مو جنه مصخها ؟؟ الشي اذا زاد عن حده ينقلب ضده ! الحين ابي تعطوني حل لاني افكر بالطلاق

[من يشابه ديرتي]

ودي اعرف على شنو تحبينه ومتحملته
اذا طق يطقج ويكسرج وفلوس وياخذ منج اهانات وذل ويعايرج يالجيكره وانواع التحقير
على شنو متحملته ؟؟؟

والله حرام عليج نفسج

 

[دلوعة عزوز]

تقولين ماعندك احد بالدنيا ومالك ظهررر ...!!
الله موجود ماخلق احد وتركه لحاله
تقولين هو مايصلي وانتي قطعتي الصلاااه ..!
اجل لاتستغربين من اللي يصير لك
قربي من الله وصلي وادعي بالليل ان ربي يسخره لك ويهدييه ويبعد عنكم الحاسدين
وقولي اللهم من اراد بي سوءا فاشغله في نفسه واجل كيده في نحررره
.
معليش اذا قسيت علييك اختي بس هذا الجد
انتوا بعيدين عن الله وصدقيني لو تدعين ربنا بقلب صادق ماراح يردك خايبه
ربي يخفف عليييك ويحفظ اللي في بطنك ويسخر زوجك ويهدييه ياااررررب

 

[سعوديه حيييل]

كله يهووووووون بس الصلاه حرااااااااااااااااااااااام تتركينها محد بينفعك ويحل اممورك غير صلاتك

 

[سفيره الكويت]

شالحب اللي وراه مخافر ومشاكل هذا لو يحبج ماسوى اللي يسويه انا اقول تقعدين معاه جلسه مصارحه وتقولين له ترى انا ماخذه بخاطري عليك على اللي تسويه اذا تحبني صج وتعزني خلنا نبدي صفحه يديده

وبعدين ترى انتو مو مخلوقين بس عشان تعيشون مع بعض لا انتو مخلوقين عشان تعبدون ربكم اذا حابين اموركم تتعدل رجعو لربكم وخليج

انتي الباديه عشان تكسبين الاجر قولي له لمتى واحنا جذي خلنا نعبد الله خل الله سبحانه يبارك لنا وينور طريجنا

 

[Judy . abbot]

اخييه عورتي قلبي
هذا كله لانه مالج ظهر
لما اهلج بيساعدونج ليش تردينهم
انا خبري المره مالها الابيتها مو سجنها
شهالعيشه اشلوون صاابره
لااازم تحطين حد حق الي يصير ودخلي واحد من اخوانج لازم يعرف عندج ظهر
وانتي ليش شخصيتج ضعيفه ومهزوزه وماكو ثقه جداامه
لاازم تقوين شخصيتج وتحبين نفسج
وفلووووسج ديري بالج تعطينه ايااهم حتى لو تحيلقلج
اكيد بيتحيلق عشان الفلوس وبعدها بيرد يمكن اخس من قبل
خلي هالفلوس لج ضخر
وروحي تلاحقي على عمرج روحي الطبيب
ترى باجر ليي طحتي وتحرولتي ماراح يجابلج عادي يخليج تولين ويتزوج ثانيه
بختصاار اهتمي فنفسج وبيتج واكيد في كتب ودورات عن الاهتمامربالذات وانج اشلون تقوين شخصيتج اشتريلج كتاب كتاابين وتعلمي منهم

 

[زوجة عزيز]

دام السالفه فيها طق لازم اتوقفينه عند حده لو على سالفة الفلوس اتهون

 

[هذا مزاجي]

لا حول ولا قوة الا بالله
اقرا كلامج واصيح حيل حيل عورتي قلبي
هذا وحش مو ادمي الله لا يسامحه
بس انا اتوقع ان الموضوع صج يبيله رقيه شرعيه
حبيبتي انتبهي لنفسج وعيالج منه وحافظي على صلاتج
مابعد الضيق الا الفرج ان شاءالله

 

[ليش الجفا]

ياحبيبتي شلون تبين الله يوفقك وانتي ماتصلين
الصلاه هي الرابط بين العبد والرب
استغفري ياقلبي وصلي
والله يوفقك
​

 

[توتا حمرا]

الحمدلله والشكر اسمحيلي ريلج رسمي مو صاحي
لاتفكرين ابدا تبيعين ذهبج عشانه
وخلي علاقتج رسمية معاه والافضل انج تنامين بغرفة ثانية ليما يطخ بروحه لأن الطلاق بخليج تتشتتين انتي وعيالج ولا تراددينه ابدا ابدا
وبعدين شلون انتوا ما اتصلون
تدرين ان الابتعاد عن الله هو اساس المشاكل لأن لوكان يخاف ربه جان ماسوى سواته
رجعي لصلاتج واتقربي من ربج وكثري من قراءة سورة البقرة وان شاء الله تنحل مشكلتج​

 

[نعم نعم شنو]

كويتيه 222

حرام عليج والله حرام تتشمتين بالبنيه يويلج من الله

بروحها لبنيه شخصيتها انهزت من الوحش ريلها الي ما يخاف الله تقومين وتقولين هالحجي

..


