وناستنا في رشاقتنا (( الجزء الثالث ))

[عروووب21]

سلامات سلامات تينا

خطاج السو على قولتكم<<<<مو كويتيه بس تحاول



وماتشوفين شر يارب


بعدين سين سؤال العمليه تعور سهله والا ما تنصحيني فيها

 

[mn.mn]

صباح الخير شلونكم بنات ؟

تينا الحمد الله على السلامة حبيبتي وناطرينج وان شاء الله تردين تلتزمين مرة ثانية

الحنونة شلونج حبيبتي وبشرينا شخبار الرجيم وان شاء الله صرتي احسن من عقب عمليتج ؟

بطبط عاشت والله ام كارز ان شاء الله باجر تستانسين من الميزان وما يضيع تعبج بدون نتيجة ترضيج

فنكية عليج بالعافية الاوف وما شاء الله تبارك الرحمن ربي يتمم عليج وتحافظين على اللي وصلتي له

عروب موفقة برجيم الاندومي وحياج الله بتجمعنا

ستيلا هلا والله ياقلبي شلونج وشخبارج واي رجيم تسوين الحين ؟

---------------------------------------------------------------------------

بالنسبة لي انا الحمد الله ماشية اوكي في فيه نسبة غش امس واول امس بس الحمد الله راضية عن نفسي نازلة عن الاسبوع اللي طاف

اليوم ريوقي كان كورن فليكس وحليب والغدا راح يكون صمونة من كبابجي بشيل اطراف الخبز الزايد مع فتوش ودايت

والعصر سناكي قهوة وككاو وسط والعشا فوااااااااااااااكة وبحاول بعد شوي امشي نص ساعة

 

[mn.mn]

باجر ان شاء الله ماراح احط تقرير

اللي تحب تحط وزنها حياها الله وراح يكون كالتالي :

الاسم :

الوزن السابق :

الوزن الحالي :

الفرق :


والله يعين الجميع

:yaaaaaarb::yaaaaaarb::yaaaaaarb:

 

[ام فجور 2008]

تينا وينج :krkrkr:
الحمدلله على سلامتج :aha:
من من ليش ماراح تحطينه ؟

 

[ام فجور 2008]

من من سؤال كونج انتي خبرة بكل شي هههههههههه
ابي وحدة تحط مكياج حلو ورخيص عندي مناسبة بس وحدة من بعيد تصدقين في بنات يمدحون صالون بعشرة مكياجهم ودي اجربه بس مااعرف اذا بجربه بجربه قبل المناسبه قلت كلها عشرة قلت اجربه واشوف اذا حلو بحط منه
والصراحة انا شفت صورة البنت عجبني مكياجهمم بس بجربهم على ويهي

 

[ام فجور 2008]

بنات شنو تجربتكم مع الجاي الاخضر تحسون انه يفيد ؟
اي نوع تستخدمون ؟​

:icon30:

من من امس سويت شي قاله العبد هههههههههه
اكلت بذرة الكتان البنات يقولون طعمها ماينبلع بالعكس مافيها طعم

 

[mn.mn]

هلا والله ام فجور لوووووووول ليش قلتي انا خبيرة بكل شي لا والله حشى فيه وايد اشياء مالي فيهم خبرة

بالنسبة للتقرير مو قاعدة والله أفضى لا بالدوام ولا بالبيت والبنات مو مثل اول مو الكل يطرش وزنه عاد قلت خلاص نخليها مفتوحة

وبالنسبة للمكياج انا والله اقل وحدة جربتها ب20 واذا انتي عجبج المكياج اللي قلتي جربي الحياة تجارب

شخبارج مع الرجيم ؟

 

[ام فجور 2008]

الرجيم اوكيك نص ونص على قولة نانسي الحين هابه اشرب جاي اخضر صج احس يريحني

وامس اول مرة اجرب بذرة الكتان
من من هذا الي بعشرين حلو ؟
واي صالون انا اثق بذوقج

 

