منو فيكم تاخذ ماجله معاها؟

[أمانيQ8]

:tek:هلا بنات ..حبيت اسأل من فيكم تاخذ ماجله معاها في السفر لان بصراحه اسمع وايد ناس ياخذون معاهم وانا ولامره سويتها دوووم اكلي من المطاعم حتى الريوق!! والدول اللي اروح لها نااار اسعارها والحين عزمت اروح النمسا انشالله ما ادري اودي او لاا؟؟ اشرااايكم

 

[أمانيQ8]

؟؟ للرفع

 

[أمانيQ8]

وييييييييييييييييييييييييييينكم

 

[lolly]

انا ما اخذ معاي

 

[fona]

والله انا بعد مااخذ معاي لانه احس مايسوه تطبخين او اتسوين شي اهم شي راحتج بالسفر

 

[بنت عبدالغني شربت]

والله انا ما اخذ وياي الا بدول اسيا لانه الوضع غير

 

[زيـنـه]

اخذ معاي اللي ما يحتاج طبخ (بسكوت - تشبس - كاكاو - شابوره ) و احيانا معاهم جبن
و يكون اللي يكفي لين القى سوبر ماركت
و طبعا على حسب الدوله لان في دول اكلها ما ينوكل يالله العافيه .

 

[أمانيQ8]

صاجيييين انا كل ما قعدت مع وحده قالت لي من صجج ماتاخذين ؟؟ اخذي
وانا ان ييتوا للصج ما اخذ بس شكلي بجرب..... بس الجبن الكرافت ما احصله بالنمسا؟؟؟؟؟؟؟؟؟

 

[تمر حنا]

والله انا لما رحت النمسا عادي عندي الاكل اي شي اقزر حالي بس زوجي توهق لان اجبانهم غريبه مو حلو طعمها وشكثر ناس كان معاهم شغلهم كله حتى الجدر ضغط معاهم وعيش وشوربه لان معاهم يهال

 

[أمانيQ8]

وااااي من صجج بودي عيش؟؟ ماراح يرضى ريلي ... ما احب يودي اغراض وايد من الحين امحذرني لا اتودون اهدووم وايد!! هالمره عيش؟؟ والله يارتي ودت جنطه كاااااامله بس ماجله!! عساه يرضى...

 

[أغلى حبيبه]

انا اهم شي بالسفر جبن كرافت

مااستغنى عنه بكل سفره لازم بجنطتي

واذا بسافر بسياره اخذ حق اليهال اللي يكفيهم بالطريج بس


لا يبا شتودين عيش

انتي رايحه تستانسين ولا اطبخين

 

[rawona]

السفر جو تغيير .. جو سفر ووناسه .. مو مال طباااخ كلش وانا على ايااام ما كنا نسافر ويا اهلي عمرنا ما خذينا شي معانا .. بس انا من صاار عندي يهااال قمت اودي وياي وخصوصا لما اروح وياهم امريكا (جبن قلاص كرافت + عصاير kdd مالت اليهال ليش ما عندهم اهناك واليهال يحبونهم ويستانسون عليهم وخصوصا حق الحدايق+ كاكاو (ماعندهم كل كاكاواتنا وكاكاوهم موحلو))

بس هذا اللي اخذه اكلنا كله من بره واذا عندنا ثلاجه نشتري من جمعياتهم توست + حليب + كورن فليكس هالسوالف الخفيفه يعني ما يحتاج عيش ما عيش ..

موفقه :tek:​

 

[BaiTotia]

آخذ معاي شاي و قهوة اللي بجياس

غلاية ماي

أجبان

بسكوت

تشبس

مكسرات لول

علشان لا يعنا ناكل أو يمكن مرة ماقدرنا نطلع نتعشى إلا معانا عدتنا

أي ديرة لااااااااازم نودي هالسوالف

 

[ام رغودة]

صراحة اهم شى عندى حليب ابوقوس للشاى والقهوة العربية والتمر لكن الاشياء الثانية تحصلونها بالبقالات التركية حتى اللحم لاتحاتون بس اسعارها تكون اغلى من هنية بوايد تحصلون كل اللى تبونة بزلمسى بس انتو سالو ويدلونكم

 

[رفرف]

اخذ جبن قلاص لازم لأن كذا مرة لما اسافر ما تعجبني اجبانهم خلاص متعودين على شي معين ..
وبعدين مو دايمن لج خلق تلبسين من الصبح وتنزلين تتريقين فهذا اسرع واخف ..
آخذ قلاص شكبره يكفي ونطيح له كل يوم ..


ولما سافرت مع بنتي خذيت نودلز وبفك ..
لأن ياهل مرة وحدة اتيوع ومرات ما يكون يمنا مطاعم او شي جاعز فهذا سريع ويشبع ..

 

[مشمشة رمانة]

امبيية من صجهم منو تاخذمعاها عيش وهسوالف انتي رايحة ترتاحين وحتى اذابغيتي في مطاعم تركيةومغربية وايرانية وفي مطعم عراقي في سلمسي اكلةواااااو وكل اورباوين ماتروحين في سوبر ماركت تركي او ايراني وبذات ميونخ ترس :eh_s(8)::tek:

 

[أمانيQ8]

بنت عبدالغني شربت ..صاجه بآسيا احنا مانقدر ناكل شي بالذات تايلاند نطيح امرضى لين نرجع مانحب اكلهم
ضحى22 صح الشوربه ضروريه الله يذكرج بالشهاده
زينه باخذ بسكووت ضروري عشان اليهال لي ياعوا فجأه اعطيهم
فونا ماقصرتي حبي
اغلى حبيبه... الكرافت ضروري
روونا ..عصير مو مشكله ما اعتقد انه مشكله مثل الاكل
بيتوتيا كل اللي قلتي عنه باخذه حبي
ام رغوده شكرا عالرد حبيبة قلبي
رفرف عدل كلامج يبيله بفك لووووووووول
مشمشه رمانه...ميونخ بقعد بس ليله فيها وعقبها بروح زلمسي اهناك طبعا بحتاج بقاات وغيره

 

[دمـوع الشـموع]

اختي على حسب الدوله الي بتروحين لها انا بصراحه ماجربت الى الان بس اخذ معي خفايف بسكويت كيك شابوره شكولاته
لكن اذا انتو عائلة كبيره خوذي معك اشياء بسيطه
وبالذات دول شرق اسيا سريلانكا وذا الطقه بتتعبين بالاكل
هناك
وكلها شنطه وحده حق الاكل
حطي فيها جبن مثلث او كيري وجبن البقرات الثلاث هذذا الجديد الي بعلبه لان علبته بلاستيك ماتتكسر
بسكويت كيك اندومي للاطفال
واذ والله عندك الهمه خوذي قدر صغير على الكهرب ورز كيس صغير وملح وبهارات وغلاية
واشتري من هناك الخضره والدجاج

 

[أمانيQ8]

دموع الشموع شكرا اولا عالمرور اخاف اخذ جدر وعفسه وتطلع الشقه فيها ما اي زيادة اغراض اشيل وصح نبهتيني اني احط الأجبان بعلبه بلاستك والبسكويت مشكووووره حبي

 

[fat]

حبوبة شلونج وشخبارج أنصحج تاخذين معاج ماجلة عشان موكل الأكل ينكل خاصة عيالج بس عاد مو عيش لا شي خفيف

مثل بسكوت وشاي وحليب جبن كرافت وبطاط وبقصم نسكافيه شومن قيمر وزيت وزعتر ولا تنسين البطل فاضي للغسيل خبرج

مافي بربيش وانتي بكرامة ورحلة موفقة