موظفة وماعندي فلوس .. ليش ؟!

[Daisy flower]

بســم الله الرحمن الرحيم ..

شلونكم أخواتي ؟؟ ان شاء الله طيبين !! :yaaaaaarb:

أنا متأكدة ان كثير منكم تعانون مثل معاناتي ؟؟ بس مايصير نسكت لأزم نلقالنا حل !!

المشكلة هي ( شلـــون يكفيني معاشي للشهر كامل ؟ وشلــون أوفر منه للمستقبل ! )

المشكلة نكرف ونتعب ولما تفكرون لبعد 5 سنين جدام جم جمعنا ! شنو فايدة تعبنا بالسنين اللي فاتت ؟؟ وين راحت معاشاتنا !! :eh_s(2):

الحمدلله انا مدرسة ومعاشي حلو .. بس مشكلتي اسبوعين المعاش طاير:eh_s(8): .. على شنو ! مادري

حاولت كذا طريقة ومانفع .. مع العلم عندي التزامات شهرية ماتتجاوز 400 دينار من ضمنها سيارة وقرض صغيرون واستقطاعات للجان خيرية ..

انتوا شرايكم هل هذي مشكلتي انا بروحي ولا أنتوا بعد تعانون منها ..

فبالي كثير تساؤلات ::

شلون نخلي معاشنا يكفينا لشهر ؟

شلون نحتفظ بمبلغ منه كل شهر ؟

منو جربت طريقة لحفظ فلوسها ونفعت ؟

حياكم .. ياريت تشاركوني اذا عندكم أي اقتراحات أو طرق عشان نقدر نحل هالمشكلة ..:eh_s(7):



Daisy Flower

 

[عـيّــآره]

وه ياربي على الجرح موضوعج من فتره كلمت اختي عن هالموضوع اقولها شسالفه ترا نصرف كل الفلووس لازم

نلقى طريقه نجمع فيها مبلغ نسوي لنا مشروع محترم خصوصا يوم اكتشفنا بالصدفه انه معظم البنات اللي نعرفهم مسوين لهم مشاريع الا انا واختي

ماتعلمنا الا الصرررف

اخرتها بشتري حصاله وبقط فيها الفلووس جد مو حاله هاذي نبي طريقه نوفر فيها ماندري المستقبل شنو خاش لنا



​

 

[Daisy flower]

عياره زين لقيت أحد نفس حالتي ..

انا اشوف بنات شكثر يدشون جمعيات ب 200-300 دينار ويستلمونها اخر شي .. ومن تخلص الجمعية دشو ثانية .. ويجمعون الفلوس على بعض ..

انا فكرت اسوي نفس الحركه .. بس قلت طيب وبعدين !! ماكو اي هدف أوفر له الفلوس .. يعني لو بسوي مشروع شنو أسوي !!

 

[الحــــياة]

والله انا نفس الحاله مايبقآ من معاشي شي

دايمآ معلنه افلاسي

ادش جمعيآت واستلمها واسافر فيها بس اوفر لبعدين نهائيا مافكرت

مدري متى اعقل واصير جيده

 

[عـيّــآره]

جربت الجمعيه ماعجبتني اجمع الفلوس بروحي ابرك لانه بعظهم مايلتزمون بالتاريخ

شوفي انا فكرتي بدائيه شوي بس احس هالشي يناسبني ((حصـاله)) ههههههه

جد اكلمج والله بشتري الحصاله اللي من فخار وبقط فيها فلووس وكسرها اخر كل 6 شهور

احسها متعه وووناسه وتشويق وحافز لي

يلا ان شاءالله البنات يفيدونا ويعلمونا طريقه متطوره اخاف اهلي يضحكون يوم يشوفوني اتمشى بحصالتي بس

شسوي جربت كل

شي وياست
​

 

[Daisy flower]

الحياة .. يلااا شدي الحيل وصيري جيدة ..

ولو تفكرون فلوسنا تطير على مطاعم وخرابيط وهياته بالسوقه .. صح !! والله أعرف ناس مايروحون السوق الا من متى لي متى .. وفلوسهم شكثرهاا .. أحنا الله بالخير لو يصير ببوكنا 10 ركضناااا للسووق .. ولا نختصر على روحنا وندق ع بابوو عشان افلااام ومكياج لوول

انا وحده لااازم اطلع ماحب قعدة البيت .. واحنا بالكويت شنو طلعاتنا الا مجمعات ومطاعم .. يعني بالطلعة الوحدة أقل شي تصرفينه 30 ..

خلااص لازم نوقف خرابيط ونخش فلوسنا .


