مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[العينآوية]

دبة زوغة انا سجلت فيه من سنتين بس رجعت كل اللي نزلته للأسف

لأني ما حافظت وخربطت على سنتين فأنتي حرآم لا تسوين مثلي وخلج محاافظة

بس تعلمت منهم طريقة الاكل ومتى اشرب ماي الخ

والاحلى للحين عندي بدلة السونآ مالت الرياضة تضعف واااايد والبسها مع الكريم اللي اعطوه لي معه

ولين الحين كل من يخلص الكريم اشتري غيره يديد هذآ اكثر شي فادني من عندهم

 

[عاشقة الككاو]

خووش سوالف

بنات لا ننسى اهمية المجهود البدني ولو 20 دقيقة بس
لانه يشغل عملية الايض وحرق الدهون

انا راضية عن نفسي بس امس شووووية خربطت
كليت حبتين لقيمات كانت خطيرة ما قاومت بس عاقبت نفسي وما ذقت العيش امس << شي يعوض شي

واكلت مهلبية دانووو بنكهه ماي الورد اعتبرتها سناك وبعدها صكيت حلجي

 

[Pretty Amoola]

الله يعطيكم العافية

وإن شاء الله كلنا نوصل لهدفنا :eh_s(9):​

 

[Blue .]

-



انا سجلت معآكم ، بس مآ كتبتون اسمي !
وزني 67 و طولي 160 !

 

[قطوووة]

تمره بحلاوتها

تحصلينه بمحلات الرياضة او الالعاب


كريم كراميل
كفو

مس قطر
حاولي تزيدين مشاركاتج قبل السبت بالمنتدى ل 50 مشاركة
افتري عالاقسام

 

[قطوووة]

انا سعيدة بيوميات فريقي

بس بعضهم مابين !!

 

[Mademoiselle A]

السلام عليكم

انا بديت من أمس بس بداية غير متوقعة;p
ماكنت مخططة شنو بتبع ولقيت نفسي رايحة ماكدونالدز;p
طلبت وجبة أطفال وسنداي جوكليت
وكنت متريقة كورن فلكس+حليب خالي الدسم
وطول اليوم ماكليت غيرهم عقاباً عالأيس كريم
لأن اتوقع سعراته فوق 300 بحدود ال400 اذا مو أكثر
ورحت الجيم (كيرفز) نظامهم 30 دقيقة بس
ومشيت نص ساعة على My tredmill وحرقت 160 كالوري
فتقريبا راضية عن نفسي عقب الرياضة عوضت الهباب اللي هببته والحمدلله ;D

 

[Blue .]

-



مآ كتبتون اسمي !
قطوه ويييييييييينج :"(

 

[نور^^]

هلوووو
ممكن اشترك معاكم
الطول 160
الوزن 74 صار 4 اشهر احاول ادخل لعالم الل60 مليت

 

[قطوووة]

بلو
اتوقع طافج التسجيل..

بس عموما التزمي باليوميات ، وراح اضيفج

 

[Mademoiselle A]

ملاحظة بخصوص الماي (بارد-دافي)

سمعت مرة أعتقد د.عبدالله المطوع يقول أفضل شي يكون بدرجة حرارة الغرفة

 

[fatma A]

بنات عندي سؤال االدوره الشهريه تزيد الوزن ولا

 

[قطوووة]

تزيد

 

[fatma A]

انزين جم كيلو ومتى تخف؟

 

[إقدام]

السلااااااام عليكم ورحمة الله وبركاته

بركات التخريف والتفهي .. توني اجوف المواضييع

اول يوم كان ممتاز بكل ما تعنيه الكلمة من معنى ...

اليوم الثاني .. تهبيب .. لاني للحين مو مستقرة على شي معين + هالفترة صايمة

طبعا اكيد مو عذر يخليني اخبص واخرب رجيمي ..

لكن قررت اخليه امس هو اليوم المفتوح .. واليوم العقاااااب


كويتية سبيشل اني وياش في المجموعة .. عليش ابي زفيني زف ( خليني استحي اعيدها بعد )

 

[إقدام]

نسيييت يعطيكم العافية بنات .. خصوصا المشرفات وقطوة

والله يسدد خطاكم ان شاء الله لكل شي فيه صلاح

 

[قطوووة]

حياج اقدام
ناطرين يومياتج بالموضوع المخصص


فاطمة
يمكن كيلو او نص كيلو

 

[ضــمــاد]

مادري شفيني ع الحلووو

من تبتدي الدوره أحس أبي اي شي حلو


اليوم كليت نص قفشه وسط نوتيلا


وبعد شوي بطلع عشان جذي تغديت متأخر قلت عشان ماخربط


مممم من اليوم بعدل نومي أحس وجباتي ملخبطه بسبب السهر


منو مثلي تحس وجباتها مخربطه بسبة السهر

 

[fatma A]

الاسبغتي بدون اضافه شي تمتن ولا

 

[العينآوية]

تمتن أكيد عسب جي حطي كمية بسيطة والباقي خله سلطة عسب تشبعييين