نبيك الأفضل ...بالشهر الفضيل...

[ROSIE]

لوووو شلونك
ريجيم تمام بس يوم اوف ولهانة على اكل تونسي شوي احس بجو رمضان حين اطالع قناة تونس ولهت على ادان قريب عندهم افطار وهنا 20.45 اي ساعة افطار بالكويت?

 

[BiiShOoO]

انا تماام روزي الاذان عندا ست و 20 تقريبا

 

[ليمونه79]

مرحبا بنات اشلونكم انا اليوم رحت لموعدي مثل ماقلت لكم اني نازله بس نص كيلو وحدي متضايقه وعطتني رجيم رمضان والحمد لله اليوم ملتزمه بالرجيم ماخربطت ومشيت نص ساعه وعلى القاري 20 دقيقه و10 تمارين بطن وبس والله كريم باي

 

[Loving Stella]

علينا وعليج وعساج من عواده وان شاء الله يجي رمضان الجاي واحنا عصاقيل يارب:dddds:

يارب :0bee2e8d89: الله كريم و تقبل الله منكم الصيام

روزي شلونج حبيبتي .. منا و منج حبيبتي ها شلون الاجواء الرمضانيه هناك الله يعينكم 9 الا ربع يأذن ..و عليج بالعافيه الفطور :ggdw:

علياء و ليمونه و كويتيه و لوو مبروك النزوووووول و حق كل البنات الي نزلو مبروووك حبايبي

انا من بدا رمضان نزلت يمكن كيلو ونص الحمد الله :ada: بس الي مضيق خلقي اني ما تحركت

 

[BiiShOoO]

اهليييين ستيلا حتى انا ما تحركت غير حركة الدوام

احس ما ارد من الدوام لا رادة من نادي من اللوية الله يعينه بس

 

[عليـاء]

فديتكم بنات شلونكم
احس فيني كتمة - من خذت هالحبوب

مبروك ليمونة النزول واستمري فديتج
انا اليوم مشيت اربعين دقيقة قبل الفطور ,

بنات عندي مشكلة أبدأ يومي أحس من الزين هههههههههههههه
وبعدين أخربها لأن بتجيني الدورة بعد يومين وتوني خذت حبوب عشان أوقفها ماابيها تجيني برمضان
بس حاسة بلوعة من قلب
على الفطور
كلت 3 تمر ومطارة ماي وصليت رجعت أكلت سلطة وست ملاعق تشريبة
بعدين قبل التراويح خربتها شوي بس صليت وتوقفت بعدين جاووا هلي كلت شوي كيكة
والحين توني شربت عصير كي دي دي
وسويت تمارين بطن 50 مرة .

 

[BiiShOoO]

اهلييين علووي شلووونج


انا تمااام


بالعافية على قلبج و يعطييج الف عافية

 

[Loving Stella]

لووو اي لويه الدوام زينه مع الصيام انا اتحرك بداري ساعات مالي خلق امشي اخاف اعطش

 

[Loving Stella]

علووويه الله يتمم عليج المشي وايد زين قبل الفطور و نصيحه لا ناخذين حبوب احس موزينه للصحه الله يحفظج

 

[عليـاء]

روزي
يجنن شكل الكسكسي ماشاء الله عليج فنانة في الأكل
بالعافية عليج

مبروك للبنات اللي نزلوا حبايبي
لووو والله صايرة أخربها وايد بس شكلها من الدورة

 

[عليـاء]

لووو - ستيلا
فديتكم والله
يارب أقدر أمشي على الطول

الحبوب مو حابة افطر برمضان لأن بسبب قولوني مااقدر اصوم
بعدين يعني الحين أنا يالله يالله أصوم
الله يعيني على هالقولون

 

[عليـاء]

بنات خلونا نتفق نمشي كلنا بنفس الوقت
ونشجع بعض .
حتى لو نص ساعة حبايبي

كويتية
وحشتيني وايد
وبالعافية عليج لون شعرج
ويارب تفتكين من سالفة اللاب توب
حتى أنا أبي أنزل 8 كيلو

 

[كويتيهx5]

