ولد صديقتى يتحرش فى بنتى

[الهاشميه]

شوفي حبيبتي اذا يتج رفيجتج ودي بنتج عند وحده من خواتج ولا وديها عند عماتها ولا عمامها وبس ولا تجرحين رفيجتج ولا خليهم يقعدون معاكم

 

[عالي مستواها]

الله يهداج بس

تقولين تحرش توقعت الولد كبير يفهم .. ترا بو 7 سنين صغير بزر

انتي تقولين حاول يحضنها يوم تدشين عليهم .. لو يبي يتحرش جان ما سواها بغرفة معاه خدم وعيال ثانين

الحل حبيبتي أحرصي على بنتج والمفروض ما تخلينها تلعب معاه بروحهم أو يستفرد بوحده من بناتج .. والله هالوقت مادري شلون صاير يوم كنا صغار نلعب مع عيال جيرانا بنات وصبيان تحسين براءة الحين والواحد قام يخاف

بس نصيحة لا تكلمين ام الولد بتحرجينها ترا وما بيدها شي " بهالوقت " طالما السالفة بسيطة مجرد شكوك منج .. حاولي تراعين هالشغلة وكل شي ينحل بعقلانية وبهداوة

والله يديم المحبة بينكم

 

[pretty sarona]

لازم تقولين حق الام ,, خوفا على ولدها قبل بنتج ,, خل تشوف له حل هذا صبي و صغير مو زين هالشي يكبر وياه

 

[رايقة1980]

لا تقولون بو سبع مايعرف

الا يعرف ونص

اصلا يسمونه بالشرع طفل مميز.. وممكن يصير محرم للمرة

حبيبتي

حاولي بطريقة ANGELICA تتفاهمين مع رفيجتك


..

وعندي حل بسيط على قد الحال

اذا بتزورك رفيجتج ودي بناتك عند اهلك او اختك ان كان مافيه صعوبه عليك

مرة ومرة ومرة بعدين بتزورك صديقتك .. بروحها ..

وهي اللي تخلي ولدها عنداهلها


شوووفي

بنت عمتي لما كانت صغيرة تحرش فيها ولد عمتي ( يصير ولد خالتها)

نفس طريقة بنتك
وبعد فترة ... يقول لها امشي نلعب معرس وعروس
وحاول اكثر من مرةة

لين البنت قالت لأمها
وصارت عمتي اذا زارت اختها.. ماتاخذ بنتها معاااها

..


وبعدين فيه حلقة لفوزية الدريع اذكرت ان بعض اطفال الروضة يعرفون هالامور...........


...

 

[روح ابـــوهــأ]

كلميها بهدوء حاولي ماتعصبينها
والله يكفينا شر هالجيل اعوذبالله

 

[Athwaq]

قعديهم معاكم بالصاله العابهم والبلاي ستيشن و اكلهم و حلاوهم كله جدامكم و كان الله غفور رحيم

 

[فساتين فخمه]

يووووووووه الولد صغير مره والله خربتهم هالفضائيات بالغزو الفكري اللي صاير


خليهم قدام عيونكم ولو تمادى خلي امه تشوف المنظر عششان ماتقول تتبلين على ولدي لانها ماراح تصدق فعلاسبع سنين

 

[ام 4 بنات]

اشكر مروركم حبيباتى والله هونتوا على الله يهون عليكم

 

[شآعرة الخليج]

الله يكون بعونج صراحه ...

انا يوم قريت العنوان توقعت عمر الولد 15 \ 18 ماتوقعته يآهل

ياربي حتى العادات السيئه ما سلموا منها اليهآل !!!!

