مو جنه مصخها ؟؟ الشي اذا زاد عن حده ينقلب ضده ! الحين ابي تعطوني حل لاني افكر بالطلاق

[لولي دلع]

انا حاسه فيكي لاني زيك انا وزوجي نحب بعض بس مشاكلنا كثير بس ماوصلت لدرجه مشاكلك انتي مدري ليه ساكته عصبتيني
خديها كلمه مني ماليكي غير الاستخاره لو زوجك فيه خير وربي راح يعدل حالك حتكوني معاه وماراح تتطلقي
ولو مافيه خير ربي راح يقسي قلبك ويسهلك طلاقك ويعوضك
مافي احسن واعظم من انك تسالي الله لانو اخبر مننا فكل شي واعلم بالحال
اتوكلي على الله واستخيييييري
على قوله ماما تقول انها تستخير فكل شي
مرات يبانات بابا مايوافق على سفره او زواج او طلعه ليها وتستخير وربي يغير رايه فثواني لوحده وادا كانت بتروح مكان اكيد وتستخير فجاه تبطل تروح
سبحانه الاستخاره قويه ولا مكان وصى عليها الرسول

 

[Mrs Al-Nasser]

حبيبتي اللي قاطع الصلاة وناسي ربه
مستحيل يتوفق بحياته
شلون انتي ماتصلين وماتعطين حق ربج ٥ دقايق باليوم تذكرينه فيها ؟
وتبينه يذكرج وتتوفقين بحياتج ؟

صلي ..
صلي من قلبج
وسمعي أدعيه
وادعي من كل قلبج واستغفري

ونصحي ريلج خل يصلي ترا الدنيا ماتفيييد شبتسوين بالاخره انتي ويا ريلج؟:eh_s(7):

ثاني شي لاتسكتين عنه..
روحي حق واحد من اخوانج
قولي له كل شي ..
قولي له "انا ابي سند ابي ظهر ساعدني وره العين الحمره
مابيه يحس ماوراي ظهر "
وقعدي بيت اهلج معززه مكرمه
لما يحس على دمه شويه .. لما يحس انج ادميه لج احاسيس :eh_s(7):
واييلج يترجاج انج تردين له
وبشرووووط
ان ما يعيد اللي سواه لج

والله يوفقج حبي ويسخر لج ريلج
ولا تنسين الصلااااة والدعاء
والله محد راح يفيدج غيرهم :eh_s(7):
​

 

[تمنيته]

اعووووذ بالله
اقرب فرصه تروحين فيها لاهلج قوليلهم .. ضيم خوانج ولا ذله
وبعدين تحملي مني هالكلمتين والله والله والله مانطقتها الا ابي مصلحتج
حبيبتي الصلاااااااااااااااااااااااااااة شلون تخلينها ؟؟
وينج عن كلام الله سبحانه (( ومن اعرض عن ذكري فان له معيشة ضنكا )) اي وين تبين السعاده وانتي ماتصلين
استعيني بصلاتج والدعاء والاستغفار وابشري بالفرج .. ثقي بربك قوي علاقتج بربج .. وماتشقين باذن واحد احد

 

[دلع العتبان]

الي يحب يتحمل وانتي اصلا ماتبين الطلاق حتى الحين !

الله يعينج دامج ساكته من اول سالفه ولاتقوليلي عين لالالا السالفه والغلط منج

 

[الدنيا غدارة]

حسبي الله ونعم الوكيل عليج بالصلاه ثم الدعاء والله يهديه ان شاء الله

 

[فلنتينو]

الا مصخهااا من قلب
يبا هذا مايحتمل العيش معاااه
وبدال الرجال مليوووون
ولا هالمذله
تطلقي
ودربج خضر

 

[aem...]

مادري شقول
الله يگون بعونج ويصبرچ ان شاء الله والله گاسره خاطري

انتي مالچ الا>>> الصلاة والدعاء و الاستغااااااار كثري من الاستغفااااار <<<وربي بيفرجها ان شاء الله

 

[Hello_kitty]

تكفين اي عين واي حسد ؟ ريلج بدون شك مريض نفسي معقد فيه نقص وساديه متلذذ بتعذيبج وذلج وانتي شكلج متقبله الوضع او تعودتي عليه

لان مافي وحده لو شنو كان ترضى بهالوضع اهلج الحمدلله عندج واخوانج واقفين معاج وموراضين عليج ومناي رخيصه عندهم انتي اللي رخصتي بعمرج

لا تحطين حجه وين تروحين ومن وين تصرفين بهالديره محد يضيع والقانون الكويتي اكثر قانون بصف المراه بياخذ حقوقج ومصروفج من عينه

هذا انسان مريض نفسي مخطور انحاشي منه انتي واعيالج قبل لا تموتين بيده ولا يسببلج عاهه ساعتها محد راح ينفعج

كلمي اهلج ووكلي محامي شاطر ولا تقعدين ولا دقيقه زايده معاه لا يصير فيج شي كافي الي ياج

 

[مياسه الحساسه]

حبيبتي ليه مسويه في نفسك كذا
وين اخوانك عنك
وش مالك ظهر عندك اخوان ليه ما يوقفوه عند حده
حسبي الله عليه من رجال

 

[لمى...]

