منو تحط ايدها بأيدي يلالااااااااااا اللي عندها ايراده حياها اقلطووو

[فجوري الجوري]

السلام عليكم ..... شلونكم ياحلوين...

بنات بقولكم قصتي مع الرجيم بصراحه تعبت تعب موطبيعي ..
في يوم من الايام اقترحت علي خالتي اني انا معاها وبنت خالتي انه يبون يسون رجيم عند دشتي وعقبها قالو انه دشتي حيل رجيمه يتعب واذيه وانه يعطيج حبوب وتدوخين منها فانا قلت مالي الا عمري وما اروحله معنه اهو قررريب من بيتنا بس مالي الاعمري المهم قالت خالتي في دكتور تغذيه اسمه محمد ربيع اذا تعرفونه .. فسويت عنده انا وبنت خالتي وخالتي وهلكلام كان من 26-12 المهم بنت خالتي وزنها 100 وشي وانا 85 المهم ويعطينا نظام ونمشي عليه ... وبعد سبوع ومع الاستمرار مع الرجيم يا الوقت الصعب ....اللي وهو القياس وجم قطينا انا طبعن 3 واهي 3 ونص اااااه يافرحتي من هثلاثه كيلو جنهم 20 كيلو خخخخخ طبعن انا ماسويت رجيم ولاعمري وقلت اسوي انا مو متينه حيل متروسه المهم واستقريت على هلدكتور اسبوعين بس وعقبها زهقت وماقمت اروحله قلت خلني اسوي انا رجيم ابركلي من هلعباله وعوار الراس لاني ما احب اتقيد
المهم الحين وزني 76 وانا تعبت ابي اوصل 60 شلون شلون شلون ....


بنات وزني ثابت الحين صارلي شهرين وانا 75 او 76 تعبت نفسين اهو يبيله اراده والاراده اتي من التشيع فانبي تشجيع؟
بنات منو تبدي معاي خلونا نحط ايدنا بيد بعض ونوصل للهدف وكل وحده منااااا تقولنا يوميتها بالرجيم ونستقر على رجيم معين شرايييييييييييييييييكم من باجر نبدي منو تبدي معاي


يلا الشي يجي من تشجيع واراده .... يالله ياحلوين نبي اجسامنا تصير سمباتيك...

 

[#روزي#]

هلا فجوري يا ريت والله انا خاطري حد يسوي ريجيم وياي وابي منااافسه صج

لاني داايم اخرب ريجيمي انا نفسج وزني 75 وصار لي مده ثاابت مو راضي ينزل خاطري اشوف الستين بس

المشكله ان المنتدى ما يفتح وياي داايم

انا باجر ان شالله ابتدي اوك

 

[bintmishref]

يالييييت انا معاكم تعبانه لان كل يوم اءنب نفسي
انا قاعد يزيد وزني من غير لا انتبه على اللي اكله
وابي احد يزفنيييي ويساعدنييييي

انا حاليا ٦٧ كنت ٦٣ وراضيه بال٦٠ بس لا يزيييييد

بشترك معاااااكم؟

شلون طريقتج فجوري و جم بنت بتخلينها بالقروب؟

 

[mahawey]

فجوري الفجور انا عندي الاراده وحتى انا ابي بعد احد يشجعني انتي شجعني وانا اشجعج حبيتي ايوه ياايوه عاشت فجوري الفجورتبي اتسوي رجيم علشان تبي اتصيررشيقه ايوه ياايوه عاشوعاشو عاشو نبي نضعف نبي نصيررشيقات عاشوعاشو ان شاءالله باذن الله الاراده الي عندج اتصير حيييييييل قويه ان شاءالله حبوبه وتضعفين بصحتج وبعافيتيج ياقلبي

 

[شيــوخه]

والله هلوزن الثابت مصييييييييبه

انا كنت 86 وصرت حليا 80 او 81
ابي ادش السبعنات مو قادره معنه اكلي خفيف وجذذيه بس يمكن يبيلنا حركه وحرق ازياده يالله نشوف الوزن يتغير

 

[جمانةالربيع]

انه بعد معاكم وزني كنت 80 ونزلت مع الدكتور طالب وصرت 75 ومليت من رجيمه وطوفت موعدي بس قاعده اخفف ابي رجيم حلو او اروح حق دكتور ثاني شنو تنصحوني مليت ابي اضعف

 

[ياعيون مغليك]

الله وناسه
يلا بنات خلنا نتشجع ونسوي قروب
يوميا نحط تجاربنا وكل وحده تزف الثانيه اذا خربت ريجيمها ونصير رشيقات

انا عن نفسي وزني 85 ابي اكون بالستينات

انشالله اليوم بروح لمعهد مساج بشوفها شتقول لي
وبروح للدكتور اسامه اللي ب سي ام سي الجهرا حيييييل يمدحونه
مسويه عنده بنت جيراننا والله باسبوعبن نزلت 8 كيلو وتقول احلى مافيه انه يقول لج شنو الشي اللي تحبينه شنو الشي اللي ماتصبرين عنه وعلى هالاساس يسوي الجدول بدون حبوب وصدمني بسعره حيل رخيص
عاد بشوف

 

[جمانةالربيع]

اليوم رحت خق الدكتورة هايدي وايد حليوه ونفسيته حلوه وسوتلي تحليل للدهون وعطتني رجيم ثلاثة ايام وبعدين اراجعهه ادعولي بنات اضعف لاني خلاص تعبت من المتن

