يالله بنات نبي نضعف ---- منو معانا ؟؟؟ 10/2/2007 تم الاقفال

[بطاطا]

رد: يالله بنات نبي نضعف ---- منو معانا ؟؟؟

بطاطا

وين غطيتي؟

هلا جولي .. سوري و الله ما كملت معاكم هناك ..

امتحانات ذبحتني .. 5 مواد تاريخ مت مت مت مت هالكورس و الله ..

انشالله بعد الخميس امشي عدل معاكم .. ​

 

[dima]

رد: يالله بنات نبي نضعف ---- منو معانا ؟؟؟

masaa2 elkhair o asfa 3ala el ta2kheer

hal esboo3 wazni thabeeet ;/

elyom bs taghadait ceasar salad ma3a diet coke

 

[Maneena Manaana]

رد: يالله بنات نبي نضعف ---- منو معانا ؟؟؟

:eh_s(10): جولي .. اخاف وصلتي الوزن اللي خلااص مالازم انج تنزلين بعد هههههههههههههه

بطاطا... شلوونج ام البطاط لول شخباارج.. موفقه ان شاء الله بامتحااناتج وبرجيمج

ديمة.. يا كثر ما يثبت وزنج لول

الحين الضحى... بقعد اكسر لي بيذان وبشرب عصير

 

[لوكريسيا]

رد: يالله بنات نبي نضعف ---- منو معانا ؟؟؟

شلونكم يا سمبتيكات كويتيات ؟؟؟؟؟؟؟

انا اليوم تريقت : خبز اسمر مع جبنة سلفايد و سلطة
الضحى زرقت قطعة كيكة

الغدا : شوربة خضار
عيش مشخول
دجاج مشوي بالفرن

و الحين منفجعة على pecan danish مالت سارالي ..

و قاعدة احاتي العشا : راح يكون 2 برتقال
كوب حليب
مرق خضار
و يمكن سلطة خضرا

ياربي يا ربي يا ربي ... الله يصبرني على الريجيم

جولي : تسلمين على الدعوة ( الميزان )
:eh_s(22): :eh_s(22): :eh_s(22):

 

[dima]

رد: يالله بنات نبي نضعف ---- منو معانا ؟؟؟

:eh_s(10): جولي .. اخاف وصلتي الوزن اللي خلااص مالازم انج تنزلين بعد هههههههههههههه

بطاطا... شلوونج ام البطاط لول شخباارج.. موفقه ان شاء الله بامتحااناتج وبرجيمج

ديمة.. يا كثر ما يثبت وزنج لول

الحين الضحى... بقعد اكسر لي بيذان وبشرب عصير

loool jad jad a7rajteni ebhaaal kelmaaa !

tara fahamt qasdeeech LOOOOOOL waaay fashlaaa

 

[الطموحه]

رد: يالله بنات نبي نضعف ---- منو معانا ؟؟؟

السلام عليييييييييييييكم يا الرشيقات:eh_s(8):
والله ولهت عليكم شلونكم ؟ ان شاءالله ماشين مضبوط ؟؟

@الرسامه@
تامرين امر بس لا تحاتين ان شاءالله بنصبر افا عليج احنا ما نخون والله احنا خوش بنات:eh_s(6):

jolie_q8
انتي الحين تمرين في مرحلة ((الحران)) قريت عنها ان يكون وزنج ثابت جم يوم حتى لو ما خربطتي بس هاذي شي طبيعي لا تزعلين ولا تتضايقين بس الحل انج تصبرين وخلي نفسيتج زينه واستمري عالرجيم وموفقه باذن الله

ام فيصل
يالغالية اهم شيء سلامتج انا ما جربت الفوتوشب بس يمدحونه المهم ان شاءالله ماتحتاجين له ونصيحتي لج كثري من الماي كلما حسيتي بجوع

New Mum
سلامتج ما تشوفين شر بس كثري من الماء ومثل ما قالت DaBDoBa الجاي الاخضر ينفع بس كثرته يمكن يسبب لج الارق لانه يحتوي على الكافيين

بطاط
شدي حيلج وبالتوفيق بامتحاناتج ان شاءالله

بمبينو و سندريلا
حياكم الله معانا وان شاءالله كلنا نضعف ونوصل للمطلوب
احلى حلم:eh_s(2):