ياه عورتي قلبي وضعج صعب وايد

بس انتي غلطتي بحق نفسج بكثر التذلل له يااختي خلاص استوووووووب وقفي تذلل قوليله ماعندي

انت الريال وانت المسؤول وخلي علاقتج معاه وايد رسمية وحلفي اذا مد يده عليج انج بتفضحينه

وبترفعين قضيتج لحقوق الانسان وبتفضحينه بالتلفزيون وبتطلبين مساعدة الأمير وبتوصلينها للعالي

قوليله ( المرة الحين اذا ماعندها اهل يسندونها ماتحتاج اصلاص في اعلام في ولي أمر للدولة هم اللي بياخذون حقي )

وقوليله يااما تكفي شرك عني وتخليني اربي عيالي بأمانة الله ياتطلقني وان شاء الله ماراح تموتين جوع ضمانج الاجتماعي

راح يكفيج واهو غصبن عليه يوفرج مسكن ومصرف من عند المحكمة ......... أما اذا ناوية تقعدين معاه كلش ولا يهدد حياتج

وصحتج قوليله ياامساك بمعروف ياتسريح باحسان واكتبي تقارير بالمستشفى عن هالضرب وراح تربحين قضية الطلاق بالراحة

لأن القانون بصف المرأة .................

بس صراحة نرفزني برودج حياتج وحياة جنينج بخطر وانتي عاااااااااادي ياأمي لاتصيرين ضعيفة جذي

خلاص ضعف يالحريم احنا بـ 2011 كل شي ويانا الحين وكل شي بيدنا

 

[ضحكة]

ماراح تنحل مشكلتك إلا بالصلاة وربنا يبتلي المؤمن اذا ابتعد عنه ليذكره به ...لصليتي من قلب ودعيتي ربك ..وجهك تبان له هيبة ...حرصي على الصلاة وزوجك لشافش تصلين بيخاف دائمآ العاصيين يخافون تصيبهم دعوة المومنيين فكيف بظالم

الله يوفقش لطاعته ومرضاته ويصلح امورش كلها ........يارب

 

[سحـورة]

آااخ يا كرهي للنساء الضعيفات الشخصيه
إنتي غلطانه و قاعده تتمادين بالغلط ؟!
حد ينزل عند ريول أي شخص ؟!
ليش قاطعه صلاتج ؟!
ليش تسامحينه ع تصرفاته ؟!
و السب والشتم عادي عندج ؟!




لا تعليق ..
الله يوفقكم و يشرح صدوركم ، إذا كان الطلاق راحه وحل و رضا
فتطلقي ، و كنتي من البدايه لازم ماتحملين دام وضعج بهالطريقه المأساويه
ربج كريم

 

[سمو الغلآ]

لاحول ولاقوة الابالله

رووحي عند خوانج خل يشووف الكدمات اللي بوجهج
وقوليهم كل شششي ..,


واشتكي بالمخفر خليه يخااف

شالللي حدج عليه

والف حمد وشكر احنا بالكويت مع المطلقات يعني لا تحاتين سالفه الطلاق..,

ومعاش المطلق 400 وشي<<ع حسب علمي ..!


بعدين حبيبتي قومي تسبحي وتوضي وصلي

توبي وحافظي ع صلاتج

لن ( تتعدل ) حياتك
حتى ( تتعدل ) في صلاتك

اهم شششي الصلاه..,


وعلييج بالاستغفار جربي اسبووع بسس وبتشوفين بأذن الله الراحه <<بس بشرط
خلي الاستغفار ع لسانج طوول اليووم..


قال الرسول صلى الله عليه وسلم
من لزم الاستغفار جعل الله له من كل هم فرجا، ومن
كل ضيق مخرجا، ورزقه من حيث لا يحتسب

<<شووفي هذا مو كلامي ولا كلام شيخ كلام الرسول عليه الصلاه والسلام..,


قال تعالى: "فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا" آية 11 نوح.

<<وهاذي ايه

والله يعيينج وطمنيني علييج

 

[كتكات احمر]

تطلقي منه وروحي بيت اهلج

الطلاق ثم الطلاق

مالج حل مع هالانسان ابدا

لا صلاة
ولا احترام
طق وسب
وجنس بالغصب


باختصار مالج الا الطلااااااااااااااااااااااااااااااااق

 

[شموسة كيوت]

واااااي وانا اقرأ كاني متابعه فلم هندي كلة طق ومطقوق

حبوبة انتي بس ابدي بهذه الخطوة ومتاكدة بتنحل كل مشاكلك

الحين لو ماكان وقت صلااه اغتسلي وتوضي وصلي صلاااه التوبة وتذللي وابكي لربك لاتذلين نفسك لوااحد يطقك

وشوفي كيف حياتك تنقلب من قلب

الله يعينك انسان لايطااااق وتكفيين لاتقولين سحر او عين مواي مشكلة بالدنيا حطينها بالعين والسحر

 

[!الجادل الصعب!]

