مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[Mademoiselle A]

بنات سامحوني هالجم يوم قام اخربط وايد لأني بحط تقويم
ف بستمتع بالأكل لأن ماراح اكله اقين ;p

 

[كويتيه سبيشل]

انا واااايد متضااايق

كنت مشايه يومي عدل وبالضبط

فجا تضايقك وخربطت

حدي متضااايقه

 

[اموووله96]

^ ^ ^

لعبي رياضه و حرقي الي كليتيه حرام تضيعين تعب اسبوووع

 

[مـريومه]

انا واااايد متضااايق

كنت مشايه يومي عدل وبالضبط

فجا تضايقك وخربطت

حدي متضااايقه

حبيبتي الله يبعد الضيق عنج

ماعليه لعبي رياضه وشي بيعوض عن شي

:***

 

[MISS_RIOOM]

انا ماشية مية مية
ولا اي تخبيص بس امس كليت سمبوستين و
الحين قاعدة اشرب نسكفيه
ماياثر صح ٨٨

 

[Aryam30]

صباح الخييييييير جميعا

 

[ضــمــاد]

صبــاح النور

 

[MISS_RIOOM]

بنات شلوونكم؟؟
ممكن سؤال ليش محد يرد علي و لاتعطوني وجه ترا انا مسجلة معاكم؟؟
ترا ازعل منكم

 

[Aryam30]

هلا ضماد حبيبتي مداومه شلونج
توني وقفت عالميزان والا زايده ٤٠٠ جرام

 

[Aryam30]

بنات شلوونكم؟؟
ممكن سؤال ليش محد يرد علي و لاتعطوني وجه ترا انا مسجلة معاكم؟؟
ترا ازعل منكم

افا مس منو اللي مومعطيج ويه ههههههههههههههههه كاهي ويوهنا كلها موجوده اخذي الويه اللي تبينه

 

[اثمان]

صباح الخير

شلونكم

قاااعد افكر جديا اسوى تكميم واافتك

مليت من وزنى اضعف لما اوصل لللوزن المثالي

بعدين ارجعه دبلات

حاااايشنى ملل مو طبيعى من الرجيم

وصايره كسلانه بس ابي انام

شريت اجهزه رياضه ومو قاعد استخدمها

 

[MISS_RIOOM]

بنات احس اني نازلة
وناااسة
احس فيني اراادة قوة من عقب ماقريت القصة مع ان عمري ١٣
قريتها ثلاث ارباع و قلت بوقت ثاني اكملها الحين بروح اسويلي ريوق
اسوي ريوق صحي و الحين ودي اسوي رياضة و اقز و اكل اكل صحي
ضماد مشكووورة ع القصة عطتني حاافز قوي للرجيم

 

[اثمان]

بنات احس اني نازلة
وناااسة
احس فيني اراادة قوة من عقب ماقريت القصة مع ان عمري ١٣
قريتها ثلاث ارباع و قلت بوقت ثاني اكملها الحين بروح اسويلي ريوق
اسوي ريوق صحي و الحين ودي اسوي رياضة و اقز و اكل اكل صحي
ضماد مشكووورة ع القصة عطتني حاافز قوي للرجيم

الله يقويج حبيبتي :yaaaaaarb::eh_s(15):

 

[ضــمــاد]

أثمان لعيونج هالاقتباس نقلته من عضوه بمنتدى ثاني

تجربتها الناجحه كانت 132 وصارت 60 .. تبارك الرحمن الله يتمم عليها

بسم الله الرحمن الرحيم

مساءكم // صباحكم غفران

مثل ماوعدتكم
هذي تجربتي كامله.. بل انجازي..ويحق لي اقول عنه انجاز

في عام 1428 اكتشفت اني حامل وكنت عارفه ان وزني زااااااايد جدا
انما ماتوقعته وصل 132 كيلو
وقفت شوي اتامل الرقم المزعج .. واتخيل شكلي المرعب
تجاهلت الامر
وفرحت اني حامل كعذر للسمنه والحريه بالاكل والحريه باللبس الوااااااسع
ومن ربي جت
كنت اصحى واكل فطور كبيرررررررررررررررررررر
وكثيييييييييير طبعا على الساعه 12 الظهر
وغدانا كان 3 فكنت اتغدى لكن بحكم اني شبعانه ماقدر اكل اكثر
بعدها لاحظت اني لما اتعشى اتعب من حرقان المعده
واضطر للعلاجات وبما اني حامل خفت اضر الطفل
فوقفت الاكل بعد وجبة الغدا وغالبا اتوقف 6-7
انتهت فتره الحمل وجبت بنتي اللي كانت حلم حياتي