اهلين لوووو
والله الرجيم تمام ماشي حاله

ستيلا انا تمام والله يسلمج

علويهه ما يوحشجج غالي اي والله ودي يصلحون هلابتوب وافتك انا قاعده امشي يعني حزت الظهر

شدوا حليييكم يالله

 

[FuLL.MooN]

السلام عليكم
بنات مساء الخير
طبعا انا صايرة ما ادري عن النت اسفة على القصور وتقبل الله طاعتكم انشاء الله ...
طبعا سمعتو اللمثل اللي يقول أول ما شطح نطح ...هذي انا ما اعرف عن المطبخ شي واليوم بسوي حلويين لوووووووووول يا ظلمة يا سرايين إذا اضبطو انشاء الله قتلكم
ادعولي
زشلونكم مع الريجيم وزني وناسة قام ينزل كنت 121 الحين كسرنا ال 116 مرة وحدة الحمد الله رب العالمين ....وناسة وزني بالتعش

 

[كويتيهx5]

شلونكم بنات

انا مشيت 40 دقيقه تقريبا

 

[hotchocolatee]

صباح الخيرات هلا والله شلونج
ابي فرن كهربائي صغير من وين وما ابي صيني ولا كوري

صباح الورد ..صدتج :tomato2:... الفرن تلقينه حبيبتي في حولي شارع اللي فيه الرحاب ما اعرف اسمه بس فيه انواع واسعار وايد وشوفي الغانم او اليوسفي ...

 

[عليـاء]

حملة مافات الفوت للبحث عن الرشاقة .

مرحبا بنات حلوات
أنا قررت أفتح حملة مافات الفوت للبحث عن الرشاقة
لأني إذا كان لي موضوع وبمشاركاتكم الحلوة ممكن استمر وتكون عندي إرادة أكثر
الحملة الأولي هذي ماراح تكون الأولى بأبدأها اليوم من 26 - 8 إلى 19 - 9
وبعد العيد يعني خامس يوم إن شاء الله بنبدأ حملة جديدة حتى نوصل للي نبيه .

الحملة تقوم على 3 أنواع ريجيم اللي حابة تتبع أي نوع تجي وتسجل والقلب أوسع من العين يعني أشوف
اللي يناسبني وأمشي عليه حتى لو كل يوم مشيت على نوع إلا إنهم كلهم مكملين بعض يعني مايختلفون كثير عن بعض ..
أهم شي الإرادة يعني الأهم أن مانبي نخربط في الـ 25 يوم

الريجميات كلها موجودة في قسم الأنظمة جزا الله خير كل من كتبها ..
1- ريجيم رمضان
الرجيم هو :

الفطور :
قلاص ماي دافي مع 3 حبات تمر

بعد الصلاة
( 6 ملاعق من أي صنف ) + سلطة سيزر دجاج + عصير كيوي واناناس
بعد ساعة

حبتين فواكة + عصير اناناس وكيوي

بعد ساعتين
مشي 40 دقيقة

السحور : روب اكتيفيا + 3 حبات تمر + عصير كيوي واناناس
مع الحرص على شرب 8 قلاصات ماء كل يوم

2- ريجيم عبدالله المطوع

الفطور :

3 تمرات + قلاص ماي +

كوب شوربة أي نوع ماعدا العدس او كوب فيمتو او كوب لبن قليل الدسم +

6 ملاعق من أي نوع من اكل رمضان مشكله ( جريش – هريس – تشريبه – معكرونه ) + قطعه لحم او سمج او دجاج كبر نص الكف

واذا ماتبين لحم ولا دجاج ولا سمج زيدي 2 ملاعق على ال 6 يصير لج 8 ملاعق من كل الاصناف مشكلة مو كل صنف 8 ملاعق
+ دايت

بعد الفطور جاي الاعشاب

الغبقة على الساعه 9

ككاو وسط او 3 حبات لقيمات او قطايف او سمبوسة او كبه او 3 ملاعق كنافه او صحن صغير جيلي او محلبية او كريم كراميل اللي تبينه بس يكون مقدار 3 ملاعق
ومعاه حبه فاكهه وجاي او قهوة