[mn.mn]

بالنسبة للجاي الاخضر مو ذاك الزود حسيت منه فايدة وبذرة الكتان جربتها طعمها عادي مع الروب بس ما ستمريت عليها

 

[mn.mn]

بعد عمري ام فجور تسلمين اي والله حلو شوي واطرش التفاصيل عالخاص

 

[ام فجور 2008]

من من انا الي خلاني اجرب بذرة الكتان العبد ذاك اليوم قاعدة اشوفه باليوتيوب قال عن بذرة الكتان بس العيب الي فيها تطحنينها بنفس الوقت الي بتاكلين فيه يعني مو تطحنينها وتخلينها
والجاي الاخضر الي عجبني كوالتي امس حطيت شوي معاه ميرامية حلو

 

[FuLL.MooN]

السلام عليكم
مساء الخير شلونكم ؟

 

[ام فجور 2008]

مساء النور فل مون وينج يا من طول الغيبات
انا الحين بتريق هههههههههههه توست وجبن وعصير برتقال
وبعد شوي بشرب نسكافيه

 

[mn.mn]

اي صح ام فجور انا كنت اطحنها بنفس الوقت واحطها مع الروب بس مادري الشهر اللي كليتها فيه تخربطت الدورة عندي

مع اني من النوع اللي دورتي مضبوطة ما شاء الله فقلت اخاف منها لان مرة وحدة من البنات قالت انها تأثر على الهرمونات

فل موووووووووووووون هلا والله شلونج وشخبارج ؟ شخبار الرجيم ؟ شخبار الدوام ؟

 

[FuLL.MooN]

من من لوووووووووووووووووول ليش الإحراج الريجيم خلاص انا هديته وخليته لهله ما مني رجى سامنة فوق الكيلوين ... وعادي ماكو احساس ولا اكو تأنيب ضمير
والدوام لالله الحمد الله كراف بس انا ايد احبه
انتو شخباركم ؟

 

[ام فجور 2008]

مادري من من عيل ماكو الا اضل على الجاي الاخضر والميرامية
عاد من من العبد يقول الجاي الاخضر يحرق 100 سعره حرارية زايده هالكلمة لي الحين ترقع باذوني ههههههههههه

 

[ام فجور 2008]

بنات انا الحين اخليكم عندي شغل انشاءالله اقدر اطل عليكم

 

[FuLL.MooN]

1- ااتصدقون ذاك المرة رحت مجمع السندس ... قمصانه مو حلوة عادية بس إذا دورتي عدل اتلقطين عاى 5 دنانير ايونسون .
2- وقالي اللي يبيع إذا عندج بلوزة او قميص يعني حق يهال وعاجبج اسويلج منه حق كبار و على 5 ... وناسة .
3- امس رحت مجمع العدساني من زمان مو رياحتله ... ولا وناسة كل شي فييه شريت الترينغ مخمل ياي على كحلي اب 9 دنانير واهوا اساسا ب 12 توه يايبهم ... لأني بعدج شريت منه بنطلونين حق بيت حق اخوي عمليين حق بيت دوانية على 3 دنانيير ... حدي كيفيت والمقاسات على يف كيفج ترفع المعنويات .. يعني التريتغ اللي خذيته مقاس 2 وفييه لي 4

 

[mn.mn]

ام فجور اي الجاي الاخضر زين بس بدون رجيم ما يسوي شي والله وياج

فل مون ليش جذي حرام انا زايدة 7 والحين رديت مرة ثانية لا تملين ولا تقولين ألقى مقاسي فكري بصحتج وفكري بنفسج بعد 20 سنة

ميخالف ردي ضغطي على روحج وان شاء الله راح تقدرين

انا بعد اخليكم بروح اخلص شغلي لاني بعدين بطلع مع الياهال

 

[FuLL.MooN]

انشاء الله يصيير خير وانا بعد بقوم اصلي تالي عيال اختي وبنت عمتي وعيالها بيتغدون عندي انشاء الله