مو جنه مصخها ؟؟ الشي اذا زاد عن حده ينقلب ضده ! الحين ابي تعطوني حل لاني افكر بالطلاق

[قــل مـا تـشـاء]

الله يعييينج على عيشتج
بس ترآ البركة ممسوحه من حياتكم لأنكم ماتصلون مع الأسف ,
الله رفع البركة من حياتكم شلون تربون عيالكم وانتوا ماتصلون والصلاة عمود الدين !
الله يهديكم واذا عقب كل اللي سواه فيج اذا تبين تصبرين لازم تصححون اخطاءكم وأولها الصلاة
الله يهديكم ويعييينج عليه

 

[أم حسون]

كل اللي اقدر اقوله انتي معطيته وي واي الله يهداج

 

[ارنوبه ورديه]

حبيبتي كل العيوووب بريلج بس انتي قد ماتقدرين تقطين كل شي على اهله وعلى ظروفه وعلى ديونه ..

انتي باختصار عاجبج وضعج وماتبينه يتغير ..

ولا حياة مثل هذي ما ينصبر عليها ..

اول شي رجال ما يصلي <<<--- الرجال اللي ما يصلي تحرم عليه زوجته

واحد ما يخاف الله خافي منه

ثاني شي لسااانه بذيء <<<--- دام ماكو اخلاق لا تتوقعين منه احترام لا لج ولا لعيالج سواء الحين او مستقبلا

ثالث شي رجل ماعنده شخصيه <<-- طول عمره راح يستفرد قوته عليج .. وعمره ماراح يقدر يحميج انتي وعيالج

انسان جباااااااان ولا يعد من الرجاااال

رجل بخيييييييل <--- لا يصرف عليج ولا يصرف على عياله وعيونه على فلوسج .. لو تعطينه كنوز الدنيا عمرها ماراح تنحل مشكلتج وعمره مااراح يحبج

رجل ايده طويله ويطق على اتفه الاسباب وشكاك وثلاجه فاضيه وماكو مصرف ووكدمات ودم

استخيري وتوكلي على الله واطلبي الطلاق والله بيرزقج من حيث لا تحتسبين والله لو فيه خير من بعد الاستخاره الله يهديه لج

وان كان ممافيه خير الله بيسهل لج امور طلاقج ووكلي امرج لله وعيشي حياتج وربي عيالج بعيد عنه ..


ويابنات امرأه جت للرسول عليه الصلاة والسلام تشكي قبح زوجها وقصره وانها ما تقدر تعيش معاه وفوق هذا طلقها منه
ماقالها اصبري واحتسبي الاجر والله يعوضج خير ..

الله اباح الطلاق لمثل هذي الامور

والله يوفقج الحقي على عمرج لا يلحق عليج

 

[الزيـــــ^^ـــــن]

!!

حبيبتي الله يعيييينج والله لو انا بمكانج ماصبرت

مشكلتج كبيره صرآحه شوفي إخواااآنج حاولي انج تكلمينهم خل يحس ان ورآج احد

لاتضعفين قدآمه خليج قوويه بس اذا عصب لاتراددينه لان زوجج طبعه يطق

عليج بالدعاااااااااء والصلاااه وقراءه البقره وان شاءالله يارب يفرج كربج

 

[احلاكم 25]

حبيبتي كل العيوووب بريلج بس انتي قد ماتقدرين تقطين كل شي على اهله وعلى ظروفه وعلى ديونه ..

انتي باختصار عاجبج وضعج وماتبينه يتغير ..

ولا حياة مثل هذي ما ينصبر عليها ..

