موظفة وماعندي فلوس .. ليش ؟!

[عادت ذكرياتي]

يمكن لو أقولج شي ما تصدقين


أعرف بنات غير موظفات على مكافأة الجامعة بس ومن مصروف أبهاتهم وعندهم مخزون بالبنك مبالغ وقدرها ^_^


هالشي يعتمد على الشخص نفسه


والصدقة بإذن الله تطرح البركة بالرزق


ولا تنسين تدعين ::: اللهم أغنني بحلالك عن حرامك وبفضلك عمن سواك


وسوي تقسيم للمعاش مو تصرفين بشكل عشوائي


وفي همن إضافة من عندي :::


لا تستخدمون الكي نت /// لأن يمكن ما تقدرين تسوين كنترول لنفسج وطول ما إنتي ضامنة إن البيزات معاج راح تصرفين صرف عشوائي وهالشي مجرب :eh_s(10):


مووووووووووووووووووووووفقين

 

[عسوله زوغه]

ربي يرزقج ويبارك لج بمعاشج يا حياتي
شووفي ليه ماتجربين انج اتسوين استقطاع في بناك ثاني مثل انج تفتحين احساب وهالاحساب الجديد انه كل ما تستلمين معاشج اتروحين وتحطين فيه مبلغ بسيط مثل 100 او 50 يعني شي ينسج كانج شريتي فيه ملابس عرفتي وكل شهر سوي هالطريقه ولما تجين بعدها بسنه او لا سمح الله احتجتي بتلاقين عندج اللي يسد حاجتج او منها تحطين وديعه لاعيالج

 

[مسك حياتي]

حبيبتي وين هذي بطاقه شكرا بأي بنك
انا التمويل


الموضوع شادني وابي مصلحتكم ودعوه صادقه

اليوم وانا بالسوق أبي أشتري لخدامتي لبس جان اشوف مكياج تذكرت انه دراعه الصبح يبيلها حمرا بصلي فاتح
ورحت ادور طبعا اعجبني اكثر من لون
وبعدين وقفت واكلم نفسي اذكر اني شريت حمرا بصليه من فتره وبعدين شكيت
المهم طلعت ماشريت شي
ولما وصلت البيت فتحت درج المكياج الي صارلي وقت مو مرتبته ولقيت حمرتين نفس اللون الي ابيه

اللي بوصله لكم انه الترتيب اهو اساس كل شي وخصوصا التوفير
تخيلو اني شريت الحمرا بشي وعشرين راح يكونون ٣ نفس اللون
اولا اسراف
ثانيا زحمه على الفاضي
ثالثا اخسر فلوسي على شي مو مهم

رتبو مكياجكم
ملابسكم الداخليه وخصوصا الكورسيهات كل مناسبه اختي تشتري واحد ولما اسالها عن القديم تقول مالي خلق ادور

وشي مهم الزكاه والصدقات بنات انفقو مما تحبون عشان ربي يعوضكم

يعني الي معاشها الف وتحط صدقات شهريه عشره جزاها الله خير بس بالذمه هل حست انه الفقراء والمحتاجين مشاركينها بمعاشها
أبدا لانها مو حاسه لا بالعشره ولا بالعشرين
نصيحه كل زياده تنزل لكم زيدو استقطاعاتكم لوجه الله وربي بيعوضكم وبتلقون لذه بالتوفير ومعاشكم بيتبارك ويبقى لنهايه الشهر

درر جزاج الله خير

 

[روانتي 12]

والله مدري . . بس عندي لج فكره بسيطه جدآ
كل مانزل معاشج اخذي 10 دنانير و خشيهم و الباقي تقضي فيهم . . من كل شهر خشي 10 دنانير . . لانج تصرفين على شي ماتدرين شنو
ماحبيت اطلع من دون رد .

 

[magda]

التوفير يبدا من المطبخ التدبير المنزلي لو وفرتي في الاكل واستخدمتي مكونات وجبه لعمل وجبتين لو عملنا الحلويات بالبيت اوفر لو شويتي الدجاج بالبت وجربتي وصفات جديده لن تذهبي لمطعم وتدفعين الكثير نوفر كمان بلملابس واشتري من الحراج حتلاقي مبلغ وقدره معكي اخر الشهر وشكرا انا ميس ماجدة مدرسة انجليزي

 

[طـير7]

سوي حساب توفير بحيث ان كل شهر ينقص من معاشج مبلغ قولي 200
وخلية بدون بطاقه عشان مو كل شوي ساااحبة

هذا اللي بغيت اقوله
وااااااايد زينه هالفكره
الجمعيات فكرتها حلوة وزينه..بس مؤقته
لكن الاستقطاع لي حساب ثاني انسب حل

وحتى فكره الاخت اللي قالت نخلي مبلغ بالتجوري ونتسلف منه ونرده هم حلوو
عشان نحس بالمسؤوليه ومانصرفهم

 

[حبي بيرين]

اولا طلعي مصروف يكفي للراتب الجاي والباقي خليه عند امك لوقت الحاجه الضروررررررررررررريه (قلت عند امك لانه اذا صارت بيدكِ بتطير بيومها

 

[Daisy flower]

مشكورين البنات اللي فادونا بردودهم ..

واللي تقول حق شنو نوفر .. شي يحز بالخاطر لما تتذكرين السنين اللي طافت تقعدين من 6 الصبح وتكرفين كرف اليهد وبالاخير رصيدج صفر دينار .. وين راح تعبي ! شنو استفدت ! معقولة اشتغل ومعاشي بس عشان يسد حاجتي شهر ويالييييت يسده شهر بعد تلقين 10 ايام المعااااش بح وكله على خرابيط ومطاعم وخلاجين ماتنلبس !!!!

 

[بنت العقربيه]

اشتري لك اسهم هاذا الي ابوي مسوية لنا ومن زمان يعني مسموح لنا ناخذها في وقت الازمات والزنقات وتراها حلوة وحطيها في شركات حقت البناء او الاتصالات او الي مضمونة وان شاءالله راح تضمنين ان فلوسك في الحفظ والصون