السحور :
2-3 اكواب سلطه فواكه مشكله + كوب عصير برتقال
او
سلطه يونانية + 3-4 شرائح جبن مالح او حلوم قليل الدسم + 2 ملعقه زيتون شرائح + دايت او ماي

او

نص خبزه سمراء + جبن او لبنه قليله الدسم او بيضه حتى لو مقليه عادي + 5 حبات زيتون + كوب لبن خالي الدسم + 1 فاكهه

او

وجبه من برجر كنج او ماكدونالدز تشيز برجر بدون مايونيز مع دايت

او

2 سيخ مشوي + سلطه + دايت

وهو يقول افضل شي اول اختيار من السحور لان الوقت طويل والجسم يحرق بالدهون

3- ريجيم بدر نصر الله

الرجيم كالتالي:
كل يوم بعد الاذان 3 تمرات + شوربة
عقبها تقومون للصلاة وتقعدون 35 دقيقة ما تاكلون

عقبها:
سلطة + مشوي
او سلطة مع 5 ملاعق عيش او هريس او يريش او تشريب

بعد التراويح:
فاكهة او 3 تمرات مع قهوة

السحور:
1- شوربة + روب
2- سلطة + روب
3- روب + خيار + توست + جبن
4- تفاحة + عصير جريب فروت
5- 1 توست + جبن + خس + خيار + حليب

يوم واحد بالاسبوع يكون اما الفطور او السحور فري اختيار حر و بدون حلويات


ملاحظة:
الرجاء شرب 1/2 لتر ماء اثناء وبعد الفطور


الرياضة
- تمشين أقل شي 15 دقيقة يعني ممكن توصلين ساعة بس الأقل 15
- ضغط للبطن أقل شي 50
- القرص الدوار
- رياضة للزنود بتحريكها

الجسم والوجه
مايمر يوم إلا تسوين ماسك أو تهتمين بجسمج على الأقل كل يوم شي

العبادة وهذا الأهم
- تحاولين تقرأين كل يوم جزء
- تحفظين على الأقل بعض السور القصيرة
- تسبحين الله وتحمدينه بعد كل صلاة
- صلاة التراويح نعتبرها عبادة ورياضة .

اللي حابة تلتزم معاي حياها الله وأنا باكتب يومياتي من اليوم
وباكون موجودة معاكم على طول وباشجعكم ونوصل للهدف اللي نبيه بس نبي التزام مانبي لعب وأكل < قولي لنفسح
الأكل مو طاير بس صحتنا طايرة نخلي هالشي شعارنا على طول .

نحاول بقدر الأمكان نذكر يومياتنا ونشارك بعض في تجاربنا .
الله يساعدني وياكم ونوصل لهدفنا

ملحوظة -
باكون موجودة على طول معاكم إلا فترة الصبح اللي هو للنوم إلى وحدة ونص لأن للحين مافي دوام

 

[عليـاء]

رد: حملة مافات الفوت للبحث عن الرشاقة .


علياء
وزني 78
هدفي أنزل 8 كيلو خلال هالفترة .

بديت يومي بعد النوم
صليت الظهر
قريت جزء من القرأن خلصت الجزء الخامس .
نظفت ويهي باسكنول .

باسوي تمارين بطن قبل الفطور إن شاء الله
باجيكم بعد الفطور وباكتب يومياتي ..

يارب نضعف بصحة وعافية ..

 

[_zahra]

السلام عليكم بنات شلونكم؟

مشكلة رجيم برمضان ان ما ناكل الا وقت واحد وهمن نشتهي كل شي

انشالله عاد السبت اكون نازلة ولو كيلو هذا بالبداية ,,الذورة ما خلتني التزم بالرجيم,,انا امس مشيت 9 الا ربع نص ساعه عالجهاز بالبيت و صج يملل بس شسوي ,,تعويض عن جو برا

 

[_zahra]

هلا لوو و علياء و روزي
شلونكم,,شنو اليوم الاربعا؟ نبدي نسجل اوزانا؟؟؟