هل انتي بالتسعين؟؟ حياج تعالي ننزل لي الثمانين

[dnyay_mll]

اهلين منجزه لاتحاتين بعد الدوره باسبوع بينقص وزنج لان السوائل تكون محبوسه بالجسم حاليا وتسبب زياده بالوزن
انا زدت كيلوين من الدوره ومكمله دايت بس اول ثلاث ايام من الدوره ازيد السعرات الحراريه
منجزه صح الماي الدافي مفيد للكرش بس اذا ضفتي له عصرة ليمون او مرقدوش
بنات مفكره اسوي ريجيم كيميائي بعد الدوره
يوم فواكه وخضار ويوم منتجات الالبان ويوم فواكه وخضار ويوم منتجات الالبان ويوم بروتينات شرايكم فيه

 

[غارقة بأحزانها]

بنات مادري شفيني مو قادة امسك نفسي
مع ان هدفي قوي شوفو صارلي تقريبا شهرين ولانزلت غير 5 كيلو
ابي لي نهاية شهر 5 عالاقل نازلة عالاقل 15 كيلو غير الخمسة اللي نزلتهم
اهئ اهئ

 

[dnyay_mll]

مساء الخير
غارقه حبيبتي مفروض بهالشهرين تكونين مطيحه 15 كيلو لان احنا اوزاننا كبيره وسهل ينزل الوزن
من باجر مسكي نفسج الاكل والحلويات والمطاعم والخرابيط ماراح تطير من تضعفين بتاكلينهم ومايمنع بالاسبوع مره تاخذين وجبه فري اكلي فيها اللي تحبينه
انا شقول عيل اللي الكورتيزون ذابحني وماينزل وزني بسرعه بس مستمره ومايأست
اذا مو قادره اتبعي نظام مع دكتور تغذيه
روحي حق عبدالله المطوع او حسين دشتي او ميري

 

[غارقة بأحزانها]

اي والله من باجر باذن الله ببدي وايدي بيدكم ان شاء الله
وشجعوني وزفوني وكل شي تقدرون تسوونه سووه حتي لو تدزولي رسايل خاصة
زف زف زف 
خلوني اتعقد من نفسي

 

[سأكون مُنجِزة]

اي والله من باجر باذن الله ببدي وايدي بيدكم ان شاء الله
وشجعوني وزفوني وكل شي تقدرون تسوونه سووه حتي لو تدزولي رسايل خاصة
زف زف زف 
خلوني اتعقد من نفسي

غاااااااااارقة بالرشاقة والوناسة والحب

حبيبتي بإذن الله راح تنزلينهم

و بإذن الله توصلين للنجاح

ما راح نزفك

بس راح أقولك اصبري كلها كم شهر صدقيني

و راح تشوفين نفسك أصغر وأكثر صحة و رشاقة

وايد بحياتنا كلينا

شو فيها لو صبرنا شوي

الرجيم هو أكثر شيء الي لما نصبر فيه

بتبين النتايج فيه بشكل سريع وجبااااااااااار

يلا الغالية شدي الهمة والحيل

وكلنا ويااااااااااااااااااااااااااااك بإذن الله​

 

[غارقة بأحزانها]

حياتي والله منجزة
وانتي بعد دنياي ملل ماقصرتي
وانا اليوم الحمدلله ملتزمة وعندي ارادة

 

[dnyay_mll]

اهلين بنات
عفيه عليج غارقه شدي حيلج واحنا وياج حبيبتي
اليوم لبست توينز وبدي ماكانو يدشون فيني ولبست كعب وانا من زمان مو لابسته الحمدلله حلو هالشعور ومكمله دايت يا انا يا هالشحووم
والحمدلله لقيت الشاي الابيض بلولو هايبر
بنات انصحكم لوجه الله جربووه وادعولي
بنت خالي واختي الكبيره صايرين غزلان ماشاءالله من الشاي الابيض وحبوب السيبوتريم
بس انا انصحكم توخرون عن الحبوب ونضعف ضعف طبيعي افضل والشاي الابيض ترى يحرق الدهون حررق ويشيل البطن والكرش

 

[غارقة بأحزانها]

يزاج الله خير علي هالمعلومة
بس سؤال خواتج وين لقوا السيبوترم
صارلي شكثر ادوره لدرجة اني دزيت ناس مصر
بس قالوا اهم وقفوا تصنيعه لان خطر
واذا عند التاجرات هني بجم يبيعونه؟؟

 

[غارقة بأحزانها]

انا الحمدلله ملتزمة بالريجيم ويارب اضعف خلال شهرين واوصل الوزن اللي ابيه

 

[سأكون مُنجِزة]

هلا حبيباااااااااااااتي

الحمدلله ملتزمة بالبرنامج

بس تعبت أمس واليوم وما سويت رياضة

لكن مواظبة على برنامج الرجيم

وبعد على شرب الشاي

والماي الدافي

وأكياس الاعشاب

باااااااااااااااكر مييييييييييييييزاني وادعوووووووووووولي حبيبااااااااتي

ما كنت أعرف ان فيه شاي أبيض بعد

معلومة جديدة هذي

بروووووووووووووووووح ادوره

أنا مثلك يا دنياي املللل

هالفترة صرت ألبس ملابس عمرها عندي سبع سنوات

بس قبل كنت لابستهم مرة او مرتين

وما هانوا عليي أقطهم

عندي عباة عمرها سنة ما لبستها كثير

والحين طلعتها لا وبعد واسعة عليييي

الحمدلله

موااااااااااااااااااظبين للقضااااااااااااااااااااء على الدهوووووووووووووووون


دعواتكم

أبي أتخلص

من الشحم

و الكرشة

وهالبلاااااااااوي

ساااااااااااااااااعدني ياااااااااااااااااااااااارب​

 

