مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[أحلى عيون]

//​

في بعد توست لوزين ​

وايد طعمه حلوو فيه بذور الكتان وحبوب​

وهو غني بالالياف وطري ​

بحاول اصوره لكم​

//​

ياليت تنزليين لنا صورته نشوفه ومن وين يا قلبي

 

[قطوووة]

مخبز الامراء ..اااهاااااااااااا
عندهم خبز الصويا شنو لذييييييييذ

يبيله

 

[أحلى عيون]

مشكورة على ردج حبيبتي احلى عيون


انا لاني عارفة طبيعة جسمي من اول الحمال يبدي يزيد
مع ان اكلي طبيعي
تخيلي كل مراجعة زايدة من كيلو ونص الي 2 كيلو
في ولدي الاول بداية الحمل كنت 73 وولدت عال 100

وبنتي الثانية حملت 86 وولدت عال 102

والله يستر

انا سمنتي من الطفوله وصعب ينزل وزني الا اذا اتبعت نظام اقل من 800 كالوري باليوم

وجربت شهرين اني اسوي نظام اكل صحي
مثل ريجيم دكتور عبدالله المطوع
بس مانزلت شي مجرد ان مازاد وزني

وانا ان شاء الله ناوية اشترك بدايت كير طول ال 9 شهور
عالاقل احافظ ولا ازيد

بس انا قصدي اني حاليا مو متشجعة
بس متحسفه عالجهد اللي بذلته ومابي اضيعه
بحاول لي موعد دورتي القادمة اني التزم معاكم ان شاء الله
ان طلعت حامل بشترك بدايت كير واذا لا بكمل تخفيف وانا حاطتلي جدول وجبات لي اول اسبوع من رمضان اذا الله احيانا
يعني جدامي شهر ان شاء الله بحاول اخسر فيهم اللي اقدر عليه هم نعمة
وان شاء الله راح اصوم ابتداء من الاسبوع القادم لاني حاليا بفترة حيض
بقالي كم يوم دين ويارب لي موعد الميزانالقادم اكون خسرت 2 كيلو

شوفي حبيبتي انتي نفسي بالضبط

انا كان وزني 105 وتبارك الرحمن قدرت اسيطر على نفسي لمده سنه ونزلت الي 70 كيلوو

وبعدهاا ماكنت اعلم اني حامل

وزاد وزني كله الي نزلته رجعت 102

ولماا ولدت الحمدلله قدرت اسيطر على نفسي ماازيد اكثر من جذي ووصلت الي 90 كيلووو

وبدات اعمل رجيم مع نفسي وامسك نفسي اكثر بس مشكلتي انه قالي الدكتور ماينزل وزنج الا بعد 6 اشهر من الولاده

والحمدلله انا حالياا لي 9 شهور والده وزين مني نزلت الي 87 وراح استمر ان شاء الله الي بدايه رمضان اكون حققت ياااارب ال80 عندي عرس ثاني يوم العيد عرس حماي


ووبعدين لا تقولين متحبطه ومادري شنووو استمري وصدقيني في عيادات كثيره تسوي لج تثبيت وزن حتى لو حملتي وولدتي مايزيد

والله يوفق الجميع

 

[أحلى عيون]

اي قطوووه كل شي حلوو عندهم بس انا ممنوعه من الصوووياااااا

اكثر شي يناسبني بذرة الكتان

 

[غارقة بأحزانها]

اي وبعد يااحلى عيون
تقوليلي انزل لي السبعين وبعدين افكر

طبعا انا نفسي ومنى عيني على قولة اخوانا المصريين هههه

بس للاسف زوجي مو راضي يبيني احمل اليوم قبل باجر لان بنتي قربت عالاربع سنين ويقولي صابر عليج من زمان

وانا لاني نزلت تقريبا 15 كيلو

فنزولي راح يكون بطئ لي ال 70 انا الحين 85 يعني يبيلي 15 كيلو يعني 4 شهور جدام

ماراح يقبل هالشي
والله كريم

 

[غارقة بأحزانها]

مشكورة احلى عيون

ماشاءالله عليج تبارك الرحمن

استمري انتي قدها

وانا ان شاء الله بكون قدها

وماقصرتي يالغلا

 

[نارنجه]