العيارة فكرتج حلوة.

تدرين تكون فكرة حلووه لو نلتزم فيهااا اقل شي 6 شهور .. كل ماصار فبوكج 10 زايدة أو عشرين تحطينها فيها وانسيهااا ..

 

[Daisy flower]

زوجي قاللي فكرة .. عاد راح أبدأ فيها بشهر 9 ان شاء الله ..

الفكرة هي ..

من كل معاش نشوف جم نحتاج .. يعني لو معاشج 700 وانتي حاجاتج الاساسية 400 دينار .. تبقى 300 صح !!

نخشها بظرف بالتجوري ..

طيب لاسمح الله خلصت ال 400 اللي مخلينها مصرف شنسوي !!

انا اقولكم ..

نتسلف من ال300 اللي حطيناه بالتجوري ونرجعها له بالمعاش اللي وراه ونزيد عليه 300 فوقها .. وهكذا ..

وبجذي نكون جمعنا 600 بالشهرين .. شرايكم حلوه الفكرة !!

 

[فوفو22]

جربت الجمعيات

بصراحه وايد مفيده للتوفير

واستلمي اخر وحده

فوفو

 

[♥MaSteRiyA♥]

لوووووووول على قولة رفيشتي..
تقول لو معاشج 1000 ولا 10,000 يطيرون يطيرون:krkrkr:
لأن اهيا كلَ صارفة فلوسها


بس الواحد لازم يصير ذكي..
ويحاول يفكرله بخطه يخش فيه جم دينار
ليوم الحاجة :rerrerek:
وآنا معتمدة على زوجي بهالسالفة

موفقة قلبوش​

 

[Daisy flower]

:eh_s(7):

جربت الجمعيات

بصراحه وايد مفيده للتوفير

واستلمي اخر وحده

فوفو

أشكر مرورج فوفو

 

[Daisy flower]

لوووووووول على قولة رفيشتي..

تقول لو معاشج 1000 ولا 10,000 يطيرون يطيرون:krkrkr:
لأن اهيا كلَ صارفة فلوسها ​

بس الواحد لازم يصير ذكي..
ويحاول يفكرله بخطه يخش فيه جم دينار
ليوم الحاجة :rerrerek:
وآنا معتمدة على زوجي بهالسالفة​

موفقة قلبوش​

أي والله صاجه الفلوس طايرة طايرة .. انا وزوجي نفس الطبع كله مضيعين فلوسنا وقاعدين على بساط الفقر :bbbiu:

مشكوره ع المرور نورتينا :eh_s(7):

 

[عنابة4ذ]

سوي حساب توفير بحيث ان كل شهر ينقص من معاشج مبلغ قولي 200
وخلية بدون بطاقه عشان مو كل شوي ساااحبة

 

[نهى الأحمد]

هلا حبيبتي


هذي مشكلة معظم الموظفين من كلا الجنسين


لو يسوي الانسان كنترول على نفسه رح يعرف شلون يقسم المعاش حتى يتبقى عنده زياده تكفيه لي اخر الشهر

هذا يعتمد على الشخص نفسه

على شنو متعود في حياته

متعود على الصرف بشكل مو طبيعي

او متعود يصرف باعتدال


او ماشي على المثل اللي يقول

اصرف مافي الجيب يأتيك مافي الغيب



انا مع الغاليه فوفو بفكرة الجمعية

يعني مثلا

العشرين دينار بدل لا تقطيهم هني وهني

لو اشتركتي بجمعية وعطيتيهم العشرين ما رح تحسين فيهم الا لما يجي دورج وتلاقين مبلغ زين


وهذا المبلغ لاتصرفينه

وانسيه

وخشيه باي مكان

ولا تصرفينه الا للشي الضروووووووووووووري



ابتعدوا عن سالفة القروض والاقساط


لانها تاخذ جزء من معاشاتكم


وقولوا الحمدالله في كل وقت حتى تطرح البركه في رزقتكم


وعسى ربي يوفقكم

 

[منوووووله]

والله شوفي نفس الحاله معاي << بلافخر طبعا

اذا ماتبين معاشج يطير

لاتروحين السوق

لاتروحين الجمعيه

وان طلعتي لاتاخذين الكرت معاج

لاتطلبين مطاعم

لاتفسفسين على شغلات مالها داعي

على قولت ابوي اقتصدوووو

مشكلتنا تعودنا راحت فلوسنا عادي اتي غيرهم بعد شهر

وان صارت بيدنا بيزات طرنا حق السوق او الجمعيه جنا مشافيح ككاو وحلاو والذي منو

انزين انتي موظفه وشكلج مومتزوجه عيل شقول انا الي عيالي كل يوم 5 دنانير بس بقاله @@

