مفسرة احلام كويتية جديدة

[Pop^*^CoRN]

السلام عليكم
حلمت فيني بنت خالي اني موظفة بالنفط و تقولي بالحلم شلون توظفين و انتي طالبة رديت عليها اني الحين ميداني لين اتخرج جان تقولها امي انها "عني" ماتبي التدريس و تقولي بنت خالي بالحلم يا بختج كل سنة سفرة و معاش قوي
! انا طالبة التربية الاساسية سنة ثانية ، و عمري 21 ، و مومتزوجة
شنو تفسير هالحلم ا
و جزاك الله كل خير​

 

[المعنقيّة]

أنا متحلّمــــــــة إني قاعدة أمشّـــــــــــــط شعري وأشوف ينزل منه قمل وااااااااااااااجد

شنو التفسيرررررررررررر؟؟؟

 

[فلفلة]

السلام
حلمت ان امى حامل وسقطت

 

[عرووووس الكون]

انا حلمت انه احد قالي خلي فلان يسدد الدين اللي عليه ؟؟

وفلان هذا اعرفه ويصير لي ؟؟

 

[جورية كويتية]

السلام
حلمت ان امى حامل وسقطت

ما اعرف وايد بالاحلام
بس اللي اعرفه ان الحامل هم
ودام انها سقطت
ان شالله يكون انزاح ​

 

[كـ غلا ــلي]

حلمت اني في باخره وبعدين ما ادري شلون لقيت نفسي مع اهلي وناس اعرفهم بس ما اذكرهم عاليابسة وقاعدين بشاليهات والبحر جدامنا ازرق يهبل قاعده واطالعة فشنو تفسير الحلم؟

_______________________

وعندي حلم ثاني حلمته قبل اسبوع .........

حلمت بسمج وااااايد كله على الارض والهوا قوي قاع يطايرالسمج وكان السمج مشوي وبعدين ما ادري يا انا او وحده اعرفها فتحت السمجه ولا كاانت بيضه من داخل وسوده من برا وبعدين فجأه جان اشوف اونو و مو ذاكرته كله.........

 

[bit 5alid]

السلام عليكم الختي امل انا قبل فتر حلمت اني راكبه على بعير وهذا البعير كبيير وطويل ويمشي فيني بين السيارات بالشارع انا كنت خايفه اطيح منه ... وعقبها وصلني البعير البيت ودخل بيتنا واول ما دخل بيتنا تحول حق ريال وهل ريال طويييييييييل و عبد (كلنا عبيد الله) وكان يشكيي حق ابوي منيي ...
وعلى فكره انا مو متزوجه
ومشكوره و جزاج الله خير

 

[وديان@@@]

السلام عليكم
انا حلمانه اني حاطه كحل وشدو واطالع ويهي في المنظره
يوم طلعت من البيت اقول اشفيني انا انهبلت
وانا ماحط مكياج وايد وطفارتي الكحل والشدو الاسود
ومشكوره

 

[ملكة الأحساس]

يعطيج العافيه اختي

انا حلمت انه امي بتروح الحج وقلت لها ابي اروح معاج كان تقولي لالا ماتروحين انا زعلت وقلت لاهلي قولها اذا ماتبي تاخذني الحج خلاص انا بروح عمره وبعدين قالولي امي تبي تكلمني وجتني وطلعتلي فلوس يعني تبي تسكتني فيهم علشان ما اروح عمره او حج انا اول ماشفت الفلوس انهرت وقمت ابجي واقولها لالا تقولين شي انا مابي فلوس انا ابي اشوف الحرم وفعلا صحيت من الحلم وانا قاعده ابجي واستمريت بالبكاء فتره من بعد ماقعدت من النوم............وللعلم انا مو متزوجه

 

[cacaw_q8]

حياك الله حبيبتى بس بقيت اسالك صديقتى حلمانه فينى حلم انى انا رايحه الدوام والله تقول يعنى كنت عريان مولابسه هدوم واهى قامت واسكرت على باب الغرفه عشان محد يشوفنى وبعدها بعدين نادتنا مديرتنا زكانت حيل مستانسه منا وعطتنا ورقه وقالت لحد يشوفها

 

[كندية]

مشكووور اختي على الموضوع...

