معقولة ياالبنات خطابة

[PuPa^^SWeeT]

بعد قراءتي للردوود


انا اايد الخطااابة تاييد تااايم

ولو اني ماتزوجت من الخطاابة




بس اللي ما اايده انه الريال و المرة يدقوون


لازم الامهات يدقون عالخطااابة

اوكي تقعد ويا البنية واتشوف شنو تبي

وتقعد ويا الريال و اتقول رغبته



بسسسسسسسسسسسسسسسسسسسسسسس



اتصاالها الدائم ويا الامهات


هذا الطبيعي


و شي انتي ماتبييينه و متخوفة منه



سييدة رفضيييه من غير نقاااش

 

[أحلى من الخيال]

اذا ثقة ليش لأ
و مومهم العمر​

 

[مصر-الكويت]

مشكووورة

 

[عاشقه الشامري]

انا ما سمعت بعايلتنا احد تزوج عن طريق الخطابه ولا جربتها شخصيا ولا قابلت احد تزوج عن طريق الخطابه للأسف وما ادري

شنو نظام الخطابات هل هم صريحات ما يكذبون ويلفون ويدورون عشان الفلوس هل في ثقه هل يضمن كلا من الطرفين انه ما فيه

غش او تلاعب مادري بس اي وحده تبي تدور لها زوج عن طريق الخطابه تدير بالها وتاخذ احتياطاتها لانها ما تضمن الخطابه هذي

شنو ومنو راح تجيب لها او تكلم منو عنها وعسى الله يوفق الجميع

 

[بنت العقربيه]

انا شخصيا ماحب الخطابات

 

[عادت ذكرياتي]

الخطابة وسيلة كغيرها لا أكثر ولا أقل والتوافيج من ربي

 

[جوجوو نايس]

خطااابة عااد

لاطبعاً ماآيد..~
الرجال الي راح الخطاابة اكيد ماافيه خيير ليش يبي يتزوج عن طرريق الخطاابة . وشلون البنات يوافقون يروحون للخطابة تجيب لج إي واحد ماشي حالج..~

آنا آشووف آكثر الناااس ماترضى آتزوج بناتها من الخطااابة..~

الله يستر علينا يااارب..~

 

[حنان الحربيه]

الخطابه سبب من الاسباب
المهم تسالون عنه كويس

 

[سكر العيوون]

عادي الخطابة مجرد وسيله وعلي الطرفين السؤال واكثر اللي اعرفهم صار النصيب عن هالطريج

 

[قمر بيت أبوها]

مع الخطابه بحالتين بس
اذا الخطابه ثقه وتخاف الله ببنات الناس قبل كل شي ولا تغشهم
الشي الثاني اذا البنت ولا الولد مقتنعين بهالخطابه وان زواجهم عن طريقها
ومسالت الفشل ولا النجاح
اكيد البنت والولد بيسالون عن بعض قبل يعني مو متزوجين بس علي كلام الخطابه
اهم شي خليكي واضحه بشروطك معاها
والرزق مكتوب سواء خطابه ولا غيره
الآن مواقع زواج لذو ي الاحتياجات والمعاقين
توكلي علي الله يالغلا

 

[*ســـاره*]

أأيد الخطابة الثقة مو اي خطابة​

 

[اميرة بنفسي]

والله انا اشوف ان مافيها شي اذا الوحدة سعت حق نفسها باتخاذ الاسباب للزواج ومن هذي الاسباب الدعاء الاستغفار حضور المناسبات والعزايم واللجوء لخطابة تكون ثقة وتخاف الله
والله يابنات اعرف وحدة قريبة لي حيل تزوجت عن طريق خطابة والله انا اشوفها انها ماشاءالله عليها ثقة ومحترمة تخيلوا انها ما قالت حق اهل المعرس انها مسجلة عندها قالت انها شافتها بعرس قالت لهم من غير ما البنت توصيها
والله يا بنات ان الريال الي جابتة الخطابة طلع ريال زين وايودي وحاط البنت هذي بعيونة قولوا ماشاءالله
عسى ربي يهنيهم ويرزق كل وحدة الزوح الصالح الي اتمناه
يابنات هذا رقم الخطابة اذا تبونة 55161806 ام امبارك هذا اسمها
ترى لا تحسبون اني قاعدة اسوي دعاية حقها بس والله ودي البنات يستفيدون الي تبي تاخذة تاخذة والي ماتبي بكيفها بس بحلفكم بالله الي تستفيد تدعيلي ان الله يحققلي الي اتمناه والله يوفق الجميع

 

[رزنامه2010]

والله انا اشوف مافيها شي اذا كانت ثقه وغير جذي انا اعرف وايد بنات تزوجوا عن طريق خطابه وربي يتمم عليهم ترا خطابه ولا لا هذا توفيج من الله وغير جذي اول وتالي بيسالون عنه

 

[(( تعب قلبي ))]

اب اب

 

[ولهـ مطير]

تتعدد الوسائل والهدف وااااحد ألآ وهو الزواااج
نفس الشي چذي چذي انا بتزوج سواء من معرفة اهل او صديقات او خطابه بس لان الخطابه أمر فيه حساسيه بمجتمعنا ولا اذا جيتي للعقل والمنطق بتشوفينه شي عااادي
انا بصراحه أأيد زواج الخطابه اذا كانت ثقه وتخاف الله
وشكراً علي الموووضوووع نااايس 

 

[امجاد الاولين]

اميره بنفسي اتصلت طلع لي هندي جيكي ع الرقم

 

[قفشـه]

احنا مجتمعات شبة مغلقه

البنت تحتك بالريال بالشغل او عايلتها فقط

ويمكن يعجبها زميلها لكن الاصل والفصل يبقى عائق او القدرة الماليهّ!

واذا بغت تتزوج تروح العروس والعزايم

واذا عجبتها ام الولد تخطبها ويملجون طبعا البنت ولاتدري شلون شكله ولا اخلاقه وطبايعه ببساطه امسح واربح!!

واذا كانوا عماتها او خلاتها جلبات عزكم السامع ويمشون بسيرتها انها عوبه الخ راح تعنس ابيت اهلها!!

لذلك انا أؤيد الخطابه في حالة انه ماتخلي صور البنت عندها يكفي ابروفايل

ويابخت من وفق راسين بالحلال

بس الشي المهم انه اهل البنت والولد يسألون عن الطرفين بمنطقتهم ودوامهم يعرفون اخلاقياتهم وجذي

ولا في شكثر بنات اصل وفصل وجمال ماتزوجوا بسبة انه مالهم معارف او مخربين عليهم الناس وقاطعين برزقهم!!

 

[فلنتينو]

ماأايد الخطابه
ليش ضامنين تجيبلج واحد ثقه !!

 

[حلم مذبوح]

اايد الخطابة
الحين الظروف تغيرت البنات اذا تاخروا عن الزواج
يكون لهم اسبابب كثير بنات حاكرين نفسهم بين البيت والشغل وبس
محد يدري عنهم
الخطابة اذا كانت ثقة ليش لا

 

[ليمونه حلوه]

ضده وبقوهـ

مو حلوه بحق البنت تحط اسمها عند خطابها .. شنو طايحه بجبد اهلها !!

بمجتمعنا صعبه نتقبلها .. واستغرب في ناس عندهم هالشي عااادي !!

الخطاب عن معرفه وعن طريق الاهل ويعرفون امه وابوه واهله وبيت جيرانهم

ويطلع فيه مليون عليه .. شلون هالخطابه بتعرف عن الرجال !!