ملفي للسلطات المبتكرة والسندويشات المميزة ...

[بنت الفقيد]

تسلم ايدج

 

[جوري وبنفسج]

* سندويش التركي بالبسطرمة

السلام عليكم

مع هبات الهوا البارد تنفتح الشهية على الآخر وخصوصاً الصبح هههه :eh_s(6):

جايبة لكم وصفة لذيذة ودسمة وتشبع

* سندويش التركي بالبسطرمة *

المقادير

نحتاج صمون فرنسي بالحبوب
( تلقونه عند شركة المخابز الكويتية )

وممكن تستخدمين أي نوع ثاني من الصمون على حسب رغبتج


رومي مدخن ( تركي مدخن ) + بسطرمة مدخن ( سلامي مدخنة ) + شرائح طماطم
+ شرائح مخلل + جبن سلايس أصفر ( أو أي نوع تفضلينه ) خس أمريكي .

نحط بالصمونه أول طبقة التركي وبعدها البسطرمة وبعدها الطماط وبعدها الجبن ثم المخلل

وبالنسبة للصلصة عندج خيارات وايد على حسب ذوقج بالأكل
1) لبنة + مايونيز وأعشاب

2) مايونيز ومسترد
3) كتشب ومايونيز

أنا عن نفسي أحبها بالصلصة رقم 1 و2 وكل مرة أغير على حسب المزاج


نحط الخس والصلصة ونغرس أعواد أسنان في الصمون حتى تثبتها لما نقطعها بالسكين
ونغرس برأس العود زيتون أخضر محشي بالفلفل

وهذا هو الشكل النهائي بعد التقطيع

وصحتين على قلبكم

وموعدي معكم قريباً بوصفة أحلى ​

 

[شندوخه]

ماشاءالله مبدعه
وبالانتظار

 

[أحلى همبه كويتية]

بدعتي
تسلم ايدياتج

 

[miss elegant]

ما شاء الله
وصفة أحلى من وصفة
تسلم ايدج
بس من وين شريتي جبن الموزاريلا

 

[جوري وبنفسج]

السلام عليكم

أخواتي الحبيبات

سعيدة بتفاعلكم وتشجيعكم

وبالنسبة للإستفسار

من وين شريتي جبن الموزاريلا

تلقين جبنة الموزاريلا في مركز سلطان أو في اللولو هايبر ماركت .

وبالنسبة للصلصات والأعشاب تلقونها بعد في مركز سلطان


وترقبوا المزيد من الوصفات اللذيذة ​

 

[اتكيت]

رووووووووووووعه يسلم ايديك ياقلبي

ولااااا يووووووووووووووووقف

 

[athora]

تسلم ايدج السندويشات ذكرتني بمطعم بانيني اموت عليه..يعطيج الف عافيه وتسلم ايدج وناطرين المزيد واذا عندج هم طبخات

ايه صج بغيت اسئلج عن سلطة النودلز الخضره لما تحمسينها شوي تحطين معاها زيت؟؟ والنودلز تحمرينه جاف مايصير
يابس؟؟

والله يعافيج لاتنسين اذا عندج بعد سوالف طبخ:tek:

 

[MaZaji CoOL]

ابدااااااااااااااااع




ساندويش التركي بالبسطرمه شكله يشووووووووووق ..





بس بغيت أسألج عن المخلل .. شنو أحسن نوع ؟؟؟؟

 

[جوري وبنفسج]

السلام عليكم

أشكركم يا الغاليات على التفاعل الرائع :tek:

وبالنسبة للإستفاركم

ايه صج بغيت اسئلج عن سلطة النودلز الخضره لما تحمسينها شوي تحطين معاها زيت؟؟ والنودلز تحمرينه جاف مايصير يابس؟؟

:tek:

لما أحمس الخضرة أحط معاها شوية زيت وشوية صلصة صوية وما أحمسها وايد بس على السريع تكون الخضرة نص نص أفيد للصحة وأحلى في الطعم
والنودلز أحمره على الجاف ولا تحاتين ما يصير يابس لأنه لما تحطينه فوق السلطة يلين . وأنا أفضله كرسبي

