معقولة ياالبنات خطابة

[^هــنـــوي^]

كللش ماحبيت الفكرة فرضاً باجر قام يعايرها وجذي يعني اهو رجال المجتمع الي احنا فيه الرجال مرفوع عنه القلم وكل شي عاادي يسويه اما المرة عكسس كل خطوة محسوبة عليها اكيد الكل بيقول بنت بايرة طايحة بجبد اهلها ومن هالحجي مع انها زينة وموطايحة بجبد اهلها واحس فشلله عند الناس متزوجة عن طريق خطابة. ما ادري ماحبيت الفكرة وهذي وجهة نظر واحترم وجهات نظركم

 

[بنوته كيكه]

عادي شنو فيها لو خطابه للحين اكثر الشباب خطبه
بتقلون ليش ماتخطبون عن طريق الاهل بقول والله
نشدو البنت كل وحده صارة تعذر انها تدرس او تبي تكمل جامعه
الله يوفقهم. بس الاحسن عند الخطابه ليش علشان البنت
تبي الستر وتبي اتزوج

 

[عزوتي خمس صقور]

انا اايد خصوصي ادا كانو البنات مايروحون ولا ييون

 

[حلاها كويتي]

مدري انا ما تعجبني الفكره يعني نظام تاخذ صورتج وتوريها الي يسوى والي ما يسوى

لا والله ما حبيتها افضل تسألي الشيخ سالم الطويل

لا تسوين شئ ما تدرين حلال ولا حرام

هذا رايي

ويسلموو