ولقيت وزني نازل 17 كيلو
مافكرت برضو بالدايت .. لين حصل موقف لقريبتي قدامي
كانت بنتها بعمر 6 سنوات وامها سمييينه
وكانت بمنتزه وسالت بنتها وين صاحباتك وريني اياهم
قالت قلت لهم هذيك امي واشرت على وحده جسمها حلو
قالت الام ليه؟؟؟
قالت اني دبيه تفشلين....!!
ردة فعل طفل مايعرف يقول امي وافتخر فيها ايا كانت...
هنا فكرت ببنتي
ماحبيت تنحرج... وتضطر تنسب نفسها لوحده ثانيه فقط عشان رشاقتها..!
خلصت نفاس وسفرت خدامتي لاني قررت اكون انسانه تحب نفسها عشان بنتها فقط..!! وانتبهوا للتطور
وبديت ترك الاكل بعد 6 مدة شهرين
ونزلت من 115 الى 105 وكنت امشي بالتدريج من 10دقايق وازيد يوميا دقيقتين لحد ماوصلت رقم ممتاز الحمد لله من الدقائق..
بعدها وقبل رمضان باسبوعين سويت دشتي ونزلت لين 97
في رمضان سويت سعرات ماتجاوزت 1000 كالوري ومشي ساعه ونص يوما..
كنت افطر
3-5 تمرات وقهوه
بعدها اصلي واجهز الفطور الرسمي
اشرب شوربه واكل سلطه بالغصب لاني مااحبها..واخذ من المعجنات 3 حبات بحجم نص الكف وحبتة حلا بحجم اصبعين
وبعدها اسكر فمي إلا ناااااادر جدا اكل لو طلعت
ولما ارجع اخذ زبادي سحور واحيانا مااخذ شي
ولما اكل لو شوي من السحور مع زوجي وخاصه لو كان رز ..اعاقب نفسي بالمشي ساعه
كنت اعتبره عقاب قبل تتصلح مفاهيمي واعرف ان المشي من اروع الامور اللي تساعد بتخفيف الوزن والضغط النفسي
كنت لما امشي كثير زوجي يطالعني ويضحك
يقول مانتي ناحفه..حتى لو نحفتي شكلك بيستمر كذا زي البالونه المفقوعه..
ارد عليه واقول وربي لااخليك تغير رايك
مع العلم انه كان يقول هالحكي وانا نازله 35 كيلو بعد ..!!

كملت الشهر الكريم على هالنظام



ونزلت 12 كيلو
بعدها ريحت اسبوع
ورجعت اسبوع لدشتي
واضطريت اوقف لاني دخلت المستشفى مع بنتي
وطلعت من المستشفى وزني 86
كملت دشتي اسبوعين ونزلت لين 83
وريحت اسبوعين
بعدها سويت النقاط شهرين ونزلت 10 كيلو
طبعا المشي ماتركته ولا يوم
لما وصلت 73 ريحت فتره شهر
وبديت تخفيف ونقاط ودشتي ومشي كثيييييييير لحد ماوصلت 61-60.5

>>> النتيجه
من 132 الى 60.5
حياة غير وحب منقطع النظير لكل شي فيني واحساس ماحد بيعرفه من كلامي غير لما يحسه بجسمه...

ولكم حبي..

 

[ضــمــاد]

بنات احس اني نازلة
وناااسة
احس فيني اراادة قوة من عقب ماقريت القصة مع ان عمري ١٣
قريتها ثلاث ارباع و قلت بوقت ثاني اكملها الحين بروح اسويلي ريوق
اسوي ريوق صحي و الحين ودي اسوي رياضة و اقز و اكل اكل صحي
ضماد مشكووورة ع القصة عطتني حاافز قوي للرجيم

أنتـــــــــــــــي :eh_s(15):



عفيه عليج والله .. عسى الله يتمم عليج



:ggdw:
​

 

[اثمان]

تسلم عيونج ضماد

ويعطيج العافيه ويقويج ربي

 

[MISS_RIOOM]

بنات شرايكم بجهاز الدراجة الثابتة عندنا
؟؟؟

 

[ضــمــاد]

بنات شرايكم بجهاز الدراجة الثابتة عندنا

؟؟؟

ماعندي معلومه عنه


استخدميه .. مو مهم شنو الجهاز ..