 

[الطموحه]

رد: يالله بنات نبي نضعف ---- منو معانا ؟؟؟

الحمد لله اليوم ماشيه مضبوط بس شوي تعبت

اليوم بس كليت اناناس وبرتقال وجاي اخضر +الشوربه

لاني اليوم مشيت على رجيم ثاني كنت ماشيه عليه قبل سنه تقريبا وضعفت بس رديتهم:eh_s(11): لكن هالمره لالالالا ان شاءالله يمكن كلكم تعرفونه اهو رجيم الحساء

وباجر بس اكل خضره يعني باختصار بصير اصخلة لوووووول بس كل شيء يهون في سبيل الرشاقة

وبالتوفيق يا خواتي الرشيقات:eh_s(7):

 

[Maneena Manaana]

رد: يالله بنات نبي نضعف ---- منو معانا ؟؟؟

بنت الديرة لوووول وين جودي مايزل؟؟؟؟
بس تدرين رجيم الشوربه فضييييييييييع انا سويته قبل جم اسبوع نزلت عليه 6
وصج يعطييج دفعه للأماام.. بس اخذي معاه فيتامينات ...
لول احلى شي البطاطه المشويه اللي باجر
ان شاء الله انا بعد اسبوع او 2 برجع اسوييه مرة ثانيه

قاعده اكتب واكل سلطه احبها بس مالها اسم.. بقدوونس ناعم وفلفل اخضر مقصص صغاااار وكيدني بينز مع خل وليمون وملح من غير زيت

 

[@ الرسامة @]

رد: يالله بنات نبي نضعف ---- منو معانا ؟؟؟

@@

@@

@@

@@

 

[jolie_q8]

رد: يالله بنات نبي نضعف ---- منو معانا ؟؟؟

بالنسبة لي :

ريوقي : سيريال + نص كوب حليب

الغدا : سلطه + 1 همبرجر+ 2 برتقال

وما يندرا عن بعدين


​

خل اكمل لكم باجي المنيو

المغرب : جاي حليب + 4 بسكوتات

العشا : شوربه (كوب) + 2 برتقال

وهذا عشاي مال اليوم ​

 

[لؤلؤية]

رد: يالله بنات نبي نضعف ---- منو معانا ؟؟؟

يومي الرااابع بالكيميائي

ريوقي جبن و...افنديه

غداي تفاااحتين

عشاااي همبورجر مشوي وسلطه...

وبعد شويه بامشي ساااعه

بنات...وزني يوم الجمعه اللي طافت كان 96.3

وميزاااني خليت زوجي يخشششه عني...بمكان ما ادري عنه

( بيني وبينكم فكرت ادووور عليه)

انا من النووع اللي يوزن باليوم 6 او سبع مرااات
...قبل كل وجبه...وبعدهاااااا... وبسرررعه يحوشني احباط

فـــــما راح يسمح لي اوزن الا بعد اسبوووع...يعني يوووم السبت الجاي...او الاحد

خايفه يكون وزني زايد من الدورة...مع اني ملتززززمه بالريجيم حرفياااااااااا​

 

[@ الرسامة @]

رد: يالله بنات نبي نضعف ---- منو معانا ؟؟؟

ياسلااااااااااااااااااااااااااااااااااااااااااام ياجولي


بالصور بعد ؟؟؟؟؟؟؟؟؟؟؟؟؟؟؟


اتصدقين اشتهيت اشرب شوربة

ااااااااااااااممممممممممممممممممممممممممممممممممممممممم


يمي يمي

مشكورة على الصور الحلوة

 

[@ الرسامة @]

رد: يالله بنات نبي نضعف ---- منو معانا ؟؟؟

يومياتي ليوم الثلاثاء


الريوق
صمونة سمرة + جبن ابيض + جرجير

الغذاء
3 ملاعق ارز + ربع دجاجة + سلطة جرجير !!!!!!!! ما ادري شفيني على الجرجير !!!!!!! + شوربة دجاج مع الذرة


السناك
3 حبات كاكاو جلكسي + دايت


العشاء
شابورة + جبن + كورن فليكس + حليب خالي الدسم


قبل النوم
دونت صغيرة (( غصبني زوجي ))

 

[لوكريسيا]

رد: يالله بنات نبي نضعف ---- منو معانا ؟؟؟

بنات بالنسبة لمنيو العشا اللي كتبتها قبل شوي ....... كليت منها بس برتقالة وحدة و شربت عصير مشمش كي دي دي ...