احلى عيون

مخبز امير الامراء بين فترة وفترة تسكرة البلدية
طحينه منتهي :/ حسبي الله عليهم


و كاكاو الكاندريل و الكاندريل نفسه موشي
يثبت الوزن او يزيده
الاسبارتيوم و السكرين ضارين

اخذي قطعه من الكاكاو العادي احسن
بس چيكي ا السعرات الحرارية

وچاي رويال ضار ياحبيبتي ضااااار
اشلون تستخدمينه :/
اخذي لج مسهل من الصيدلية احسن لج
و اسفة ع هالاخبار البايخه
بس ضروري تراجعين نفسج دام المعلومة وصلت :/

وحلو رجيمج تفاح ولاتيه
المفروض جم تفاحة تاكلين باليوم ؟

انا اكثر شي متعب نفسيتي ان رمضان مو مال رجيم
واخااف اخورهااا برمضان

 

[قطوووة]

انا ان بغيت تحليه اكل عادي اي كاكاو ابي ،،
بس اني اقلل الكمية ،،
يعني ببالتدريج صار عندي مكعب واحد يكفيني


بخصوص رمضان ،، انا خذيت برنامج شلون اقسم اكلي راح انزله لكم
عشان تشوفون فكرته مع ان الاخصائية قالت لي مايصلح للكل
انا فيني سكر وعطيتها طولي ووزني
وعطتني اياه لانه يناسبني

 

[طبعي شموخ]

الحمدلله انا وايد راضيه عن نفسي لاني ماخربطت كلش مع اني تعبانه اليومين اللي طافووا
وان شاءالله راح ابتدي بالرجيم الكيمائي ابي انزل بسرعه قبل رمضان
والله يعينا

 

[نارنجه]

قطووووة
ماتشوفين شرر حبيبتي
ماعليه السكر صديق ثقيل الدم :**
الله يعينج عليه


تراجعين عند منو ؟ شركة تغذية و لا عيادة؟

السبت ان شااء الله مراجعتي
و بشوف اشلون وضعي برمضان تخفيف او تثبيت وزن

 

[أحلى عيون]

احلى عيون

مخبز امير الامراء بين فترة وفترة تسكرة البلدية
طحينه منتهي :/ حسبي الله عليهم


اختي المخبز موجود عندنا بالجهرااا ومن احسن مايكون وعليه زحمه وماسمعت يوم من الايام سكروووه


و كاكاو الكاندريل و الكاندريل نفسه موشي
يثبت الوزن او يزيده
الاسبارتيوم و السكرين ضارين


حبوبه لو ضارين يا قلبي ماينباع الكاكاو بالصيدليات ودكتوري نصحني فيه

اخذي قطعه من الكاكاو العادي احسن
بس چيكي ا السعرات الحرارية

وچاي رويال ضار ياحبيبتي ضااااار
اشلون تستخدمينه :/
اخذي لج مسهل من الصيدلية احسن لج
و اسفة ع هالاخبار البايخه
بس ضروري تراجعين نفسج دام المعلومة وصلت :/


اختي شلون قلتي انه ضااار هل جربتيه وضرج

الحمدلله يارب هذا انا اشربه وصار لي سنه عليه ولله الحمد
ومو كل يوم اشربه بس بين فترات اختي ياليت تتاكدين من المعلومات قبل لا تقولين

واختي تبارك الرحمن انزلت عليه اكثر من 10 كيلوات

وحلو رجيمج تفاح ولاتيه
المفروض جم تفاحة تاكلين باليوم ؟


بالعكس مو حلوو رجيمي اصلا المفروض انه بعد كل ميزان اسوي يوم كامل اكل فيه فقط تفاح واي كميه عادي يعني اليوم مفتوح كله تفاح واقدر اشرب سوائل بس شاي او قهوه او اعشاب او نسكافيه


بس انا صايمه وافطر على الساعه 7 والتفاح يسد الشهيه ويشبعها الحمدلله

انا اكثر شي متعب نفسيتي ان رمضان مو مال رجيم
واخااف اخورهااا برمضان

الله كريم عسى يبلغنا رمضان ويسد شهيتنا بالعافيه يارب وان شاء الله نقدر نمسك انفسنا

وشكراا على المداخله

 

[تمره بحلاوتها]

تمره بحلاوتها

تحصلينه بمحلات الرياضة او الالعاب

مشـكــوووووره حبيـبـتي :eh_s(17): ​

 

