معقولة ياالبنات خطابة

[فطوم 84]

ايد الخطابه وماايد الخطابه.
شلووون؟؟ ايد لماتكون مصليه ملتزمه تذكرني لناس سنعه وتخاف الله وتكون تخاف الله تاخذ مني مبلغ بسيط لانها تعمل لاجل توفيق راسين بحلال وماايد لانه الاكثريه هالايام جذابات نصابات لانهم ياخذون من البنت مبالغ كبيره "ويمصون دمها"وترقصها بجيب لج واحد مصلي وصايم ومحترم وتجذب وبس تاخذ فلوس البنت شي عربون وشي مقدم وشي اذا تزوجت تاخذ من مهر واخر شي تجيب خربوطي وتبلش البنت وتتعذب البنت لاهي من فلوسها ولاهي بالزوج السنع انشالله بهالجمعه اي خطابه انصبت علي بنت مسكينه عساها تحترق بفلوس بنار جهنم ولاتتهني لادنيا ولااخره وعساها ماتتوفق بحياته الخطابه النصابه اللهم امين. لانه في بنات اعرفهم قطوا فلوس ودفعوا دم قلوبهم واخرتها استغلوهم هالخطابات النصابات الله يرزق كل بنات المسلمين ازواج صالحين متقين محبين لله ورسوله من غير هالنصابات اللهم امين

 

[سوريا الروح]

أنا مابايد فكرة الخطابة وهي مو منتشررة عنا يمكن في مكاتب للزواج .....
بس بحس البنت بدها تقدم تنازلات لانها هي يلي بشكل او اخر بتدور ع عريسس ....

 

[al39laa]

عادي والله

انا رفيجتي اهلها مايعرفون احد وامها مو كويتيه وبتكلم خطابه !!

 

[عسل مرت قيمر]

انا رايي من راي البنات المؤيدين


في خطابات مسوينها تجاره وياخذون مبالغ من الطرفين


بس في هم يسوون لوجه الله ويبوم الاجر

 

[فطووومة]

عادي مافيها شي اولا اهل البنت الف بالامية بيسألون عن الريال
ما يعطونه بنتهم واهم مغمضين

خاصة اذا كانت الخطابة ما تاخذ فلوس فاكيد غرضها شريف وانها تبي تزوج البنات او الشباب
انا شخصيا اعرف ناس تزوجوا عن طريق الخطابة والحمدلله توفقوا وحالتهم زينة الله لا يغير عليهم


اما سالفة مافيهم خير وغيره فمو شرط

يمكن البنت ما تطلع ،،، او ما عندهم ناس وايد ومحد يعرفهم ،،، او ما يكون بعايلتهم شباب وايد ،،، فيضطرون يلجأون للحطابة الثقة

والشاب ما رح يعايرها لان اهو طالب من خطابة يعني نفس الشي
وبعض الخطابات يقولون ان الناس وصفوها لها بعرس او سمعت عنها من جاراتها




اما الخطابة اللي تبي صورة او تبي البنت تكلم الريال بحجة انهم يتفقون طبعا مو ثقة ولا تلجأون لها ابدااااا




والله يوفق كل العزابية








عندي رقم خطابة حق البدو رفيجاتي يعرفونها ويمدحونها اللي تبيه اعطيها اياه

 

[loulie]

بصراحة أنا ما أييد يعني شنو الوحدة اذا ماتزوجت خلاص حياتها مالها أهميه واعتقد ان هالشي عيب خصوصا بمجتمعنا وعلى فكرة انا مو معقدة او متشددة بالعكس انا اوبن مايند بس بالعقل شنو بتكون نظرة ريلج لج لما يفكر ان تزوجج عن طريق الخطابة بيقول لهدرجة ميتة ع الزواج وشنو راح يكون وضع أبوج وبأي ويه بتقابلينه لما يعرف انج بتتزوجين عن طريق الخطابة بنات فكروا فيها شوي والله فشلة ... آنا آسفة اذا كان بكلامي نوع من القسوة بس هاذي وجهة نظري ومع هذا احترم البنات اللي ايدوا الموضوع وكل واحد وطريقة تفكيرة وارد اقول سوري ع الإطالة