جولي : حلوة طريقة التصوير ...... @@ شرايكم ؟؟؟

 

[سمسميه]

رد: يالله بنات نبي نضعف ---- منو معانا ؟؟؟

اشلونكم مع البرررررررررررررررد واليوووووووووووووووووووع!!
توني راده من عرس وما بقى جلو ما مر جدامي بس صمدت والحمدلله

يومي الثلاثاء
الريوق
بيضه مسلوقه وخحس ونسكافيه

الغدا
همبرجر وخس ودايت

العشا
بيض زمعجون طماط مع دايت

الحمدلله اليوم خذيت اول حبه ردكتيل بس ما لاحظت على نفسي شي غريب انشالله ما يتعارض معاي

دبدوبه
الله يعينكم على البرد انتي باي ديره؟

جولي
حركات

الرسامه
شكرا للتحذير

ام فيصل
جنج انا اوزن باليوم 20 مره!!هههههههه

لوكريسيا
عصير المشمش مو حالي حيل؟

بنت الديره
اي والله انقلبنا اصخول علشان الرشاقه انشالله عاد انييب نتيجه

 

[jolie_q8]

رد: يالله بنات نبي نضعف ---- منو معانا ؟؟؟

ماشاءالله بنات تهبلون على هالصمود

الله يتمم علينا يارب

وصج بس ملينا من المتن

نبي رشاقه وسنع واناقه ​

 

[الغنادير]

رد: يالله بنات نبي نضعف ---- منو معانا ؟؟؟

صبحكم الله بالخير
هلا ومرحبا برفيقات الرشاقه
شخباركم مع الصمود
الله يديم على الصمود طول عمري امام هالمغريات ​

الغدا اليوم سمج فيليه مع سلطه ..يمممكن اكل جم قفشة عيش ويمكن لأ.. يعتمد على الدنااعه لول
..

:eh_s(13): ماتوبين جم مره قايله لج أمشي على نظامج

بعد وصلتي لي الدناعه :eh_s(14):

:eh_s(14): هذي الي ابيج تمحينها من قاموسج شلي كدس هالشحم واللحم غير هالدعانه الي فينا
بل بل بل اما كانت على نفس دنعه من اجوف الاكل انزهق حتى بيد غيري ودي انط واخذه :eh_s(13): <<< هذي عاد حقي :eh_s(13): وبعد وحده

قولي توبه اعيدها هالنوبه :eh_s(3):

لا تعصبين :eh_s(1): استسلم ​

 

[New Mum]

رد: يالله بنات نبي نضعف ---- منو معانا ؟؟؟

صباح الخير رشيقات المستقبل القريب
أم فيصل يعافيج حبيتي
بنت الديره اي والله يبيله ماي بس الجرين تي ما اقدر عليه ينزل ضغطي وانا الله خير كله نازل
جولي ياحلوج يا جولي ما ضحكني إلا البرتقاله قاصتها مليون قصه عشان تحسينها وايد
دبدوبه نو كومنت لول

 

[New Mum]

رد: يالله بنات نبي نضعف ---- منو معانا ؟؟؟

بالنسبه لي الحمد الله ماشيه شحليلي يارب يتمم علي عقلي بس بليل قمت خلاص بموت من اليوع و احس ضغطي نازل جان اترس اللبن ملح و نمت
واليوم مادري شنو بتغدى توني تريقت كورن فليكس

 

[كويتية مملوحة]

رد: يالله بنات نبي نضعف ---- منو معانا ؟؟؟

صباح الخير يا حلوين....
هذة اول مشاركة لي ... صراحة الموقع وايد حلو وشدني خاصتا اني لقيد بنات مثلي جمعتنا رغبة واحدة وهي الرشاقة ..
انا اليوم بديت رجيم طالب الشمري ويبيلي انزل 25كيلو وانشاء الله انزلهم .. مو قالو اول الميل خطوة:eh_s(10): ..
وانشاء الله كلنا نوصل