مشوار الأمل

[.>حــــــــ(و)ـــراء<.]

أم بــــدر حبيبتي عسى الله يعوض صبرج بتوأم حلويـــــــن عاجل غير آجل

 

[om bader]

كويتية دلوعة يزاج الله خير على هالدعوة الحلوه و الله يرزق كل البنات انشالله بالذرية الصالحة اللهم آآآآآآآآآآآآآآمين انشالله ما يخلص شهر رمضان الا و انتو كلكم حمل قولو آآآآآآآآمين

 

[bnt_kwt]

الموضوع منور باصحابه بنت الكويت
و الله يحييج حبيبتي
بقولكم سالفتي انا صارلي 2 و نص متزوجة و الحمد لله على كل حال الله للحين ما رزقني بالذرية الله يرزقني و اياكم خواتي بعد 7 اشهر من زواجي رحت حق دكتوره عشان اجيك على نفسي( حشى مو مره سيارةخخخخخ)مع العلم ان اول شهرين من زواجي كنت اسوي طريقة عشان كنت بسوي عرس و بسافر فلما قلت حق الدكتورة موضوعي ضحكت علي و تقريبا اطردتني قالتلي لما تكملين سنة تعاليلي صبعا على ما كملت سنه نفسيتي كانت وايد تعبانة لان اللي عرساو عقبي بسم الله عليهم حملو الله العالم مو قصد حسد بس انا حالي حال كل مره ودي بضنى و كان عندي احساس اني ناقصه و الحمد لله انه كان طبعا رحت و اول شي سوتلي سونار داخلي و الصراحة بجيت و سوتلي تحليل شامل و قالتلي مشالله التبويض عندج قوي روحي الحين شسمونه انتو فاهمين و بعدين عقب جم يوم دقو من العيادة و قالولي هرمون الحليب مرتفع قلت الحمد لله بس انا استغفر الله من داخل اقول ليش جذي يصيرلي اللهم لا اعتراض(انا صريحة وقلتلكم اللي دار بنفسي لا تلوموني كنت صغيرة و نفسيتي تعبانة ادري مو عذر ) المههههم خذيت علاج هرمون الحليب و سويت التحليل بعدها و الحمد لله كلشي تمام المهم ما عجبني الوضع عند دكتورتي لانها ما تدري عني كلا اراجع عن الدكتورة الثانية قلت بغيرها عقب شهرين تقريبا رحت حق دكتوره ثانية كل من مدحها و ارتحت معاها تعاملني مثل بنتها و تخيلو ما رضت تعطيني علاج الا لما اضعف نسيت اقولكم شقالتلي اول مرة قالتي فيج تكيس يعني ضعف التبويض طبعا صدمة لان الاولية ما قالتي المهم باول سنه من زواجي متنت و دورتي لخبطت معنها كانت اوكي قبل بس الحمد لله ( ادري قلت قصة حياتي بس استحملوني خواتي بفضفض و على فكره ما عندي خوات) تصدقون ضيعت مادري وين وصلت خخخخخخخخ ايي تذكرت كانت الدكتورة تعطيني حبوب تنضم الدورة و استمريت عليها 6 او 7 اشهر لما ضعفت شويه طبعا مسكينه الدكتورة غسلت ايدها مني بمسالة الضعف و عطتني كلومييد بس الظليمة شينه مو اهي اللي عطتني الدكتورة اللي معاها لان دكتورتي مسافرة و الله يهداها خسبقتني ما حملت و صار عندي كيس ماي و لي الشهر اللي طاف وانا اعالج عشان يروح لاني خفت اسوي منظار عالجت 5 اشهر الحمد لله الله ياجرنا انشالله و طبعا دكتورتي عصبت لما درت لان تقول جيس الماي يبين سبحان الله مع السونار الداخلي يبين انه بيتكون فما يصير اخذ منشطات تكبره
آخر التطورات من شهر 3 تقريبا لي الحين نزلت 6 كيلوات و دكتورتي قالت دامج ضعفتي مع انه يبيلج وايد ( لاعت جبدي من الدايت) بعطيج ابر منشطه و خذيتهم الشهر اللي فات و خذيت الابرة التفجيرية و باقي على دورتي 4 ايام و مايندرى الله كريم يرزقني و يرزقكم قادر سبحانه ادعووووووولي (نصيحة الزمو الاستغفار مالا داعي اقولكم بسم الله عليكم فاهمين اكثر مني و اهم شي النفسية ) (يارب ارزقني و بنات مشوار الامل بالذرية الصالحة المعافاة عاجلا غير آجلا اللهم اااااامين)

قاعده اقرا قصتج بتمعن وذكرتيني بنفسي ترا مشكلتج نفس مشكلتي بالضبط

انا مشكلتي الاساسيه مع تأخر الانجاب السمنه
جم عمرج ؟

شوفي حبيبتي تبين تحملين وتشيلين ضناج بحضنج لالالالالالالازم تضعفين و ب 3 اشهر بس 6 كيلوات حيل شويه ادري اني حبطتج بس هذا الصج واضايقج الحين بكلامي لكن بعدين بتدعين لي

شوفي انا كان وزني 120 كيلو وكنت كل ما اروح مكان يقولون لي ضعفي ضعفي
وطبعا انا ماكو اراده كلش كلش كلش تزوجت سنه 2000 زاد وزني بشكل مو طبيعي والدوره قامت تتخربط
صار فيني ضعف بالتبويض تكيس وهرمون الحليب كل هذا من المتن

