موظفة وماعندي فلوس .. ليش ؟!

[معي احلى]

اعملي جمعيات واستلمي اخر واحده .. وحطيهن بالبنك او اشتري بهن ذهب
عندنا الذي تحب توفر فلوس يا تحوله عمله اجنبيه .. دولار او سعودي او تشتري ذهب يسموهن عندنا حبوب جنيهات .. مدري ايش يسموها عندكم .. قطعه ذهبيه زي الفلوس المعدنيه ..

 

[معي احلى]

يابنات ايش رايكن .. تكسبين اجر وربي يبارك برزقكن ..



لو كل واحده تشوف كم اقل مبلغ لكفالة يتيم.. >>تخرجي من مالك صدقه .. تفيدك دنيا واخره ..



والله وربي يبارك لك في باقي رزقك ..

 

[معي احلى]

في طريقة .. بس قالوا لي الكويتيات .. مابيقتنعين ..بها .. لانهن مايقتنعين الا بالمنتجات الامريكيه ..



وهي عباره عن شركة ماليزيه .. تبيع منتجات حلال . عباره عن مكملات غذائيه وتجميليه .. >> وايش الجديد


الجديد :: ان المنتجات مش داخل فيها اي شيء كيميائي والشركه . هي المسئول عن منتجاتها .. من الالف للياء .. يعني من المصنع للمستهلك .. >> الى الان ماتضحت الفكره صح .. ؟؟


طيب :: الفكرة انه ممكن تشتري منتجات من عندهم بما يعادل .. 100 نقطه .. وهذا يأهلك انك تكوني عضوه بالشركه .. وا لعضويه لها مميزات .. ينطبق عليها شعار الشركه .. ((الصحة والثراء ))بمعنى استخدامك للمنتجات يمنحك صحه افضل .. والثراء يعني .. انت صح تشتري بمبلغ .. لكن اي شخص تعرفه على المنتجات .. ويروح يشتري .. سواء فتح عضويه لنفسه او اشترى على حسابك لان حساب العضويه الاسعار فيها .. ارخص قليل من الاسعار لمن لايحمل عضويه .. تضاف لك نقاط ... في كلا الحالات .. وعلى هذه النقاط ارباح تستلميها بشيك اخر الشهر .. حابه تصرفي الشيك عندهم وتستلمي ارباحك انتي حره .. حابه تجمعيها كمان اانتي حره بشرط ان لاتتعدى السنه الماليه ... بعدين تروح عليك ..



الشركه تتبع نظام التسويق الشبكي .. وهذا اصدروا فيها فتوى بجوازها .. يعني . رزق وانتي في البيت .. بمجرد انك تذكريه عند من تعرفي حتى لو عن طريق النت .. بواسطة رقم عضويتك .. لان رقم العضويه دولي .. يعني ممكن انتي با لكويت وعميلك .. أو قريبك في امريكا الهند .. مصر السعوديه ... يشتري وتضاف لك النقاط التي على ضوءها يحسب لك الارباح والعموله ... حقك .. ومش مطلوب تبالغي في وصف المنتجات .. لانك راح تستخدميها .. وتشوفي الفرق على نفسك المطلوب فقط ... انك تقولي كيف كنتي قبل المنتج وايش استفدتي .. وسلامتك..

 

[معي احلى]

نسيت اقول :: ان المنتجات بنفس الجوده لكل دول العالم ولها تقريبا 100 فرع حول العالم .. مش زي الصين تختلف الجوده . من بلد الى بلد ..



وايضا:: حبيت اقول ان التسويق الشبكي .. يعني .. انتي عرفتي عشره على المنتجات .. والعشره كل واحد عرفه عشره .. وكل واحد من الاخيرين عرف مجموعه من هؤلاء كلهم يكون لك عموله .. لانك الاصل في معرفته بالمنتجات .. كما للبقيه .. ..



وسلاااااااااااااامتكم ..

 

[انونا]

حبيبتي انا كنت مثلج بس طالبه وايد اصرف عادي تعطيني 100 اصرفها مره وحده
700 مكافأه اكلينيكيه اصرفها باقل من اسبوع وياريت على شي مفيد
متى حسيت يوم تزوجت

فعلمني ريلي طريقه ان كل اسبوع اصرف بس خمسين يعني بالشهر ميتين
وفعلا قاعده اصرف وايمع كله بالهميتين
يعني مثلا مو كل شهر مكياج وملابس لا اقعد ايمع من مصروفي علشان اشتري الشغله الي ابيها
وبما انج ملتزمه ب 400 زيدي 200 راح يصيرون 600 الباجي بالبنك وخشيه ولا تصرفينه كلش ملش لين توصلين لمبلغ اتحطينه وديعه وبجذي ضمنتي واتجددينها وبجذي راح تضمنين ان ما تصرفينه
وحاولي كثر ما تقدرين تستغلين الفرص مثلا لا تشترين الا بوقت فيه خصومات والي فعلا محتاجتها الا اذا كان ضروري

 

[Daisy flower]

الباسمه

بطاقة شكراً تحصلينها عند سنتر بوينت .. وتتضمن فقط سنتر بوينت وماكس ونيولوك .. اتوقع هالمحلات هي أكثر شي نشتري منه صح ؟!! وعليها نقاط على كثر مشترياتي ... اخر مره طلعلي ٢٠ دينار مشتروات بس على فكرة انا ادش ماكس اشتري اقل شي ٣٠-٤٠ دينار .. وسنتر بوينت على طول حقي ولزوجي ولبنتي احتمال ١٥٠ دينار واكثر شي لبناتي ملابس ومراضيع والعاب ومشايه وكرسي عشان اجمع نقاط أكثر ..
وصاجه سالفة التنظيم هي اللي تخليج توفرين وماتشترين اشياء وايد لان اتوقع كل شي عندنا ..

