منو فيكم تاخذ ماجله معاها؟

[BabyStar]

والله يا اماني انا امي تاخذ معاها ماجله لانها ماتحب اكل المطاعم على طول
وازيدج من الشعر بيت امي تييب معاها جدر الي يشتغل على كهربا تطبخ فيه بالفندق خخخخخخخخخخخخخ
شنسوي بعد اهم شي راحتها خبرج الحريم الكبار مو نفسنا

 

[Lady^bird]

انا ودي آخذ معاي ... يعني سوالف عاديه وسهله التحضير لوول
شكلي بودي معاي اندومي ( نودلز )

 

[جمانه 99]

مرحبا بنات ابي اقولكم شنو صار لي لما رحت لندن زوجي كان رايح مع اخوه عمليه اسم الله عليكم قلت الحقه انا مع بنتي وقلت يلا اكيد ملو من اكل المطاعم وقلت ابي افاجأه واييب معاي اكل اطبخ له كل يوم اونسه تدرون شنو اخذت معاي جنطه كامله ماجله تبزن تعرفون شنو فيها ماتصدقون

دجاجه
شعم
لحم
ربيان مع بقصماط
ربيان عادي
ربيان مجفف
ماش
بهارات
معكرونيه
شوربات

كلهم خذوهم مني في مطار لندن على آخر لحظه ماعدا الماش والمعكرونيه تدرون بغيت ابجي خلاص وبنتي تضحك علي وللحين تذكرني بالموقف البايخ بس ماعليه شريت هناك وعوضت
واخوي قالي لاتاخذين معاج جذي ماراح يطوفون قلت اجرب وللأسف صار اللي صار

 

[المزيونة^]

الصراحة بالنمسا البقلات اللي فيها اكل حلال غاااااااليييييييية حييييل و نصب عيني عينك حتى زوجي العام تعرف على صاحب البقالة و شراكة تركي ومصري و ييبون البضاعة من ميونيخ ارخص لهم بوايد و يبيعونها بدبلات السعر اخذي معاج اشياء اساسية مثل شاي و قهوة و بساكيت و جبن كرافت لان ماعندهم و معكرونية وشوربة بس لا تكثرين اذا ماراح تطولين هناك و الباجي الله يعينج عليه و اخذيها عذر عشان تفضين الجنطة من الماجلة و تترسينها مشترواتج ...فكرة موصح

 

[* ورود *]

شوفي حبيبتي انا خذيت ماجله معاي بالسفر بس لما سافرت لندن وامريكا (بوسطن) لأني كنت مسافره مو حق السياحه لأن زوجي كانت عنده دورات هناك يعني قعدت هناك فتره


اما الدول الثانية اللي اسافر فيها للسياحه والله ما أخذ معاي الا الغلايه والجاي والشكر