اول شي رجال ما يصلي <<<--- الرجال اللي ما يصلي تحرم عليه زوجته

واحد ما يخاف الله خافي منه

ثاني شي لسااانه بذيء <<<--- دام ماكو اخلاق لا تتوقعين منه احترام لا لج ولا لعيالج سواء الحين او مستقبلا

ثالث شي رجل ماعنده شخصيه <<-- طول عمره راح يستفرد قوته عليج .. وعمره ماراح يقدر يحميج انتي وعيالج

انسان جباااااااان ولا يعد من الرجاااال

رجل بخيييييييل <--- لا يصرف عليج ولا يصرف على عياله وعيونه على فلوسج .. لو تعطينه كنوز الدنيا عمرها ماراح تنحل مشكلتج وعمره مااراح يحبج

رجل ايده طويله ويطق على اتفه الاسباب وشكاك وثلاجه فاضيه وماكو مصرف ووكدمات ودم

استخيري وتوكلي على الله واطلبي الطلاق والله بيرزقج من حيث لا تحتسبين والله لو فيه خير من بعد الاستخاره الله يهديه لج

وان كان ممافيه خير الله بيسهل لج امور طلاقج ووكلي امرج لله وعيشي حياتج وربي عيالج بعيد عنه ..


ويابنات امرأه جت للرسول عليه الصلاة والسلام تشكي قبح زوجها وقصره وانها ما تقدر تعيش معاه وفوق هذا طلقها منه
ماقالها اصبري واحتسبي الاجر والله يعوضج خير ..

الله اباح الطلاق لمثل هذي الامور

والله يوفقج الحقي على عمرج لا يلحق عليج

وياها. احلى رد

 

[حبيبي مالكني]

الله يشهد ان قلبي عورني عليج
ليش انتي صابره عليه
حبيبتي نثل ما قلتي
الطلاق لاهو عيب ولا حرام بالعكس في حالتج اهو ولاده لج
حتى عيالج اشلون بتربينهم في هالجو الي كله مرض وعقد
انا مابي اخرب بيتج
بس انا لو مكانج ما استمر
انتي صبرتي وايد
وانتي من حقج تعيشين حياتج بالاسلوب الي تبينه
والقرار بيدج

 

[اثرني احبه]

الله يكون بعوونج .. بناات ليش تقولون لها ما ورااها اهل امبلا عندهاا اخوانها وانتي كلمي اخواانج وقوولي لهم انه يعاملج جذي وترى الاخووو والله حتى لو كان ما يدري عنج بس لا قلتي له انه ريلج طقج شوووفي شلوون يعصب وينجن لانه مهما كاان ما يرضى ع اخته مثل ما يقوولون الحميه لاخته ... وبعدين انتي ليش ساكته له والله لو اني منج من اول مره يمد ايده اعلمه الادب وارووح بيت اهلي وادبه اخليه يعرف انه كل شي له حدود والله يكوون بعوونج ولا تعطينه فلووس منتي ملزوومه فيه هو مجبور يصرف عليج وغصبا عليه بعد اعذريني بس قهرني زوجج انا اقوول رووحي عند اي واحد من اخوانج ولا تقعدين عنده خل يعرف شلون يحترمج عدل والله يكوووووون بعوونج

 

[اثرني احبه]

وبعدين حبيتي بخصووص الصلاه انتي قلتي انج تركتيها حرااام خيتوو ما يجووز شلون تبين ربي يوفقج بحياتج وانتي تركتيها انا انصحج لوجه الله انج تصلين وتدعين ربج ..... لان اذا ما تصلين شلون تبين ربي يوفقج بالحيااه وبعدين ما تخافين لو تموتين وانتي ما تصلين شتقابلين ربج فيه؟؟ شنو تقولين اذا انسالتي بقبرج ؟؟ محد ضامن عمره ولا احد يدري متى يمووت و ؟؟ ولا تنسين الصلاه عمااد الدين واول ما يسال عليه المرء والعهد الذي كان بيبنا وبين الرسوول هو الصلااه والصلااه رااحه نفسيه تريحج من كل هموم الدنيا خيتوو افرشي سجادتج واستغفري ربج وصلي وادعي انه يتغير حالج ويكوون احسن .... عسى الله يهدي زوجج ويصلحه ويووفقج

 

[فهههده]

عيشتنه قشره واهو ما يصلي وانا بعد قطعت الصلاة !
قولو لي شسوي !