وغير مستلزماتهم وريلي طبعا مايقصر بس هم كل واحد عنده التزامات << قصه حياتي

الموهم ياستي .. خل اطبق انا اول تالي اقولج شلون

 

[Daisy flower]

هلا حبيبتي


هذي مشكلة معظم الموظفين من كلا الجنسين


لو يسوي الانسان كنترول على نفسه رح يعرف شلون يقسم المعاش حتى يتبقى عنده زياده تكفيه لي اخر الشهر

هذا يعتمد على الشخص نفسه

على شنو متعود في حياته

متعود على الصرف بشكل مو طبيعي

او متعود يصرف باعتدال


او ماشي على المثل اللي يقول

اصرف مافي الجيب يأتيك مافي الغيب



انا مع الغاليه فوفو بفكرة الجمعية

يعني مثلا

العشرين دينار بدل لا تقطيهم هني وهني

لو اشتركتي بجمعية وعطيتيهم العشرين ما رح تحسين فيهم الا لما يجي دورج وتلاقين مبلغ زين


وهذا المبلغ لاتصرفينه

وانسيه

وخشيه باي مكان

ولا تصرفينه الا للشي الضروووووووووووووري



ابتعدوا عن سالفة القروض والاقساط


لانها تاخذ جزء من معاشاتكم


وقولوا الحمدالله في كل وقت حتى تطرح البركه في رزقتكم


وعسى ربي يوفقكم

اهلا اختي نهى اشكر مرورج ..

انا عاجبتني فكرة الجمعية بس انا جربت جمعية ماحب الالتزام كل شهر ادفع مبلغ احس انضغط الواحد مايدري عن ضروفه سااعات احتاج المعاش كامل ..

راح اجربها وان شاااء الله اصبر خوش مره وتنفع ..

 

[Daisy flower]

والله شوفي نفس الحاله معاي << بلافخر طبعا

اذا ماتبين معاشج يطير

لاتروحين السوق

لاتروحين الجمعيه

وان طلعتي لاتاخذين الكرت معاج

لاتطلبين مطاعم

لاتفسفسين على شغلات مالها داعي

على قولت ابوي اقتصدوووو

مشكلتنا تعودنا راحت فلوسنا عادي اتي غيرهم بعد شهر

وان صارت بيدنا بيزات طرنا حق السوق او الجمعيه جنا مشافيح ككاو وحلاو والذي منو

انزين انتي موظفه وشكلج مومتزوجه عيل شقول انا الي عيالي كل يوم 5 دنانير بس بقاله @@

وغير مستلزماتهم وريلي طبعا مايقصر بس هم كل واحد عنده التزامات << قصه حياتي

الموهم ياستي .. خل اطبق انا اول تالي اقولج شلون

اهلا نورتي

انا متزوجه وعندي بنت بس توها صغيره ماتطلب شي ومصروفها على ابوها .. بس مايمنع ساعات امر السوق واخم لها جم بدلة والحسابة بتحسب

 

[جيتك تعال]

تنبيه خاص بالحصــــــــــــــــــــــــــالــــــــــــــــــــــــــــــــــــة

اذا تبون تجمعون بحصالة جمعي بالحصالة الالمنيوم " موجودة بالميرة واسواق الشويخ "

وابعدي كل البعد عن حصالة الفخار ... لانها على المدى البعيد تاكل الورق وتخرب الكوين " النقود المعدنية "

وفكرة الجمعية وايد حلوة ... كلنا تقريبا ماشيين عليها ...وفيه فكرة ثانية للمصروف اليومي ممتازة

لما تقسمين راتبج على ايجار واقساط ومصروفج اليومي وليكن كل يوم 5 او اقل او اكثر حسب كل وحدة

تحطين مصروف كل يوم بظرف صغير من " بو 100 " وتكتبين تواريخ ايام الشهر عليها من يوم 24 الى يوم 24 الشهر الياى

وتفتحين ظرف كل يوم بيومه واذا ما احتجتيه خليه ... وبهالشكل ممكن تحافضين على مصروفج لاخر يوم وتطلعين منه كروت

الموبايل والبانزين وساعات الصالون بعد ... وممكن على نهاية الاسبوع تلاقين كم ظرف ما فتحتيهم تصرفينهم بالويك اند في

طلعة ولا شي تجددين فيه نشاطج للاسبوع الي ورااه ... وتاكدي انه الادخار صفة جميلة جدا ... وللعلم هالصفة موجودة في جميع المخلوقات

وسبحان رب العالمين رازق النملة برزقها اليومي ... لكن هي تاكل منه ثلث وتخش ثلثين



.....