[تووته البسكوته]

هاي رشيقات
بنات عندي اقتراح خل ندمج الموضوعين مع بعض لان في بعض العضوات قاعدين يحطون مشاركاتهم هني ..فنحطهم مع بعض عشان ماندوخ لوووول
المهم امس ماخربطت ..حلاتي وانا ملتزمه وحت النادي بس مالعبت وايد بس نص ساعه لان علي الدوره تكرمون واحس جسمي يعووورني

وسلامتكم

 

[تووته البسكوته]

قصدي يحطون يومياتهم بالاكل بهالموضوع ..لان اليوميات بالأكل لازم تنذكر مع الموضوع يعني لمن نقول ماخربطنا ونذكر شنو كلينا ..فمره وحده ويصير موضوع واحد شرايكم

 

[نارنجه]

احلى عيون


انا ماعندي مخبز ينافس امير الامراء عشان اطلع عليه سمعه مو زينه
فرعه الي بحولي والي ياخذون منه اتوقع عارفين هالشي عنه

وهذا مركز سلطان الي ينضرب فيه المثل مسكرته البلدية بسلوى على اكل منتهي صلاحيته


و اعتقد بما انج مشرفة القسم وانسانة مهتمة بالرجيم و سوالفه
مواضيع التحذيرات عن مضار شاي الرويل و السكرين و الاسبارتيم من دكاترة و دراسات اكيد مرت عليج

انا مو يايبة شي من عندي
وحتى الزقاير و الاصباغ قاعدين يبيعونها بالجمعيات
وحتى الحبوب الي كلها مضرة تنباع بالصيدليات


مومقياس منفعة او جودة وجود الشي و تداوله
رقابتنا حدها تاريخ انتاج و انتهاء صلاحية


عموما هذا جسمج و هذي صحتج
قطي كلامي بحرر اذا موعاجبج
انا موخسرانه شي

 

[فواصل]

صباح النور ....شخباركم .....بخصوص خبز لوزين صج رووووعة توني اكتشف ان فيه بذرة الكتان ! وبخصوص الدمج انا ضد هالشي لان بتصير خربطة ....احلى عيون لما ارجع من السفر بدور هالخبز عندنا ....وابتعدي عن شاي الرويال مب زين و كافي كاندريل حلو ....وبرجع باخذه .....وبخصوص الحوامل انا عندي تاكل اكل صحي وتبتعد عن الرجيم لانها الياهل يبي تغذيه ....قطوة ممكن اشوف النظام وكلامج صح بخصوص الخريطة :$.......سوري بنات اذا كتبت الرد بهالطريقة لاني اكتب في الايباد

 

[عاشقة الككاو]

صباح الخير


شلونكم يا رشيقات
اليوم بإذن الله الواحد الاحد
بلعب بجهاز الغزالة اقل شي 10 دقايق

جسمي وايد اخترب كان شحلاته مشدود
بس بعد ولدي الله يخلي لي خلاص اخترب ترهل وخطوط وسولاليت وبلاوي منيله
انصدمت ب فخودي متااااااااااااااااااان
وظهري كان مافي زوائد الي بالاجناب وكان مشدود وفيه خط بالنص والحين صار يفشل استحي اطالعه بالمرايه واستحي البس سترج

لاااااااااااااااااااااااااااازم انزل ع الاقل 5 كيلوا بس الحلم 55
لاني قزومة ف السمنة مو متوزعه

 

[عاشقة الككاو]

طبعا الكرشة بدون لا اذكرها
اكرها يعني بطني من فوق صوب المعدة حلو فيه يادوووب انتفاخ
بس الي تحت يم السرة هذي الكبيرة
بسوي تمارين معدة حتى لو 20 مرة بس

 

[فواصل]

عاشقة الكاكاو ....اغلبنا جذي بس لازم نقوي ارادتنا ونلعب الرياضة اقلها المشي ....حتى نرجع مثل قبل واحسن

 

[نارنجه]

عاشقة
ماعليه هذي البداية
تذكري صور قبل وبعد الي يحطونهم للممثلات و للي يسوون رجيم
هذي انتي قبل الرجيم
وان شاااء الله تبشرينااا بجسمج المشدود الخالي من الزوائد بعد الرجيم

وامشي كثر ماتقدرين
ابديها نص ساعه و زيدي
لا تعتمدين بس ع التمارين