ارد حق صاحبة الموضوع

حبيبتي انتي قطعتي قلبي

صدقيني لو بتشتكين حق اكبر وزير محد راح يحل مشكلتج غير ربج (الشكوى لغير الله مذله )

لو تقربتي من ربج بتنحل وتتسهل كل امورج ويمكن من نفسه اهو يطلقج

بس لا تقطعينها ارجوج اترجاج من كل قلبي ردي صلي نفس اول وتوعديني انج ما تقطعينها كلش !!

احنا لو بنتكلم وخذيتي بنصيحتنا صح بتنحل جزء بسيط من مشكلج بس الجزء الاكبر ربي يحلها لج

الحين روحي تيددي وصلي وكل الي بقلبج قوليه فضفضي وتذللي حق خالق الكون لانه سبحانه اهو مفرج الهموم

الله يوفقج وان شالله ترد ثقتج بنفسج وتعيشين بسعاده وهنا

 

[miss_uk]

حبيبتي اهوا خايف يطلقج ويسحبون من معاشه ويحطونه بحسابج
اهوا بايع واضح لانه يبيج توقعين تنازل ويذلج لين تتنازلين

لج 3 حلول .. وكلهم صعبين وانتي اختاري اللي يريحج

1-تصبرين لين يعقل وتتفادين المشاكل باي طريقه
*
2-تطلبين الطلاق للضرر يبيلج محامي واحد يتحمل لين تحكم المحكمه وتشتغلين وتصرفين على نفسج او معاش ابوج الله يرحمه يرد لج

3-تتنازلين عن حقوقج وتعيشين على الاعانه ومعاش المطلقات لين تشتغلين

شوفي اللي يريحج سويه

 

[Freakya]

إذا انتي ذالّة نفسج شلون تبين ريلج يحترمج و ما يذلّج !!

 

[احلاكم 25]

حياتي هذا مريض انصحج تكلمين استشاريين ماتعدل تطلقي
وروحي حق شيخ يمكن مو بس عين يمكن سحر ماتستبعدين شي

 

[el7ob Klah]

ماعندي شي اقوله غير ادعي لج

الله يستر عليج ويحفظج ويخلي لج عيالج

الله يوفقج ويكتب لج الي فيه الخير

استخيري الله

ولازم المره لها وقفه وعين قويه مايصير كله مذلوله

لان ذل المره يقوي الريال عليها

الله المستعااااان

 

[احلاكم 25]

ياويله من عقاب ربه مايدري ان الله يشوفه لي هالدرجه مأمن عقوبة ربه؟

 

[بنت_ابوها]

استغفر الله ياربي

و الله ارضى بعيشة الشوارع و لا اقعد عند هالمجنون يمال الجني

 

[ثريا الكون]

انا ما انقهرت إلا لمن قلتي انج تاكلين وفرك الصمونه بويهج وكب عليج البيبسي شهل اسلوب والله مابي اغلط بس ما اقدر اقولج غير صبري لانج لا موظفه ولا عندج احد الله يكون بعونج ويهدي هل زوج

 

[اخر ايام الحب]

لازم تهجرين كم شهر امكن يتعدل حاله ..ولازم تكونين قويه اذا قتي كلمه لا تتراجعين عنه مهما يصير

الله يكون في عونك

 

[برستيج دلوعه]

مالج حل ههههههههههه اللهم لا شماته تكتبين وتضحكين ع نفسج !!​

خلج وياه لغاية ما يذبحج ما ينلامون اهلج اذا كرهونج والله ​

صج؟؟ مشكوره وجزاج الله خير كفيتي و وفيتي ..
ما اقول الا ..

حسبي الله ونعم الوكيل فيج
حسبي الله ونعم الوكيل فيج
حسبي الله ونعم الوكيل فيج


الدنيا دواره .. الله كريم بس

 

[Loca]

..







قلتيلي يحبك ؟