ولد صديقتى يتحرش فى بنتى

[ام 4 بنات]

السلام عليكم ورحمة الله وبركاته خواتى ابى المساعدة وبسرعة

عندى وحدة اعز صديقاتى احبها واعزها دايم اذا زارتني تيب عيالها معاها ومرة اكتشفت بالصدفة مع انى

حريصة جدا بهالسوالف اكتشفت ولدها يتحرش فى بنتى تحرش جنسي ويات بنتى تشتكى منة انا طبيت

عليهم فجأة لأنى مومن طبعى اخلى عيالى بدون رقابة مثل بعض الحريم الله يكفينا الشر ولا شمسوى

الولد يحاول يحضنها واهى تحاول تفك عمرها ولما شافنى اختبص وصار ويهه احمر وقامت بنتى لصغر سنها

تصرخ علية وتقولى ماما شوفية مايخلينى العب بس يمسكنى جذيةعلما بان عمر بنتى 3سنوات زفيته وقلت

له انى راح اعلم ابوه المشكله صديقتي تزورنى دوم واخاف تزعل اذا قلت لها عن شي ولدهاعلما بأن

عمرة 7سنوات وحيدها دايم تقول وين اخلية اخذ البنات واخلية بروحة وكل مرة تيبه معاها شلون اقولها لا

تيبين ولدك مرة ثانية؟ فيدووووووووونيييييييي( الله يحفظ عيالنا وعيالكم منكل مكروه)

 

[نونو جين]

خوش والله
حبيبتي هذي بنتج وبنتج اهم من رفيجتج
اذا رفيجتج بتزعل كيفها لانه بنتج اذا كبرت واهيه في بالها الشي هذا وتدري انج ساكته عمرها ماراح تسامحج

 

[بــ زايد ــنت]

الله يكون بعونج ..

اممم كلمي صديقتج وما اظن انها بتزعل لانج ما بتتبلين عليه يعني

وثاني شي لا تخلينهم يلعبون بالغرفه بروحهم خليهم معاكم بالصاله جدام عيونكم افضل

واهو كبير مب صغير ويفهم

ان شاء الله البنات يفيدونج اكثر.. والله يحفظ بناتج يا رب

 

[الدم البنفسجي]

الله يعينج حاولبي تفهمينها باول وبعدها اذا افهمت ولا قولي لها بصريح العبارة وان شاء الله ماتزعل منج لانها رفيجتج

 

[ام 4 بنات]

مشكورين والله يجزاكم خير بنت زايد عمرهم مالعبو بروحهم بغرفة اليهال كلهم والخدم بالغرفة

وهو رايح فيها موراد على*

اللى قاعدين خواتة وبناتى والخدامات بس خبرك الخدم لاتيمعوا مايدرون عن شي والله اكشفه وبنتى مو

عارفه شصايروالله انك صاجة يانونو وشجعتيني***

الله يعطيكم العافية​

 

[ReD^FaNta]

كلميها بسلوب حلو لا تسكتين عن السالفة اهم شي بنتج

 

[ام 4 بنات]

حملة اصحوا يامهات

مشكورة منار حبيبتى هذا اللى بيصير ولو انها حيل حساسة من ناحية ولدها خبركم وحيدها

السالفة مدام انها وصلت لبنتى وجدام اللى قاعدين باكر مايندرى شبيصير اى وحدة حصل لها نفس

هالموقف خل تقولى شلون تصرفت لأنه موضوع صراحة الواحد لازم ياخذ الحذر فيةواللى تقرا موضوعى امانة

عيالك برقبتك ترى الشيطان شاطر اصحوا يأمهات اصحوا

الله يحفظهم ويخليهم​

 

[ام 4 بنات]

حملة اصحوا يأمهات

اصحوا يأمهات عيالكم امانة​

 

[أم الولد]

أختي الله يحفظك أنتبهي لبنتك لا يصير فيها عقده نفسيه هالشغلات تروح العقل الباطن وبعدين تطلع أوتأثر بشكل سلبي على حياتها
خلج مع بنتج وحاولي تفهميها شوي شوي أن اللي يسويه غلط
لا يتمادى عليها
أكثر
الله يحفظهم من كل سوء

 

[سفيرة العشق]

حبيبتي ايهو الاهم عندج بنتج ولا زعل رفيجتج؟؟

رفيجتج اذا هي مرة فاهمة بتتقبل الكلام منج وخير ياطير حساسة

اهم شي بنتج لاتتعقد لمن تكبر

او انكم تخلينهم يلعبون جدامكم عشان اذا صار شي

تشوفة بعينها ...وذيج الساعة ما راح تقدر تقول شي

 