 

[بنت النجف]

وأنا وياكم ودي أطلع من الثلاث أرقام مشتهية أشوف الخمسين..
بس شلون كلنا نشمي على رجيم واحد ولا كل وحده تشوف إلي يناسبها وتسويه؟

 

[mfnma]

وانا بعد وياكم راح ابدي ومعاي اختي عشان يكبر القروب :friends: انا وزني 67 وشكلي غلط على السمنه لاني متينه باماكن معينه ويبيلي رياضه :weight_lift: وصارلي فتره احاول اضعف بس ابي تشجيع دام في قروب اجل سهالات :eh_s(9): بس وين التشجيع انا عن نفسي راح اتولى مسؤوليه اللي اتخلف عن الرجيم:botetoo: لو يوم واحد وافرض عليها عقوبات:jumpon: اذا سمحتولي يعني هاااااا اشرايكم _03BA:؟

 

[فجوري الجوري]

هلا هلا هلا وغلااااااااااااااااااا حبايبي يلا نبلش واللي تخرب الرجيم ياويلها مني ويلاااااااااااااااااااااااااااه اوكي

 

[mfnma]

اوكي من باجر انشالله انا ببلش وبعدين انا قلت فرض العقوبات على :lkmnkl: ولا ابزعل:eh_s(3):​

 

[bintmishref]

واي كتبت الرد جان ينمسح؛/
يالله مو مشكله اعيده لعيونكم..

عاااااااشوا مسؤلاااااتنا هههههههههههه
انا بالنسبه لي مشي او قاري نص ساعه مع 30 مره ضغط يوميا
و رجيمي اهوا رجيم النقاط
نقاطي باليوم 18 وودي اخليهم اقل عشان اضعف اسرع
امس بدييييت بالرجيم واكتشفت ان ثلاث ارباع اكلي كاكاااااو >>ليش؟؟

اي صح ونسيت اقول هالاسبوع الصبح عل الريج بشرب ليمون وكمون وماي حار قبل الريوق ب 10 دقايق
+ جاي اخضر وزنجبيل العصر

وانتوا بنات قولولنا شتسوون ؟؟
جمانه الربيع شنو النظام اللي عطتج اياه خل نستفيد..

 

[bintmishref]

وانا بعد وياكم راح ابدي ومعاي اختي عشان يكبر القروب :friends: انا وزني 67 وشكلي غلط على السمنه لاني متينه باماكن معينه ويبيلي رياضه :weight_lift: وصارلي فتره احاول اضعف بس ابي تشجيع دام في قروب اجل سهالات :eh_s(9): بس وين التشجيع انا عن نفسي راح اتولى مسؤوليه اللي اتخلف عن الرجيم:botetoo: لو يوم واحد وافرض عليها عقوبات:jumpon: اذا سمحتولي يعني هاااااا اشرايكم _03BA:؟

نفس وزنيييييييي
شكله التحدي بيكبرررررررر؛p

>>تحمست



نفس وزنيييييي
شكله التحدي بيكبررررر

 

[فجوري الجوري]

بنااااااااات شصار عليكم اذا في تفاعل بنحط لكم النظام الغذائي ... اللي ينزل 3 كيلووووو هاه شقلتوا

 

[mfnma]

انا عني بديت اليوم اول شي تريقة تفاحه وتغديت 2توست اسمر ويا جبن دايت وعشاي نفس الشي للحين الحجي يونس بس لا تعلمون احد اليوم شفت صحن فطاير امي طالبته بس ذقت منه وحده وسلامتكم وانتو وشسويتو ؟

 

[mfnma]

نفس وزنيييييييي
شكله التحدي بيكبرررررررر؛p

>>تحمست



نفس وزنيييييي
شكله التحدي بيكبررررر

انا قد التحدي انشالله بس لاتنسين تكتبين شنو بتسوي اول باول عشان انعرف اشلون ضعفتي موفقه يالغاليه

 

[m7koma]

هاااااااااااااااااااااااااااي بنات انا بعد معاكم بنزل وزني
وزني 78 ابيه عالاقل يوصل 70 انا راضيه راضيه
موراضي صارله جم شهر واهوا ثابت للعلم كان وزني 88 وسويت ريجيم عند يوسف الخضر بشهر ونص نزلت هالوزن كله
ابي ادش معاكم بليزززززززززززززز
نبي تشجييييييييييييييييييع قووووووووووووووووووووووي
لان اذا ماكو تشجيع وصار قروبنا نايم وميت صدقوني كلنا راح تضعف ارادتنا
ولازم نخصص لنا وقت معين نقيس فيه وزنه
انا عن نفسي بقيس وزني كل يوم احد انشالله شرااايكم
يارب امشي عدل وما اخربط يارب يارب
ابي لي اخر هالشهر اكون واصله 70
قولوا اميييييييييييييييييييييييييين

 

[m7koma]

انا بديت اليوم وكان ريوقي عباره عن : كوووب حليب مع 4 تمرات
الغدا : صحن سلطه مع 2 همبورجر مشوي
العشا : صحن سلطه مع بيضتين مفيوحتين
بس

 

[mfnma]

حياج الله معانا انا باجر باكل نفس اكلج اليوم عجبني​