بسم الله ماشاءالله ولا حول ولا قوه الا بالله
بنات اذكروو الله
بسم الله الرحمن الرحيم
السلام عليكم :edbf4317b9:
مساء الخير
انا بصراحه حابه اتغير للافضل عن قناعه وابا بنات يشاركوني ونشجع بعض
مايهم البنت تبا تنزل 50 كيلو ولا 5 كيلو المهم نكون على قلب واحد
ونخلي اجسامنا اول شي صحيه قبل ما تكون مثاليه وبطريقه صحيه
اول شي الي كل البنات يجهلنه اذا كان الكبد متروس سموووووم يكون النزووول صعب جدا
يعني قبل الرجيم يبالنا انظف اجسامنا من كل هالترسبات :080402ask_prv:
ثاني شي اذا تميتي تقولي رجيم وقاسي وتعبت وارهقت وتبين توصلين لرقم في بالج مابتوصلين
بس اذا قلتي ابا اصير بنت رشيقه بجسم مشدود بتوصلين :yaaaaaarb:
ترا الرجيم القاسي =ترهلات
الرجيم المدروس البسيط +رياضه =رشاقه
ما ابي اتكلم وايد ابي بنات يشاركني في القروب مب مهم نبدا مع بعض مب مهم نخلص مع بعض
الاهم نشجع بعض نحط كل الحلول الممكنه الى ممكن توصلنا الى حل مرضي :blueSmCLR:
خواتي انا محتاجه الكم تكونون معاي في نقطة التحول في حياتي من جميع الجوانب لاني ابساطه قررت اكون
انسانه حقيقيه نشيطه صحيه مثقفه اغذي روحي ايمانيا وثقافيا وحياتيا واجتماعيا احتاج لهالوقفه قبل الانطلاق من جديد:RoadRunner:
تبين بتشتركين حياج ما عليج الا اتين وتكتبيلنا شو تسوين شو لقيتي شو سويتي
في حلووول تصرخ الاعلانات في الجرايد كل يوم وكل ساعه بانها الحل السحري
قبل لا تصرفين فلوسج على الفاضي تعالي تعلمي الذكاء في التصرف في المال
اذا كانت عندج زياده من 30 الى 50 فما فوق كيلو
لا تصدقين الي يقولولج ابر ميزو ثرابي لتذويب الدهون
لا تصدقين الي يقولولج مساجات تدليكات ال بي جي ليزر احمر اصفر اخضر
وووووو والقائمه طويله
هذيلا حلول نعم بس يوم يكون جسمج وصل للوزن المثالي بس عندج بروز في مكان معين تبينه يروح
او باقي عن الوزن المثالي خمسه او عشره كيلوا وتسوين نظام غذائي ورياضه يكون مساعد
بدال ما تصرفين الفلوس من الحين و عندج زيااااااااااااااااااااااده كبيره عن الوزن المثالي يوديهن لين توصلين هدفج
وتصرفينهن في الوقت المثالي
اتخيلي جلسات شهريه مابنقول اسبوعيه من وزنج 150 لييييين يكون وزنج 65 كم بتصرفين عشره عشرين الف وياليت بيكون في نتيجه حقيقيه الي موجود تراكمات دهوووووون لها سنييييييييييييييييييييييييييييييييييييييييييييييييين يبالها حل ذكي وليس سحررري :bbbiu:
الحين الحل الي بنبتدي فيه :eh_s(7):
1_تنظيف الجسم من السموم
2_نظام غذلئي صحي (مب مهم كم بننزل المهم ماندمر اجسادنا)
3_ورياضه مشي اشتراك في نادي الخيار لج
4_فيتامينات خاصه للي يسون رجيم للشعر والبشره
(يعني سوي فحص لجسمج لايكون نازل شي ولا طالع حديد كالسيوم سكر كرسترول )
5_والاهم حبي نففففففففففففففففففففسج هيييييييييييه حبييييييييييها يظل جسمج فيه جمال انثوي مهما كانت قياساتج
قبل في القرون الوسطا يحبوووووووووووووون المراه السميييييييييييييييييينه بروز صدرها موخرتها فحبيها لين توصلين
للجسم الي تعشقينه
تبين تبتدين حياااااااااج في كتاب عندي رائع بكتب شرح مبسط لانه كبيييير لاتنظيف الكبد
كل الي ابا انزلهم كيلوات بسيطه اتمنى من الكل المشاركه الاوزان الكبيره والقليله
وترا هالموضوع حر للجميع بضيفين معلومه ضيفيها بس اهم شي تكون صحيه مب سحري
ممكن تسيرين المكتبه باجر تشوفيلج نظام ترتاحيله لتنظيف الجسم من السموم
ممكن تبحثين في النت
يعني ماحد مقيد في شي كل شخص على راحته
في تنظيف الجسم بالعنب
في بالماي
في الخمس ايام
في الاسبوعي
في النظام الي انا ابا اتبعه ((تنظيف الكبد من السموم ))
لانه افضل نظام يتهيئلي وممكن تجمعين اكثر من طريقه لتنظيف الجسم
غذاء
تدليك
تفريش الجسم بالفرشاه على الناشف كل صباح
حمام السونا في الاسبوع مره
الرياضه
الماء
طرق كثييييييييييره
وانا راح اجمع كذا طريقه وبكتبلكم شو راح اسوي اول اسبوع وممكن نغير ترا مافي شي ثابت الي يريحنا
ما ابا منكم الا دعاء خالص من القلب ان الله يوفقني في حياتي الدينيه والحياتيه ويجعلني من عباده الصالحين
انا واهلي ويفرج همي ويسر امري ويحسن خواتيم اعمالنا امييييين:eh_s:
التعديل الأخير:
