نادي التصوير % صور المبتدئين % مرحبا بنقد خبيراتنا

[supermarket]

مرحبببببببببببا



بكل عضوات نادي كويتيات لهواة التصوير الفوتوغرافي


و


خبيراتنا العزيزات


و


محبي التصوير الفوتوغرافي


و


حبيباتنا زائرات النادي


خصصت هذا الموضوع لكل مبتدئة حابة تحط صورها للنقد من قبل الخبيرات من اجل صورة احلى في كل مرة


وراح احط صوري اللي صورتهم بما اني مبتدئة وراح يقيموني الخبيرات وتقولون كل اللي بخاطركم ترى ماراح ازعل

بالعكس راح استانس لاني راح اكون احسن بالمرة الياية

ولو انه وناسة مخلطة بشوية حزن ( يعني البرطم مقلوب لي تحت ) بس ماعليكم مني

راح ابتدي بصوري بانتظااار مشاركاتكم


:eh_s(17): :eh_s(17): :eh_s(17):

 

[supermarket]

راح تكون الصور مرقمة للتسهيل




الصورة (1)




الصورة (2)



الصورة (3)



الصورة (4)



الصورة (5)



الصورة (6)



الصورة (7)



الصورة (8)

 

[AnNOiA]

أبي أشارك في النادي و أكون عضوة جديدة فيه....

 

[Harmony]

ويييه يا حليلج يا سوبرماركت و مبروك باكورة الانتاج

 

[Harmony]

اوكى بنوتات و خبيرات بحطلكم بعض صور رحلة هولندا

الصورة الأولى

ّّّّ

الصورة الثانية

الصورة الثالثة

الصورة الرابعة

​

ان شاء الله يكونون عجبوكم و يالله يالخبيرات عطونا نصايحكم و نقدكم​

 

[Layz]

السلام عليكم و رحمة الله و بركاته =)

شنو البرنامج اللي تستخدمينه عشان تكتبين اسمج عالصور ؟

و بصورة الكيك و العطور أتوقع لو نزلتي الكاميرا على مستواهم تطلع أحلى =) ..

و لا تصورين بالأوتو على طول إلا حق اللقطات اللي ما تتطوف =) ..
و لا تشبين الفلاش ..

و موفقة ..

 

[supermarket]

هارموني شلون تحطين توقيع بالصور؟؟

مس يلوو قاولي صوري بالاوتو لما تاخذ ايدج على الوضع

وشلون ما استعمل الفلاش!! الطريقة

وشكرا للاول نقد استفدت منه

 

[supermarket]

أبي أشارك في النادي و أكون عضوة جديدة فيه....

يالغالية تلقين رابط النادي بتوقيعي

وحياج الله معانا

 

[Harmony]

و الله يا سوبرماركت انا استخدم برنامج ادتنج من طقة فوتوشوب بس شركة ثانية بس كلهم واحد لووول المهم انا افتح الصور فيه و اصغرهم علشان اعرضهم للنت و احط عليهم التوقيع

شرايج عاد بالتوقيع ترى تصميمي :eh_s(6):

اييييييييي وشرايج بتصويرى بعد

انا عجبونى ملوتج الصراحة احلى من ملوتى اول ما بديت :eh_s(15):

 

[supermarket]

اييييييييي وشرايج بتصويرى بعد


الصراحة شي حلو كفاية انها هولندا


انا عجبونى ملوتج الصراحة احلى من ملوتى اول ما بديت :eh_s(15):


وي يااابعد عمري رووووووووووووحي عسى ربي يفتح لج كل ابواب الخير قبالج
قلبي نقز من مكانة يوم مدحتي صوري مقارنة مع صورج كبداية :eh_s(20):

وهذا يعني يطلع مني شي :eh_s(22):

مااااااااااااانحرمشي من كل خبيراتنا عسى ربي يكتب لهم كل خير

 

[جاي وحليب]

السلام عليكم..

اول شي حبيت اشكرج سوبر ماركت على الموضوع .. وان شالله نستفيد مع بعض

وحبيت اقولج ترى انا من امس شايفه الموضوع بس اجلت الرد لليوم علشان الوقت .. وافيدج باللي اقدر عليه ان شالله..
ترى اللي راح اقوله مجرد نصايح يمكن قالوها لي في بدايتي.. والنصايح هاذي مثل مافادتني حابه اوصلها لج علشان تفيدج .. يعني بدون زعل والتطبيق مع الاخذ بالنصايح هاذي راح يكون احلى واحلى ان شالله..
وانا موخبيره ولا شي.. بس تعلمت اشياء من النت ومن الممارسه..

عجبتني فكرة الترقيم ارتب واحسن .. مشالله شكلج مرتبه انا احب الناس اللي جذي يبردون القلب :eh_s(17):


الصورة 1
ماادري ليش مااشوف الكلام واضح..يمكن لو قربتي او صورتي جزء من الشاشه يطلع اوضح .. يعني لاتاخذين الشاشه كلها.. نصيحة دايماً جربي اكثر من صوره بزوايا مختلفه للشي نفسه واختاري الاحسن

الصورة 2
اذا ماني غلطانه انتي مستخدمة الفلاش اهني .. حاولي تتجنبين استخدام الفلاش عالاقل حالياً لمى تعرفين تتحكمين بقوته وجذي يعني لما تبدين تصورين على اوضاع ثانيه غير الاوتو..
ليش؟
لان الفلاش من قوته مرات تطلع عندنا بالصوره بقعه ساطعه منه
والسبب الثاني انه الفلاش يصور الشيء وبنفس الوقت يطلع له ظل قد يخرب الصوره مرات..
بصورتج هاذي ليش جنطة الكاميرا ماطلع لها ظل مع ان الخلفيه لونها فاتح.. اتوقع لان الخلفيه اللاب توب.. والماده الفضيه هاذي ماتعكس، لاتنشر الاضاءه.. وعلى فكره انا مرات استخدم لاب توبي خلفيه بس لاتقولين حق احد:eh_s(3):

يعني نفس هالصوره .. الخلفيه اهي لاب توبي!

3 + 4 + 5 + 6 + 7 + 8
كـ تجارب اولى .. حلو ..

4 .. اتفق مع مس يلوو على ان جربي تنزلين الكاميرا لمستوى الاكل
كاميرتج فيها شاشة تتحرك حركي الشاشة معاج وشوفي الصوره بزوايا مختلفه مومعتاده..
جربي افكار يديده .. موالا تطلعين التكوين او العناصر كامله ..
الطاوله عليها كوبين وكيكتين.. جربي حطي الكوبين ورا بعض ويمهم كيكة مثلا .. وشغلي الفوكس .. علامة الورده .. بالضغط على السهم اللي باتجاهها
وكذلك لعدم تشغيل الفلاش ضغطي على الدائررة لي فوق صوب علامة الفلاش ويطفى وجذي...

علامة الوردة(focus) شنو فايدتها ؟
انها تركز على عنصر معين .. ويكون اوضح نقطة بالصوره.. والباجي يصيرون مو بهالوضوح لا اقل .. بحيث انج اذا تبين تبرزين عنصر معين بالصوره تستخدمينها وبجذي راح تروح عين المشاهد على طول على الشيء اللي مركزه عليه...

6 + 7 .. مستخدمة الفلاش بعد اذا ماني غلطانه..
جربي نفس طريقة الكلونيه بس باضاءه طبيعيه
لاتشغلين الفلاش .. خليج يم الدريشه والشمس ماغابت وصوري



امبيه ردي شطوله! سامحيني :eh_s(22):
بس والله ودي انج تشقحين على طول وتصيرين محترفه :eh_s(20):



هارموني .. عندي لج بس جم نقطة ودي اذكرها..
بس الحين لازم امشي بليل ان شالله لما اشبك..

 

[Layz]

ترى أنا ردي كان عن سوبر ماركت و رد هارموني وقتها ما كان طالع لي !!

ما جاوبتيني شنو البرنامج اللي تحطين فيه اسمج ؟

هارموني .. صورج حلووة بس اللي مخرب عليها انها مايلة ..

 

[جنتي^و^ناري]

ماشاء الله على ردج اختي جاي وحليب

بالنسبة لي معني قليلة التصوير بس نصايحج أعتقد راح تفيد حتى اللي مايعرضون صورهم وبالنسبة للي عارضين الصور فالله يعطيكم العافية ووفقكم للي تبونه

انا مو خبيره بس الموضوع عجبني لأني أحب الصور الحلوه

وشفت بعض صور خبيراتنا في فليكر

 

[supermarket]

السلام عليكم..

اول شي حبيت اشكرج سوبر ماركت على الموضوع .. وان شالله نستفيد مع بعض

وحبيت اقولج ترى انا من امس شايفه الموضوع بس اجلت الرد لليوم علشان الوقت .. وافيدج باللي اقدر عليه ان شالله..
ترى اللي راح اقوله مجرد نصايح يمكن قالوها لي في بدايتي.. والنصايح هاذي مثل مافادتني حابه اوصلها لج علشان تفيدج .. يعني بدون زعل والتطبيق مع الاخذ بالنصايح هاذي راح يكون احلى واحلى ان شالله..
وانا موخبيره ولا شي.. بس تعلمت اشياء من النت ومن الممارسه..

عجبتني فكرة الترقيم ارتب واحسن .. مشالله شكلج مرتبه انا احب الناس اللي جذي يبردون القلب :eh_s(17):


:eh_s(22): بعد قلبي من ذوقج


الصورة 1
ماادري ليش مااشوف الكلام واضح..يمكن لو قربتي او صورتي جزء من الشاشه يطلع اوضح .. يعني لاتاخذين الشاشه كلها.. نصيحة دايماً جربي اكثر من صوره بزوايا مختلفه للشي نفسه واختاري الاحسن

صار معلوم وركز بالمخ

الصورة 2
اذا ماني غلطانه انتي مستخدمة الفلاش اهني .. حاولي تتجنبين استخدام الفلاش عالاقل حالياً لمى تعرفين تتحكمين بقوته وجذي يعني لما تبدين تصورين على اوضاع ثانيه غير الاوتو..
ليش؟
لان الفلاش من قوته مرات تطلع عندنا بالصوره بقعه ساطعه منه
والسبب الثاني انه الفلاش يصور الشيء وبنفس الوقت يطلع له ظل قد يخرب الصوره مرات..


اليوم طبقت بعض الاشياء بدون فلاش على حسب اول نصيحة تلقيتها من مس يلو


علامة الوردة(focus) شنو فايدتها ؟
انها تركز على عنصر معين .. ويكون اوضح نقطة بالصوره.. والباجي يصيرون مو بهالوضوح لا اقل .. بحيث انج اذا تبين تبرزين عنصر معين بالصوره تستخدمينها وبجذي راح تروح عين المشاهد على طول على الشيء اللي مركزه عليه...


الف شكر لج لاني ماكنت عارفة الورد من له :eh_s(3): وراح تشوفينه بتطبيقاتي الياية

امبيه ردي شطوله! سامحيني :eh_s(22):
بس والله ودي انج تشقحين على طول وتصيرين محترفه :eh_s(20):

ردج عسل من طوووله بيخرب ريجيمي
هارموني .. عندي لج بس جم نقطة ودي اذكرها..
بس الحين لازم امشي بليل ان شالله لما اشبك..

الف شكر على كل حرف كتبتيه لي

 

[supermarket]

ترى أنا ردي كان عن سوبر ماركت و رد هارموني وقتها ما كان طالع لي !!

ما جاوبتيني شنو البرنامج اللي تحطين فيه اسمج ؟

هارموني .. صورج حلووة بس اللي مخرب عليها انها مايلة ..

امبيييه سوري مس يلو على بالي تكلمين هارموني لان اسمي حطيته عادي من الفوتوشوب ( بس اعرف هالشي بالبرنامج :eh_s(3): )

لما تنزلين الصورة بالفوتوشوب حطي على حرف T وكتبي اسمج

 

[سبائك]

ماشاءالله ما نقايش معاكم

بس احب اطلع على صوركم

 

[Layz]

لما تنزلين الصورة بالفوتوشوب حطي على حرف T وكتبي اسمج

شكرا عالمعلومة ..
طول عمري أستخدم الفوتوشوب ترى ..

 

[Harmony]

وييييييييييييييييي ما يه دور درسي بعد يالله ناطره تعلمونى <<< تلميذه نشيطه

تسلمين مس يلو تدرين الثنتين اللى تحت ما كنت حاسه انى اميلتهم لانى كنت بمركب لوووووول

بس الاولى مو انا المايله بس كنت بزاويه و ثانية كنت قاصدتها لانى بطلع فيو على جنب يعنى كنت احورف بس بجيك على كل صورى ليكون قاعده اعويهم من غير قصد اسويها و الله مو بعيده على لوووول
تسلمين عمرى على النقد و ان شاء الله راح انتبه لهالنقطه من الحين و رايح

 

[جاي وحليب]

ماشاء الله على ردج اختي جاي وحليب

بالنسبة لي معني قليلة التصوير بس نصايحج أعتقد راح تفيد حتى اللي مايعرضون صورهم وبالنسبة للي عارضين الصور فالله يعطيكم العافية ووفقكم للي تبونه

انا مو خبيره بس الموضوع عجبني لأني أحب الصور الحلوه

وشفت بعض صور خبيراتنا في فليكر

هلا اختي.. حياج الله ..
اتمنى الكل يستفيد والله .. وانا مثل ماقلت ماني بروفشنال بالتصوير
بس اتمنى اني اوصل لهالمرحله

الخبره تيي مع الايام ماعليج .. اذا انتي تحبين الصور الحلووه وتتطلعين عليها.. معناته الاخت عندها نظره فنيه حلوه ..
>>شرايج باللي تحلل الشخصيات بس :eh_s(20):

لا جد .. اذا ماعندج كاميرا ديجتال .. بموبايلج جربي وصوري وشوفي ميولج للشغله اذا حبيتيها اكثر واخذتي عليها .. نمي هالموهبه ليش لا...

عموماً .. وجودج بينا يفرحنا ولاتقطعينا .. يمكن تستفيدين من سوالفنا وملاحظات البنات .. وتنضمين للنادي على يوم:eh_s(9):


====

الف شكر على كل حرف كتبتيه لي

حياج الله .. اهم شي الاستفاده .. وانا قلت لج من الاول بدون زعل ..
النصايح اللي نقولها والملاحظات كلها من باب التطوير .. والافاده
ابداً موبقصد التجريح.. احنا خوات بالمنتدى ونعين ونعاون باللي عندنا

اهم شي الحين عرفتي الورد من له؟ هههه
يالله نبي نشوف تجاربج للورد.. حاولي تصورين شغله بحيث انج تحطين العنصر وتركزين عليه بالورده والخلفيه تكون فيها اشياء يعني موخااليه لكنها بعيده عن العنصر الاساسي ..ليش؟؟
علشان يصير العزل اللي نبيه والمطلوب من الورده هاذي بشكل ملحوظ..


====

ماشاءالله ما نقايش معاكم

بس احب اطلع على صوركم

ااوخ سباجه عندنا .. ياهلا ياهلا..
طلتج علينا تشجعنا .. ومايندرى يمكن بيوم تفاجئينا تقولين لنا حبيت التصوير وابي اصير نفسكم .. وتنضمين للنادي :eh_s(1):

 

[SabaQueen]

هلا سوبر ماركت الخبيرة جاي كفت و وفت بالرد عليج
آنا رأي عن الصور كبدايه حلوه بس يبيلج تغيرين الزوايا بالتصوير
و ما تخليف فرااغ بالصوره بحيث يشوش على الموضوع الرئيسي عندج ..
و ياليت تطلعين تصورين بره احسن بالإضاءة الطبيعيه و المناظر الحلوه ،

بالتوفيق