من تجاربكم شنو الشي الي تسوينه وانتي مكتئبة ويغير مزاجج180درجه؟

[منانا]

للرفع

 

[coollady]

اول شئ قولي هالدعاء

الهى انك تعلم مافي نفسي انا الحائر وانت المعين في كل امر وكل حين انك تعلم شهيق النمله وزفيرها اينما كان في غورها او ابارها او بحارها فارحمني يا ارحم الراحمين ... وبعدين اكلي كاكاو لانه يفيد حق الاكتئاب واعتقد الموز بعد
وتذكري انه الله معاج بكل لحظه اهو احسن من كل واحد .. وانه ارحم الراحمين

شوفيلج شئ تحبين تسوينه وتتسلين فيه قراءه والا طبخ والا اشغال يدويه اتسلي فيها

وعندج مكان المركز العلمي صوب البحر يهبل روحي تمشي هم رياضه هم مكان نظيف وحلو اذا مليتي من المجمعاات والمطاعم

والله لا اييب الاكتئاب لاحد لانه شين

 

[farawla_q80ia]

خوش موضوع لي رجعه بس غالبا اقعد ارسم بالقلم اي رسمة مثل طاوله عليها كمبيوتر او اي شي في تفاصيل او العب سودوكو

 

[توتة]

ماكو انا اذا متضايقة اروح بيت اهلي اروح عند خدامتنا ماما زينات مصرية خدامة عندنا من 20 سنة اقعد ويها اتسولف لي اتونس وخاصتن اذا تكلمت اكويتي واى اموت من الضحك ومن اشهر كلماتها باشر يعني باجر اتونسني ولة اقعد اشوف اشرطة عروس خواتى جذي يعني

 

[tooota]

ضحكه عيالي تشيل همومي بدقيقه الله لايحرمني منهم

 

[ثلجة مشوية]

انا الصراحة اذا شي حيييييل ضايقني اقعد ابجي << بروحي طبعا لان دموعي غالية مو اي احد يشوفها ههههههههههههههههههههه
علشان ارتاح وفعلا اتغير 180 درجة

 

[منانا]

كوول ليدي


جزاج الله خير على الدعاء والله يجعله بميزان حسنااتج ان شاء الله



فرااولة كويتيه



معااج حق لعبة سودوكو عجييبه تشغل التفكير بشكل كبير شريت دفتر كااامل كله هاللعبه ومخلييته لوقت الازماات الله لا يعييدها ناطريينج مع اشيااء يديده



توته


ضحكتييني هههه الله يخلييها لكم والله النااس الطيبه ما تتعوض


توته


الله يخلييلج عيااالج ويخلييج لهم ولا يحرمكم من بعض يارب




ثلجة مشويه


نكج خيااالي هههه على قولتج والله البجي يريح ساااعات حياااج يا قلبي

 

[منانا]

 

[~..MiMiNi..~]

خوش موضوع لأنه انا وايد تحوشني فترات كآبه وملل لي درجة عادي قاعده بالبيت 11 يوم ما اشوف الشارع :/

مينونه انا امبيييه

بس صج ينفع اغير لأنه وايد يحوشني ملل سواء بالكويت او مصر .. بس بمصر اكثر و كله بجي مالي خلق لا اكل ولا ادرس واغلب الوقت بروحي

خل اروح اشتري شموع لافندر و شاور جل وهالسوالف عشان نسوي ريلاكسنغ

مشكورين بنوتات و يالله لا يوقف لا يوقف ..

 

[نـــوره]

موضوع مميز ورائع استفدت من الردود وايد

انا عن نفسي اصلي ركعتين وادعي ربي

او اشغل المسجله وابدل واسوي روحي بعرس واترقص ليما ينهد حيلي

او اني اشوف التي في واحط جدامي بلعه واعلف

او اروح الصالون اسوي اي شي لان التغير يغير المزاج

او اروح السوق والصرف ماله والي

او اروح التدليك

او اروح السينما

او اناشب الخدم لووووول

او اشغل بالعزف واغني ازعج اللي في البيت جني قاعده بمسرح اوبرا

او اسوي رياضه

او اخذ لي حمام واترس لكم الحمام شموع معطره كاني بكنيسه

او اقرا قصه

او انام عشان ابي اليوم يخلص بسرعه

عاد انتي نقي وشوفي شنو اللي يصلح لج لووووول

 

