ملفي للسلطات المبتكرة والسندويشات المميزة ...

[جوري وبنفسج]

السلام عليكم

شلونكم يا أحلى كويتيات

اليوم جايبة لكم طبق لذيذ من تأليفي اليوم قعدت أفكر فيه لين طلعت بفكرة فنتوقية

وووووايد عجب خواتي



* فتة على الطريقة المكسيكية *

المكونات

أفوكادو مقطعة مكعبات + فلفل بارد أحمر مقطع مكعبات صغيرة + جرجير مقطع + خس هولندي مقطع



ذرة + لوبيا حمراء



صلصة طماط ( طماط مقطعة صغيرة نحمسها مع بصل مفروم وملح بالثوم )


ونسوي الصلصة الثانية وهي الصلصة الحامضة =
علبة لبنة حامضة + ملعقة كبيرة مايونيز + نص عصير ليمونة + ملح بالثوم + شوية بقدونس مجفف


نخلط الأفوكادو+ الفلفل البارد + الجرجير + الخس + الذرة + اللوبيا الحمراء



نحتاج خبز تورتيلا بالأعشاب والطماط المجفف



نقطعه مربعات صغيرة ونحطه تحت شواية الفرن حتى يتحمش



والحين نجيب طبق التقديم ونقسم الخضار اللي خلطناها إلى قسمين نحط أول طبقة الخضار



وبعدين نحط نص كمية صلصة الطماط



والطبقة الثالثة نحط نص كمية الصلصة الحامضة




والطبقة الرابعة نحط مكعبات التورتيلا




ونكرر نفس الطبقات مرة ثانية ( خضار بعدين صلصة طماط بعدين الصلصة الحامضة بعدين التورتيلا ) ونزين الوجه بجبن تشدر أصفر وشوية بقدونس مجفف وهذا الشكل النهائي




وأتمنى يعجبكم الطبق وصحتين على قلبكم ​

 

[جوري وبنفسج]

السلام عليكم

مثل ما وعدتكم أنجزت وعدي :eh_s(7):

حياكم الله بملفي للحبوب المستنبتة
http://q8yat.net/showthread.php?p=7307650#post7307650

وراح تستفيدون منه وايد بإذن الله لأنه من خلاصة تجاربي يعني مو بس كلام نظري وراح تكون فيه إضافات خطيرة ترقبوها :eh_s(15):​

 

[ام بنتها]

تسلم ايدج و التريوووقه شكلهههه عجييييييب
تسلم اييج بس بغيت اسألأج الاعشااب المجففه تشترينها جااهزه ؟؟ و من ويين
يااريت تحطين صور كل التتبيلات و الصوص و الاعشاب الي تستخدمينها و من وين نشتريهااا
لان تباارك الرحمن شكل اكلج عجييب يبخت ريلج فيج و الل يخليييكم لبعض و يوفقكم يااارب

 

[صدى الأفراح]

واااااااااااااااااااااااااااااااو والقران ماعاد في حكي بليق فيكي انتي اكبر من كل الحكي بجد بجد انتي كنز للمنتدى لااااااااااااااازم يعطوووووووووووكي لقب فاااااااااااخر يليق فيكي ربي يسعدك ما اروعك الله يحميكي لبيتك يارب نيال أهلك فيكي والله شرف انتي لكل وحده بتعرفك

 

[جوري وبنفسج]

السلام عليكم

الغالية ام بنتها
حياج الله يا قلبي وتسلمين على المرور الحلو وأبشري راح أحط لج كل الأعشاب والصلصات اللي أستخدمها وأغلبها متوفرة بمركز سلطان ( شرق + السالمية + الفحيحيل ) وبالنسبة لبعض الأعشاب أنا أجففها بالبيت تطلح أحلى من اللي نشتريه وحتى ريحتها أحلى ولونها تحسين أخضر مو باهت نفس الجاهز مثل الشبنت والبقدونس الأفرنجي والنعناع والروزماري والزعتر ( على فكرة تلقين الرزوماري والزعتر وكل اللي بخاطرج فرش عند المشاتل ) أنا أشتريهم شتلات وأزرعهم في بيت مزروع . والتجفيف ما في أسهل منه وراح أحط لكم موضوع عن الأعشاب وطريقة تجفيفها وشنو الأنواع اللي تصلح للتجفيف