انا جم مره احلم ان عرسي..وقبل جم يوم حلمت ان يوم عرسي بس على اساس اخذ واحد اعرفه من سنين بس لما شفته كان واحد من اهلنا بس اسم الشخص اللي اعرفه..ياريت الافاده...وكنت لابسه نفنوف عرس ابيض

 

[قلب راشد]

خبيره امي حلمانه ان بيتي وبيت اختي بنفس الشارع واهي كانت عندي

وقعدنا بالحوش وعندي نخله وطايح منها تمر وقعدنا نلقطه انا وامي

 

[حضن امى]

مشكوره اختى على مجهودك وموفقه وجزاج الله خير
انا حلمانه انى ماسكه تكرم السامع نعال نجديه واضرب اختى واقولها لازم اضربك المره الاولى ماصار والمره الثانيه ماصار بس المره الثالثه صارت وضربتها وللعلم ان اختى غير متزوجه بس كانت مكتوب كتابها وانفصلت بدون دخول

 

[عشق]

مخالف اقولج حلمي بالخاص لانه في كلام ما يصير اقوله بالعام

 

[سنى]

السلام عليكم ورحمة الله وبركاته

الله يعطيك العافية ويجزك الله خير, حابه تفسيراً لي حلم بس اذا كان شر لا تفسرينه.
حلمت اني داخله محل مع امي بس امي اختفت وداخل المحل فيه بائعين جيت عند البائع الاول وكان عنده دهن عود فشميت العود للي عنده ماعجبني فذهبت عند البائع الثاني في نفس المحل وشميت الدهن العود ماعجبني فقلت حق نفسي لزم اشتري وتذكرت ان فيه واحد عجبني عند البائع الثاني فقلت عطني منه فستخرج من تحت الطاولة غرشة عطر ذهبية في وسطها حبة فيروزة خضراء مائلة الي ازراق وعندها استخرجت بطاقة الك نت علشان ادفع وكنت حاطة في بالي ثمنه مابين 15الى 25 ولكن رفجتي اسماء ظهرت في الحلم فجاءة وقلت لي هذه ب 1000 دينار.

 

[حالة استنفار]

السلام عليكمـ ,,

يا هلا ومرحبا بالمفسـره :eh_s(8):

خيتو ..

انا حلمانـه جنـه وحده معاي بالصف معطيتني عصايه فيها شوك ..

وانا جنه قاعده اشيل هالشوك وحده وحده ..

اهوا الحلم غريب بس هذا اغرب شي فيه ..

يعني مخربط ما ينفهم :eh_s(22):

بس هذا اللي اذكره عدل

تهقين شنو تفسيره !! :eh_s(1):

في انتظارج حبوبه ..

اختج \ حالة استنفار :eh_s(3): ​

 

[استغفرك يارب]

اعرف وحدة صغيرة ميتة من كم سنة وهي توها عروس يعني ملكة بعدها ما دخل عليها والبنت هذي صار لها حادث وماتت
حلمت فيها انها دخلت علي المكتب وسلمت علي وكانت لابسة عباة وشيلة بس بدون نقاب وسولفت وضحكت وعلمتني عن احوالها انها مستانسة بس زوجها او اللي تملكت عليه دايم يضربها على ظهرها وتحط ايدينها على ظهرها وهي تتوجع .... شنو تفسير هالحلم

 

[خبيرة اعشاب]

حلمانه إني قاعده اقرا على اختى آيه الكرسي.

قراءه ايه الكرسي من افضل الاعمال و ربما تدل على علو الشان و طول العمر و حسن الدين

 

[خبيرة اعشاب]

حلمت اني جبت ولد وكنت بالمستشفى و دخلت علي السستر تبي تشوف عورتي و مارضيت لكن قصب شافت و قالتلي جرحج زين ماكان في دم و كان المكان نظيف قالت لي الولد اللي يبتيه العضو اللي فيه وايد كبير مو مثل اليهال . و في الحقيقه انا ماعندي اولاد بس بنتين ؟؟

و مره خلمت اني يبت ولد وانا شايلته ياني ريال شايب ماعرفه قالي شنو بتسمينه قلت بسميه براك قال لا سميه عبدالوهاب

كشف العورة هتك الستر و شماته الاعداء و خلوها ن الدم معناه على وجود شر ثم تتخلصين منه باذن الله
و الولد ان شاء الله بشاره بحمل قريب ...و كبر حجم عضوه معناه انه يسود اي يكون سيدا للناس او عالما و الله اعلم

 

[خبيرة اعشاب]

حلمت ان بيدى حنه حلوه سوده مثل الى يحبها قلبى بعدين تذكر ان جدتى توها متوفيه ما صارلها شهر وشلون تحنية ( انا ممتزوجه عمرى 35 )

الحنه ستر و هي ايضا تدل على التمسك بالسنه