معاها بكل كلمه
ترا والله فشله جنج تقولين تعالو تزوجوني ؟
اللي فوق ال 30 اوكي بس الاقل نو ويي
اصلا تطيح من عيني اللي تروح حق خطابه

وحده تسولف حق امي تقول انه ولدها تزوج من خطابه و جنتها كل
يوم تشتكيلها انه يعايرها
وواحد من خوالي كان خاطب و
لمن درا انها حاطه اسمها عند خطابه قبل لا يخطبها فسخ الخطوبه
لا المشكله عمرها ما تعدا ال23 ؟!!
الله يهديكم​

 

[صعب انساني]

للرفع
​

 

[غراوي]

انا مع الخطابه اللي تكون بين الاهل
اما الخطابه اللي مسويه لها مكتب وتفتح ملفات زواج لاااااااااااااا والف لا

 

[قاهره عذالي]

انا مع الخطابه اللي تكون بين الاهل
اما الخطابه اللي مسويه لها مكتب وتفتح ملفات زواج لاااااااااااااا والف لا

معاج حق
الخطابه ام مكتب
تطلب صورتج وبطاقتج المدنيه
واسمج كامل
وكل معلوماتج
وكل من جاها المكتب ورته كل شي عنج
فضايح

 

[كويتية و لكن]

انا اقول عاادي مافها شي دام ان كل بالحلال وخاصة للناس اللي ما عندهم علاقات كبيرة وبناتهم ما يطلعون ومستورين ومحد يشوفهم ويدورون الستر انا اقول مافيها شي

 

[dalo0oa121]

انا مع البنت اللي تقول انه اذا البنت تعدت 30 تلجا لهالطريق لانه مافي امل
والله الرازق

 

[قطررة ندى]

والله على حسب في الزينه وفي اللي تدور مصلحتها

 

[ميس المشاعر]

أأيد الخطابة اللي تكون ثقة وتخاف الله
ومووووشرط الخطابة تطلب الصورة
اعرف وحدة بس تكلمينهاا بالتلفون تاخذ بيانات البنت كاملة والتوفيق من الله
لاا تيي تشوف بنفسهاا ولا تطلب صورة ولا شي وتخلي الموضوع بين الامهات اتصال
واللي تبي رقمها ترسل لي ع الخاص احاول اطلعه وادوره لهاااا
ومثل ما كلنا عارفين بمجتمعنااا البنات اللي تنطر نصيبهااا وماتبي الخطابه تقعد ببيت أهلهااا مو الكل طبعااا
لكن الأغلبيه شنووو تنطرين يسير عمرج 30 وتروحين عند خطابه عقب شنووو وأكيد النصيب من الله
يمكن يكون النصيب عند هالخطابه عادي مافيهااا شي نسأل عن الريااال عدل ونتوكل على الله ........

 

[ماركة انثى‘]

بصراحه عن نفسي أنا ما أييد كلش السالفةة الخطابةة لكن اعرف وحده تزوجت من طريق الخطبةة وزوجها مؤ من اصلها لكن تبارك الرحمن حيل مرتاحه معاه

بس ارجع و اقوول انا ضد السالفةة الخطبةة

 

[نـــوفـــا]

عادي مو عيب باالعكس ...


انا اشوف الخطبات التقليدية من الاقارب ...احس فيها تشوب شائب خصوصا مسئلة اتزوج شخص اعرفه اكثر من مرة وشفته


واعتبره اخوي ...عكس البعيــــــــــــــــــد ...تحسين في شي حلو /size]​

 

[ام عبـودي]

Upp

 

[om MaRyooM]

لا ماأيده

 

[اميره1980]

مثل ما قالو البنات
حق اللي عمرها فوق 30 سنة او اذا عندهم ظروف معينة
الله يوفق الجميع

 

[(كويتيه عسل)]

الخطابه احسن من ان يتعرف عليها في الشارع ويتزوجها وباجر يشك فيها ويعايرها

بس اذا تقدم لها عنطري خطابه لازم تسأل عن الريال عدل وتصلي استخاره

 

[نونه المنكوشه]

انا مااااااا اايد كلش