 

[عاشقة الانوثة]

هاذي مشكلتي اللي اعاني منها مااعرف اوفر للمستقبل مع اني مو متزوجه وادش جمعيات واذا استلمتها اطير سيده للسوق او اوكون داشتها علشان عرس او مناسبة وصارلي اربع سنين متوظفة واذا نزل المعاش جني مو شايفة خييير مع اني ماخلي شي بنفسي واشتري اشياء مو محتاااجتها كلش ابوي زفني وقال راح ياخذ البطاقة ويعطيني مصروف 100 فقققط

 

[رفـاعية]

مرحبا اختي

انه باقول لج طريقتي .. بحيث ان نهاية الشهر ما تفلسين و تقعدين كلللش عالحديدة

تقللين من الكماليات اللي نشتريها ولاا لها لزمه !!!
تدخلين السوق اذا انتي تبين شي و اذا رحتي مجمع لاا تدخلين محلات مالج سالفه فيها .. و مب كل ما قال محل تخفيضااااااات ركضتي .. الاا اذا انتي محتاااجه الشي ..
اذا عندج اكثر من غرض في بالج تشترينهم وزعيهم على فترات على حسب اولويتهم مثلا (هالشهر ابي تلفون و عطر + الشهر الياي او اللي عقبه باخذ آي باد + و الخ)
حطي لج مبلغ معين حق الطلعات و المطاعم (لان ساعات ننسى روحنا !! يوم و ترك في هالمطاعم و الكافيهات و تعال ادفففففع عادي نص الراتب على البلعه)
سيرفس سيارة في شهر معين تشيلين له من بداية الراتب
الهدايا:سواء حق ربعج او اهلج تحاولين توزعينهم .. يعني مب شرط هدية اختي اللي ابي اعطيها اياهه هالشهر اشتريها هالشهر!!
الاعراس:اذا عندج عرس و تدرين بتحتاجين مبلغ و قدره ... خليه على جنب
الصالونات:لازم ما يمر اي شهر الا نروح الصالون عشان نسوي اي شغل شهر كان سواء تنظيف او منيكر بديكير او ... اكيد تعرفين جم يبي لج تقريباً !


يعني مسألة (ادااااررررة و تنظيم)

لا تدفعين بالبطاقة وااايد .. لان مرة مرتين ثلاث ما توعين الا اهيه مصفرررره و احنه خبر خير
اخذ مبلغ ثابت من راتبج كل شهر و حوليه على حساب التوفير (اذا انتي من النوع اللي كللش ما تيودين روحج يعني عادي تسحبين من التوفير , سوي لج حساب بدون بطاقة atm , جذي تتكيسلين تنزلين البنك على شان تسحبين مبلغ ماله داعي و مو ضروري
دشي جمعيات سنوية (يعني مبلغ محترم بس ما تزيد عن سنة) و اذا طلعت لج خذي منها وفريه .. و الباقي دللي روحج فيه و جوفي اللي لج و اللي عليج


انه الصراحة من بديت انظم روحي كل 3 اشهر .. حياتي و صرفي وااااايد تعدل و انه ارتحت .. حتى اختي و امي يقولون لي شلوووون !!
مو مقصره على روحي في ولاااااااشي و اللي بخاطري أسوووويه

الله يبارك لج في مالج ان شاء الله

 

[AnGeL_Q8]

اقولكم من تجربه .... لا حصاله ولا جمعيه ولا غيرها .... المشكله فينا ما عندنا كنترول على نفسنا .... صايرين استهلاكيين بشكل مو طبيعي و السبب مجتمعنا صاير يعتمد على المظاهر بشكل اوووفر و ساعات للأسف نضطر نماشيه :eh_s(4):

انا كنت جذي .... مادري الفلوس وين تطير و المعاش ( ما عاش ) بس بعدين لما تزوجت .... ريلي ما شالله عليه خلاني شوي شوي اتحكم نفسي و تعلمت منه .... امبييييه انصدمت اول اشكثر كنت اصرف بالهبل و عالفاااضي بعد ....

و ساعات في افكار بسيطه بالتسوق توفر عليج .... وايد محلات و شركات و بنوك عندهم نظام العضوية privliage تيمعين نقاط و ساعات يعطون عروض خاصه لج .... النت مو مقصر في شغلات بره وايد أوفر .... و مو بس تطلبين ... تستفدين من الافكار .....