حاولي تتصرفين باسرع وقت قبل لا يصير شي جايد

والله يعينج حبوبه

​

​

 

[Q8ia_100%]

سوري يعني
طز برفيجتج
الزم ما عليج نفسية بنتج لا اتعقد عليج
وبعدين ليش ما قلتي لرفيجتج
قوليلها بالحرف
وي فلانه شفتي ولدج طحت عليه يلم بنتي واهي مخترعه
ترى زفيته مو تزعلين
علشان ما يعيدها
وبس

وان ازعلت رفيجتج زعل بويعل بعد ولدها نزغه
خوفج يلعب بخواته

 

[DKNY]

شوفي حبيبتي حلي الموضوع هذا بدون ماتزعلين صديقتك

يعني كلمي الولد وقوليله عيب انت تجلس مع البنات وتلعب معاهم

واعزليه عنهم

او خليهم معاكم بنفس المكان

او كلمي امه بشكل مزحه يعني لاتحسسينها انك زعلانه يعني ماله داعي تزعلينها على شي ممكن انه ينحل وبسرعه

وهي اكيد بتفهم وبتخليه بالبيت اذا حست انك مو عاجبك هالموضوع

واتمنى اني افدتك لو بشي بسيط والله يخلي لك بنتك يااااارب

 

[.. مـــلاكـ ..]

كلمي رفيجتج مافيها زعل ترا
مصحلة بنتج اهم الصراحة

 

[روح آلمشآعر]

آذآ طحتي عليهم خليهآ آهي تشوف بعينهآ


,

 

[زي العسل]

مافيها شي ولاتلفين وتدورين وخايفه قوليلها بالويه اشكره هذي بنت يفتح عينها على شغلات مالها داعي انتي مثلي اذا رحت عند ناس ساعات ماخذ عيالي واذا يوني الناس والله جني المفتش كونان وراهم وراهم والحريم قاعدين يتقهوون ولا في بالهم باجر ان صار برقبتج وشيفكج من ابوهاا قوليلها حبيبتي ولدج عنده شذوذ ذاك اليوم شفته سوه جذي وجذي لبنتي واذا زعلت ماتشوف شر وبعض الأمهات الله يهديهم مايصدقون شي على عيالهم لو شنو مثل حماتي يخرب ويطق وحركات وسخه وجدامها والكل يزفها وتقول لالا عيالي مايغلطون قهررررررررررر قوليلها ومولازم تيبه معاها كبير 7سنوات او تخلي خواته معاه الحين كل مكان يروحون هالأمهات من سوق لسوق واذا تبي تي بيت الناس تقولج وين اخليه يااسلالام

 

[ضوى العيون]

حاولى تبهين رفيتجج عشان تعلم ولدها هالموضوع غلط ولا انتى كلمي الولد وقولي له هذا الشي غلط

 

[كولوراديه]

مافيها شي لو تقولين لها ترى ولدج سوا لبنتي كذا وكذا وبنتي اشتكت لي وانا شفته و ألزم ما عليج بنتح وماعتقد انها بتزعل لان هالشي من حقج ومنتي غلطانه وبالعكس عشان اهيه تعرف مشكله ولدها و تحلها بدل ما يزيد ويسوي هالشي مع بنات ثانين ليمن يكبر وتكبر المشكله
والله يسهل امورج

 

[Luxurious]

ابدا لا تخلين بنتج معااااااه وقولي لرفيجتج وبطقاق اذ ماعجبها الحجي!بنتج اهم لله يحفظها لج امين

 

[نورة الكويتية]

حبيبتي هذي بنتج وبنتج اهم من رفيجتج

 

[أحبك عبدالعزيز]

ويه ياحليله هذا من الحين كذا

لازم تنبهين صديقك عشان هي تحط بالها على بناتها بعد

الولد يحتاج رعايه وملاحظة

 

[غرور المطيري]

لا حول ولا قوة الا بالله ..

ضروري تتكلمين مع صديقتج بكل صراحة وبأسلوب سمح تتقبل فيه منج الكلام والنصيحة ..

هالموضوع خطير ومو لعبة وممكن تتأثر البنت نفسيا لولا أنها صغيرة بس يبقى أثر في نفسها ..

وصديقتج لازم تعالج موضوع ولدها دام أنه الوحيد والغالي عليها لا تخليه جذي الصغير يكبر على ما

تربى طبعه عليه وبكرة يطلع منحرف في تصرفاته ولد عمره 7 سنين من معلمه على هالشيء ؟؟!!

.. ممكن يسوي ببنات ناس ثانية غير بنتج وما ينتبهون أهلها لها .. حرام والله حرام ..

غير مسؤولية بنتج ؛ مسؤولية هالولد لازم تكون من نصيب أمه ولازم تعرف وتعالجه .