[dnyay_mll]

هلا غارقه والله مادري من وين خذوه انا شايفه بنات بالمنتدى يبيعونه بس ما انصحج فيه والله خطر انا خذيته يومين وماقدرت اتحمله كلش سوالي صداع مو طبيعي وخموول الافضل منه ريدوكتيل ولو ان هذا نفس الطريقه يسد الشهيه بس عالاقل ريدوكتيل طبي وماتقدرين تاخذينه الا بوصفة دكتور
هلا منجزه وانا بعد مستمره عالريجيم وبكمل ان شاءالله لما اوصل الوزن اللي خاطري فيه والله يفرح قلبج باجر بالميزان ان شاءالله تكونين نازله وايد وتبشرينا

 

[غارقة بأحزانها]

هلا بنات
دنياي ملل انا مجربته اول وناسبني حيييل
بس انقطع من السوق
وبالنسبه حق الردكتيل هم بعد سحبوه من الصيدليات
وانا الحمدلله ان شاء الله ما احتاجه
عندي ارادة بس زيادة الخير خيرين

بالنسبه حق يومي
الصبح
كليت روب مع بذر كتان
وشربت قلاص ماي
الضحى
ماي فقط
الغدا
شربت ماي
تبوله من دايت كير
٦ حبات شيش طاووق

العشا باذن الله راح يكون روب مع بذر كتان

 

[dnyay_mll]

بالعافيه غارقه
ماشاءالله عليج يومج حلو لو تستمرين جذي بتضعفين بسرعه ان شاءالله
بس دخلي الشاي الابيض مرتين باليوم او الشاي الاخضر 3 اكواب باليوم
صدقيني بتضعفين بسرعه
انا غداي ماكليت الا شوية شوربه
العشاء خذيته فري مع خواتي وحليت بعدها
لان صارلي اسبوعين ماخذيت يوم فري

 

[غارقة بأحزانها]

عليج بالعافية دنياي ملل

وان شاء الله يارب استمر واشوف نفسي ضعيفونة
مع ان عمري ماشفت نفسي طول عمري مربربة ههههه

والاعشاب هذي رغم اني احبها بس مادري ليش اتعييز اشربها

واليوم باذن الله راح يكون يومي

الريوق
٢ بيض مسلوق
ماي

احاول بعد نص ساعة اشرب اعشاب
او جاي اخضر

الغدا
سلطة وروب

العشا
روب مع بذر الكتان

واذا يعت بين الوجبات باكل تفاح اخضر*

 

[dnyay_mll]

بالعافيه غارقه
اليوم ماتريقت ولا تغديت
تعشيت مع الاهل متيمعين عندي كليت شوي من اكلهم وبعدها كوبين ونص شاي ابيض وهذا يومي

 

[غارقة بأحزانها]

صباح الخير
بنات باجر الميزان صح؟؟

معدتي تعورني

اليوم ان شاء الله بيكون ريوقي
روب مع بذرة الكتان

الضحى
تفاحة خضرا

الغدا
سلطة وروب

العشا
روب مع بذرة الكتان

 

[غارقة بأحزانها]

وييييينكم بنات

المهم انا غيرت بيومي شوي

عالغدا ماكليت سلطة
كليت شوية مكرونه ٦ قفاش مع روب

والعشا
راح يكون تبوله مع روب

 

[dnyay_mll]

بالعافيه غارقه حبيبتي
بس مو جنه غلط تخلين بذر الكتان من الصبح عالريوق ومرتين باليوم غلط اكليه مره وحده باليوم قفشتين وبالليل يكون افضل
الاحد الميزان بس انا قمت اوزن كل اسبوعين لان الضعف مبين علي بالشكل والملابس اكثر من الميزان
والميزان مايمديني ازيد بوجبتي الا زايده من نص كيلو لي كيلو ويييع جد كرهته
بس شكلي ماشاءالله ضعفانه كل من يقولي زنودي راحت وبطني خفت حيييل وانا شايفه اني ضعفانه من فوق لي تحت ماشاءالله باقيلي هالكرش وشوية بطن وشويه من الارداف ويسير الجسم متناسق وحلو
ان شاءالله مع الاستمرار بالدايت والرياضه كل شي بيتعدل
بنات بشروو لقيتو الشاي الابيض ولا لا
ترى جد نافعني بطني خفت حيييييييل منه

 

[algamar]

ماشاء الله قروبي الحلوين ..

واااصلووا ... انا مخبصه الفتره الي فاتت بس راجعه اقوى بااذن لله

 

[غارقة بأحزانها]

هلووووو
صح والله يادنياي ملل بذرة الكتان شكلهاعافستني
تكرمين قام ينزل مني دم في غير اوقات الدورة مع اني اخذ مانع
انا كنت اقول خرابيط لما قالوا انها تسبب عقم او تخربط موعد الدورة
بس الظاهر صج