وغير المشطات والكلوميد يزيدون الوزن دبلات

المهم اخر شي رحت حق دكتور وقال لي مالج امل تحملين عندج تكيسات شديده وصعب حملج م راح تحملين الا بأطفال الانابيب

قمت ورحت الصباح اول ما دشيت عند الدكتور قلت له ابي تحويل حق مركز طفل الانبوب
قالي لا اول شي ضعفي قالي حطي موازنه جدام عينج الرشاقه = الحمل
وقالي ماراح اعطيج ولا علاج الا لما تضعفين وفعلا طلعت من الصباح وماصار العصر الا وانا عند دكتور تغذيه
والف الحمدلله والشكر نزل وزني بشهر يمكن 14 كيلو واول مره من عقب الزواج تنزل علي الدوره من غير حبوب ورحت حق الدكتور وااااايد استانس وقالي نبلش علاج بس بشرط ما تخلين الرجيم عشان الحبوب راح تزيد وزنج ولازم نسيطر على زياده الوزن والحمدلله انزلت تقريبا 40 كيلو بسنه طبعا رديت جزء منهم بسبب اهمالي بس الحمدلله الحين قاعده ارد انزل ونزني عشان ارد ابتدي علاج

اللي استفدته من نزول وزني
1- صحيا وايد احسن من اول
2- امشي بثقه والقى لي ملابس من اي محل غير المقاسات الكبيره
3- ريلي ين علي واستانس على شكلي اليديد وهذا الاهم
4- نزول الدوره شهريا من غير حبوب تنزيل الدوره
5- المفاجئه اختفاء شي اسمه تكيس بروحه من غير علاج ومن غير حبوب ومن غير شي


ضعفي وشغلي نفسج وبتحملين انا صح ما حملت لي الحين بس حياتي تعدلت وايد وزاد املي برب العالمين اكثر لانه خلاص الحين ماعندي شي يعيق الحمل عندي

 

[.>حــــــــ(و)ـــراء<.]

كويتية دلوعة يزاج الله خير على هالدعوة الحلوه و الله يرزق كل البنات انشالله بالذرية الصالحة اللهم آآآآآآآآآآآآآآمين انشالله ما يخلص شهر رمضان الا و انتو كلكم حمل قولو آآآآآآآآمين

آميـــــــــــــــــــــن

 

[bnt_kwt]

كويتية دلوعة يزاج الله خير على هالدعوة الحلوه و الله يرزق كل البنات انشالله بالذرية الصالحة اللهم آآآآآآآآآآآآآآمين انشالله ما يخلص شهر رمضان الا و انتو كلكم حمل قولو آآآآآآآآمين

اميييييييين يارب يا ام بدر الله يسمع منج

 

[ϲհҽɾɾվ87]

اشلووونكم بنااااااات شخباااااااااركم

 

[.>حــــــــ(و)ـــراء<.]

هلا مس عواشه انتي شلوووووووونج ؟؟ وشلون اللي بطنج؟؟

 

[ϲհҽɾɾվ87]

تمام الحمدالله انتي اشلوونج انشالله باجر بروح اشوووف لاني خايفه اللي قبله كان خارج الرحم

 

[Dloool_q8]

مورجان لا والله لظرو خارجه عن ارادتنا بس ان شاء الله تتعدل ونسافر

مورجان انا معاج جنه نلعب صيده ما صيده لووووووووووووووول

الله يرزقنا معاج يارب

منو موجود؟

 

[Dloool_q8]

عواشه شلونج؟

كوكو شلونج؟

ولهاااااااااانه عليكم

 

[ϲհҽɾɾվ87]

هلا دلول انا وكويتيه موجودين جنه

 

[ϲհҽɾɾվ87]

تمام انتي اشلوووووووووووووووونج

 

[Dloool_q8]

انا الحمدالله
لاييييييييييييييعه جبدي من حياة البطاله

 

[ϲհҽɾɾվ87]

الله يعيييييينج .. انا بالعطله ولايعه جبدي صارلج من متى ناطره ؟؟

 

[.>حــــــــ(و)ـــراء<.]

هلا دلووووووووول والله توج طريتي على بالي اقول وينها من جم يوم ماسولفت معاج


شخبارج شمسويه؟؟؟؟؟

عواشه لا تحاتين ان شاءالله هالمره مو خارج الرحم

 

[ϲհҽɾɾվ87]

انشالله على قولتهم الثالثه ثابته

 

[.>حــــــــ(و)ـــراء<.]

عاد توني سامعه خبر عن وحده من اهل ريلي صارلها جريب وتكمل 3 سنين متزوجه

و ماحملت وتوها الحين حملت ماشاءالله الفال لنا

 

[ϲհҽɾɾվ87]

الله يتمم عليها .. ويرزق كل محروووومه امييين

كويتيه انتي تووج عروس استانسي بحياااتج اشوي

 

[Dloool_q8]

بخير كوكو الله يسلمج

عواشه نزلوا اسمي بالتربيه بس للحين ما قالولي اداوم

 

[ϲհҽɾɾվ87]

مبروووك .. بتصيرين مدرسه
بس ترى توا الناس مقابله وتحاليل وخرابيط بعدين