اول شي تسوينه ردي لربج وردي لصلاتج وصيحي على ربج واشكي لربج واطلبي الفرج من ربج ولا تملين
انتي تقولين هو مايصلي طبيعي اجل يطلع منه كل الي يسوي فيكم
وبدال ماتعالجين الوضع وتنصحينه بالصلاة وتخوفينه من الله تغلطين نفس غلطته وتتركين الصلاة
كيف تدعين وكيف تقرين قران وكيف ترتاحين ان كل شي شين مقدر من رب العالمين وعليه اجر عظيم
الله يهديكم ويفتح على قلوبكم بالايمان ونور الاسلام
انا عطيتج اول خطوه واهم خطوه ارجعي لربج وصلاتج ثم الباقي يجي عقب لان مافي شي يقوم ويصلح من غير اساس والصلاة اساس وعمود الدين اذا صلح الدين عندكم صلح حالكم ربي يصلحكم ويثبتكم
ربنا لاتزغ قلوبنا بعد اذ هديتنا

 

[Ice Princess]

لج رجعه بموضوعج

 

[نور الكوثر]

الله يفج ظيجج يابنت الحلال

 

[جادل سبيع]

انتي بعد غلطانه تركتي صلاتك ليش حبا فيه يعني والا شايفته قدوه؟؟؟؟؟؟؟؟؟؟؟

اقري البقره وشغليها بالبيت واستغفري وصلاتك صلاتك والله مالك فالوحده غير مناجاة ربك هو الرحيم فيك لا اخو ولا زوج ولا غيره اذا اقبلتي على ربك اقبل عليك واذا اعطيتي الدين ضهرك عطاك ربي ضهره ولا لك من عقبه معين......

زوجك وريه العين الحمرا هدديه اذا مد ايده عليك قوليله بكسر اصابعك وايديك كلها بكسرها واذا سواها من جديد حطيله مخدر بعصير واربطيه ولي قعد كسري اصابعه بمطرقه وعوريه بايديه واطلعي من البيت وارفعي عليه قضيه والبيت اللي اهو ساكنه بتطلعه المحكمه منه وتسكنينه وتاخذين منه نفقه غصبا عليه واتفلي بوجهه ووجه امه الله لا يردهم..

لا تخافين ماراح يشتكي عليك لان بيستحي ايقول زوجتي صدقيني هالاشكال العني بو خيرها تركض وراك واتفلي بوجهها يعتبرونك محسنه لهم ....

حركة كسر الاصابع عجبتني من مسلسل تابعته بس جد حركه ماتسويها الا مقهوره لحد الجنون وانتي مابقى شييء الا وشفتيه شتبين اتشوفين بعد..

 

[modern]

ليش ساكتة؟؟؟!!!!!! لازم تحطينله الحد و اصلا من تصرفاتك معاه عرفت انك صغيرة لان سوري اذا رح اذيكي بكلامي بس ما في اي شخص واعي و محترم نفسه يعيش مع هالانسان و لاتفكري انك بالطيب تقدري تسوين منه انسان محترم و يحب عيلته.انا لو مكانك اسوي تقرير طبي اروح مخفر اسجنه مو لانه ما احبه بالعكس زوجي و ابو عيالي بس هو غلط وايد و لازم يعرف الله حق و هو يقرر اما يحترمك و يكمل حياته معاكي او يطلقك و حيكون اسعد يوم بحياتك صدقيني.و النقطة الثانية انتي قلتي بلسانك ان ما لك احد يوقف جنبك زين شلون تعطيه ذهبك و اذا دار الزمان عليكي من وين تعيشين؟؟؟!!!!