بس بغيت أسألج عن المخلل .. شنو أحسن نوع ؟؟؟؟

على حسب مذاقج إذا تحبين المخلل مالح أنا أفضل مخلل كبيس مشعلاني أو أي مخلل لشركة ثانية بس تكون لبنانية
وإذا تحبين طعمه حلو ( شكر ) أنا أفضل المخلل الحلو المفروم تلقينه بمركز سلكان وهذي صورته

​

 

[جوري وبنفسج]

* سلطة الباذنجان والخضار بالصلصة الهندية

السلام عليكم

موعدي معاكم اليوم مع سلطة لذيذة ودسمة وهي من تأليفي وأخراجي للي يحب البيديان راح تعجبه


* سلطة الباذنجان والخضار بالصلصة الهندية *


وسبب تسميتي للصلصة بالهندية لأن نكهتها بالروب والبهارات تذكرنا بالمطبخ الهندي

المقادير

باذنجان مقطع إلى قطع صغيرة ومقلي

ملفوف أبيض (كرومب )

جرجير

بصل أخضر مقطع + جزر مبشور + فلفل بارد أحمر مقطع + كزبرة مقطعة

نخلط مكونات السلطة


والحين للصلصة نحتاج

لبنة حامضة + مسترد ( خردل ) + مايونيز بالفلفل

ليمون

أعشاب مجففة ( شبت + نعناع ) وملح بالثوم والبقدونس

رشة دارسين مطحون ( قرفة ) + كمون عدل ( حب )

نخلط مكونات الصلصة


ونحتاج خبز محمص للمسة النهائية لوجه السلطة

وهذا هو الشكل النهائي

ملاحظات/

* تقدرين تستخدمين الروب بدل اللبنة الحامضة
* وإذا ما تحبينها حارة بدلي مايونيز الفلفل بالمايونيز العادي
* قبل ما تقلين الباذنجان نقعيه بماي وملح لمدة 20 دقيقة حتى ما يتشرب دهمن أو أشويه بالشواية ( بس طعم المقلي أحلى )
* حمصي الخبز بالفرن تحت الشواية لين يصير كرسبي بدل ما تقلينه ويشرب دهن .

وصحتين على قلبكم ​

 

[sharoo_e5]

يعطيج الف عافية

 

[نسيم الروح]

مشكوووووره مواضيع فعلا فنتق ومن إيد فنانة وعساج عالقوه

 

[Q8stylle]

تسلم ايدج

 

[كل الغلا زوجي]

بجرب السلط مال المعكرونة اليوم وبعطيج رايي
مشكورة

 

[جُوآإنٌ]

ماشاء الله عليك صج فنانه

تسلم ايديك ونبي اكثر بعد

 

[^^دموع الكويت^^]

روعة تبارك الرحمن
ملف مميز ولذيذ
مشكورة تسلم ايدج يعطيج العافية

 

[unreachable]

ماشاءالله

تسلم ايدج

 

[athora]

تسلم ايدج وياريت يثبتون موضوعج...وماقلتيلي عندج فناتق بالطبخ؟؟:33_1185028183:

 

[جوري وبنفسج]

السلام عليكم

شكراً شكراً شكراً :tek:

بصراحة تفاعلكم وكلامكم يثلج الصدر

وبالنسبة لفناتق المطبخ أي عندي فناتق وايد

وأنا تخصصي بالأطباق الصينية وأيطالية

أمس سويت طبخ حلو وعجيب أول مرة أسويه والحمدلله عجب زوجي وايد وهو طبق الدجاج بالمشروم والسبانخ وعليه طبقة من المشاد بوتيتو . ويوم الجمعة راح أسويه لبيت أهلي حق غدا زيارنا الأسبوعية وراح أصوره لكم بالخطوات والتفصيل الممل ... وراح أنزله بقسم الأطباق الرئيسية بملف ثاني خاص بأطباقي :eh_s(8):​