مناقشات وسوالف بنات نادي الكتاب

[أنثى اليمامة]

وبيني وبينج يا ليلو بعد الجريمه والعقاب نحتاج هذا النوع من الادب ،،،
​

 

[ليلو جبريت]

يب يب
ننتظر باقي البنات عشان نحدد متى نبدأ
يوم الاحد باروح اشتري كتب
عندي جم كتاب ماخلصتهم ما احب اشتري كتب وماخلصت الي على ذمتي لكن احس بكره شديد ناحيتهم
فتحتهم وما اقدر اكلمهم
مثل طفلة الكوليرا حق ماري رشو مع ان عدد صفحاتها 158 لكن كل صفحه احس انها تفوق صبري وقدرتي
ماتشد كلش وصلت لي النص واحس خلاص ما ابي اشوفها

تيمورلنك الله يسامح الكاتب خرب علي ):

مسك الغزال كل ما افتحها انام لاشعوريا

وعندي سؤال من قرأت مياه الفيل ؟

 

[ليلو جبريت]

وبيني وبينج يا ليلو بعد الجريمه والعقاب نحتاج هذا النوع من الادب ،،، ​

ادب راقي صراحه
شفت الفلم لين قلت بس
حتى اختارها للشخصيات كان حلو
ابدعت

 

[أنثى اليمامة]

القصه رومانسية والكاتبه مشهوره ومميزه بعد .. اختيار حلو من ليلو ، واكيد بنقراها ،، دام انتي معجبه فيها .. اكيد بتطلع حلو ..


​

 

[نونة حبيبها]

خلاص يوم الاحد. بشتريها
ليلى انا قرات مياه الفيل عجبتني مزة
تتكلم عن حياة السيرك وكذا

 

[ليلو جبريت]

القصه رومانسية والكاتبه مشهوره ومميزه بعد .. اختيار حلو من ليلو ، واكيد بنقراها ،، دام انتي معجبه فيها .. اكيد بتطلع حلو .. ​

كلج ذووق :eh_s(22)::eh_s(22)::eh_s(22):
وانتي حاليا في اي كتاب
انا كل يوم اقراء من نيتشه شوي ومن كمياء الكلمات وحاليا في يدي اميرة بابليه

 

[ليلو جبريت]

خلاص يوم الاحد. بشتريها
ليلى انا قرات مياه الفيل عجبتني مزة
تتكلم عن حياة السيرك وكذا

وانا كمان بشتريها وبشتري نسخة مطبوعه من رواية كبرياء وهوى
وعن مياه الفيل فيها رومنس :eh_s(22):<< محتاجه رومنس وبقووة
ههههههه

 

[نونة حبيبها]

يعني
بس حلوة
انا ببلش اللحين ببنات الثانوية

 

[ليلو جبريت]

يعني
بس حلوة
انا ببلش اللحين ببنات الثانوية

خلاص باقراها بس بعد اميرة بابليه
وبنات الثانوية سمعت ان ركيكة

 

[ليلو جبريت]

انثى هذي المعلومات

فريدريك نيتشه
مجدي كامل
شيطان الفلسفة الاكبر

 

[نونة حبيبها]

ليلى شكلها حلو
توني مخلصة رواية عاملة المنزل فحبيت اقرا شي سلس

 

[أنثى اليمامة]

اوووف انا لسه بكتاب الفتنة المقدسه ما خلصته لاني اقراه ببطئ شديد واقرأ بعد مريم التجلي الأخير ..


​

 

[أنثى اليمامة]

واااو يعني كتاب فلسفي .. حلو الفلسفة .. ونيتشه رائع قريت له مره افول الاصنام ،، الكتاب بصراحه صعب ما فهمته كامل ،،

رح اقراله كتب منها هكذا تكلم زرادشت ..

 

[ليلو جبريت]

هكذا تكلم زرادشت فتحت اول الصفحات وسكرته
حاطته في قائمتي الجديدة
بس مسكين مانشهر الا بعد ما توفي

 

[أنثى اليمامة]

اغلب الكتاب تعذبوا بحياتهم ولو تقرين عن حياة ديستوفسكي وكيف كان مريض بالصرع وهو يكتب الروائع وكان النقاد يتنقدوه بشكل كبيره والديون تطارده ،، وبعد ما مات ،، صار اهم اعلام الادب العالمي ..

وحتى كافكا بعد .. كان يعاني .. كلهم يعانون ومثل القصه الي كتبتيها تتذكرين ،، صج المعاناه تولد الابداع ...

 

[ليلو جبريت]

صح بس هم عرفوا يوجهون المعاناه والالم يعني في هالشي تميزوا
اما اللحين الواحد لين صادته اقل عقبه بجى ويأس

تعرفين احس الي كانوا يكتبون في ذاك الزمن تفكيرهم غير عنا
تفكيرهم عميق اظن لها الاسباب كان حتى البناء الفني للرواية شي رائع جدا ومذهل

هالعصر عصر التشويش محد يقدر يركز اما الماضي اظن قدروا يركزون ويتواصلون مع شي بداخلهم

 

[أنثى اليمامة]

صح ليلو ،، احنا حالياً ترى اغلب الكتاب هم المقتدرين مالياً ،، واهم الي يروجون لكتبهم وتلاقين الاعلانات وانتشهروا وصاروا مشهورين .. وكأن محد كتب مثلهم ، والكل يمدح روايتهم واعمالهم وهما الي مروجين لها ..

لكن القدماء على الرغم من المعاناه والفقر والنقاد المهاجمين لهم ،،، نلاقي اعمالهم الان تسمى الأدب العالمي ومشهورين جداً ..


​

 

[غيدآء]

السلام عليكم ياحلوت

شلونكم؟

حبيت اسلم عليكم ..البارحه بس وصلت من بعد رحلتي لـ مكه للعمره + جده ...

وان شاء الله اخر شهر عندي رحله ثانيه الى لندن...

حبيت اسلم عليكم واذا صار معاي وقت بشاركم بالقراءه الجماعيه مثل ما وعدتكم

تمنياتي للكل بقراءه ممتعه مملوئه بالاستفاده

^_^

 

[أنثى اليمامة]

حمدلله على السلامه غيداء .. نورتيني ..

عوده حميده وعمره مقبولة ان شاء الله ..
​

 

[ليلو جبريت]

هلا غيداء الحمدالله على سلامتج

انثى اللحين صرنا اربع

باقي كراميل ، وهج ، رحيل ، حلوة ومو سهله ، توم اند جيري والباقي بعد

بس نتاكد منهم ونبداء