معي أحلى

حلوه افكارج بس يبيلها تفكير وسؤال ناس مجربين .. وبالنسبه لتغيير العملات اعرف ناس من اول ماتقصير عندهم فلوس يحولونها ريالات بس انا احس حرام اخسر بالصرف .. ويسلمو ع المرور ..

انونا

حبيبتي اشكر مرورج .. احنا نقدر ننظم امورنا ومانخربط عشان نحفظ فلوسنا بس لو ربي يفكنا من السووق .

 

[سمسم 2013]

المهم الرضا والقناعة قبل كل شئ وثانيا تحرى الحلال فى فلوسك أولاً وربنا بإذن اللله سيبارك فيها

 

[Daisy flower]

صح سمسم

ربنا لك الحمد والشكر

 

[اميرة زوجي]

حبيبتي افضل شي ان الواحد يخصص ثلث الراتب للتوفير انا طبعا مستحيل اقدر أوفر
بس زوجي هو اللي بيوفر لمستقبلنا وكل شهر لازم 400 دينار توفير الا طبعا في الحالات
الطارئة واهم شي انو المبلغ المخصص للتوفير تنسيه ولا تفكري انو موجود بالبنك وممكن
اسحب منه

 

[sh_mashael]

و الله نفس الحاله

الصراحه انا فلوسي مو لي

مو زعلانه من هالشي ,, راضيه و الله

بس قاعده افكر باجر شبيكون عندي ؟؟
و لا شي

الله يعيين

 

[طول عمري حلوة]

حبيباتي موضوعكم جداً مهم .. أنا عن نفسي طالبة لكن أمي كانت تعاني من هالشي .. والاقتــراح :

انج تروحين للبنك وتسوين بطاقة استقطاع شهري على حسب القيمة اللي تناسبج وتناسب ميزانيتج .. ولما تسوين البطاقة تكسرينها .. عشان ما تطيرين الفلوس بسرعة .. ومتى ما صار وقت العازة تطلعينها ..

وأتمنى هالطريقة تنفعكم .. دعواتكــم

 

[newchlin]

معاشي 500 والحمد لله يكفيني لي اخر الشهر

اغلب البنات الي قاعده اشوفهم يقطون معاشتهم على اشيا تافهه وملابس مو حلوه واغراض ما يستخدمونها

 

[اسماء11]

الحمد لله على كل كل حال انا معلمة وجربت نظام الجمعية وايد حلو واحب اكون المسوؤلة عنها وادخل معاي خواتي لان ادري عنهم انهم مبذرين والحمد لله هالسنة يمكن انضاعف المبلغ والله المستعان وتحياتى لكم

 

[Daisy flower]

اب
اب
اب
اب
اب

 

[كارلوفي فاري]

صراااحه خوش موضووع ومفييد وهذي مشكله كلنا نعاني منها تدرون ليش لانه ولله الحمد ماحسينه بقيمة الفلوس وانا مع دخول الجمعيات

 

[Hand]

انا هذي ثاني وظيفه اتوظفها

والحمدالله صرت اجمع

في وظيفتي الاولى ماكنت اجمع ولا ريال وكلها تخلص بسرعا

لكن لمن اتوظفت وظيفتي هذي صرت اجمع كل شهر 500 ريال سعودي

راتبي 2000 ... 1000 لي ,, 500 للسايق , 500 توفير

وماشيه ع هالنظام مده 6 شهور والحمدالله ( طبعن الفلوس الي اجمعها اخليها في البنك )

بس تدرون لمن صرت اجمع اكتشفت شي انج لازم تسوين ميزانيه

يعني مثلن تبين اغراض من الجمعيه لك تخلين مبلغ محدد للجمعيه ومبلغ محدد لو تبين شي

من السوق , يعني تقسمين راتبج والباقي منهم توفرينه يمكن تحتاجينه اخر الشهر

وسلامتكم

 

[Daisy flower]

كارلوفي فاري

اي نعم فكرة الجمعيات حلوه .. وبعد ماتخلص الجمعيه تكونين أقلمتي نفسج ع المبلغ اللي تصرفينه شهريا سواء ٢٠٠ او ٣٠٠ ..

 

[Daisy flower]

Hand

ماشاء الله عليج .. أهم شي الارادة .. بدونها ماتقدرين تجمعين لو فلس ..

 

[يفداك قلبى]

سؤاال ؟؟؟
ليش تفكرون توفرون ؟؟
واذا وفرتى مبلغ اكبر من حاجتك بشنو تفكرين تستثمرينه ؟؟؟
مادرى ليش راودتنى هالاسئلة من اول ما قرات هذا الموضوع
انا عن نفسى اتمنى اوفر مبلغ مو اكثر من 3000 الااف لان بصراحة احب ادلع نفسى ولا اخلى على نفسي قاصر مادرى احنا يا الحريم نحب نصرف احس التوفير حق العيايز اسمحولى لان عمر المعاش ما كفى لاخر الشهر مع هالظروف اللى نمر فيها
الا فى حالة ان تكون الوحدة مو متزوجة ولا عندها اطفال ومعاشها كبير هذى تقدر توفر
وهذى وجهة نظرى المتواضعه ممكن اكون صائبه فيها وممكن لا
والله يعيننا على مستلزمات هاليهال بس

 

[تبطي عظم!]

انا قررت اوفر من هالشهر ويارب اقدر

انا وزوجي مسوين استقطاع حق ولدي من راتبي وراتبه وكاسرين البطاقه

بس ماوفرنا لمستقبلنا شي

بس انا قررت اوفر واحدد الاولويات وان شاءء الله اقدر يارب