الاهم انج تتحركين سواء بأستخدام جهاز رياضي


او بدون جهاز ..


الاهم الحركه عشا تحرقين السعرات + ينشد الجسم ​

 

[ضــمــاد]

أقتباسات .. رجيميه

(( الحرمان ))


اعتبر هالكلمه اقصر طرق الانهيار والفشل

يعني انا قبل فتره قصيييره كنت اعاني من ضغوطات الوزن الثابت وصلتني للحرمان النفسي والعاطفي قبل الجسدي

قمت ادور اسلوب وحيل .. خلتني طول الوقت احس اني مو مرتاحه

لما اشتهي شي اقول في نفسي بعدين بعدين

وبكرا تتكرر المسألة ويتكرر الرد والحرمان بعدين بعدين

وبعدين وش يصير

بدل مااكل اللي اشتهيه بكميه معقوله .. احصل نفسي اكل واجرم في نفسي لين افقد كل المتعه في هالاكله اللي لي اسابيع اقول بعدين بعدين

هو الم نفسي والم جسدي من سؤ الهضم خاصه ان معدتي تعودت على الاكل القليل..

الحرمان

عمره ماوصلنا للهدف

انا وصلت هدفي وصدقوني ماعمري حرمت نفسي وهذا اللي خلاني اخذ هالفتره في اني انزله..

من بديت كنت حاطه في بالي انحف وبس

من بديت افكر بالاقام على شاشه الميزان ومن بديت اشوف نفسي بعون سول قبل

لقيت اني ادور حول نفسي..

صدقوني ..

الحرمان .. فقط وقت ضايع اخره خساره في كل شي إلا الوزن..

الحركه..



تكفيك تأنيب الضمير...يعني انتي محدده سعراتك ماتزيد عن 800 مثلا ووصلتي 1200 في يوم ما

يعني زاد عليك 400 كالوري

سهله

امشي نص ساعه لمدة 4 ايام وبتكوني تخلصتي منها بدون ماتتأمين وتخربين باقي يومك

...

كإقتراح للمشي

وكيف تخلين الوقت يروح بدون ماتحسي فيه


اغرقي بأحلام اليقظه..

تخيلي نفسك تدخلين محل وتطلبين مقاس 10 او 8


واو

ولما تشترين فري سايز كيف يصير عليك

ولما تروحين لناس شايفين حالهم عليك لانك سمينه وكيف ردة فعلهم بتكون..؟!

فكري بترتيب وقتك واوراقك



بتلقين النص ساعه خلصت

تذبذبنا

واستفسارتنا العقيمه

وهالدايت كم ينحف باسبوع

وهالدايت فيه رياضه او لا


اسئله وتذبذب يدهورنا الى حالات لايمكن ان نرجع منها بسهوله

ونتعدا الارقام الفلكيه

و لازلنا نبحث عن شي سهل ينزل وزننا مثل سهوله طلب الوجبات السريعه وأكلها الاسرع

ننتظر الوجبه السريعه نص ساعه وناكلها ب 5 دقايق

ونعاني منها سنوااااااااااااااات...
ليش مانتطور في كل شي

مو بس حالاتنا الماديه والتعليميه والاسلوب والكلام

نتطور بالاكل وافكارنا تجاهه

اكرر الاكل متعه مثل اي متعه لو زادت عن الحد بتكون نقمه.........!!
خذي قرار قوي وصارم
وكل ماضعفت نفسك قويها وقولي الى متى انا وانتي بنتعب؟؟

هو الاسبوع رايح رايح باكل او بدايت..خليني اجرب ماراح اخسر إلا وزن وهذا اكيد
لو نزلت نعمه لو مانزلت حاولت وحاشيت زياده وكمان تعلمت ان هالدايت ماناسبني

ادور غيره وافكر اكثر واكثر واكون واقعيه اكثر



نظرات الاعجاب فيك تغنيك

​

 

[MISS_RIOOM]

نطيت الحبل و مت ههههههههه
تعبت نطيت ١٠ دقايق