[ســــــــــما]

في فرق بين الملل والكآبة

اذا ملل ادق على وحده من رفيجاتي الي من زمان مو شايفتها او ادق على اختي ونتفق على طلعة

واذا كآبة اروح اتيدد واصلي ركعتين واذكر الله والله النفسية تفففرق

 

[منانا]

ميميني


انا والله لما نزلت الموضووع كنت فعلا محتااجه افكاار يديدة لان الكآبة مخليتني مافكر بشي حلو والحمدلله استفدت من مشااركاات البناات يزااهم الله كل خير ونصييحه لا تعطيين نفسج المجاال ان الكآبة تستمر او تأثر علييج حاولي تسيطريين علييها وااااااااااااااااااااي 11 يوم كآبة حراام عليج ترا الدنيا ما تسوا والحيااة حلوة مشكووره على مشااركتج



نورة


الموضووع هذا مميز بمشااركااتكم الحلوة وانا كل فتره اطبق اشيااء من الي ذكرررتوووها على حسب الحاالة والمزااج والحمدلله على كل حااال خوووش سواالف تسويينها بشوف الي يصلحلي واطبقه وقت الحااجه ههههه



سماا


مشكووره حبيبتي على المشااركة الحلوة حيااج الله

 

[The Boutique]

اتسوق


اسوي مساج

 

[ريم^الفلا]

مايعدل مزاجي الا السوق اتشرى هدوم مكياج عطور وغيره واذا رديت البيت ارتبهم علا الكمدينه واذا ماعندي فلوس اقعد اجابل النت والتلفزيون لين تيني فلوس هههههههههه بس

 

[ام مضاوي]

مايبيله كلام


على طوووووول اروح السوق
وهاااااات يصرف
مايقعد شي ما اشتريه

مرات احس بمتعه ليما اشتري
ومرات عادي ماتروح الكأبه الي فيني

 

[kekat kakaw]

احط اي اغنية هبلة عندي و سيدة على ميامي و ارقص

او ارتب غرفتي وبضمير تلق من ضيقة الخلق و ابخرها و اتسبح و اتعطر و اسوي الكشة

او السووووووووووووووق سيدة مكياج عطور ملابس بس الشي اللي اشتري و انا ضايق خلقي بس تتعدل النفسية اكرهه لوووول

 

[نيولوفر]

اول شي الاستغفار ...
و ثاني شي الصدقات ...
لأن لهم مفعول سريع و عجيب و عن تجربة

 

[بنت الوفا]

اطفى الليت وناااااااااااااااام واحياااانا ابجىىىىىىىىىىىىىىىىىىىىىى ونام

 

[kekat kakaw]

اطفى الليت وناااااااااااااااام واحياااانا ابجىىىىىىىىىىىىىىىىىىىىىى ونام

ابييييييييييه توقيعج مو صج تحياتي

 

[منانا]

بي يونيك



انا جربت حركة بالتسوق اني اشتري شي والبسه بالمحل حده وناااسه وهم المسااج مثل ما قلتي حده يعدل المساااج خصوصا اذا كان في مكاان وااااو مشكوورة على المشاركة الطيبه



ريم الفلا

هه الله يرزقج ويرزقنا ونتسووق ههههه وحتى النت والتلفزيووون خصوصا لما اجاابل ام بي سي فور واندمج انسى شوي الي فييني
يعطييج العاافيه



ام مضاااوي



هممممم اجماااع كبير على التسوق هههه والله لا اييب كآبه ان شاء الله بس شنسوي هذي الدنيا يوم لك ويوم عليك
حياج الله



كيكة ككاو


نكج برووحه يوخر ضييقة الخلق انا بعد احب ارتب غرفتي واسوي جرد على الاشيااء الي ما ابييها تنفع هالطريقة في الغاالب
شكرا حبيبتي عالمشااركة



بنت الوفااا


سبحاان الله والله سااعات النووم علاااج للكآبه وانا احاول كثر ما اقدر اناام صج راااحه الله يعيينا