 

[أم وليد الشمري]

ياااااااربي ......
إنتي بايعه عمرج (أمانه هذا واحد يتعاشرر)
حبيبتي .... الي ما له أب له رب
خليه يولي شتبين يسوي فيج أكثر من جي
حبيبتي سكتي من أول أكيد بيزيد وهذي نتيجة تحملج
في ناس ما يصير تتحملينهم لأنهم وقحين وحقارة
الله يصبر قلبج ويصلح حالج
وصلاتج لا تتركينهااا .... ؟؟؟!!

 

[الجوهره الغاليه]

اللي شدني العنوان كاتبه افكر بالطلاق ليش انتي ماتحبين نفسج قولي بتطلق هذا مجرم حرب

 

[مـزآج ــــية]

وااي عووورتي قلبي
شلوون متحملة كل هذا و تقولين تحبينه!!
حسبي الله عليه هذا مسوي لج معتقل مو بيت شنو هالاهانة و سوء المعاملة
و الله حسيت نفسي اطالع مسلسل مو قصة صجية
لا تنزلين من قدرج الصراحة هذا انسان لا يطاااااق
ردي لصلاتج و ذكري ربج و شنو لو تطلقتي منه و الله انه فرقاه عيد

 

[ترانيم القصيم]

صحة حديث أبغض الحلال عند الله الطلاق

سئل فضيلة الشيخ محمد بن صالح العثيمين:
ما صحة حديث أبغض الحلال عند الله الطلاق ؟

الاجابة:
الحديث هذا ضعيف ، لأنه لا يصح أن نقول حتى بالمعنى "أبغض الحلال إلى الله " لأن ما كان مبغوضاً عند الله . فلا يمكن أن يكون حلالاً . لكن لاشك أن الله سبحانه وتعالى لا يحب من الرجل أن يطلق زوجته ، ولهذا كان الأصل في الطلاق الكراهة ، ويدل على أن الله لا يحب الطلاق لقوله تعالى في الذين يؤلون من نسائهم قال : -(لِلَّذِينَ يُؤْلُونَ مِنْ نِسَائِهِمْ تَرَبُّصُ أَرْبَعَةِ أَشْهُرٍ فَإِنْ فَاءُوا فَإِنَّ اللَّهَ غَفُورٌ رَحِيمٌ(226) وَإِنْ عَزَمُوا الطَّلاقَ فَإِنَّ اللَّهَ سَمِيعٌ عَلِيمٌ)- (البقرة:226،227) ، ففي رجعوهم قال : -( فَإِنَّ اللَّهَ غَفُورٌ رَحِيمٌ)-(البقرة: من الآية192) ، يعني الله يغفر لهم ويرحمهم ، وفي عزمهم الطلاق قال : -( فَإِنَّ اللَّهَ سَمِيعٌ عَلِيمٌ)-(البقرة: من الآية227)، وهذا يدل على أن الله لا يحب منهم أن يعزموا الطلاق . وكما نعلم جميعاً ما في الطلاق من كسر قلب المرأة ، وإذا كان هناك أولاد تشتت الأسرة . وتفويت المصالح بالنكاح ، ولهذا كان الطلاق مكروهاً في الأصل (1) .

(1) فدروس وفتاوى الحرم المكي ، للشيخ ابن عثيمين جـ3/ص260.

 

[عـِرۈۈق قلبــه]

أهوو يقولج أنتي مرريضه
ليش أنتي شنو فيج ^

و أنتي قلتي متزوجين عن حب
يعني يعررف عنج كل شئ ؟
الله يسهل امرك ويفرج كربتك وربي قطعتي قلبي

​

 

[جلكسيه اس 3]

انصحج اتردين لربج
و هذا الحل الوحيد
و زوجج اذا تقدرين على يوم اشتري كاميراه و ركبيها من وراه
و لما يطقج بتكون دليل قوي و اهني بتاخذين كل احقوقج
بس ماكو قضيه بلاش وانتي مشكلتج ما تشتغلين من وين بتدفعين
و الله يعينج و يهديه

 

[قلبي يتبعك]

الله يكون في عونج