حبيبتي كل هذآ وتقولين مو جنه مصخهآ ..!
الا مصخها ونص وكل الاهاآنات الي ممكن يوجهها الزوج لزوجته
مآقصر فيها .. طق وطرد وسب وتقصير واهمآل ..!

انا رآيي اخذي تقرير طبي هذآ اول شي تسوينه .. لاصار ماصار
معاج اثبآاتات .. واذا الله هون عليج و ولدتي ... بس وقفي ..
شذنب العيآل يتوهقون بينكم ..
انتي مشآركه بالخطآ لآنج سمحتي بالتطآول هذآ وعزلتي اهلج عن
الموضوع ..

لآ تقولين عين ولا حسد وتعذرين له .. هذآ تحريش وضعف شخصيه ..

 

[ليتني مـآ كبرت]

استغفر الله ياربي

آْنـَا ماصدمني غير كلمتج هديتي الصلاة

لا ماشاء الله عليج تركضين ركض ورا زوجج تدروين

رضاه وما دورتي رضا ربج

الحل بالصلاة والدعاء وصفي نيتج ليش كله تقولين

عيون الناس وعيون الناس


ونصيحة نصيحة لكل متزوجة لاتغركم الدنيا والزوج

والعيال وتنسون ربكم

ترا كل شي بإيد رب العالمين تدورين الحل عند الخلق
وتتركين الخالق؟

 

[جديده 1]

بصراحه زوجج مو ريال ولا يعرف للرجوله اهي شرق ولا غرب !!
تصير هوشات يمكن بين الازواج حتى الطق ممكن بس تكفخ و ذل و سب و تطفيش مستحييييييييل

سمعيني انتي شكلج تبين تتطلقين بس تبين حقوقج .. صح ؟ اللي المفروض اتسوينه بكل الكدمات اللي صارت لج تسوين عنها تقرير طبي و تخشينهم .. متى ماحسيتي خلاص لاعت جبدج روحي للمخفر و راويهم التقارير الطبيه و رفعي عليه محكمه و القاضي من يشوف التقارير بيطلقج غصبن عليه بتاخذين حقوقج كامله

 

[شقره كيوت]

يا بنات ..... مشكوورين وما قصرتو شوي حسيت براااااااااااحه من قريت كلامكم ...


الحين انا تايهه !!! والله مو عارفه شسوي احتست بعمري !!!
-تقولون تقارير وانا يحبسني بالايام بالله شلون اطلع ؟؟ على ما يطلعني ظاامن راحت الكدمات !
-اهلي .. اخخخخ يا اهلي .. اهلي منو تقصدون ؟؟ امي ؟؟ مره كبيره بالسن وما تبي بنت مطلقه تعيش معاها
-اخواني .. اقولكم ما يتحركوووون ما يبون مشاكل بالهم مو وسيع ما يفكرون يعني عارفينه وعارفين سوالفه يقولون مانبي اسمج مطلقه وان تطلقتي بتصيرين حالج حال الخدامه ولا بنحكرج ! ويا خوفي يصير ذبح مذابح من وراي وانا تالي اكلها !! لان الطرفين حاااااااااااااااااااارين
-بغيت اسأل شنو شؤون الانسان ؟ شيسوي؟؟ وين صاير ؟؟ في جم اخت ذكرت هالشي بعرف شنو يعني ؟؟

يا ريت يا بنات اللي عندها كلام قوي جذي اخرع فيه ريلي او احسسه اني فاهمه الدنيا واعرف شسوي فيه واني لي حقوق ابي احسسه اني اعرف اعيش من دونه تكفون نقلوني كلام .. او مثلا اقعد اكلمه كلام يحرجه او يفشله ابي اخليه يند على عمره من اللي قاعد يسويه فينتي .. وابي كلام تعلموني عليه اني بقوله اني مو انا ريال البيت اهو مسؤول يصرف علي يعني من هالحجي ابي شي ديني تكفون بنات طلبتكم

 

[ليـال]

اهم شي صلاااااااااااتج شلون قلوبكم تطيعكم تتركونها استغفر الله لهالدرجه !!!
مهما كانت ضرووفج حبيبتي لا تخسرين اخرتج تندميييييييييييييييييييييين !!
كيف تبين ربي يرحمج وانتي حتى الصلاه تستهينون فيها اول شي تسوينه قومي توضي
و صلي ركعتين لله حااااااافضي على الصلاه و لا تنسين تقضين ما فاتج !
و استغفري و بثي همج وشكواج لربج هذي الراحه الحقيقيه وقتها تستحقرين الدنيا
اقري قرأن و شغلي سوره البقره بالبيت على طووول زينه للعين