فير الله


ها منو الحلوه اللي بترد علي وتشاركني اطراف الحديث بهالحزه ؟؟

 

[moorjan]

بنت الكويت
هلا فيج بعد قلبي
والله مو قاطعه دايم ادخل بس ما القى احد فاطلع ودايم تطرين علي الله يعلم انتي وبنوته ودكريات وان شاءالله تكونون بخير
مو ناسية اسم ابنيتي .. حياتي والله عسى الله يرزقج ببنيات واصبيان احلا منها يا رب ...واحنا الحمدلله بخير وابنيتي بعد بخير ولله الحمد واسم الله عليها لوووووووووووووووووووووويه وحووووووووووووووووووووووووووسه انا اضف وارتب واهي تمشي وراي تحوس وتخرب عسى الله يحفظها ويصلحها ... صارت فيني اعصاب منها ما توقعت اني بكون جدية ... اللي الحين قامت تصرخ علي وتمد ايدها علي ... حسرتي يبيلي امسك اعصابي شوي ما ادري شلووون بربيها؟؟ حتا ابوها يزفني عل طريقتي معاها
وابشركم خدامتي انحاشت عسى الله لا يوفجها والحين حدي ماكلتها ... الحمدلله على كل حال واللي مهون الوضع اني باجازة اشوه بعد ...
دلووله هلا فيج يا قلبي انا الحمدلله بخيير

 

[Dloool_q8]

صباح الخير مورجان شلونج؟

توني ادري ان عندج بنوته الله يخليها لج

 

[moorjan]

هلا دووله مسااء النور
اي عندي وحيدتي ونور عيني وعسى الله لا يجعلها وحيده يا ربي ويرزقكم معاي ان شاءالله بابنين والبنات في القريب العاجل

 

[moorjan]

ما لكم نية سفر دلووله ؟؟

 

[.>حــــــــ(و)ـــراء<.]

السلام عليــــــــــــكم

 

[om bader]

الموضوع منور باصحابه بنت الكويت
و الله يحييج حبيبتي
بقولكم سالفتي انا صارلي 2 و نص متزوجة و الحمد لله على كل حال الله للحين ما رزقني بالذرية الله يرزقني و اياكم خواتي بعد 7 اشهر من زواجي رحت حق دكتوره عشان اجيك على نفسي( حشى مو مره سيارةخخخخخ)مع العلم ان اول شهرين من زواجي كنت اسوي طريقة عشان كنت بسوي عرس و بسافر فلما قلت حق الدكتورة موضوعي ضحكت علي و تقريبا اطردتني قالتلي لما تكملين سنة تعاليلي صبعا على ما كملت سنه نفسيتي كانت وايد تعبانة لان اللي عرساو عقبي بسم الله عليهم حملو الله العالم مو قصد حسد بس انا حالي حال كل مره ودي بضنى و كان عندي احساس اني ناقصه و الحمد لله انه كان طبعا رحت و اول شي سوتلي سونار داخلي و الصراحة بجيت و سوتلي تحليل شامل و قالتلي مشالله التبويض عندج قوي روحي الحين شسمونه انتو فاهمين و بعدين عقب جم يوم دقو من العيادة و قالولي هرمون الحليب مرتفع قلت الحمد لله بس انا استغفر الله من داخل اقول ليش جذي يصيرلي اللهم لا اعتراض(انا صريحة وقلتلكم اللي دار بنفسي لا تلوموني كنت صغيرة و نفسيتي تعبانة ادري مو عذر ) المههههم خذيت علاج هرمون الحليب و سويت التحليل بعدها و الحمد لله كلشي تمام المهم ما عجبني الوضع عند دكتورتي لانها ما تدري عني كلا اراجع عن الدكتورة الثانية قلت بغيرها عقب شهرين تقريبا رحت حق دكتوره ثانية كل من مدحها و ارتحت معاها تعاملني مثل بنتها و تخيلو ما رضت تعطيني علاج الا لما اضعف نسيت اقولكم شقالتلي اول مرة قالتي فيج تكيس يعني ضعف التبويض طبعا صدمة لان الاولية ما قالتي المهم باول سنه من زواجي متنت و دورتي لخبطت معنها كانت اوكي قبل بس الحمد لله ( ادري قلت قصة حياتي بس استحملوني خواتي بفضفض و على فكره ما عندي خوات) تصدقون ضيعت مادري وين وصلت خخخخخخخخ ايي تذكرت كانت الدكتورة تعطيني حبوب تنضم الدورة و استمريت عليها 6 او 7 اشهر لما ضعفت شويه طبعا مسكينه الدكتورة غسلت ايدها مني بمسالة الضعف و عطتني كلومييد بس الظليمة شينه مو اهي اللي عطتني الدكتورة اللي معاها لان دكتورتي مسافرة و الله يهداها خسبقتني ما حملت و صار عندي كيس ماي و لي الشهر اللي طاف وانا اعالج عشان يروح لاني خفت اسوي منظار عالجت 5 اشهر الحمد لله الله ياجرنا انشالله و طبعا دكتورتي عصبت لما درت لان تقول جيس الماي يبين سبحان الله مع السونار الداخلي يبين انه بيتكون فما يصير اخذ منشطات تكبره
آخر التطورات من شهر 3 تقريبا لي الحين نزلت 6 كيلوات و دكتورتي قالت دامج ضعفتي مع انه يبيلج وايد ( لاعت جبدي من الدايت) بعطيج ابر منشطه و خذيتهم الشهر اللي فات و خذيت الابرة التفجيرية و باقي على دورتي 4 ايام و مايندرى الله كريم يرزقني و يرزقكم قادر سبحانه ادعووووووولي (نصيحة الزمو الاستغفار مالا داعي اقولكم بسم الله عليكم فاهمين اكثر مني و اهم شي النفسية ) (يارب ارزقني و بنات مشوار الامل بالذرية الصالحة المعافاة عاجلا غير آجلا اللهم اااااامين)

 

[bnt_kwt]

بنت الكويت
هلا فيج بعد قلبي
والله مو قاطعه دايم ادخل بس ما القى احد فاطلع ودايم تطرين علي الله يعلم انتي وبنوته ودكريات وان شاءالله تكونون بخير
مو ناسية اسم ابنيتي .. حياتي والله عسى الله يرزقج ببنيات واصبيان احلا منها يا رب ...واحنا الحمدلله بخير وابنيتي بعد بخير ولله الحمد واسم الله عليها لوووووووووووووووووووووويه وحووووووووووووووووووووووووووسه انا اضف وارتب واهي تمشي وراي تحوس وتخرب عسى الله يحفظها ويصلحها ... صارت فيني اعصاب منها ما توقعت اني بكون جدية ... اللي الحين قامت تصرخ علي وتمد ايدها علي ... حسرتي يبيلي امسك اعصابي شوي ما ادري شلووون بربيها؟؟ حتا ابوها يزفني عل طريقتي معاها
وابشركم خدامتي انحاشت عسى الله لا يوفجها والحين حدي ماكلتها ... الحمدلله على كل حال واللي مهون الوضع اني باجازة اشوه بعد ...
دلووله هلا فيج يا قلبي انا الحمدلله بخيير

اسمالله عليها يوخيتي البنات ياخذون القلب بحركاتهم وسوالفهم حتى لو على شطانه
الله يخليها لج ويرزقج بإخوان وخوات لها يارب

وهالخدم بروحهم حوسه وصيبه الله يقطعهم يتسلطون عمه بعينهم

 

[bnt_kwt]

السلام عليــــــــــــكم

وعليكم السلام يا هلا ومرحبا