منو قد التنافس

[يارب اضعف]

وينكم وين الحماس افااااا

 

[مياسه الحساسه]

++وانا معاكم
محتاجه انزل 10 كيلو
كهدف اول وبعدين بكمل بعد 5 كيلو واكون تمام
وانا من الاحد باديه الدايت

 

[مياسه الحساسه]

حبيبتي اكتبي اسماء المشتركات
وحطي موعد للميزان
وسوي قوانين لقروب
خل نبدا

 

[دلولة الحلوة]

وانا بعد باديه اخفف وبسوي رجيم وزنى 82 ةابى اصير 60

 

[طيب^الكويت]

شريت القرص الدوار وببداية استخدمه اليوم احس اخف رياضه وما ياثر علي عمليتي القيصريه

 

[يارب اضعف]

يالله شدو الهمه يا رشيقات
وعلى فكره الوزن يكون كل سبت عسب ماناخذ راحتنا بالويكند
ونرجع اللى نزلناه
شو رايكم

 

[غلا 86]

هأي بنوتأت

بدأتي مب قؤيه ؤائد خربطت شوئ

المهم أ بحاول أركز أكثر و الرياضه عل الأوربتراك نص ساعه مبدائيا

 

[يارب اضعف]

بالتوفيق

 

[روبنزيل]

مرحباااااا

وآنا بعد معاكم

وأبي أنزل ( ١٣ كيلووووو )

اليوم بلشت الرجيم وهو :

الريوق : ٢ توست اسمر وجبن سلايس قليل الدسم + نسكافيه

الغدا : سلطه ملفوف العادي والبنفسجي وراشته سماق

+ روب قليل الدسم

العشا : ناويه عيش ابيض ( اللين ) وبشرب معاه لبن

(( لأن في وحده ضاعفه الله يهنيها ولما سألتها قالت عايشه عالعيش الابيض ))

عاد قلت بجرب شوراي

المهم

وقبل النوم شاي اخضر بدون سكر

ان شاء الله

​

 

[روبنزيل]

بليز بنات لا يووووووووقف

 

[طيب^الكويت]

أنا ترسييقت قههوه وتغديييت ٢ توست مع برجر والعصر قهههوه والوزن تمام نقيسه كل سبت

 

[PinkArtiSt]

انه اليوم سويت رياضة شوي بس تعبت واااااااجد
بالتوفيق بنات

 

[5ewt m3rh]

مرحبا بنوتات
انا قد التنافس ان شاء الله ومحتاجه انظم لقروبكم حايشني احباط وقفت الرجيمات من شهر
وزني ٨٢
وبنزل ٣٠كيلو ان شاء الله
امم ببدى معاكم يوم السبت يمكن بدون رياضه بس اكيد شاي اخضر
ادعو لي انحف معاي بوادر سكر
وبسوي رجيم السعرات ان شاء الله

 

[ام يزن-2]

كيفكم بنات
انا اليوم نازلة 3 كيلو ان شاء الله اخر الشهر اوصل ال75
تخفيف مع رياضة
الخوف من اروح اخر الاسبوع لاهلي واخرب ابو الوزن

 

[مياسه الحساسه]

يومي بحطه اخر اليووم ان شاء الله
وشدوو الهمه

 

[ورد وعنبر]

مرحبا
انا بكون معاكم
ناويه انزل ان شاء الله ١٥ كيلو

ونظامي الغذائي ماخذته من دكتوره لاني بسرعه ادوخ واتعب من النظام المتخربط
المهم ...
الفطور ( كوب حليب خالي الدسم / ملعقتين جبن او ملعقتين لبنه قليل الدسم او بيضه مسلوقه / نص خبزه سمره او حبتين توست اسمر او ٣حبات شابوره او كوب كورن فليكس / شرايح خيار وخس حسب الرغبه / ٥حبات زيتون او ملعقه زيت زيتون )

وجبه خفيفه ( حبه فاكهه)

الغداء ( اوب خضار مطبوخه بدون قرع وبطاط / نص خبز اسمر او حبتين توست اسمر / ٧٠ جرام سمك او دجاج او لحم ..مشوي او مسلوق / كوب لبن او روب او حليب خالي الدسم / حبه فاكهه)

وجبه خفيفه ( نص كوب عصير / ٤حبات بسكويت ماري او حبتين بسكوت دايجستيف )

العشا مثل الفطور بس بدون حليب ..

ملاحظه لج باليوم كله ملعقتين صغيره سكر
حبه الفاكهه تعادل كل الفواكه الا البرتقال ممنوع
اكثار من شرب الماي
الرياضه مجرد مشي نص ساعه

يالله نبي تشجييع

 

[يارب اضعف]

هلا وغلا بكل المتحديات الجدد
ملاحظه اكثرنا نبي ننزل 30 كيلو
هنيه بيكون التنافس اقوي نشوف من اللى
بتكسر ها الرقم بالنزول الاكبر
انا عن نفسي ماشيه على رجيم دشتي
حبيبتي ام يزن حرام تظيعي تعبج ترى محد يذوق التعب غيرج فديتج حاولى ما توزنين نفسج قبل ماتروحي
عسب ما تزيد الفرحه وياج وتاخذى راحتج وحاولى تاكلين اللى انتى متعوده عليه وتذكرينا ترى بنفوز عليج بعدين
بالتوفيق للكل

 

[يارب اضعف]

هيه نسيت اقولكم انجزاتي لليوم
الصبح شربت كوفي بس ماكني لي نفس
والغدا كان 2 هوت دوق مع سلطة جرجير
وعشاى لني سرت بيت عمي فخذت صدر دجاج وحطيت عيش عسب محد ينتبه اني مسويه دايت
مابي عوار راس الصراحه ومتابعه من حد
وزعلانه على الرياضه لنى ما مشيت على الجهاز ماكان عندي وقت
انا وايد ارمس تحملوني بس والله فرحانه ومتشجعه وياكم

 

[مياسه الحساسه]

السلام عليكم
انا هدفي الاول انزل 10 كيلو من وزني من غير شر وبصحه وعافيه ياارب
اليوم افطرت
شريحه سلايس عليها حبة بيضه بجبن شرايح قليل الدسم + عصير
الغدا
نص خبز بر + 2 هوت دوق + طماطم وجرجير وخس + جبنه شرايح قليلة الدسم + عصير
العشا
اذا جعت بشرب عصير او اكل لبن زبادي وحببتين تمر

وبث ^^

 

[يارب اضعف]

صباح الخير يا رشيقات
بديت يمي بأومليت ورشيت عليه شوي جبن كرفت
وغداى ان شاء الله ربيان وفخاطري سفن اب
والرياضه بعد شوي بمشي اذا الله راد نص ساعه