أما بالنسبة لزوجي أقول لج شيء يضحك ترى ما يحب هالسوالف يحب الطبخ التقليدي أنا بس أتفنتق لغدا زوارة أهلي الأسبوعي أو في عزايمنا وأكثر ناس مستانسة على شغلي وتتنطره كل أسبوع خواتي الله يخليهم لي :ggdw:

الغالية على قلبي صدى الأفراح
تسلمين يا قلبي ويا بختي فيج شو مهضومة وبتجنني وكلامك كله عسل
وكلامكم وتشجيعكم ومتابعتكم أهم من أي لقب .​

 

[جوري وبنفسج]

السلام عليكم

وهذي وصفة سلطة بسيطة وصحية 100%

* سلطة الخضار بالحلبة المستنبتة *


نحتاج إلى

طماط شيري



جرجير




خيار



خس مشكل




حلبة مستنبتة



نقطع الطماط إلى أنصاف والخيار إلى دوائر ونقطع الجرجير والخس ونخلطهم . والصلصة على حسب ذوقكم أختياري

مثل /

* مايونيز مع خل البسمك

* زيت زيتون وليمون ورشة نعناع

* زيت زيتون وخل بلسمك مع تتبيلة الأعشاب الإيطالية

* صلصة فرنسية

* صلصة إيطالية


وهذا الشكل النهائي




وصحتين على قلبكم​

 

[رحايل]

موضوع تدبست عنده من حلااااااااااااااااته

يامال العافيه اختي

حفظت الموضوع بالمفضله وبطبق الي فيه

مشكوره وماقصرتي حبيبتي

ومن يد مانعدمها

 

[جوري وبنفسج]

السلام عليكم

الغالية رحايل
الله يعافيج يا قلبي وتسلمين على المرور الحلو . وعيونج الحلوة يا عسل :hjy5jewf:​

 

[أم حسون]

تسلملي هالانااااااامل ويعطيج العافيه والله

 

[مزاجيه حدي]

جزاج الله خير على الأطباق المفيدة والحلوه

 

[جوري وبنفسج]

السلام عليكم

الغالية أم حسون
حياج الله يا قلبي والله يعافيج ويسلمج

الغالية مزاجيه حدي
حياج الله يا قلبي وتسلمين على الدعاء الطيب ​

 

[جارة القمر]

السلام عليكم


شخبارج


حبيبتي عز الأسلام


ماشاء الله


تسلم الأيادي

 

[lolwah]

الله يعطييج الف عااااااافيه :*

 

[الحراير]

مشاءالله تبارك الرحمن خوووووووش سلطات ويعطيج العافيه

 

[جوري وبنفسج]

السلام عليكم

الغالية جارة القمر
تسلمين يا قلبي على المرور الحلو وأخباري تمام أهم شيء أنا خلصنا من دوامة التدريس وأمتحانات العيال والحين نقدر نكون على راحتنا ونشبك على راحتنا وناااااااااسة :eh_s(9): وترقبوا المزيد من السلطات اللذيذة _03BA:

الغالية lolwah
حياج الله يا قلبي والله يعافيج ويسلمج يا الغلا :hjy5jewf:

الغالية الحراير
حياج الله يا قلبي وتسلمين على الكلام الحلو وعيونج الحلوة :hjy5jewf:​

 

[GAP^^الكبيرة]

يم يم صج اشياء لذيذه
وايد استانست على سلطاتج والتطبيق ان شاء الله قريب

 

[athora]

زوزو حبيبة قلبي صج صج تسلم

ايدج ويعطيج الف الف عافيه

وصج صج واو ...انا الحين

بالبحرين تامرين علي شي حبيبة

قلبي...



صدى حبيبتي شلون ولدج الحين

ان شاءالله بخير..

 

[أم حسون]

ناطرينج قلبو

 

[اسراء205]

مشكوره والله يعطيك العافيه

 

[mona77]

السلام عليكم ان اليوم أول مره أشوف هالأكلات بصراحه شكل أكلج يشهي الله يعطيج العافيه وراح أجربهم وأرد عليكم