[softlady]

هذا من وين متعلم ؟؟

كلميها لا تسكتين

ووخري البنت عنه دايما

 

[ii DareeN ii]

شوفي الصديق بهالزمن نادر وانتي تحبين صديقتج واكيد يهمج ولدها مثل ماتهمج بنتجى كلميها طلعي وياها وكلميها مو عشان توخرة عن بنتج لا عشان يتعالج لان هذا مرض باجر ممكن يسبب لها مشكلة ويا اهلها عندهم بنات ولا ويا اي احد غيرج كلميها بهدوء على سبيل النصح واذا ماقتنعت كيفها الزم ماعليج بنيتج ترا اليهال يتعقدون ويضل هالشي بذاكرتهم والياهل مايسوي جذي الا اذا شايف جدامة مو مني والطريج

 

[ANGELICA]

شدعووه يبنات كلكم شيشتوها

الامور ماتنحل جذي

انتي قلتي انه طفل بو سبع

موشرط يكون قاصد اللي انتي ظنيتيه
الاطفال بمثل هالعمر ماعندهم الا التقليد..تلقينه شايف منظر بالتلفزيون او بالبيت مثلا وقام يطبقه
ماظن فيها شي لو حاجيتي رفيجتج..وقلتيلها عن الموقف مو اهي رفيجتج كلوز؟؟ اكيد بتستوعب الموقف
قوليلها يوخيتي دير بالج او سأليها الولد يشوف التلفزيون بروحه<خلي مدخل الساالفه جذي
مو مثل ماشيشوج البنات
عادي الموضوع
عقب قوليلها جيكي اخاف فيه قنوات شينه
ولدج كله يحضن فبنتي دشي عليها من باب الضحك عشاان ماتنرفز او تنصدم منج وتنحرج

عقب اقلوبوها حوار جدي عشان توصلون لنتيجه

ترى الاطفال بهالعمر مايدركون مجرد تقليد

وحلو ماشاء الله عليج حريصه وواعيه

يليت كل الامهات جذي

مو خامده طول الوقت ولاتدري عن عيالها

 

[فطفط نجد]

اولا حااااااولي تحاكينها بهدوء والله ماتزعل وهذي بنتج اهم شي

 

[غير كل الناس]

ماعليه هذي سوالف اطفال لا يضيق خلقج بس مره ثانيه قعدي الخدامه عندهم ومو شرط اهو اي احد انتي ام بنات والبنات مسؤؤليه ومنتي ملزومه بهالرفيجه بناتج اهم

 

[ام 4 بنات]

مشكورة على الرد يافطفط نجد وسفيرة العشق وسوفت ليدى وفعلا يأم الولد انا بنتى حيل بيبي موفاهمة شي ولازم

اعلمها وافطنها ان هذا شي موزين وغلط

والله يعطيك العافية يا انجليكا والله راكدة وتفكرين بقعل واسلوبك وايد حلو بس الله بعيد الشر عنكم الموضوع لانة متعلق فى

بنيتي انا ماافكر بعقل دمى فار والله ياجماعة لدرجة انى فكرت بلحظة اقطع عنها

 

[ام 4 بنات]

غير كل الناس ياحياتى الله يشفى مريومه ويخليها وتشوفيتها عروس انا مقعدة 3 خدامات وبناتى 3وخوات الولد3 كلهم بغرفة وحدة وهم قاعد يتلزق فيها ويحضن فيها

 

[NoWay2know]

مو ضروري زيارات بينكم!!!

قعدوا في مطعم.

 

[غزلان]

كلميها بسلوب حلووو وتعذريليهاا
اهم ماعليج بنتج وحاول انج ماتخسرين رفيجتج

 

[القرآن ربيع قلبي]

اول ياحبيبتي لازم تفهمين ان الدنيا اولويات
شي اهم من شي
وبنتج اهم من هالدنيا هذي كلها
بداية كلميها باسلوب ووضحي لها الي يسويه ولدها من حبج وحرصج عليه لا تستمر معاه هالشغلة واهي انشاء الله راح تفهم وتستوعب \
واذا لا سمح الله ظل الولد مثل ما اهو لا والله اتخذي اجراء صارم لان بنتج وسلامتها وسلامة نفسيتها اهو الاولوية بحياتج
الله يحفظ بناتج يارب